Policia e Vlorës ka arr estuar sot një 43-vjeçar i cili anosi me mjet të mprehtë dhe ushtroi dhunë fizike ndaj bashkëshortes.
Specialistët për Hetimin e Krimit në Komisariatin e Policisë Vlorë, arrestuan në flagrancë shtetasin Y. D., 43 vjeç, banues në Vlorë.
Arrestimi i tij u bë pasi në datë 28.11.2020, ka kanosur me mjet të mprehtë thi kë si dhe ka ushtruar dhunë fizike në mënyrë të përsëritur ndaj bashkëshortes së tij.
……….
Materialet hetimore i kaluan Prokurorisë pranë Gjykatës së Shkallës Parë Vlorë, për veprime të mëtejshme.
(Balkanweb)
Specialistja e ISHP-së Eugena Tomini, në një intervistë televizive tha se aktualisht vendi është në një situatë me rrisk të shtuar sa i përket COVID-19.
Ajo apeloi njerëzit që në momentin kur u këshillohet që të shtrohen në spital, mos hezitojnë ta bëjnë një gjë të tillë.
“Aktualisht kemi një situatë me intensitet të lartë shfaqjes së COVID-19. Shifrat e fundit tregojnë një ulje. Drejt ezaurimit të kapaciteteve të COVID 3. Aktualisht kemi dhe një numri të lartë vdekjesh që vijnë si pasojë e komplikacioneve. Jemi në një risk të shtuar sa i përket COVID-19. Kemi shfaqje të infeksioneve respiratorë të poshtme dhe të sipërme. Shfaqet me intensitet të ulët por paralelisht me COVID-19. Grip akoma jo i konfirmuar në vend.
Është një situatë e ndikuar edhe nga shfaqjet mediatike, parjes së faqeve mediatike të ‘facebook’, rrjeteve sociale, i ndikuar dhe nga daljet televizive, më mirë të trajtohemi në shtëpi nën kujdesin e mjekut të familje, një ndjenjë frike ndaj vajtjes në spital e ka sunduar popullatën. Ne bëjmë thirrje për mos hezitim të spitaleve tona. Dhe familjarët duhet të bindin për shkuarjen në spital.
Ndiqemi hera-herës dhe me këshillime të mjekut të familjes por nëse mjeku këshillon për shtrim në spital, nuk duhet të hezitojmë.
Të mos neglizhojmë shenjat, të ndjekim sistemin e monitorimit, të mos trajtohemi sipas rekomandimeve të sistemit shëndetësor”, deklaroi Tomini për News 24.
Sa i përket shkollave dhe përhapjes së COVID-19, ekspertja e ISHP-së tha se fëmijët janë transportues të virusit por nuk kanë atë nivel transportueshmërie si adultët. /noa.al/
Festimet për 108-vjetorin e pavarësisë së Shqipërisë, kanë kaluar çdo kufi, duke mbërritur nga njëri cep i botës tek tjetri.
Pas qiellgërvishtësit të Dubait dhe urës së Bosforit në Stamboll, edhe ujvara e Niagarës në Kanada është ndriçuar me ngjyrat kuq e zi.
Ngjarjen e ka bërë me dije ambasadori i Shqipërisë në Kanada, Ermal Muça, i cili ka publikuar një sërë pamjesh. Vende të ndryshme kanë uruar Shqipërinë në nder dhe respekt të ditës së Pavarësisë.
“Ujëvara e Niagarës, simboli i Kanadasë, i njohur në mbarë botën, u ndriçua kuq e zi, me ngjyrat e Flamurit Kombëtar mbrëmjen e 28 nëntorit, në nderim dhe respekt të 108 vjetorit të Pavarësisë së Shqipërisë si edhe Muajit të Trashëgimisë Shqiptare në Ontario. Mirënjohje e sinqertë për autoritetet përkatëse kanadeze për bashkëpunimin dhe gjestin fisnik! Gëzuar Pavarësinë Shqipëri!”, – shkruan ambasadori Shqipërisë në Kanada, Ermal Muça. /noa.a/
Prej së dielës temperaturat në mbarë vendin do të pësojnë ulje.
Kjo rënie do të sjellë edhe flokët e dëborës në veri dhe veri-lindje të vendit sipas meterologes Adiola Bani. Vlerat minimale do zbresin në -6 gradë celsius.
“Presim që dita e sotme të jetë me kthjellime deri pas mesditës ku do të kemi shfaqje të vranësirave në të gjithë territorin shqiptar, por që nuk do të ketë reshje.
Ndërsa dita e diel do të paraqitet me vranësira dhe kthjellime gjatë paradites, por pasditja na sjell shpeshtim të vranësirave në zonën jugore ku presim dhe reshje të pakta dhe të izoluara të shiut.
Gjatë orëve të mbrëmjes do të kemi dhe reshje të izoluara në zonat qendrore. Sigurisht në zonat malore do të kemi shfaqje të flokëve të borës.
Do të kemi dhe rënie të temperaturave gjatë pasdites së sotme deri në mesin e ditës së diell. Ndërsa për sa i përket fillim javës do të na sjellë mot të kthjellët, por që do të kemi rënie të ndjeshme të temperaturave.
Vlerat minimale do zbresin edhe -5 apo -6 gradë celsius. Ndërsa mesdita nuk do të jetë më shumë se 13 apo 14 gradë celsius.
Vetëm fillim java do na sjellë rënie të temperaturave. Do zgjasë dy ose tre ditë pasi do të kemi sërish rritje të temperaturave.
Meqë do kemi ndryshim të menjëhershëm do të kemi dhe prezencë të dukshme të reshjeve.
Në përgjithësi muaji dhjetor do jetë me temperatura tipike.
Mëngjeset -1 gradë celsius, ndërsa pasditja do jetë rreth vlerës 15 deri në 16 gradë celsius. Për sa i përket dhjetorit shpresojmë të kompensojë atë mungesën e reshjeve që kemi pasur në muajin nëntor”, tha meteorologia, Adiola Bami.
Me një ceremoni solemne u përkujtua në Shkup 28 Nëntori – Dita e Flamurit dhe e pavarësisë së Shqipërisë, nën kujdesin e kryetarit të Bashkimit Demokratik për Integrim, Ali Ahmeti.
Në ceremoninë solemne të pranishëm ishin edhe kryetari i Kuvendit të Maqedonisë së Veriut, Talat Xhaferi, ambasadorët e Republikës së Shqipërisë dhe Republikës së Kosovës në vend, Fatos Reka dhe Gjergj Deda e të tjerë.
”Kohërat mund të ndryshojnë, kontekstet gjithashtu mund të ndryshojnë, por me rëndësi është themeli, shtyllat dhe urat mbi të cilat ndërtohet dhe orientohet ardhmëria e gjeneratave të reja që të vazhdojnë rrugëtimin dhe do të kenë përgjegjësinë dhe privilegjin të jenë qytetarë të barabartë me të drejta dhe obligime të njëjta në BE”, deklaroi Xhaferi.
”Të ndërtojmë ura bashkëpunimi, zhvillimi dhe përparimi. Na bashkon gjuha, kombi dhe flamuri!”, tha në fund të fjalimit të tij Xhaferi.
Ali Ahmeti theksoi se nga të gjithë kuvendet e mbajtura nga shqiptarët është dëshmuar se ne nuk jemi okupues apo zullumqarë për t’u rënë në qafë fqinjëve e popujve të tjerë.
”Është një vërtetë e madhe që shqiptarët kanë luftuar për t’u bashkuar dhe çdokush që mundohet ta mohojë nuk e thotë të vërtetën dhe e fsheh atë, sepse të gjitha padrejtësisë nga konferencat goditë mbi shpatullat tona, bëheshin pazare për të kënaqur orekset e vendeve gllabëruese fqinje, por përpjekjet nuk u ndalën. Investimi për të qenë ne të lirë vërtetë pati qëllim të lartë, por liri e barazi pa gjak nuk ka. Mesazhe për paqe dhe stabilitet gati nga të gjitha periudhat e lëvizjeve të rëndësishme të shqiptarëve këto kanë qenë”, deklaroi Ahmeti.
Fatos Reka, ambasador i Republikës së Shqipërisë në vend, theksoi se kontributi i patriotëve tanë për Ditën e Flamurit mbetet i vlerësuar dhe nuk duhet harruar.
”Pas anëtarësimit edhe të Maqedonisë së Veriut në NATO, të dy vendet tona janë përfshirë fuqishëm në zbatimin e detyrave të shtëpisë, duke thelluar reformat në të gjithë sektorët, për të qenë të gatshëm në çeljen e negociatave të anëtarësimit për në Bashkimin Europian. Edhe kjo është një sfidë e madhe në të cilën faktori shqiptar në Maqedoninë e Veriut si gjithnjë ka ditur që të pozicionohet drejtë. Nuk na mbetet gjë tjetër veçse kjo gjë të realizohet sa më shpejtë që të jetë e mundur në mënyrë që edhe vendet tona Shqipëria dhe Maqedonia e Veriut të bëhen pjesë e familjes evropiane, duke bërë realitet ëndrrën e patriotëve e rilindësve tanë”, deklaroi Reka./ atsh
Në qytetin e Vlorës, pranë monumentit të Pavarësisë u zhvillua sot ceremonia përkujtimore e 108 vjetorit të shpalljes së Pavarësisë.
Në ceremoni ishin të pranishëm Presidenti Ilir Meta, Kryetari i Kuvendit Gramoz Ruçi, Kryeministri Edi Rama, drejtues të lartë të pushtetit vendor, etj.
Pas ekzekutimit të Himni Kombëtar drejtuesit e lartë të shtetit vendosën kurora me lule në monumentin e Pavarësisë.
Kryeministri Edi Rama tha pas ceremonisë se “dua t’i uroj gjithë shqiptarëve kudo që janë këtë ditë të bekuar të flamurit tonë kombëtar të Pavarësisë së Shqipërisë dhe njëkohësisht në këtë ditë që është edhe dita e lindjes së komandantit legjendar të luftës Çlirimtare të Kosovës. Dëshiroj t’i uroj festën e Pavarësisë dhe Ditën e Flamurit Presidentit Hashim Thaçi dhe bashkëluftëtarëve të tij që sot nuk gjenden në shtëpi”.
Shqipëria feston sot 28 Nëntorin, 108 vjet nga shpallja e Pavarësisë. 28 Nëntori njihet ndryshe edhe si Dita e Flamurit, një ditë e rëndësishme për shqiptarët në trevat shqiptare dhe anembanë botës./atsh
Një urim të veçantë përcollën sot mjekët dhe infermierët e spitalit Infektiv në Tiranë për festën e shpalljes së Pavarësisë.
Ministrja e Shëndetësisë dhe Mbrojtjes Sociale publikoi sot dy fotografi , ku mjekët dhe infermierët e këtij spitali, mbajnë në duar flamurin kuq e zi.
Manastirliu shprehu krenarinë për punën e palodhur që mjekët dhe infermierët po bëjnë çdo ditë në luftën kundër COVID-19.
Mjekët dhe infermierët e spitalit Infektiv dhe jo vetëm prej 9 muajsh janë heronjtë e luftës në vijën e parë kundër koronavirusit.
