Lajmi i fundit

Rikonstruktohet shkolla “24 Maji” në Vlorë/ Leli: Një nga projektet model, gati për vitin e ri shkollor

Aktualitet, Lajmi i fundit / /

Shkolla 9-vjeçare “24 Maji” në qytetin e Vlorës do të ketë ambiente të reja për vitin e ri shkollor 2020-2021.

Kryetari i bashkisë së Vlorës, Dritan Leli, inspektoi sot punimet për rikonstruksionin e kësaj shkolle, ndërsa theksoi se “është një nga projektet e rëndësishme ku bashkia e Vlorës është kontributore me fondet e saj në 50% të këtij investimi kaq të rëndësishëm, i cili është realizuar në bashkëpunim me Ministrinë e Arsimit, Sportit dhe Rinisë”.

Sipas tij, pas rikonstruksionit të shkollës, e cila do jetë e përfunduar në fund të qershorit, do të jetë nga projektet e rikonstruksionit të shkollave model në të gjithë territorin e bashkisë së Vlorës dhe jo vetëm.

Sot, vijoi Leli, po inspektojmë punimet në shkollën “24 Maji” që është një nga më të rëndësishmet e qytetit me një pozicion tërësisht qendror dhe projekti po realizohet me standarde të larta.

“Në shkollë janë të vendosura edhe shkallët e sigurisë, të cilat janë të aplikuara në këtë shkollë si një rritje e standardit të sigurisë së jetës së nxënësve dhe mësuesve të kësaj shkolle. Në pjesën pas oborrit të shkollës janë dy fusha të mëdha sportive, një fushë futbolli dhe një tjetër multifunksionale. Kemi rënë dakord me përfaqësuesit e firmës për ta realizuar që të jetë një fushë volejbolli dhe tenisi e hapur jo vetëm për fëmijët e kësaj shkolle, por edhe me iniciativën e shkollës komunitare të përdoret nga gjithë fëmijët e zonës ku është e vendosur shkolla”, – nënvizoi Leli.

Kryetari Leli u shpreh se “ka përfunduar instalimi i sistemit për rrezikun e zjarrit, sistemi i zjarrit për të garantuar kushte optimale të mësimdhënies gjatë sezonit të dimrit. Do të punohet me gjelbërimin, ka përfunduar fasada dhe sistemi i të gjithë hapësirave të tjera dhe palestrës së mbyllur të shkollës”.

“Punët tona të përditshme janë të drejtuara drejt përgatitjes së Vlorës për sezonin turistik që presim të jetë i suksesshëm, aq sa kushtet COVID-19 do të na lejojnë që ta kemi. Por nuk janë jashtë vëmendjes tonë objektet që po restaurohen dhe punët e tjera publike që po kryhen në bashkinë e Vlorës”, – tha Leli./atsh

Rikonstruktohet shkolla “24 Maji” në Vlorë/ Leli: Një nga projektet model, gati për vitin e ri shkollor Read More »

Rinis vetingu/ Shkarkohet nga detyra Kryetarja e Gjykatës së Kavajës, Entela Shedula

Aktualitet, Lajmi i fundit / /

Kryetarja Gjykatës së Kavajës, Entela Shedula është shkarkuar sot nga detyra.

Në seancën dëgjimore të zhvilluar sot, Komisioni i Pavarur i Kualifikimit i ka komunikuar vendimin gjyqtares Shedula duke mos e konfirmuar në detyrë.

Pas një ndërprerje dy mujore për shkak të pandemisë COVID-19, KPK ka rinisur punën për rivlerësimin e gjyqtarëve dhe prokurorëve nën masa të rrepta siguria dhe higjiene.

Në seancën e parë pas rikthimit, KPK e përbërë nga trupa gjyqësore e drejtuar nga Xhensila Pine, me relatore Suela Zhegu dhe anëtare Brunilda Bekteshi, vendosi shkarkimin e gjyqtares Shedula e cila u përball me tri kriteret e rivlerësimit, për pasurinë, figurën morale dhe aftësinë profesionale

KPK konstatoi mungesë burimesh për justifikimin e pasurisë për gjyqtaren Shedula./atsh

Rinis vetingu/ Shkarkohet nga detyra Kryetarja e Gjykatës së Kavajës, Entela Shedula Read More »

Ministria e Shëndetësisë: 20 raste të reja dhe 7 të shëruar në 24 orët e fundit

Lajmi i fundit, Shendetesi / /

Në 24 orët e fundit janë kryer 297 testime nga të cilat janë konfirmuar 20 raste pozitivë, përkatësisht, 15 raste në Tiranë, 2 raste në Krujë, 2 në Durrës, dhe 1 rast në Kamëz.

Mirela Cami, Drejtore e Operatorit të Shërbimeve të Kujdesit Shëndetësor tha sot në komunikimin e përditshëm se “janë testuar 65 personel shëndetësor nga të cilët kanë rezultuar pozitivë 4 raste. Rastet e identifikuara në 24 orët e fundit janë kryesisht kontakte të rasteve të zbuluara nga hetimi i kryer, dhe disa raste të reja për të cilat po vijon hetimi epidemiologjik”.

“Në spitalin infektiv aktualisht po trajtohen 21 të prekur, nga të cilët 5 janë në terapi intensive, njëri prej tyre është i intubuar. Rreth 8% e të prekurve aktivë po trajtohen në spital kurse pjesa tjetër po ndiqen nga mjekët e familjes”, – tha Cami.

Sipas saj, në vendin tonë janë 253 persona aktivë me COVID-19, kryesisht në Tiranë, Durrës dhe Krujë.

“Në 24 orët e fundit janë shëruar 7 qytetarë, duke e çuar në 898 numrin e të shëruarve. Nga fillimi i epidemisë janë kryer mbi 16500 testime molekulare dhe serologjike dhe janë konfirmuar pozitivë 1184 raste”, – theksoi Cami.

Ministria e Shëndetësisë dhe Mbrojtjes Sociale fton qytetarët të tregohen të kujdesshëm, duke respektuar rregullat e vendosura, për të ruajtur veten dhe të afërmit.

Mos neglizhoni shenjat e sëmundjes dhe për çdo shqetësim telefononi në numrin unik të Urgjencës Kombëtare, 127. Për informacion në lidhje me COVID-19 dhe këshillim psikologjik, ju lutemi, telefononi në linjën e gjelbër 0800 40-40.

COVID-19 – Statistika (3 Qershor 2020)
Testime totale 16817
Testime molekulare 15365
Testime serologjike 1452
Raste pozitive 1184
Raste të shëruara 898
Raste Aktive 253
Humbje jete 33 (Qarku Tiranë 20, Durrës 6, Fier 3, Vlorë 1, Shkodër 2, Kukës 1)

Shpërndarja gjeografike e rasteve aktive është si vijon:

Tiranë 172
Krujë 22
Durrës 15
Kamëz 12
Shkodër 10
Mat 9
Lushnjë 6
Berat 2
Fier 2
Korçë 1
Librazhd 1
Mallakastër 1/atsh

Ministria e Shëndetësisë: 20 raste të reja dhe 7 të shëruar në 24 orët e fundit Read More »

Lungomare në Orikum, IKMT aksion për pastrimin e inerteve

Lajmi i fundit, Te fundit nga zona / /

Inspektorati Kombëtar i Mbrojtjes së Territorit nisi sot pastrimin e inerteve përgjatë bregdetit të Orikumit.

Aksioni është ndërmarrë pas prishjes pak kohë më parë të një numri objektesh po nga ana e IKMT-së.

Në zonën ku po ndërhyn aktualisht IKMT, kalon projekti i shëtitores buzë detit, që nis nga Vlora.

Pavarësisht këtij aksioni në Orikum, IKMT nuk ka ndërprerë, por ka intensifikuar kontrollet dhe ndërhyrjet përgjatë gjithë bregdetit shqiptar dhe prej pak javësh edhe përgjatë lumenjve në mbrojtje të territorit dhe mjedisit./atsh

Lungomare në Orikum, IKMT aksion për pastrimin e inerteve Read More »

Katër zv.kryeministra dhe 16 ministra, ja kabineti i Hotit

Aktualitet, Lajmi i fundit, Politike / /

Me 61 vota pro, 1 abstenim dhe 24 vota kundër deputetët e Kuvendit i thanë “po” qeverisë së re të udhëhequr nga Avdullah Hoti i LDK-së.

Në seancën e jashtëzakonshme kandidati për kryeministër, Avdullah Hoti ka paraqitur kabinetin e tij qeverisës. Vartës të tij priten të jenë 4 zëvendëskryeministra dhe 16 ministra.

Zëvendëskryeministër i parë, Besnik Tahiri, zëvendëskryeministër Driton Selmanaj, zëvendëskryeministre Albulena Balaj-Halimaj, zëvendëskryeministër dhe ministër i Pushtetit Lokal Goran Rakiq.

Sa i përket ministrave, Infrastruktura i është besuar Arban Abrashit. Agim Veliu serish do të jetë ministër i Punëve të Brendshëm. Armend Zemaj ministër i Shëndetësisë, Selim Selimi ministër i Drejtësisë, Blerim Kuqi ministër i Ekonomisë dhe Ambientit, Hykmete Bajrami ministre e Financave, Besian Mustafa ministër i Bujqësisë, Anton Quni ministër i Mbrojtjes, Vlora Dumoshi ministre e Kulturës.

Meliza Haradinaj-Stublla ministre e Punëve të Jashtme dhe Diasporës, Ramë Likaj ministër i Arsimit dhe Shkencës, Skender Reçica ministër i Punës dhe Mirëqenies Sociale, Vesel Krasniqi ministër i Tregtisë dhe Industrisë. Dalivor Jetiq ministër për Kthim dhe Komunitete. Enis Kervan ministër i Zhvillimit Rajonal./KosovaPress/

Katër zv.kryeministra dhe 16 ministra, ja kabineti i Hotit Read More »

Meta kthen për rishqyrtim në Kuvend ligjin “Për shërbimet e pagesave”

Aktualitet, Lajmi i fundit, Politike / /

Presidenti i Republikës Ilir Meta dekretoi kthimin për rishqyrtim në Kuvend të ligjit “Për shërbimet e pagesave”.

Meta u shpreh se disa nga arsyet e kthimit të ligjit janë mospërcaktimi i kritereve të qarta të licencimit të institucioneve të pagesave; mospërcaktimi i shkeljeve konkrete që çojnë në vendimmarrjen për heqjen e licencës të institucioneve të pagesave; mospërcaktimi i funksioneve të qarta dhe shteruese mbikëqyrëse të autoritetit licencues dhe mekanizmave mbi mënyrën e ushtrimit të kësaj mbikëqyrjeje.

Ligji është propozim i Këshillit të Ministrave dhe ka për qëllim krijimin e kuadrit ligjor për funksionimin e shërbimeve të pagesave në Republikën e Shqipërisë, duke e përafruar pjesërisht me Direktivën 2015/2366 BE të Parlamentit Europian dhe të Këshillit, të datës 25 nëntor 2015, “Për shërbimet e pagesave në tregun e brendshëm”.

Presidenti shprehet se e shqyrtoi ligjin “Për shërbimet e pagesave” duke iu referuar përmbajtjes së aktit të dërguar për dekretim dhe shpallje, praktikës parlamentare të ndjekur për këtë qëllim, duke bërë një vlerësim dhe analizë të kujdesshme të parashikimeve të aktit, edhe në raport me rekomandimet që duhet të përmbushë Republika e Shqipërisë në kuadër të raporteve të organizmave ndërkombëtare për eleminimin e rreziqeve për parandalimin e pastrimit të parave dhe luftës së financimit të terrorizmit, përfshirë rekomandimet e Komitetit të Moneyval të Këshillit të Evropës.

“Rregullimi i shërbimeve të pagesave me ligj të posaçëm është shumë i mirëpritur, veçanërisht kur ky ligj, duke parashikuar mundësinë e operatorëve të tjerë ekonomikë për të zhvilluar aktivitet në fushën e shërbimit të pagesave përkundrejt licencës përkatëse, rrit konkurrencën në treg. Rritja e konkurrencës patjetër që do të ndikojë si në uljen e kostos së transaksioneve të pagesave, si në rritjen e cilësisë së shërbimit, ashtu dhe në rritjen e aksesit në informacion të qytetarëve mbi mundësitë e kryerjes së pagesave përmes këtij shërbimi. Gjithashtu, ky ligj vlerësohet pasi ofron një mundësi më shumë zgjedhjeje për konsumatorin. Ndërsa parashikimi i krijimit të një zyre të veçantë për shqyrtimin e ankesave të konsumatorit, forcon edhe më shumë mbrojtjen e tij”, u shpreh Meta.

Por nga ana tjetër, sipas tij, në raport me vetë procesin e licencimit dhe mbikëqyrjes së shoqërive të licencuara që do të zhvillojnë aktivitetin në fushën e shërbimit të pagesave, ligji paraqet disa problematika të cilat krijohen nga paqartësia e disa dispozitave; mungesa e harmonisë së tyre me legjislacionin ekzistues; apo nga hapësira që disa dispozita krijojnë për keqzbatim në praktikë, të cilat do të shtjellohen në vijim.

“Reflektimi mbi këto problematika dhe adresimi i tyre nga Kuvendi i Shqipërisë do të ofrojë një terren më të sigurtë ligjor për operatorët ekonomikë dhe në ruajtjen të pacenuar të interesit publik në tërësi”, shprehet Meta. /atsh

Meta kthen për rishqyrtim në Kuvend ligjin “Për shërbimet e pagesave” Read More »

Ministria e Shëndetësisë: 21 raste të reja me COVID-19

Lajmi i fundit, Shendetesi / /

Ministria e Shëndetësisë dhe Mbrojtjes Sociale ka informuar se brenda 24 orëve të fundit janë identifikuar 21 raste pozitivë me COVID-19.

Rovena Daja, ekspertë pranë Institutit të Shëndetit Publik u shpreh se “në 24 orët e fundit janë kryer 243 testime në nga të cilat janë konfirmuar 21 raste pozitive, përkatësisht janë 14 në Tiranë, 3 raste në Krujë, ndërsa në Durrës, Shkodër, Kamëz, Mallakastër kemi nga një rast të prekur me COVID-19. Janë testuar 45 personel shëndetësor nga të cilët kanë rezultuar pozitivë 6 raste.

Rastet e identifikuara në 24 orët e fundit janë kryesisht kontakte te zbuluara nga hetimi i kryer dhe disa raste të reja për të cilat po vijon te kryhet hetimi epidemiologjik”.

Sipas ekspertes, aktualisht po trajtohen 27 të prekur në spitalin infektiv, nga të cilët 4 janë në terapi intensive, njëri prej tyre është i intubuar.

“Një pacient 62-vjeçar ka ndërruar jetë në spitalin Infektiv. Referuar shërbimit infektiv, 62-vjeçari ishte bartës asimptomatikë i COVID-19 dhe vuante nga ciroze hepatike, spok, insuficiencë e rendë kardiake, diabet, hipertension. Shkaku i humbjes së jetëë, sipas shërbimit infektiv, nuk është COVID-19, por nga ciroza hepatike e stadit të fundit.

Në 24 orët e fundit janë shëruar 14 qytetarë, duke e çuar në 891 numrin e të shëruarve.

Nga fillimi i epidemisë janë kryer mbi 16500 testime molekulare dhe serologjike dhe janë konfirmuar pozitivë 1164 raste. Aktualisht janë 240 persona aktivë me COVID-19, kryesisht ne Tiranë, Durrës dhe Krujë”, tha nder te tjera Daja.

“Ministria e Shëndetësisë dhe Mbrojtjes Sociale fton qytetarët të tregohen të kujdesshëm, respektuar rregullat e vendosura, për të ruajtur veten dhe të afërmit. Mos neglizhoni shenjat e sëmundjes dhe për çdo shqetësim telefononi në numrin unik të Urgjencës Kombëtare, 127. Për informacion në lidhje me COVID-19 dhe këshillim psikologjik, ju lutemi, telefononi në linjën e gjelbër 0800 40-40”, -informoi ekspertja.

COVID-19 – Statistika (2 Qershor 2020)

Testime totale 16520

Testime molekulare 15068

Testime serologjike 1452

Raste pozitive 1164

Raste të shëruara 891

Raste Aktive 240

Humbje jete 33 (Qarku Tiranë 20, Durrës 6, Fier 3, Vlorë 1, Shkodër 2, Kukës 1)

Shpërndarja gjeografike e rasteve aktive është si vijon:

Tiranë 157

Durrës 20

Krujë 20

Kamëz 11

Shkodër 10

Mat 9

Lushnjë 6

Berat 2

Fier 2

Korçë 1

Librazhd 1

Mallakastër 1

Ministria e Shëndetësisë: 21 raste të reja me COVID-19 Read More »

Mbi 16 mijë testime serologjike/ Ministria e Shëndetësisë: 6 raste të reja me COVID-19

Aktualitet, Lajmi i fundit, Shendetesi / /

Ministria e Shëndetësisë dhe Mbrojtjes Sociale ka informuar se në 24 orët e fundit janë identifikuar 6 raste pozitivë me COVID-19.

Shefja e Epidemiologjisë pranë Institutit të Shëndetit Publik, Eugena Tomini u shpreh se ”
pavarësisht tendencës së rritur të rasteve të konfirmuar pozitivë gjatë javës së shkuar, të evidentuara në dy vatra të reja, aktualisht po shohim që situata epidemiologjike paraqitet e qëndrueshme.

Strategjia e lehtësimit të masave do të vijojë paralelisht me një shkallë më të lartë të gadishmërisë të strukturave epidemiologjike, për identifikimin e rasteve dhe gjurmimin e thelluar epidemiologjik”.

Sipas saj, në 24 orët e fundit janë kryer 102 testime në Laboratorin e Virologjisë në Institutin e Shëndetit Publik, nga të cilat janë konfirmuar 6 raste pozitive, përkatësisht janë 4 në Tiranë (nga të cilët një personel shëndetësor), 1 rast në Durrës, dhe 1 në Mat.
Të identifikuarit pozitivë për COVID-19 në 24 orët e fundit janë kontakte dhe raste të reja për të cilat po kryhet hetimi epidemiologjik.

Aktualisht po trajtohen 28 të prekur në spitalin infektiv, nga të cilët 3 janë në terapi intensive, njëri prej tyre është i intubuar.

Në 24 orët e fundit janë shëruar 5 qytetarë, duke e çuar në 877 numrin e të shëruarve.
Nga fillimi i epidemisë janë kryer mbi 16 mijë testime molekulare dhe serologjike. Që nga fillimi i epidemisë janë 1143 rast e të konfirmuara. Aktualisht janë 233 persona aktivë me COVID-19, kryesisht ne Tiranë, Durrës dhe Krujë.

COVID-19 – Statistika (1 Qershor 2020)

Testime totale 16277
Testime molekulare 14825
Testime serologjike 1452
Raste pozitive 1143
Raste të shëruara 877
Raste Aktive 233
Humbje jete 33 (Qarku Tiranë 20, Durrës 6, Fier 3, Vlorë 1, Shkodër 2, Kukës 1)

Shpërndarja gjeografike e rasteve aktive është si vijon:

Tiranë 147
Durrës 28
Krujë 17
Shkodër 10
Kamëz 10
Mat 9
Lushnjë 6
Berat 2
Fier 2
Korçë 1
Librazhd 1/atsh

Mbi 16 mijë testime serologjike/ Ministria e Shëndetësisë: 6 raste të reja me COVID-19 Read More »