Aktualitet

Shërbimi Metereologjik bëri parashikimin e motit për ditën e diel.

Prej orëve të para të ditës së diel deri në mesditë parashikohen vranësira në pjesën qendrore dhe zonat malore.

Më tej, në të gjithë vendin do të mbizotërojë moti me diell e vranësira kalimtare.

Përgjatë maleve në veri e qendër të vendit deri në mesditë parashikohet shi me intensitet të ulët lokal.

Kjo situatë, do të pasohet nga erë kryesisht veriperëndimore e lehtë ndërsa në bregdetin jugor mesatare. Valëzimi në dete i forcës 3 dhe 4 ballë.

Temperaturat parashikohen:
Vendet malore 15° deri 30°C
Vendet malore 19° deri 33°C
Vendet malore 20° deri 31°C

Kryeministri Edi Rama uroi sot në ditën e lindjes Igli Taren, duke e cilësuar si shqiptarin më të suksesshëm në skenën e futbollit europian.

“Më kujtohet shumë vite më parë silueta e tij, kur ne të Dinamos dilnim për vrap në ish-fushën e Aviacionit, ku bashkë me të vëllain Auronin, dy kalamajtë kolosë e “kokëlakër”, i nështroheshin stërvitjeve të pamëshirshme të të atit, mjeshtrit të sportit e dikur kolosit kampion të hedhjes së diskut, Isa Tare, i cili u kishte imponuar djemve një regjim stërvitjesh që do ta kishin zili edhe marinsat amerikanë”, – shprehet Rama.

Kreyministri tregon se “Auroni arriti në skuadrën e parë të të kuqve të pathyeshëm që nën udhëheqjen e Gaz Çaçit, vendosën diktaturën në parketin e basketbollit shqiptar për vite me radhë, ndërsa Igli pasi veshi fanellën e shpresave kuqezi, mori arratinë drejt Bundesligës, ku arriti të bënte emrin e tij, për t’u zhvendosur më pas në Serie A tek skuadra e Lazios. Presidentit Lotito i ra bixha me kolosin shqiptar, që jashtë fushës së blertë spikaste me stofën e liderit dhe i besoi as më shumë e as më pak, po çelësin e zyrës së drejtorit teknik të armiqve të Romës”.

“Nën drejtimin e Igli Tares, Lazio u kthye në një armatë mbresëlënëse, e cila ka një bilanc të pabesueshëm mes shpenzimeve shumë më të ulëta se sa klubet elitare të Serisë A dhe vendit që ka zënë në klubin e të mëdhenjve të futbollit italian. Sot Igli është aseti më i kushtueshëm i Lazios dhe në ditën e tij të lindjes, i uroj të ketë edhe 100 vjet shëndet e sukses, duke uruar njëkohësisht që një ditë ta shoh në krye të Juventusit (jo të Milanit siç kam frikë se do ndodhë:-)”, – përfundon Rama./atsh

“I love Allah”, Halit Valteri befason “botën”. Maska e deputetit bën jehonë në mediat turke: Baza e edukimit

Maska e cila mbante mbishkrimin “Unë e dua Allahun” e Halit Valteri që kishte vendosur ditën e sotme gjatë seancës plenare ka tërhequr vëmendjen e të gjithë shqiptarëve por jo vëtëm pasi së fundmi për paraqitjen e tij kanë shkruar dhe mediat turke.

Ai është pyetur nga agjencia e lajmeve ‘Anadollu’, në lidhje me qëllimin dhe mesazhin e një maske të tillë ndërkohë deputeti i është përgjigjur se dashuria për Zotin, do të thotë të duash kombin, familjen dhe veten.

“Aty fillon baza e edukimit për të qenë i kujdesshëm dhe i denjë në komunitetin ku jetojmë dhe japim kontributin tonë.

Me njerëz që duan dhe adhurojnë Zotin do të kemi një shoqëri më të mirë e më të prirur të respektojmë, duam dhe ndihmojmë njëri-tjetrin”, theksoi Valteri.

Ky veprim i deputetit shqiptar nuk i ka shpëtuar as medias turke “Haber” ku ajo citon fjalët e Halit Valteri deklaroi se pika fillestare e edukimit drejt kontributit në shoqëri është pikërisht këtu (dashuria ndaj Allahut).

Ai deklaroi se njerëzit do të ishin më të prirur për të respektuar, dashuruar dhe ndihmuar njëri-tjetrin nëse do të besonin tek ALLAHU.