Aktualitet

Dimri në Kukës, Has e Tropoje ka “trokitur” sot zyrtarisht. Ndryshimi i temperaturave ka shkaktuar reshjet e para të borës në zonat e larta malore në lartesitë 400 m mbi nivelin e detit.

Lartësia e borës është 1-4 cm. Si rrjedhojë mali i Gjalicës dhe i Koretnikut u zbardhën nga dëbora. Reshjet kanë përfshirë edhe fshatrat e zonës së Shishtavecit
Reshje bore ka edhe në shpatet malore të segmentit Fushë-Dugagjin të Rrugës së Kombit, e cila nuk paraqet probleme në lëvizjen e automjeteve pasi bora nuk ka krijuar shtresë.

Po kështu është zbardhur dhe mali i Hasit e rrugët nacionale ku lëvizja në këto akse dhe ato bashkiake deri në këto momente, nuk paraqet probleme.

Akset rrugore nacionale janë të qarkullueshme normalisht në të gjithë Qarkun Kukës
Mjetet dhe forcat janë në gatishmëri, për përballimin e situatave të mundshme nga firmat kontraktore që kanë në performance rrugët nacionale të Qarkut Kukës.

Nga informacionet e marra nga përgjegjësit e Emergjencave Civile të bashkive të qarkut deri tani nuk ka probleme.

Policia Rrugore, iu bën apel qytetarëve që të jenë të pajisur me goma dimërore, të respektojnë sinjalistikën rrugore, të ulin shpejtësinë, me qëllim shmangien e aksidenteve rrugore.

Reshjet e para të borës janë regjistruar edhe në Kosovë . Reshje bore ka në Brezovicë, Sharr të Prizrenit.

Mëngjesin e sotëm nëpërmjet një lidhje me “Skype” në studion e “Ditë e Re” në RTV Ora ishte meteorologu Hakil Osmani i cili foli për ndryshimet e motit dhe si pritet të jenë ditët në vijim.

Osmani gjatë fjalës së tij bëri të ditur se dita e sotme dhe dita e nesërme priten të jenë me kthjellime dhe alternime vranësirash. Ditën e sotme sipas meteorologut do të kemi reshje shiu kryesisht në zonën juglindore të territorit shqiptar.
Këto reshje shiu do të pasojnë dhe ditët në vijim ku i gjithë vendi do të përballet me ulje temperaturash dhe në zonat malore nuk do të mungojnë as reshjet e dëborës.

“E marta mbetet me kthjellime dhe vranësira të pakta. Duke nisur nga dita e mërkurë do të kemi shtim të vranësirave në territorin tonë dhe prezencë të shiut, reshje shiu të cilat do të na shoqërojnë në pothuajse gjithë javën. Duke filluar nga mesdita e ditës së mërkurë dhe deri në fundjavë do të kemi prezencë të reshjeve të shiut në vendin tonë, por nuk përjashtohen dhe reshje të pakta dëbore në zonat e thella malore, në ato verilindore dhe shumë pak në ato jugore.

Ndërsa,përsa i përket vlerave termike dita e sotme ka regjistruar vlerat minimale në zonat malore -4 °C, ndërsa në ultësirën malore vlerat priten të shkojnë edhe në -5 ose -6 °C dhe maksimumi i tyre do të pësojnë një rritje të lehtë duke bërë që të shkojnë vlerat 15 °C në zonat juglindore dhe jugperëndimore”

Një grua është bërë pjesë e rubrikës “Shihemi në Gjyq” për t’i kërkuar bashkëshortit të saj të birësojnë një fëmijë sepse prej 17 vitesh martesë ata nuk kanë mundur të sjellin në jetë një fëmijë. Burri nuk është dakortd të birësojë një fëmijë sepse do që të ketë një fëmijë nga gjaku i tij.

Polikseni: Jam drejtuar këtu për të më dhënë një rrugëzgjidhje. Kam sjellë bashkëshortin për një arsye familjare. Kemi 17 vite martesë dhe kemi dëshiruar të kemi një fëmijë. Nuk na erdhi, një vit, dy vit, tre vite. Vazhduam kurat, ilaçet por nuk na vinte fëmija.

Alfredi: Për çfarë më ke sjellë këtu?

Polikseni: Alfred, kemi 17 vite martesë?

Alfredi: Pse më ke sjellë këtu në Tv Klan?

Polikseni: Për të bërë një fëmijë bashkë. Kemi tentuar nëpër doktora, sa ilaçe kam bërë unë, ti mi di.

Alfredi: Jam shumë i revoltuar për çfarë më ke sjellë këtu, të më ulësh autoritetin mua si burrë?

Polikseni: Dua ta shohin të gjithë shqiptarët, ta bëja publikë. Prita të respektova, si një femër shqiptare si unë nuk i bën të gjitha këto sakrifica për një fëmijë.

Alfredi: Për çfarë sakrifice?

Polikseni: 5 herë operacion në trupin tim për shkak të dëshirës për të bërë fëmijë.

Alfredi: Për çfarë na solle këtu?

Polikseni: Për të mirën e të dyve, të birësojmë një fëmijë.

Alfredi: Çfarë birësimi, ne presim fëmijën tonë, gjakun tonë. Unë si burrë nuk jam dakort, dua të presim fëmijën tonë, gjakun time.

Polikseni: Kam 17 vite që presim.

Alfredi: Kur pritëm 17 vite të presim dhe këto vite të tjera.

Eni Çobani: Pse e ke të vështirë?

Alfredi: E kam të vështirë zonja Eni që të rris fëmijën që ka lindur tjetri, nuk e rris dot se nuk është gjaku im, si t’i them hajde tek babai atij fëmijë se nuk e ka gjakun tim.

Polikseni: Prandaj e bëra publikisht?

Alfredi: Që ta shikojë dhe familja ime që janë dy pleq, kam dy pleq në shtëpi unë?

Polikseni: Edhe unë prandaj po mendoj për ata dy pleq të tu sepse më kanë ndejtur në çdo seancë tek ndërhyrjet që kam bërë.

Eni Çobani: Je e emocionuar.

Alfredi: Është e emocionuar sepse ka sjellë burrin tek Klani.

Polikseni: Jam e emocionuar dhe të kam sjellë për mirë.

Alfredi: Ia ke ul autoritetin burrit, e ke çuar në 0 fare, ke bërë gabim që më ke sjellë këtu.

Besniku një baba krenar për vajzën e tij ka ardhur t’i bëjë një surprizë për ditëlindjen e saj.

Ai ka treguar se Rajmonda ka pasur një fëmijëri të vështirë sepse ishin të varfër, nuk kishte lekë që t’i blinte rroba për shkollën dhe nuk ia ka festuar ditëlindjen për shkak të kushteve. Besniku tregon dhe një rast që i ka ngelur peng për të gjithë jetën.

Hera e vetme që vajza i kishte kërkuar diçka ishte në moshën 6 vjeç kur kishte parë një arush, por nuk mundi t’ja blinte dot. Për ditëlindjen e saj, ai i ka blerë arushin dhe një tufë me trëndafila për t’i kërkuar falje.

Besniku: Punoi në shkollë të mesme, punoi në shkollën e lartë dhe pa mbaruar shkollën e mesme e martova.

Ardit Gjebrea: Si ta bëri zemra?

Besniku: As vetë nuk e di, edhe dritat në shtëpi nuk më dukeshin sikur ndriçonin njësoj sikur ishte Rajmonda. Edhe sot e kësaj dite kur hyj në shtëpi më duket bosh.

Ardit Gjebrea: Tani më trego çfarë është ky arush, se lutet i kuptoj, po arushi është për të vegjël, ajo tashmë është martuar.

Besniku: Ishim tek Stacioni i Trenit, po vinim nga dajat e Mondës kur ajo ishte diku tek 6-7 vjeç. Përballë stacionit të autobuzave është një dyqan që shiten arusha dhe i thotë nënës së vetë që dua një arush duke qarë. Ishte rasti i parë dhe i fundit sepse nuk ka kërkuar më asnjë gjë mbas asaj dite. E mori nusja me përkëdheli dhe e solli tek shtëpia, nuk ia blemë sepse nuk kishim kushte. Më ka bërë shumë krenar, është shumë e sjellshme. I ka ngelur në mendje që nuk ia kam blerë atë arushin dhe tani para dy muajsh ma ka kujtuar, më tha o bab a të kujtohet puna e arushit tek Stacioni i Trenit?

Rajmonda bëhet pjesë e rubrikës “Ka një mesazh për ty” dhe kur e kupton se e ka ftuar i ati, ajo shpërthen në lot. Babai i kërkoi falje vajzës që nuk ia kishte plotësuar kushtet ashtu siç duhej prej varfërisë, ndërsa vajza mes lotëve thotë se është rritur në një familje që çdokush ose çdo fëmijë i pasur do donte të rritej sepse elementi kryesor që e formon njeriun është dashuria, respekti dhe rregulli që nuk i ka munguar kurrë kjo gjë në familje. Rajmonda shprehet se i ati duhet të ndihet shumë krenar dhe jo fajtor sepse e ka edukuar në mënyrën më më të përsosur. Sipas saj nuk janë vlerat materiale të cilat të japin forcë, guxim dhe energji./tvklan.al/

Me rastin e Ditës së Çlirimit të Shqipërisë nga forcat n azi-fashiste, presidenti Ilir Meta ka dhënë një mesazh për brezat e rinj, që gjithnjë sipas tij duhet t’i përkujtojnë dhe nderojnë me respekt patriotët që dhanë jetën për lirinë e vendit.

Meta nderoi figurat e shquara të kësaj lëvizjeje për çlirim, teksa ka kujtuar edhe Margarita Tutulanin në një episod kur i shkruante të vëllait se: “Atdheu na duhet që të jemi të lirë”.

Postimi i plotë i Ilir Metës

“Ne sot, përulemi me nderimin më të thellë para Qemal Stafës, Vojo Kushit, Margartia Tutulanit e gjithë atyre yjeve dhe Margaritave, që dhanë jetën e tyre me ndërgjegjeje të plotë, për të treguar pavdekësinë e Shqipërisë, si një shtet i lirë dhe i pavarur.

Sot, më kujtohen pikërisht ato çfarë Margarita Tutulani i shkruante në hartim në moshën 16 vjeçare vëllait të saj më të vogël, i cili e pyeste: Motër, po për çfarë na duhet Atdheu?

Ajo i përgjigjet: Vëllaçko, kur të rritesh do ta kuptosh, por Atdheu na duhet që të jemi të lirë.

Mendoj që ky mesazh vjen nga një edukim patriotik i këtyre të rinjve dhe të rejave, nga familjet e tyre, nga prindërit e tyre, nga paraardhësit e tyre.

Sot, ne jo vetëm duhet të kujtojmë këta heronj e atdhetarë, por dhe veteranë, që kanë luftuar për çlirimin e Shqipërisë dhe që ju urojmë jetë të gjatë, por, njëkohësisht edhe duhet t’i kushtojmë shumë rëndësi edukimit patriotik të qytetarëve, të fëmijëve, të të rinjve dhe forcimit të ndenjave të atdhedashurisë.

Pavarësisht nga situata e pandemisë, duke mos respektuar as rregullat anti-Covid, ndonëse një pjesë e tyre mbante maskë, veteranët dhe komunistët kanë bërë homazhe te V arrezat e Dëshmorëve në kujtim të të rënëve në 76-vjetorin e ditës së Çlirimit.

Ashtu si çdo vit, me parulla në duar dhe me foton e diktatorit Enver Hoxha, veteranët e luftës dhe përfaqësuesit e Partisë Komuniste ishin sot në në Varrezat e Dëshmorëve në kryeqytet.

Me foto të diktatorit Hoxha e pankarta në duar, ku shkruhej “Lavdi shqiptarit të madh Enver Hoxha” dhe “Rroftë Partia Komuniste Shqiptare”, ata nderuan me grusht dhe vendosën kurora me lule te Varrezat e Dëshmorëve. /noa.al/