E mbijetuara e vetme e ngjarjes horror që tronditi mbarë vendin, ku nënë e bijë u vetëflijuan për tu ringjallur, është përmirësuar.
Blerta Josifi ka dalë nga spitali psikiatrik, prej nga është marrë nga familjarët e saj në kujdestari. Por pavarësisht lënies së spitalit, Blerta do të jetë nën kontrollim e vazhdueshëm të mjekëve.
Ndërkohë në varësi të ecurisë së gjendjes së saj të shëndetit mendor, Blerta pritet që të merret në pyetje për të hedhur dritë mbi ngjarjen e tmerrshme të zbuluar në 2 korrik në zonën e Kombinatit.
Blerta Josifi është e mbijetuara e vetme e ritualit makabër ku motra e saj Anisa Josifi dhe nëna Zhaneta, u vetëflijuan për të ringjallur.
Bazuar në dëshminë e Blertës, Anisa kishte ndërruar jetë në 27 prill 2019, duke ndërprerë ushqimin.
Pas vdekjes së saj, pas dështimit të tentativave për ta ringjallur me lutje dhe lyerjes së trupit të saj me uthull për të mos u dekompozuar, Blerta dhe Zhaneta ndërprenë ushqimin.
Sipas të mbijetuarës, në këtë mënyrë ato shpresonin në ngjalljen e Anisës, gjë që e kishin lexuar në librat fetarë.
Për vite me radhë ato kishin qenë pjesë e Kishës Ungjillore, por vitet e fundit ritet fetare i praktikonin të pavarura në banesë, duke mos shkuar më në kishë.
Vazhdimisht lidhur me ngjarjen që tronditi mbarë vendin, janë hedhur dyshime se pas aktit makabër të familjes Josifi qëndrojnë sekte satanike. /noa.al
Moti i keq me stuhi e rrebeshe shiu ka përfshirë sot bregdetin shqiptar, duke rrezikuar jo pak jetën e turistëve.
Pas ngjarjes tragjike të ndodhur në Himarë, ku një familje e fundos me varkën e peshkimit dhe për pasojë humbi jetën tragjikisht gruaja, një tjetër tragjedi është shmangur.
Mësohet se tre të rinj kanë hyrë me gomone në Plazhin e Vlorës, por i ka zënë stuhia në det. Fatmirësisht, të rinjtë janë pikasur nga rojet bregdetare, të cilët kanë ndërhyrë menjëherë, duke iu shpëtuar jetën.
Emigrantët shqiptarë që kanë vite që punojnë edhe jetojnë në Greqi mund të përfitojnë nënshtetësinë greke.
‘Gazeta Shqiptare’ zbardh kategoritë e individëve që kanë të drejtë aplikimi si dhe ata që nuk mund të marrin nënshtetësi. Përkatësisht personat që nuk kanë leje qëndrimi ose kanë një leje qëndrimi të përkohshme nuk kanë të drejtë të aplikojnë për nënshtetësi helene. Gjithashtu, iu humb e drejta e aplikimit për këtë të fundit edhe individëve që kanë marrë dënime me burg që janë më shumë se 6 muaj, për lloje të caktuara krimesh, ose dënime që janë më shumë se 1 vit për krime që janë kryer me dashje.
Aplikimi
Ndërkohë mund të aplikojnë për nënshtetësinë greke personat që kanë mbi 7 vite qëndrimi të përhershëm dhe të ligjshëm në Greqi si dhe ata që kanë mbi 3 vjet qëndrim të përhershëm dhe të ligjshëm në Greqi me kusht që të jenë martuar me një nënshtetas/e grek/e dhe të kenë fëmijë me të.
Edhe individët që kanë më shumë se 3 vite qëndrim të përhershëm dhe të ligjshëm nëse kanë një fëmijë në moshë të mitur që ka nënshtetësi greke mund të marrin nënshtetësi. Përjashtohen nga aplikimi ata që e kanë fituar nënshtetësinë, sepse kanë frekuentuar një shkollë greke.
Për nënshtetësinë helene mund të aplikojnë edhe refugjatët apo personat që janë pranuar si individë pa nënshtetësi nga autoritetet greke, me kusht që të kenë mbi 3 vite qëndrim të përhershëm në këtë shtet.
Dokumentacioni
Kandidatët e interesuar për të marrë nënshtetësinë greke duhet të dorëzojnë një “deklaratë natyralizimi” pranë bashkisë së vendbanimit të tyre; një aplikim për natyralizim si dhe një leje qëndrimi. Respektivisht kjo e fundit mund të jetë: leje qëndrimi afatgjatë ose leje qëndrimi e brezit të dytë; leje për bashkëshortët/et e nënshtetasve grekë ose të BE-së, ose një prind i një nënshtetasi grek në moshë të mitur; leje për një refugjat politik ose me mbrojtje të përkohshme; si dhe leje qëndrimi e dhënë si person pa nënshtetësi. Gjithashtu, kandidatët duhet të dorëzojnë edhe pasaportën e tyre.
Nëse individi ka lindur jashtë vendit nevojitet një certifikatë lindjeje, e vërtetuar dhe e përkthyer në greqisht, ndërsa nëse ka lindur në Greqi, i duhet të paraqesë një certifikatë lindjeje greke. Është e domosdoshme që aplikantët të dorëzojnë edhe auditimet e taksave personale për vitet e fundit, numrin e sigurimeve shoqërore (?.?.?.?.) si dhe dokumente të tjera që vërtetojnë lidhjet e mia me Greqinë dhe grekët. Emigrantët shqiptarë në Greqi mund të bëjnë aplikimin për nënshtetësinë greke pranë Drejtorisë së Gjendjes Civile të Administratës së Decentralizuar të zonës ku jetojnë.
Tarifat
Të interesuarit për nënshtetësinë greke duhet të paguajnë 700 euro për aplikimin për herë të pare dhe 200 euro për aplikimin për herë të dytë dhe për të gjitha aplikimet vijuese. Ndërkohë personat e deklaruar si refugjatë apo pa nënshtetësi do të paguajnë vetëm 100 euro për aplikimin për herë të parë dhe për të gjitha aplikimet vijuese. Në projektligjin e ri që është paraqitur në parlament taksa prej 700 eurosh, parashikohet të ulet dhe të bëhet 550 euro. Pas aplikimit, kandidatët duhet të presin rreth 1 vit për të marrë përgjigje nëse aplikimi i tyre është pranuar apo jo.
Kontrolli online
Gjithë personat që kanë aplikuar për nënshtetësinë greke dhe duan të pyesin se në ç’fazë ndodhet aplikimi i tyre, tashmë mund të telefonojnë direkt në drejtorinë e nënshtetësisë të Ministrisë së Brendshme. Të interesuarit mund të telefonojnë nga e hëna në të premte (me përjashtim të pushimeve zyrtare), dhe nga ora 10:00 deri në orën 13:00, në numrin e telefonit: (+30) 2131361919. Po ashtu ka dhe një mundësi tjetër.
Të interesuarit mund të klikojnë në faqen zyrtare të Ministrisë së Brendshme greke, ku në fund djathtas te kutia rozë, me emrin “POREIA KTISIS ITHAJENIAS – Ecuria e marrjes së nënshtetësisë) dhe të ndjekin udhëzimet. Fillimisht ata duhet të klikojnë shërbimin ku e kanë dorëzuar aplikimin në bazë të qarkut, më tej numrin e dosjes, emrin dhe mbiemrin e tyre si dhe të shkruajnë simbolet e verifikimit në fund fare e pastaj shtypin “ANAZITISI”.
Marrja e nënshtetësisë
Prej disa kohësh, Greqia ka lehtësuar procedurat për të gjithë emigrantët shqiptarë që marrin nënshtetësinë greke. Tashmë procedura për kryerjen e shkëputjes nga leja e qëndrimit, mund të kryhet automatikisht. Në momentin që një emigrant shqiptar merr nënshtetësinë greke, kjo paraqitet në gazetën qeveritare. Para funksiononte në këtë mënyrë: emigranti duhej të shkonte në Qendrën e Emigracionit ku dhe kishte marrë lejen e qëndrimit, dhe bënte shkëputjen nga kjo leje në mënyrë që të merrte nënshtetësinë. Por kjo ishte një procedurë që zgjaste 2-3 javë. Tashmë procedura është lehtësuar dhe bëhet automatikisht. Megjithëse heqja e lejes së
qëndrimit mund të duket një veprim i thjeshtë, në fakt, njerëzve u kushtonte shumë, sidomos të rinjve të brezit të dytë që mund të kishin shans për të shfrytëzuar programe studimi jashtë shtetit, dhe nuk pajiseshin në kohën e duhur me këtë dokumente greke. Kjo sepse nuk mund të paraqiteshin direkt në zyrat e shtetasve të huaj dhe emigracionit, por duhej që më parë të linin një takim, e cili mund të realizohej edhe pas disa muajsh.
Ndërkaq edhe mbajtësit e “kartës së homogjenit”, duhej të paraqiteshin në polici për të anuluar kartën e tyre. Pra, gjithë kjo procedurë sillte një zvarritje të panevojshme, në një kohë që gjithçka mund të zgjidhej në mënyrë elektronike nga shërbimet administrative greke.
Kategoritë aplikuese për nënshtetësi greke
Kur mund të kryhet aplikimi:
Pas 7 viteve qëndrimi të përhershëm dhe të ligjshëm në Greqi.
Pas 3 viteve qëndrimi të përhershëm dhe të ligjshëm në Greqi me kusht që të jem martuar me një nënshtetas/e grek/e dhe të kem fëmijë me të.
Pas 3 viteve qëndrimi të përhershëm dhe të ligjshëm nëse kam një fëmijë në moshë të mitur që ka nënshtetësi greke (nuk aplikohet për ata që e kanë fituar nënshtetësinë sepse kanë frekuentuar një shkollë greke).
Pas 3 viteve qëndrimi të përhershëm dhe të ligjshëm në Greqi, nëse jam refugjat ose jam pranuar si person pa nënshtetësi nga autoritetet greke.
Dokumentacioni
Një “deklaratë natyralizimi” pranë bashkisë së vendbanimit.
†Një aplikim për natyralizim.
Një leje qëndrimi e llojeve të mëposhtme si:
Leje qëndrimi afatgjatë ose leje qëndrimi e brezit të dytë,
për bashkëshortët/et e nënshtetasve grekë ose të BE-së, ose një prind i një nënshtetasi grek në moshë të mitur, një refugjat politik ose me mbrojtje të përkohshme, si person pa nënshtetësi
Pasaporta.
Nëse keni lindur jashtë vendit, një certifikatë lindjeje, e vërtetuar dhe e përkthyer në greqisht/ Nëse keni lindur në Greqi, një certifikatë lindjeje greke.
Auditimet e taksave personale për vitet e fundit.
Numri i sigurimeve shoqërore (?.?.?.?.).
Dokumente të tjera që vërtetojnë lidhjet e mia me Greqinë dhe grekët.
Kush nuk ka të drejtë aplikimi
Ata që nuk kanë leje qëndrimi ose kanë vetëm leje të përkohshme.
Ata që kanë marrë dënime me burg që janë më shumë se 6 muaj, për lloje të caktuara krimesh, ose dënime që janë më shumë se 1 vit për krime që janë kryer me dashje./Gsh.al
Nëse në raportin në çift ka pasur zënka dhe probleme, tashmë duhet bërë kujdes dhe duhet munduar që të ruhet qetësia. Nuk duhet të mbylleni në vete. Shpenzimet në këtë moment do të jenë të mëdha, ndaj tregohuni të matur.
Demi
Dashuria paraqitet mjaft mirë, ku hënën do e keni në anën tuaj. Mërkuri do të luajë me humorin tuaj dhe do ju bëjë të ndiheni të pasigurtë, duke shtuar lodhjen dhe nervozizmin. Në punë, gjërat do të ecin ngadalë, ku do të ketë vonesa dhe shpenzime të papritura.
Binjakët
Në dashuri do të ketë dyshime, ku çiftet që po përjetojnë tensione, bëjnë mirë që të shmangin debatet. Për shumë kohë keni shpresuar se diçka në punë do të ndryshonte, dhe tashmë do të ndodhë përmirësimi.
Gaforrja
Bëni mirë që të ruani qetësinë dhe të shmangni debatet. Në dashuri ka diçka që ju nervozon dhe tensionon. Mund t’iu duhet që të merrni vendime. Në punë, do të hasni në kundërshti me dikë.
Luani
Në këtë periudhë rrezikoni që të jepeni pas ndonjë historie dashurie. Keni dëshirë që të njihni njerëz të rinj dhe të bëni miqësi. Puna paraqitet mjaft mirë, për ata që janë të pavarur. Nëse do të merrni propozime bashkëpunimi, veproni me kujdes.
Virgjëresha
Ndiheni shumë të lodhur, ndaj relaksohuni dhe shmangni debatet dhe problemet. Dashuria mund të jetë subjekt i dyshimeve. Në punë, duhet ti bëni gjërat me qetësi. Një debat gjatë kësaj të enjteje, rrezikon që të shkaktojë dëme të pakthyeshme.
Peshorja
Në dashuri nëse ka dyshime, çiftet që kanë pasur probleme, do të vijojnë që të debatojnë, pavarësisht përpjekjeve për ti zgjidhur. Në punë, jo çdo gjë do të ecë siç ju dëshironi.
Akrepi
Ky është një moment i rëndësishëm për dashurinë, e cila tashmë nuk do të jetë më në plan të dytë. Duhet të mundoheni që të riktheheni në lojë. Në punë, mundohuni që të bëni gjithçka mundeni pa humbur kohë, por veproni me kujdes.
Shigjetari
Kjo është një periudhë mjaft e favorshme për ata që janë vetëm, pasi mund të gjejnë personin e duhur, shkruan noa.al. Nga ana tjetër, në punë, nuk do të ndiheni shumë të vlerësuar.
Bricjapi
E enjtja do të jetë mjaft pozitive sa i takon dashurisë, sidomos nëse keni të bëni me një person të shenjës së peshqve. Në punë po përkushtoheni me shumë energji, ndaj bëni kujdes që t’ia dilni mban. Takimet e reja janë mjaft të favorizuara.
Ujori
Dashuria paraqitet mjaft mirë dhe do të jeni mjaft të përkushtuar. Do të keni mundësi që të nisni një lidhje të re. Në punë, duhet të bëni kujdes që të mos lini asgjë pezull, pasi në të kundërt nuk do i merrni rezultatet që shpresoni.
Peshqit
Dashuria paraqitet mjaft mirë, ku do të arrini të lini pas disa probleme. Keni nevojë që të bëni një zgjedhje. Ky është moment i rëndësishëm për punën, ndaj duhet të mendoni për të ardhmen.
Vendi ynë u përfshi mëngjesin e djeshëm nga një stuhi e fortë ere me rreshje të shumta shiu.
Por ditët e freskëta nuk do të zgjasin edhe për shumë gjatë javës së parë të gushtit. Sipas SHMU, rreshjet e shiut në vijim dhe sot do të jenë lokale dhe kryesisht me intensitet të ulët.
Era do të jetë e lehtë, me shpejtësi nga 1 në 10 m/s ndërsa temperaturat parashikohen si më poshtë:
Në vlerat e mëngjesit parashikohen nga 16°C në zonat malore deri në 19°C në ato të ulta e bregdetare. Në vlerat e mesditës ato parashikohen nga 26°C në zonat malore deri në 32°C në ato të ulta.
Njoftimi i Shërbimit Meteorologjik Ushtarak:
Vendi ynë gjatë pjesë së parë të ditës u ndikua nga kalimi i një fronti të ftohtë atmosferik shoqëruar me reshje shiu në formën e shtrëngatave dhe stuhive. Sasia më e lartë e reshjeve u regjistrua në qytetin e Lezhës me 23.0mm pasuar nga qyteti bregdetar i Vlorës me 21.2mm. Deri në fund të ditës moti do të jetë me kthjellime si dhe alternime vranësirash kalimtare të cilat do të shoqërohen me reshje shiu të dobta dhe lokale.
Për ditën e Enjte vendi do të vijoj të jetë nën ndikmin e kushteve jo të qëndrueshme atmosferike. Moti do të jetë kryesisht me kthjellime por kryesisht pas orëve të mesditës edhe vranësira mesatare deri dhe të dendura. Këto vranësira do të shoqërohen me reshje shiu të herëpashershme me intensitet të ulët dhe mesatar në formën e shtrëngatave dhe stuhive. Lokalisht reshjet me intensitet deri të lartë në formë rrebeshesh.
Era do të fryjë e lehte me shpejtësi 1-10m/s nga kuadrati i veriut kryesisht përgatë vijës bregdetare dhe zonat luginore. Temperaturat në vlerat e mëngjesit parashikohen nga 16°C në zonat malore deri në 19°C në ato të ulta e bregdetare. Në vlerat e mesditës ato parashikohen nga 26°C në zonat malore deri në 32°C në ato të ulta.
Një 42-vjeçar nga Gjirokastra ka vënë në alarm familjarët e tij pasi prej disa ditësh nuk ka asnjë kontakt me ta.
Denoncimi është bërë nga familjarët, të cilët kërkojnë ndihmë për gjetjen e Gentian Vrekës.
Ditë më parë ai u largua nga banesa për të mos u kthyer më.
Për më tepër, 42-vjeçari, thonë familjarët, vuan nga probleme të shëndetit mendor. Për herë të fundit ai është parë në lagjen 18 Shtatori, në afërsi të një kopshti fëmijësh.
Humbjen e të afërmit të tyre familjarët e kanë denoncuar edhe në Policinë Gjirokastër, por deri tani as policia nuk ka rënë në gjurmët e 42-vjeçarit.
Policia po punon për gjetjen e tij, duke kërkuar edhe bashkëpunimin e qytetarëve. /noa.al/
Presidenti i Republikës Ilir Meta, i veshur kuqezi ka bërë publike mbrëmjen e sotme një foto, ku tregon edhe për miqësinë e tij me ‘Padre’ Serxhion.
Meta ka bërë një selfie krah ‘Padre’ Serxhios, teksa shfaqet i buzëqeshur dhe i veshur me një bluzë të Kombëtares shqiptare, të cilën e publikoi në Facebook.
“Me Padre Serxhion ju urojmë një mbrëmje të këndshme nga Ishmi”,- shkruan ai krahas fotos, duke treguar edhe vendin se ku po e kalon mbrëmjen e sotme.
Kreu i Shtetit ka qënë edhe në Kishën e Bizës që ndodhet në Ishëm, ku ka ndjekur meshën e drejtuar nga ‘Padre’ Serxhio.
Nuk është e qartë nëse Presidenti i përket besimit katolik, pasi nuk është shprehur asnjëherë mbi këtë çështje./NOA.al
Zona turistike të jugut të Shqipërisë janë zhytur në errësirë pasi prej orësh mungon energjia elektrike.
Situata në Dhërmi raportohet e nderë. Plazhe dhe rrugë të boshatisura, njerëz të strukur në dhoma, pa energji dhe një pjesë e mirë edhe pa ujë. Për më tepër shtrënguara shiu që përfshinë jugun në mëngjes, kanë bërë që moti të jetë i zymtë dhe i ftohtë me temperatura nën 20 gradë celsius
Pushues që njoftuan tek noa.al, thanë se po përballen me situatë mbijetese në plazh, duke theksuar se këto janë pushimet më të zymta në vite, duke e ilustruar me ndalimin e beach bareve, boshatisjen e lokaleve dhe shezlonëve, si dhe mungesën e turistëve.
Sakaq, për mungesën e energjisë elektrike nuk ka asnjë informacion se kur do të bëhet rikthimi i saj. Noa.al kërkoi të dhëna për arsyet e mungesës së energjisë dhe mësoi se shkarkesat elektrike kanë shkaktuar dëmtim të një shtylle ku po punohet nga ekipet e OSHEE.
Siç shihni në foto, si pasojë e shkarkimeve elektrike nga moti i keq me shi dhe stuhi ere është dëmtuar një prej shtyllave elektrike në zonen e ish-kampit të Dhërmiut. Grupet e avarise së OSSH Vlorë po punojnë për eliminimin e defektit dhe rikthimin e energjisë në zonën e plazhit të Dhërmiut, tha OSHEE./noa
