Lajmi i fundit

Koronavirusi/ Apeli i Çomos: Do t’ia dalim, kemi profesionistë të shkëlqyer që kanë sakrifikuar në shumë epidemi

Aktualitet, Lajmi i fundit, Opinione, Problematika, Shendetesi / /

Ministrja e Shëndetësisë dhe Mbrojtjes Sociale, Ogerta Manastirliu ka publikuar deklaratën e profesoreshës dhe njëherazi shefe e Infektivit, Najada Çomo e cila u bën apel qytetarëve që të qëndrojnë në shtëpi.

“A do t’ia dalim? Po! Ne po bëjmë gjithcka për të shërbyer në këtë pandemi globale. Do t’ia dalim, sepse kemi profesionistë të shkëlqyer që kanë sakrifikuar në shumë epidemi. Ju lutem, mos cënoni punën dhe aftësitë e Shërbimit Infektiv ndër vite. Pacienti është i pari. Ne me të. Vetëm së bashku do të mund t’ia dalim”, – thotë Çomo./atsh

Koronavirusi/ Apeli i Çomos: Do t’ia dalim, kemi profesionistë të shkëlqyer që kanë sakrifikuar në shumë epidemi Read More »

Informacion i përditësuar/ Situata e shpërthimit të koronavirusit në vend dhe në botë

Aktualitet, Lajmi i fundit, Problematika, Shendetesi / /

Ministria e Shëndetësisë dhe Mbrojtjes Sociale informon se gjatë 24 orëve të fundit në vendin tonë janë testuar 145 raste për COVID-19 dhe në total janë gjithsej 298 raste të testuara, prej të cilave 23 raste kanë rezultuar pozitiv për COVID-19.

Nga rastet e konfirmuara me COVID-19: 5 prej tyre ndodhen në spitalin Infektiv në Tiranë (3 rastet nga i identifikuari i parë me COVID-19, një rast tjetër, 31-vjeçari me banim në Tiranë, me histori udhëtimi me Italinë dhe një grua 45-vjeçare nga Rrogozhina, me histori udhëtimi me Italinë). Gjendja e tyre deri në këto momente është e stabilizuar.

Ndërsa 18 raste të tjera që kanë rezultuar pozitiv janë të vetëizoluar në shtëpi pa probleme të veçanta.

Shpërndarja e rasteve të konfirmuara me COVID-19:

Tiranë – 16 raste

Durrës – 3 raste (njëra prej të cilave ka ndërruar jetë)

Lushnjë – 1 rast

Elbasan – 2 raste

Rrogozhinë – 1 rast

Të gjitha rastet kanë pasur histori udhëtimi me Italinë.

Sikundër e përmendëm 5 prej këtyre personave nga Tirana dhe Rrogozhina ndodhen të shtruar në spitalin Infektiv. Pjesa tjetër ndodhen të vetëizoluar në shtëpi. 2 rastet e reja të Durrësit janë pacientë që kanë patur kontakt me spitalin (të ndjerën), por nuk kanë shenja të sëmundjes dhe janë të vetëizoluar në shtëpi.

Lidhur me mjekët dhe infermiërët e Durrësit 50 testet nga kampioni i parë i kryer në Durrës rezultuan negativë.

Numri i personave në vetëizolim është 18. Numri i personave në vetëkarantimim është 134.

Rregullat e reja për ndalimin e qarkullimit, Urdhri i ministres së Shëndetësisë dhe Mbrojtjes Sociale Ogerta Manastirliu

Urdhri për ndalimin dhe kufizimin e lëvizjeve me mjetet e transportit parashikon:

Ndalimin e qarkullimit të mjeteve të transportit publik dhe privat, përfshirë automjetet private, brenda Tiranës dhe Durrësit dhe nga Tirana dhe Durrësi drejt zonave të tjera të vendit dhe anasjelltas, duke filluar nga ora 06:00 e datës 13.03.2020 deri në orën 24:00 të datës 15.03.2020.
Ndalimin e qarkullimit të mjeteve të transportit publik dhe privat, përfshirë automjetet private, në Shkodër, Lezhë, Elbasan, Lushnje, Fier dhe Vlorë duke filluar nga ora 06:00 e datës 13.03.2020 deri në orën 24:00 të datës 15.03.2020.
Përjashtim nga rregulli i përcaktuar në pikën 1 dhe 2 të këtij urdhëri bëhet për autoambulancat, automjetet që kryejnë funksione shërbimi me funksion publik dhe ato që transportojnë mallra. Autorizimi për qarkullimin e autoambulancave, automjeteve që kryejnë funksione shërbimi shtetëror dhe ato që trasportojnë mallra kryhet sipas urdhëzimeve të Policisë së Shtetit. Gjithashtu përjashtohen të gjithë personat me sëmundje kronike që kanë të planifikuara terapi mjekimi në spitale të shoqëruar nga vetëm një person.

Masat e marra për mbrojtjen nga përhapja e COVID-19

Mbylljen deri në një njoftim të dytë, të të gjitha bareve, lokaleve restoranteve dhe klubeve, në Tiranë dhe Durrës fillimisht.
Caktimin e një gjobe në masën 5 mijë euro, për të gjithë ata qytetarë që vijnë nga zonat e prekura dhe nuk zbatojnë urdhrin e vetëkarantinimit të detyrueshëm apo ata qytetarë që nuk zbatojnë vetkarantinimin pas konfirmimit të diagnozës.
Caktimin e një gjobe në masën 20 milionë lekë të vjetra për të gjithë baret, restorantet, lokalet apo klubet që nuk e zbatojnë këtë Vendim dhe rihapen në shkelje të tij.
Vendosjen e distancës së sigurisë mes punonjësve, prej 1.5 metra, në të gjitha bizneset që nuk mund të mbyllen për arsye të zinxhirit ekonomik.
Reduktimin në maksimum të personelit të call center-ave, dhe garantimin e distancave dhe të kushteve mbrojtëse për çdo punonjës! Sa më sipër, kërkojmë mirëkuptimin tuaj për veten tuaj, për familjet tuaja dhe për familjet e punonjësve tuaj.
Me urdhër të ministres së Shëndetësisë dhe Mbrojtjes Sociale, Ogerta Manastirliu më herët është vendosur:

1 – Mbyllja për publikun deri në datë 03/04/2020 të:

Ambienteve që ofrojnë shërbime në lokale nate
Të ambienteve të mbyllura të dedikuara për argëtimin e fëmijëve dhe të rinjtë, aktiviteteve në palestra, qendra sportive, pishina, qendra internet, qendra kulturore dhe argëtimi
2 – Ndalimin deri në datë 03/04/2020 të:

Aktiviteteve sportive, sociale dhe kulturore;
Eksursioneve mësimore të organizuara prej institucioneve shkollore me destinacion brenda ose jashtë vendit;
Ndalimi i procedurave të konkursit për punësim personeli, konkurse shkollimi dhe specializimi.
3 – Gjatë ditës, aktivitetet e bareve, restoranteve, lokaleve të ofrojnë shërbim për klientët duke respektuar distancën prej së paku dy metrash ndërmjet tavolinave në vendet ulur, dhë në çdo rast të garantojnë distancën prej së paku një metër të njëriut nga njëriu.

4 – Institucionet publike dhe private, të hartojnë sipas fushës së përgjegjësisë së tyre Brenda datës 11.03.2020 një plan masash për sigurimin e ofrimit të shërbimeve prioritare, duke prioritizuar kategoritë e shërbimit kryesisht nëpërmjet ofrimit të shërbimit online, punës në distancë, dhe vetëm në raste të domosdoshme të ofrojnë shërbimin ndërmjet kontaktit fizik. Për shërbimet për të cilat nevojitet kontakti i drejtpërdrejtë me publikun institucionet duhet të pajisin personelin me mjete pune mbrojtëse me qëllim ruajtjen e shëndetit të tyre.

5 – Institucionet publike që ofrojnë shërbime pritjeje për publikun në sportel të marrin masa për të shfrytëzuar maksimalisht shërbimet online dhe platformën e-albania.

6 – Organet e shërbimit postar duhet të garantojnë vazhdimimësinë e shërbimti dhe të hartojnë një plan masash për të kufizuar kontaktet e punonjësve me publikun dhe për të shmangur grumbullimin e publikut në sportele apo ambiente të tjera të brendshme.

7- Detyrohen të gjithë personat që kanë hyrë në Shqipëri nga zona me rrezik epidemiologjik të identifikuara të tilla prej Organizatës Botërore të Shëndetësise, të plotësojnë skedën e udhëtarit në pikat hyrëse kufitare dhe të vetëkarantinohen detyrimisht për një periudhë 14 ditore nga data e hyrjes në kufi.

MSHMS rekomandon qytetarët që kanë udhëtuar në vendet e prekura dhe kanë shenjat e infeksionit viral të telefonojnë 127 për të marrë udhëzimet e duhura se si të veprojnë mbështetur në gjendjen e tyre shëndetësore.

Bazuar në rekomandimet e OBSH, MSHMS këshillon qytetarët për shtimin e masave të higjenës dhe ndjekjen e këtyre rregullave: Shmangia e kontaktit të ngushtë me njerëzit që vuajnë nga infeksione akute të rrugëve të frymëmarrjes. Larja e shpeshtë e duarve dhe dezifektimin e tyre, veçanërisht pas kontaktit të drejtpërdrejtë me njerëzit e sëmurë ose mjedisin e tyre. Shmangia e kontaktit të pambrojtur me kafshët (qofshin ato shtëpiake apo të egra). Personat me simptoma të infeksioneve akute të rrugëve të frymëmarrjes duhet të praktikojnë higjienën respiratore të lidhur me kollën (ruajtja e distancës, mbulimi me shami /letër ose rrobe kur teshtijnë apo kolliten, larjen e duarve). Mosprekjen e fytyrës me duar.

Situata ndërkombëtare sipas ECDC-së është si më poshtë:

Në nivel global, janë raportuar në total 125 518 raste të konfirmuara me COVID-19, dhe në total 4617 vdekje.
Azi: 100 651 raste të konfimuara – 3629 vdekje
Afrikë: 118 raste të konfirmuara – 1 vdekje
Amerikë: 1618 raste të konfirmuara – 33 vdekje
Oqeania: 131 raste të konfirmuara – 3 vdekje
Tabela 1. Numri i rasteve të konfirmuara deri në datën 12 mars 2020 sipas shteteve (sipas ECDC): https://www.ecdc.europa.eu/en/novel-coronavirus-china

Shteti Nr. i rasteve të konfirmuara (12 mars 2020)
Kontinenti i Azisë 100 651
Kina 80932
Irani 9000
Republika e Koresë 7869
Japonia 619
Katari 262
Singapori 178
Bahreini 189
Emiratet e Bashkuara Arabe 74
Izraeli 82
Malajzia 149
Iraku 70
Tajlanda 70
India 73
Libani 61
Taivani 48
Vietnami 39
Filipinet 49
Kuvajti 72
Palestina 30
Arabia Saudite 45
Omani 18
Indonezia 34
Pakistani 20
Afganistani 7
Nepali 1
Maldive 8
Jordania 1
Sri Lanka 2
Kamboxhia 3
Bhutani 1
Bangladeshi 3
Mongolia 1
Brunei 11
Raste të tjera 696
Rastet e tjera në një mjet transporti detar Japoni 696
Amerika 1618
USA 1312
Kanada 103
Brazili 52
Argjentina 19
Ekuadori 17
Meksika 11
Republika Domenikane 5
Kili 23
Kosta Rika 22
Paraguaji 5
Peru 17
Kolumbia 9
Panama 14
Kuba 3
Hondurasi 2
Xhamajka 2
Bolivia 2
Oqeania 131
Australia 126
Zelanda e Re 5
Afrika 118
Algjeria 20
Egjipt 60
Senegali 4
Afrika e jugut 13
Maroku 5
Nigeria 2
Kameruni 2
Tunizia 7
Burkina Faso 2
Kongo 1
Togo 1
Cote d’lvoire 1
Total 103 214
Grafiku 1. Shpërndarja e rasteve laboratorike të konfirmuara për COVID-19 sipas kontinenteve (përveç Kinës), 12.03.2020:

Harta e shpërndarjes gjeografike të COVID-19 në botë:

Situata në Europë dhe sipas ECDC-së është si më poshtë:

Europë: 22 934 raste të konfirmuara, 951 vdekje
Tabela 2. Numri i rasteve të konfirmuara deri në datën 12 mars 2020 sipas shteteve te Europës (sipas ECDC): https://www.ecdc.europa.eu/en/novel-coronavirus-china

Shteti Nr. i rasteve të konfirmuara (12 mars 2020)
Europa 22934
Italia 12462
Franca 2281
Spanja 2140
Gjermania 1567
Zvicra 642
Anglia 456
Holanda 503
Suedia 462
Belgjika 314
Norvegjia 489
Austria 246
Greqia 99
Islanda 85
Danimarka 516
San Marino 66
Çekia 94
Portugalia 59
Finlanda 59
Irlanda 43
Sllovenia 57
Rumania 45
Gjeorgjia 24
Kroacia 16
Polonia 31
Rusia 20
Estonia 16
Azerbajxhan 13
Hungaria 13
Bjellorusia 12
Luksemburgu 7
Sllovakia 10
Bullgaria 7
Maqedonia e Veriut 7
Malta 6
Letoni 10
Shqipëria 11
Bosnjë-Hercegovina 3
Litenshtein 3
Qipro 6
Monako 1
Lituania 3
Andorra 1
Armenia 4
Serbia 18
Moldavia 4
Ukraina 1
Vatikani 1
Turqia 1
Grafiku 2. Shpërndarja e rasteve të konfirmuara në laborator të COVID – 19 në vendet e BE, EEA dhe Mbretërinë e Bashkuar, 12 mars 2020:

Harta e shpërndarjes gjeografike të COVID-19 në Europë:

Situata e COVID-19 në Itali datë 10.03.2020 sipas rajoneve të saj bazuar në sajtin e Ministrisë së Shëndetësisë Itali: http://www.salute.gov.it/portale/home.html

10 590 raste të konfirmuara
827 vdekje
1045 pacientë të shëruar
1028 në terapi intensive
3724 në izolim në shtëpi
Shpërndarja sipas rajoneve:

Lombardia 5763 raste
Emilia Romanja 1588 raste
Veneto 940 raste
Piemonte 480 raste
Marche 461 raste
Toskana 314 raste
Liguria 181 raste
Campania 149 raste
Lazio 125 raste
Fruli 110 raste
Siçili 81 raste
Bolzano 75 raste
Trento 74 raste
Puglia 71 raste
Umbria 44 raste
Abruzzo 37 raste
Sardenja 37 raste
Valle d’Aosta 19 raste
Kalabri 7 raste
Molise 16 raste
Basilikata 8 raste
Harta e shpërndarjes së COVID-19 sipas rajoneve të Italisë:

Rekomandime dhe këshilla të OBSH-së:

Parimet themelore për të zvogëluar rrezikun e përgjithshëm të transmetimit të infeksioneve akute të frymëmarrjes përfshijnë masat e mëposhtme:

Shmangia e kontaktit të ngushtë me njerëzit që vuajnë nga infeksione akute të rrugëve të frymëmarrjes.
Larja e shpeshtë e duarve, veçanërisht pas kontaktit të drejtpërdrejtë me njerëzit e sëmurë ose mjedisin e tyre.
Shmangia e kontaktit të pambrojtur me kafshët (qofshin ato shtëpiake apo të egra).
Personat me simptoma të infeksioneve akute të rrugëve të frymëmarrjes duhet të praktikojnë higjienën respiratore të lidhur me kollën (ruajtja e distancës, mbulimi me shami / letër ose rroba kur teshtijnë apo kolliten, larjen e duarve).
Brenda mjediseve të kujdesit shëndetësor, forconi praktikat standard të parandalimit të infeksionit dhe kontrollit në spitale, veçanërisht në shërbimet e urgjencës.
Në rast të simptomave të lidhura me infeksionet respiratore qoftë gjatë udhëtimit, ashtu edhe pas tij, udhëtarët inkurajohen të telefonojnë urgjencën 127 pë të kërkuar kujdes mjekësor dhe të ndajnë historinë e tyre të udhëtimit me personelin shëndetësor.

Informacion i përditësuar/ Situata e shpërthimit të koronavirusit në vend dhe në botë Read More »

Mjeku Kalo: Qëndrimi në shtëpi nuk është sakrificë, por triumf për jetën ndaj rrezikut të virusit

Aktualitet, Lajmi i fundit, Opinione, Shendetesi / /

Mjeku dhe profesori Tritan Kalo nuk e konsideron sakfricë qëndrimin në shtëpi në kuadër të frenimit të përhapjes së koronavirusit, por një përforcim të të drejtave për jetën, për triumfin e saj ndaj rrezikut vdekjeprurës.

Rrugët e Tiranës sot janë të zbrazura për shkak të pezullimit të qarkullimit, masa këto të marra në kuadër të frenimit të koronavirusit.

Nga ora 06:00 e ditës së sotme deri të dielën në mesnatë do të pezullohet edhe qarkullimi i automjeteve private dhe taksive në Tiranë, Durrës, Shkodër, Lezhë, Elbasan, Kukës, Lushnjë, Fier dhe Vlorë. Të vetmet automjete që do të lëvizim do të jenë autoambulancat, automjetet që kryejnë funksione shërbimi shtetëror dhe ato që transportojnë mallra.

Përmes një mesazhi, Kalo thotë se duhet vetndërgjegjësim në mënyrë që të përballohet kjo sëmundje.

“NUK është sakrificë… NUK është asnjë shkelje e të drejtave tuaja themelore… QËNDRIMI në shtëpi është vetëm e vetëm përforcim i të drejtave tuaja për JETËN, për triumfin e saj ndaj rrezikut vdekjeprurës, që MUNDET t’ju vijë në këto momente të Epidemisë së Covid-19… VETËNDËRGJEGJËSIMI ishte, është dhe do të mbetet “kyçi i artë” për përballjen me këtë sëmundje… NUK është aspak vetëflijim për ju, por vetëm e vetëm për Mjekët, Infermierët, Imazheristët, Farmacistët, Sanitaret dhe i gjithë stafi mbështetës në Shërbimin e Sëmundjeve Infektive, i cili vigjilon për jetët tuaja… NA NDIHMONI që të kemi mundësinë t’ju ndihmojmë brenda kapaciteteve tona në betejën kundër Covid-19, duke mos u rrezikuar të infektoheni me shkeljen e shumë rregullave të arta të vetizolimit, kufizimit të lëvizjeve, mosgrumbullimit në mjedise publike, kujdesit ndaj higjienës personale dhe asaj kolektive, përkujdesit ndaj të moshuarve dhe të sëmurëve kronikë, si më të ekspozuarit dhe më të kërcënuarit. Ushqehuni shëndetshëm: uji, çaji apo lëngjet e ndryshme duhet ta mbajnë kurdoherë të njomë fytin tuaj, mos teshtini apo pështyni pa e kufizuar hedhjen e tyre në mjedisin rrethues… KUPTONI e ZBATONI me korrektesë udhëzimet e mjekëve dhe të Autoriteteve Ligjzbatuese… MOS u panikoni dhe krijoni mbingarkesë të panevojëshme për kapacitet e Shërbimeve Mjekësore Publike… JEMI së bashku në këtë betejë për vijimësinë e jetës… Si MANTELBARDHË Ju duam dhe Ju mirëkuptojmë, POR edhe Ju duhet të na mirëkuptoni dhe të respektoni ato çka Ju këshillojmë… We will win that war!!!”, thotë Kalo. /atsh

Mjeku Kalo: Qëndrimi në shtëpi nuk është sakrificë, por triumf për jetën ndaj rrezikut të virusit Read More »

COV-19/ Nesër mbyllen edhe fasonet e Call Center, nga e hëna masa drastike nëse nuk përmbushen kushtet e sigurisë

Aktualitet, Lajmi i fundit / /

Kryeministri Edi Rama deklaroi sot se “nesër, edhe fasonët dhe kompanitë Call Center do ta kenë të ndaluar të qarkullojnë punonjësit e tyre, duhet të jenë të mbyllur, ndërsa nga fillimi i javës së ardhshme do të fillojnë inspektimet për garantimin e standardeve të sigurisë”.

Kryeministri Rama iu përgjigj pyetjeve të qytetarëve të shumtë lidhur me ecurinë punës në ndërmarrjet fasone dhe kompanitë Call Center.

“Po ju shpjegoj edhe njëherë standardet e thjeshta të sigurisë që nëse nuk garantohen do të marrim masa drastike që do të bien drejtpërdrejt në shpatullat e pronarëve. Duhet ta harrojnë se do të kërkojnë nga shteti para për shkak të mbylljes. Kjo është një mbyllje që nuk vjen si rezultat i kërkesës së shtetit në kohë të zakonshme, por si rezultat i zbatimit të rregullave dhe mosvënia në jetë e këshillave është papërgjegjshmëri që nuk do të shpërblehet në asnjë formë por përkundrazi do të ndëshkohet”, tha Rama.

Kryeministri sqaroi se “në asnjë vend, as në Itali edhe sot që flasim nuk është ndaluar aktiviteti prodhues”. Rama citoi qarkoren më të fundit të qeverisë italiane lidhur me fabrikat, aktivitetin prodhues sipas së cilës: “në kompanitë që ushtrojnë aktivitetin e tyre në mjedise prodhimi duhet të garantohet përdorimi maksimal nga shtëpia ose në distancë, për atë pjesë të punës që edhe fasonët mund ta japin për t’u bërë nga shtëpia”.

Po ashtu, sipas Ramës, qarkorja e qeverisë italiane kërkon: “të pezullohen të gjitha aktivitetet e departamenteve të kompanisë që nuk janë të domosdoshme për prodhimin, të merren protokollet e sigurisë kundër infektimit dhe kur nuk është e mundur të respektohet distanca, të bëhen shkurtimet e nevojshme brenda atij mjedisi, si dhe të dezinfektohen vendet e punës”.

Rama tha se “kjo nuk do të thotë se Italia apo edhe ne, po bëjmë ndarje klasash apo trajtim diskriminues për ata që punojnë në Call Center dhe fason”.

“Ne mbyllim bare, restorante, lokale, shmangim kontakte dhe grumbullime në të gjitha territoret dhe hapësirat ku nuk ka një sistem direkt kontrollues, një shef apo një numër të caktuar punonjësish”, tha ai./atsh

COV-19/ Nesër mbyllen edhe fasonet e Call Center, nga e hëna masa drastike nëse nuk përmbushen kushtet e sigurisë Read More »

Covid-19/ Lëvizja në këmbë nuk do të pezullohet, por nuk këshillohet në grup

Aktualitet, Lajmi i fundit / /

Kryeministri Edi Rama, gjatë një deklarate për mediat, ditën e enjte, garantoi se lëvizja në këmbë nuk do të ndërpritet, por është e këshillueshme që kjo lëvizje të realizohet në distancë, jo në grup.

Kryeministri Edi Rama, gjithashtu nënvizoi se është me shumë rëndësi të kuptohet se po punohet për të ngadalësuar shpejtësinë e shpërndarjes, pasi sipas tij 80% e popullsisë do të preket nga ky virus, por nuk do ta marrë vesh që e kanë pasur, teksa pjesa tjetër do ketë shqetësimet e një gripi, ndërsa pjesa më e vogël 20% e 20%-it do të ketë nevojë dhe për vëmendjen më të madhe.

“Ecja në këmbë nuk do të pezullohet, por nuk është e këshillueshme në grup. Nuk është e këshillueshme askërrkund që familje të tëra të mblidhen te Liqeni e të qëndrojnë për piknik. Ecja po, lejohet, por jo në grup. Të dalin të ecin, por nuk është e këshillueshme të mblidheni të gjithë në bulevardin e Elbasanit për ditën e verës”,- tha Rama.

“Përsa i përket autobuzëve të punëtorëve, kur bëhet fjalë për kompani prodhuese, është shumë e rëndësishme të merren masa për t’u bërë dezinfektime, por flasim për më tutje, s’po flasim për këto tre ditë. Makinat që transportojnë ushqimore do lëvizin lirisht, duhet të ketë në kroskot listën e dërguar me email nga administratori i kompanisë në këtë adresën e emailit [email protected] , ku të shënohet emri, mbiemri i tij, targa e mjetit të shkruar me dorë nga ai vetë. Në mënyrë që të garantojnë kontroll të shpejtë dhe pa probleme. Po ashtu emrin e mbiemrin e administratorit dhe numrin e telefonit”,- tha Rama.

Kryeministri tha se qasja e vendit tonë është strikte.

“Po dëgjoja kryeministrin britanik, që sot shpjegoi pse në Britaninë e Madhe nuk do mbyllen shkollat dhe Universitetin, por masat do t’i përshkallëzojë më ngadalë, është një qasje. Përsa na takon, ne do të ndjekim qasjen strikte të përshkallëzimit, sipas planit për të ngadalësuar maksimalisht shpërndarjen e virusit”,- theksoi Rama.

“Nuk është ideja të bëjmë sa më shumë teste, nuk është ideja të kapim me teste të gjithë ata që kanë koronën. Koronën do ta marrin masivisht si një virus gripi, por njësoj si me virusin e gripit, siç tregon eksperienca e Kinës, 80% e jona s’do ta marrë vesh kurrë e patën apo jo. Dje dëgjuat kancelaren e Gjermanisë që tha se 60-70% e gjermanëve do të preken nga ky grip. Por siç ju thashë, 80% e atyre që do të preken s’do ta marrin vesh kurrë dhe 20% i atyre që do të ndjehen jo mirë, që do kenë shqetësime, është 20% që do kemi fokusin e vëmendjes. Te 20% prapë një pjesë e kalon si një grip, rrufë, pak temperaturë, këputje, dhimbje kockash, por nuk shkojnë në një gradë më të vështirë, më të rëndë. Dhe këto 80% e kalojnë në shtëpi, ndërsa pjesa tjetër ka nevojë kurimin. Nuk jemi këtu në kushtet kur duhet të bëjmë sa më shumë teste, por duhet t’i bëjmë teste personave që shfaqin simptomat dhe shqetësimet. Nuk ka kufizim për fluturimet, veç Italisë dhe SHBA, që i mbylli të gjitha fluturimet me Europën, pasi në SHBA duhet të prisni momentin që do rihapen fluturimet dhe kompanitë duhet të bëjnë shtyrjen për një datë tjetër. Air Albania do ta bëjë shtyrjen e biletës për në Itali. Atyre që i kalon data si rezultat i bllokimit, do të kenë të rezervuar vendin kur hapen fluturimet. Përsa i përket masave, ato janë dimanike dhe progresive”,- tha Rama.

“Masat nuk ndalojnë ardhjen e virusit, masat na japin mundësinë ta ngadalsojmë shpërndarjen. Pasi nëse shkojmë të gjithë në stadium, na ndodh një situatë ku ndodh rritja e shpejtë të rasteve dhe e atyre që kanë nevojë për shërbim në spital. Sepse kur Lombardia kolapsoi, kolapsioi sepse kishte më shumë pacientë që kishin nevojë për respiratorë se çfarë kishte mundësi dhe Italia sot po blen respiratorë, Kina i ofrojë një shumë të konsiderueshme dhe 1 000 infermierë sepse kolapsioi sistemi”,- shtoi Rama.

“Këto masat na ndihmojnë të ruajmë rritjen e numrin me gradualitet dhe të gjithëve t’u mundësojmë shërbimin në spital. Do kemi një situatë të vështirë. Këto që po them janë të konfirmuara nga të gjitha burimet e ekspertizës. Kjo nuk është as shaka, ku secili mund të japë opinionet e veta. Ata që thonë se duhet të kishin mbyllur kufirin e kanë gabim, se vende të tjera po e bëjnë me ngadalë”-, tha Rama./atsh

Covid-19/ Lëvizja në këmbë nuk do të pezullohet, por nuk këshillohet në grup Read More »

Në RTSH Shkollë, nis leksioni online për nxënësit e klasave të 8-ta deri në të 12-ën

Arsim, Lajmi i fundit / /

Ministrja e Arsimit, Sportit dhe Rinisë, Besa Shahini njoftoi se në këto momente në kanalin publik RTSH Shkollë, po transmetohen leksione biologjie për nxënësit e klasave të 8 dhe të 9-ta

“RTSH Shkollë – Leksioni i biologjisë nga mësuese Kozeta Krimce (klasa 8-9) dhe Mirela Bega (klasa 10-12)”, -thotë Shahini.

Pas orës 12:00, ministrja informoi të gjithë nxënësit dhe prindërit se leksionet mund t’i gjejnë në kanalin youtube të MASR:

https://www.youtube.com/channel/UC21Y6wkN3En_HKFdt4yWxMQ?fbclid=IwAR1ypTTlqAHI9VEbVzTDgCuqugCYpQtwHmCsYbNpeOao8R_SKpIlu6EOcgk

Nga data 9 mars të gjitha shkollat në vend u mbyllen deri më 23 mars, për një periudhë dy javore në kuadër të masave parandaluese për përhapjen e COVID-19.

Përgjatë ditëve të javës, nga e hëna në të shtunë, RTSH do të transmetojë mësimet në 6 lëndë kryesore të shkollave të mesme, sipas programit arsimor, të shpjeguara në mënyrë profesionale në orën 10:30 deri në orën 12:00 dhe në orën 18:00 deri në orën 19:30 në kanalin RTSH1-HD./atsh

Në RTSH Shkollë, nis leksioni online për nxënësit e klasave të 8-ta deri në të 12-ën Read More »

Pezullohet peligrinazhi i të Martave të Shenjta të Shën Ndojit në Kishën e Laçit

Aktualitet, Lajmi i fundit / /

Konferenca Ipeshkvore e Shqipërisë ka shpallur sot një dekret e rreth pezullimit të të gjitha veprimtarive kishtare deri në date 3 prill 2020, në të gjithë territorin e Shqipërisë për sa i përket Kishës Katolike.

Në apelin sensibilizues dhe ndërgjegjësues, njoftohen edhe besimtarët e shumtë për pezullimin edhe të Martave të Shenjta të Shën Ndojit në Kishën e Laçit.

Janë 13 të marta që respektohen nga besimtarët për të mbërritur deri në ditën e Shën Ndout, por Kisha Katolike apelon që besimtarë të bëjnë lutjet nga shtëpitë e tyre.

Konferenca Ipeshkvore thekson se, ky dekret ka të bëjë me të gjitha Kishat përfshi edhe dy shenjtëroret Kishën e Laçit ku pezullohen të gjitha pelegrinazhet dhe Shenjtëroren e Zojës së Shkodrës.

Famullitarët do të kremtojnë Meshën në kapelat e tyre, duke e transmetuar atë edhe online nëpërmjet rrjeteve sociale.

Gjithashtu, famullitarët do të garantojnë marrjen e Kungimit për të sëmurët që e kërkojnë në shtëpi dhe për ata të pranishëm, gjithmonë duke ruajtur rregullat e vendosura nga organet e shëndetësisë./atsh

Pezullohet peligrinazhi i të Martave të Shenjta të Shën Ndojit në Kishën e Laçit Read More »

Kryegjyshata Botërore e Bektashinjve ndalon veprimtaritë fetare

Aktualitet, Lajmi i fundit / /

Kryegjyshata Botërore e Bektashinjve me anë të një deklarate për mediet shprehet se, duke marrë parasysh situatën nga koronavirusi, janë marrë masa të menjëhershme për të ndaluar veprimtaritë fetare.

Me anë të një njoftimi për shtyp, Kryegjyshata thotë se do të ndalohen në teqe dhe objekte të tjera kulti të kësaj feje, ritet e fesë, që bien në kundërshtim me rregullat e vënë në fuqi nga qeveria shqiptare.

“Ndalohen kategorikisht të gjitha festat, darkat e ndryshme, llokmat për myhibanë, apo dashamirës bektashinj, suni dhe çdo lloj tubimi tjetër që është traditë e tarikatit dhe nënkupton grumbullimin e besimtarëve”, thuhet të tjera në njoftim.

Urdhërat e lëshuara janë firmosur nga ana e kryegjyshit Botëror të Bektashinjve, Haxhi Dedë Edmond Brahimaj./atsh

Kryegjyshata Botërore e Bektashinjve ndalon veprimtaritë fetare Read More »