Edhe pse u përkasin bindjeve të ndryshme politike, ish-zëvendësministrja e Arsimit, Nora Malaj, e ka shprehur gjithmonë edhe publikisht miqësinë më kryeministrin Edi Rama.
E pyetur nëse kreu i qeverisë i kishte dërguar mesazh urimi pasi u shërua nga Covid, ish-deputetja e LSI-së Malaj tha se Rama nuk i ka dërguar mesazh sepse ka qenë periudha kur i ka ndërruar jetë e ëma, Aneta Rama, ndërsa kryeministrin e ngushëlloi publikisht.
“Kanë qenë ato ditë kur humbi jetën teta Neta, nuk kam marrë urim me shkrim pro jam e sigurt që si është treguar solidar dhe ka uruar shërimin tim.
Në fund të ditës jemi shumë pak për të dashur të keqen e njëri-tjetrin, beteja politike është përtej betejës me jetën”, tha Malaj për Report Tv.
Kthehet sot në Itali ekipi italian i mjekëve, pas dy javësh intensive pune në Shqipëri, për trajnimin e ekipeve shqiptare në përballje me koronavirusin.
Para largimit, mjekët u pritën në një takim nga ministrja e Shëndetësisë, Ogerta Manastirliu.
Gjatë takimit ministrja tha se vetëm nëpërmjet solidaritetit dhe veprimeve të unifikuara do të mund ta fitojmë luftën me virusin e rrezikshëm .
“Prita me kënaqësi ekipin e mjekëve italianë dhe të Mbrojtjes Civile, të cilët për dy javë asistuan ekipet tona mjekësore të spitaleve COVID duke na ofruar këshilla të vlefshme dhe sugjerime konkrete për organizimin spitalor. Jam e bindur që bashkëpunimi i frytshëm do të vijojë në misione të tjera mbështetje nga Italia mike. Faleminderit nga zemra”, u shpreh Manastirliu. /noa.al
Kjo ditë mund të jetë vërtetë e bukur, nëse keni njeriun e duhur në krahë. Ndonjë problem mund të hasni me të lindurit e shenjës së gaforres dhe peshores. Në punë do të keni mundësi të mira, por bëni kujdes me konsolidimin ekonomik.
Demi
Ju pret një fundjavë e bukur sa i takon ndjenjave dhe do të ndiheni mjaft energjik. Edhe në punë gjërat do të ecin më mirë, ku do të jeni të përqendruar dhe do të keni mundësi që të bëni projekte për të ardhmen.
Binjakët
Mundohuni që të dilni nga guaska ku ndodheni dhe të shoqëroheni me më shumë njerëz. Ata që janë çift, do të kenë mundësi që të mendojnë për diçka të re. Edhe në sferën profesionale, ndryshimet janë mjaft të favorshme.
Gaforrja
Nëse duhet të flisni me dikë dhe të sqaroni diçka, kjo është dita ideale për ta bërë. Mos e humbni besimin në dashuri. Yjet janë në anën tuaj, sa i takon ndjenjave. Kujdes duhet të bëni me shpenzimet.
Luani
Ndjenjat do të jenë në rritje gjatë kësaj dite. Ata që janë vetëm do të kenë mundësi që të bëjnë takime të reja dhe të tregohen të hapur për emocione të reja. Jeni mjaft të hapur edhe për ndjenja të kënaqshme. Dita parashikohet mjaft pozitive edhe sa i takon punës, ndaj mundohuni që të shmangni kundërshtitë e së kaluarës.
Virgjëresha
Jeni nën ritmin e duhur sa i takon dashurisë, por kjo situatë do të jetë kalimtare, shkruan noa.al. Mundohuni që të ruani qetësinë. Sa i takon punës, duhet të qartësoni gjërat e mbetura pezull.
Peshorja
Mundohuni që të rrini larg polemikave dhe tensioneve, pasi mund të jeni tejet nervoz sa i takon jetës personale dhe sentimentale. Edhe në sferën profesionale ka diçka që ju shqetëson, ndaj mundohuni që të zgjidhni problemet e pazgjidhura.
Akrepi
Çiftet e qëndrueshme do të kenë mundësi që të bëjnë projekte afatgjata. Kush është në kërkim të një konfirmimi në dashuri, do e marrë në këtë periudhë. Në punë, do të ketë mundësi rikuperimi lidhur me një projekt që kishte ndaluar.
Shigjetari
Ata që janë vetëm do të kenë mundësi që të bëjnë takime të reja, të cilat mund të çojnë në lindjen e historive pasionante. Në punë, duhet të nisni të angazhoheni për të marrë diçka më shumë. Duhet një programim i kujdesshëm.
Bricjapi
Kjo është një ditë mjaft pozitive për ndjenjat, ku takimet e reja janë mjaft të favorshme, sidomos me të lindurit e shenjës së akrepit dhe peshqve. Në punë mundohuni që të ruani qetësinë, edhe pse mund të mos e keni të lehtë.
Ujori
E premtja do të jetë mjaft pozitive për dashurinë, ku do të keni mundësi që të ndryshoni mënyrën tuaj të të menduarit. Edhe kush ka përjetuar një zhgënjim, do të ketë dëshirë për emocione të reja. Në punë do të keni dëshirë për ndryshim, edhe pse mund të ketë probleme për të kaluar.
Peshqit
Bëni mirë që të shtyni një debat, në mënyrë që të mos e shkatërroni ditën. Duhet të përpiqeni që të zgjidhni disa tensione. Ndonjë problem ose vonesë do të shfaqet në punë, por nuk do të jenë të pazgjidhshme.
Presidenti Ilir Meta, kthen në Kuvend për rishqyrtim ligjin “Për disa shtesa në ligjin nr. 8743, datë 22.2.2001, “Për pronat e paluajtshme të shtetit”, të ndryshuar”.
Kreu i shtetit argumenton se ky ligj, në mënyrë të pashpjeguar dhe arsyetuar, është shqyrtuar me urgjencë brenda 7 ditëve nga Kuvendi.
Sipas tij, nisma që paraqitet si ndërhyrje në legjislacionin në fuqi për forcimin e mekanizmave ligjorë për mbrojtjen e interesit dhe pasurisë publike, në fakt rrezikon të shkaktojë një problematikë në raport me të drejtën e gëzimit dhe posedimit të pronës sipas titujve të fituar të pronësisë.
Meta argumenton se e vetmja çështje që duket se ka marrë vëmendjen më të madhe të qeverisë dhe Kuvendit është rregullimi i marrëdhënieve juridike që shteti ka lidhur apo do të mund të lidhë me persona të tretë për përdorimin e pasurisë pronë publike, tashmë edhe pa një afat të përcaktuar.
Ndërhyrjet e miratuara me ligjin nr. 111/2020, bëjnë që askush të mos jetë tashmë në gjendje të përcaktojë të paktën ligjërisht, nëse një pasuri pronë private e ndodhur në afërsi të bregdetit dhe e përfituar me një nga mënyrat e ligjshme të fitimit të pronësisë, sipas
– ligjit nr. 7501/1911 “Për tokën”,
– legjislacionit për kthimin dhe kompensimin e pronës,
– legjislacionit të privatizimit, apo
– një vendimi gjyqësor,
ndodhet ose jo nën regjimin e përcaktuar si pronë publike e patjetërsueshme pjesë e “vijës bregdetare”, si dhe çfarë do të ndodhë me mënyrën e gëzimit të kësaj të drejtë pronësie mbi këtë pasuri, me të gjitha të drejtat që burojnë prej saj.
“Në praktikë ky ligj krijon hapësirën që të ndodhin abuzime të mëdha ashtu si deri më tani, ku për shkak të ndërhyrjeve dhe interesave të ndryshme, gjerësia dhe shtrirja e asaj që konsiderohet si “bregu i detit” të pësojë deformime të mëdha dhe jashtë realitetit, duke krijuar rrezik të shtuar për cenimin e pronës publike apo në raste të tjera, kjo pasuri arbitrarisht t’i nënshtrohet shpronësimit për interes publik”, arsyeton Presidenti.
Ai shton se mbi të gjitha, ky ligj bën një trajtim preferencial dhe jo të barabartë të subjekteve apo individëve që gëzojnë tituj pronësie apo përdorimi mbi pasuri të paluajtshme përgjatë bregdetit shqiptar, në raport me investitorët në këto zona.
Ndërkohë që pronarët që kanë përfituar në mënyrë të ligjshme një titull pronësie me një nga mënyrat e parashikuara nga ligji, trajtohen në pasiguri të plotë për mundësinë e posedimit dhe përdorimit të pronës së tyre në të ardhmen, e cila pas ndërhyrjes me këtë ligj marrin statusin pasuri publike e patjetërsueshme, nënvizon se ligji, tashmë këto prona që i konsideron si me interes publik, bën që të ndryshojnë në fakt thelbësisht destinacioni i tyre nëpërmjet tjetërsimit pa afat në shërbim dhe për interes të enteve private, duke cenuar edhe nivelin e përdorimit masiv të saj nga publiku i gjerë.
“Ky ligj, në vend që të adresojë problematikën e pronave në Shqipëri, thellon edhe më shumë konfliktin social në vend”, thotë në mbyllje kreu i shtetit.
Qeveria dy vitet e fundit po aplikon stimuj në vlera monetare për nxitjen e lindjeve duke dhënë subvencioneve direkte për çdo fëmijë të lindur, por kjo politikë nuk e ka përmirësuar situatën edhe pse shumë fëmijë të lindur jashtë vendit janë regjistruar në Shqipëri për të përfituar nga bonusi.
Sipas INSTAT, në të gjithë vendin kanë lindur 12,500 foshnja me rënie 3,2 për qind në raport me 6 -mujorin e parë 2019.
Rënia e lindjeve është përkeqësuar në këtë dekadë sidomos në 6 vitet e fundit, kur tkurrja e popullsisë dhe emigracioni i lartë që po vijon më ritme të larta që nga viti 1990, po akumulojnë efektet negative tek lindjet. Në 6 mujorin e parë lindjet ranë me mbi 24% në raport me vitin 2012.
Përgjithësisht numri vjetor i lindjeve në Shqipëri luhatet në 24-32 mijë bebe në vit. Vitin e kaluar lindën pak më shumë se 28,500 mijë bebe, teksa gjatë 6 muajve të 2020 kanë lindur vetëm 12,500 bebe.
Sipas të dhënave që i takojnë të tremujorin e dytë 2020 vetëm dy qarqe të vendit kanë shënuar rritje të numrit të lindjeve, në krahasim me të njëjtën periudhë të vitit 2019, ndërsa në dhjetë qarqe ka pasur rënie. Në tremujorin e dytë 2020 numri më i madh i lindjeve regjistrohet në qarkun e Tiranës, ndërsa ai më i vogël në qarkun e Gjirokastrës.
Rritjen më të madhe në përqindje të lindjeve, gjatë tremujorit të dytë 2020, krahasuar me të njëjtën periudhë të vitit 2019 e ka qarku i Gjirokastrës me 5,2 %, rënien më të madhe e ka qarku i Kukësit, me 37,0 %.
Nëse do t’i referoheshim numrit absolut të lindjeve, vihet re qartë një rënie e konsiderueshme në numrin e tyre, nga 82 mijë në 1990 në 28,561 lindje në vitin 2019.
Demografët shpjegojnë se lindshmëria te personat në moshë riprodhuese sot është e ndryshme nga ajo e prindërve të tyre, si në lidhje me numrin mesatar të fëmijëve për grua (indeksi sintetik i fekondimit) ashtu sa i përket edhe karakteristikave strukturore (moshës).
Gjatë viteve 2000, indeksi sintetik i fekondimit në Shqipëri ra nën nivelin e zëvendësimit, i cili përcaktohet si 2.1 fëmijë për grua, shkruan ‘monitor’. Për herë të parë në historinë e lindshmërisë së Shqipërisë, indeksi Sintetik i Fekondimit ishte më pak se 2 fëmijë për grua pas vitit 2003, teksa në vitin 2019 ishte më pak se 1.36. Sot gratë që lindin fëmijën e parë janë mesatarisht më të mëdha në moshë sesa nënat e tyre dikur. Deri në fillim të viteve 2000, modeli tipik i familjes në Shqipëri, ishte një çift i martuar me dy fëmijë.
Mosha mesatare në lindjen e parë ka shënuar një rritje të lehtë gjatë 10 viteve të fundit, teksa njerëzit fillojnë të krijojnë familje në një moshë më të madhe dhe tentojnë të kenë më pak fëmijë. Kohët e fundit, gjithashtu familja është bërë më pak e qëndrueshme si pasojë e normës në rritje të divorceve, shpjegojnë demografët.
Përveç indeksit Sintetik të Fekondimit, një tregues i rënies së lindshmërisë është edhe koeficienti bruto dhe neto i riprodhimit, të cilët matin numrin e vajzave që lind një grua. Ky indeks në vendin tonë është nën një vajzë për grua, pra një femër nuk arrin të riprodhojë veten.
Sipas astrologjisë, shenjat e horoskopit që vijojnë si më poshtë, mund të kenë shoqëri të gjata dhe të jenë besnikë në raportin me njëri-tjetrin, kështu që kujdes kur bëni shoqëri.
Binjakët dhe Luani
Këta janë tipa tejet socialë, të cilëve u pëlqen të dëfrehen.
Kanë personalitete vibrantë dhe janë gjithashtu shumë argëtues.
Po kështu, të dyve u pëlqen afeksioni dhe vlerësimi dhe nuk ia kursejnë asnjëherë njëri-tjetrit.
Demi dhe Gaforrja
Këto janë dy shenjat më besnike në Zodiak. Të dyja formojnë një dyshe të fuqishme me bazë besimin, që janë krejt të harmonizuar në emocionet e tyre.
Kryetari i Bashkisë së Tiranës, Erion Veliaj është shëruar nga koronavirusi. Lajmin e ka bërë vetë publik në Facebook, ku thotë se testi i dytë rezultoi negativ.
Në status është kujdesur të saktësojë se është trajtuar në Tiranë dhe askund tjetër.
“Pas dy javesh izolim e trajtim mjekësor – në Tiranë, e askund tjetër – testi i fundit me nxorri të shëruar nga Covid-19 e më të fortë se kurrë për t’iu rikthyer punëve të shumta të Kryeqytetit tone”, shkruan Veliaj.
Në foton e publikuar ka dalë me djalin e tij.
“E kam zemrën plot mirënjohje për familjen time të vogël – Ajola, Kajan dhe nënat e papërtuara – e për familjen e madhe të mijëra prej jush, që më dhatë përditë kurajo e frymëzim për ta mundur këtë flame”, vijon statusi.
Përmend edhe kujdesin që treguan përfaqëuesit e Ministrisë së Shëndetësisë dhe institucioneve të tjera.
“Do të kish qenë edhe më e vështirë pa këmbënguljen e Ogertës, Albanës, Eugenës e Almes nga ISHP të cilat më këshilluan ta merrja seriozisht që në fillim, pa përkushtimin 24h të Doktor Perlatit apo injeksionet pupël të infermiere Adelinës, si dhe insistimit ditor të shokut Gramoz për t’iu bindur profesionistëve heronj e jo gjithologëve mendjelehtë”.
Postimi i plotë:
Pas dy javesh izolim e trajtim mjekësor – në Tiranë, e askund tjetër – testi i fundit me nxorri të shëruar nga Covid-19 e më të fortë se kurrë për t’iu rikthyer punëve të shumta të Kryeqytetit tonë.
E kam zemrën plot mirënjohje për familjen time të vogël – Ajola, Kajan dhe nënat e papërtuara – e për familjen e madhe të mijëra prej jush, që më dhatë përditë kurajo e frymëzim për ta mundur këtë flamë.
Do të kish qenë edhe më e vështirë pa këmbënguljen e Ogertës, Albanës, Eugenës e Almes nga ISHP të cilat më këshilluan ta merrja seriozisht që në fillim, pa përkushtimin 24h të Doktor Perlatit apo injeksionet pupël të infermiere Adelinës, si dhe insistimit ditor të shokut Gramoz për t’iu bindur profesionistëve heronj e jo gjithologëve mendjelehtë!
Gjatë këtyre dy javëve u miqësova me plot pacientë apo të shëruar të tjerë, njoha historitë e tyre e ndamë momente të kësaj lufte të përbashkët të njerëzimit. Ky komunitet, ku tani edhe unë duhet të bëj pjesën time, do duhet të jetë më aktiv për të ndërgjegjësuar të tjerët mbi seriozitetin e kësaj drame e nevojën për të bashkëpunuar me autoritetet çdo ditë!
Jam i brengosur për ata që s’ja dolën, më sëmbon zemrën kjo padrejtësi ku disa jetë këputen kaq beftas në mes! Vazhdoj lutem për familjet që lanë pas, e siç ua kam dëshmuar një pjese prej tyre, do angazhohem me gjithçka mundem për të lehtësuar sadopak dhimbjen e nevojat e tyre, sidomos të fëmijëve!
Ndaj miq, le të duhemi më shumë, e urrehemi më pak. Të ndihmojmë më shumë, e të shajmë më pak. Të bashkohemi më shumë, e të përçahemi më pak! Nëse i bëjmë këto e bashkëpunojmë me bluzat e bardha, do ngrihemi më të pjekur e më të fortë si komb! Unë besoj! Mirënjohje e dashuri pafund për secilin prej jush!
Policia Shqiptare njofton qytetarët që duan të kalojnë drejt Greqisë për rregullat e reja.
Pas ndryshimit të orareve të kalimit në Pikën Kufitare të Kakavijës dhe Kapshticës, po licia sqaron dhe për formularin me testin negativ për COVID me të cilin duhet të jenë pajisuar ata që duan të kalojnë. Ndërkohë që shtetas të BE apo me leje qëndrimi në vendet e BE dhe vendet e tjera të treta nuk lejohet te hyjnë nëpërmjet P.K.K. Kakavije dhe Kapshticë për në Greqi.
NJOFTIMI:
🔵 Autoritetet policore greke👮, njoftojnë se nga ora 2️⃣2️⃣:0️⃣0️⃣ deri në orën 0️⃣6️⃣:0️⃣0️⃣, Pikat e Kalimit të Kufirit Kakavije dhe Kapshticë 🛂🚧 nga pala greke do të jenë të mbyllura për udhëtarët 🧍♂️ dhe automjetet 🚗 si në hyrje edhe në dalje të Greqisë🇬🇷.
🔵 Pikat e kalimit🛂 do të jenë të hapur për qytetarët dhe automjetet çdo ditë nga ora 0️⃣6️⃣:0️⃣0️⃣ deri në 2️⃣2️⃣:0️⃣0️⃣, ora Shqiptare.
🔵 Policia e Shtetit👮 🇦🇱 fton qytetarët dhe drejtuesit e automjeteve që të ⚠️ shmangin lëvizjet dhe udhëtimet gjatë orarit që Pikat e Kalimit janë të mbyllura 🛂⛔pasi mjetet dhe udhëtarët nuk do të lejohen nga Policia Kufitare 🇦🇱 që të parkojnë apo qëndrojnë në territorin doganor e kufitar 🚧🛂.
🔵 Gjithashtu Policia e Shtetit njofton qyetarët se sipas njoftimit zyrtar të autoriteteve greke, duke filluar nga data 16 Gusht 2020, do të lejohet që të hyjnë në Greqi🇬🇷 nëpërmjet Pikës së Kalimit të Kufirit Kakavije🛂 vetëm 750 shtetas në ditë.
🔵 Duke filluar nga data 17 Gusht, do të lejohet hyrja në Greqi nëpërmjet Pikës Kalimit Kufirit Kakavije🛂 për 750 shtetas në ditë të cilët përveç formularit PLF duhet të jenë pajisur me vërtetim në gjuhën angleze që vërteton se kanë kryer testimin për Covid-19🔬 dhe kanë rezultuar negativ. Formulari duhet të përmbajë rezultatin negativ, numër pasaporte dhe emër mbiemër.
🔵 Karantinë nuk do të ketë.
🔵 Lejohet të kalojnë kufirin vetëm shtetas grekë, shtetas shqiptarë e të huaj me leje qëndrimi greke dhe minoritarë me kartën përkatese, të gjithë duke qënë të pajisur me PLF dhe analizën negative Covid-19.
⛔ Shtetas të BE apo me leje qëndrimi në vendet e BE 🇪🇺 dhe vendet e tjera të treta nuk lejohet te hyjnë nëpërmjet P.K.K. Kakavije dhe Kapshticë për në Greqi.
🔵 Policia e Shtetit 👮 🇦🇱 apelon që të gjithë qytetarët të ndjekin udhëzimet e autoriteve për lëvizjet në kufi si dhe të respektojnë me rigorozitet masat mbrojtëse me qëllim parandalimin e përhapjes së COVID-19 😷.
