Aktualitet

Në lidhje me videon që bëri xhiron e rrjetit ku dukeshin disa prej ministrave të qeverisë duke ngrënë darkë në një restorant luksoz në Dubai, teksa vendi po përmbytet, Kryeministri Edi Rama i është përgjigjur kritikave të ndjekësve në Facebook.

“Ne Dubai pëlcasin karkalecat ju mbetshin në fyt se lene se nuk na japin gjë po më mbyllin edhe atë lokal të vogël që mbaj familjen. Ku të mb ytem, jemi në mëshir të fatit si ata fëmijët jetima plus çfarë më vjen keq, janë disa se rvila këtu për çdo gjë thonë braco. Mua s’më pla s as Luli, as Mona, ne thjesht duam të jetojmë”, shkroi një ndjekës.

Ndërsa Rama iu përgjigj atij dhe disa të tjerëve duke i sqaruar se vizita e tyre është ftesë nga disa pala pritëse me qëllimin që të bëhen investime në Shqipëri.

“Mos u mb yt në portalet e atyre që vetëm hedhin helm, po informohu dhe do ta mësosh që në Dubai ka shkuar një grup i madh me përfaqësues të qeverisë, pushtetit vendor, mediave, me ftesë nga pala pritëse dhe s’kanë shkuar për karkaleca por për të sjellë investime në Shqipëri, ndërkohë që tërë shpenzimet mbulohen prej mikpritësve, kështu që kjo që thua s’ka asnjë lidhje, ndërsa lokalin e vogël nuk besoj të ta mbylle qeveria, se qeveria nuk mbyll lokale dhe ty nuk të ka lënë jetim, sepse kush ka lokal të vogël i janë hequr taksat e qeverisë dhe i janë bërë ZERO!”, tha Rama.

Kryeministri replikoi me disa nga komentuesit, të cilët kritikuan sjelljen e ministrave të tij, replikat e të cilëve pasqyrohet në fotogaleri.
/NOA.al

Zhgënjim nga drejtësia shqiptare shprehin edhe 17 vite pas tr agjedisë së Karaburnit të 9 janarit të vitit 2004 familjarët e vi ktimave. Shpresonin se çështja do të zbardhej nga SPAK, por dosja u rikthye në p rokurorinë e Vlorës për moskopetencë. Familjaret e vik timave thonë se e kanë hu mbur shpresën tek zbardhja e çështjes dhe dë nimin e fajtorëve të tr agjedisë me 28 vi ktima kryesisht nga Shkodra të cilët ishin nisur në k ërkim të një jete më të mirë.
Edhe Presidenti Meta ka rikujtuar tr agjedinë duke apeluar që të mos lejohet përsëritja e tyre. Meta shprehet se veçanërisht të rinjve iu duhen krijuar të gjitha mundësitë për të ndërtuar të ardhmen e sigurtë në Atdheun e tyre!
Në orët e vona të natës së 9 janarit të vitit 2004 gomonia me 36 persona në bord u nis nga gjiri i Palasës në Vlorë drejt brigjeve të Italisë, por për shkak të dallgëve të forta ajo pësoi defekt në ujerat e Gadishullit të Karaburunit duke u fundosur dhe shënuar 28 viktima.

Kyriakos Mitsotakis dhe Edi Rama shprehën kënaqësinë për përmirësimin e qëndrueshëm të marrëdhënieve dypalëshe gjatë një dreke të organizuar nga Kryeministri i Greqisë për nder të Kryeministrit të Shqipërisë, në prani të Ministrit të Jashtëm Nikos Dendias.

Sipas burimeve qeveritare, dreka përfshiu një përmbledhje të marrëdhënieve greko-shqiptare.

Mitsotakis dhe Rama diskutuan gjithashtu zhvillimet e fundit në Ballkan dhe perspektivën Evropiane të vendeve të Ballkanit Perëndimor, si dhe situatën e pandemisë së koronavirusit apo edhe sfidat që i presin dy vendet fqinje.

Drejtoresha e Zyrës Diplomatike të Kryeministrit, ish-ambasadorja greke në Tiranë, Eleni Sourani, gjithashtu mori pjesë në darkë.

Më herët Rama pati një takim me ministrin e Jashtëm të Greqisë, Nikos Dendias.

Asnjë nga palët nuk tha asgjë lidhur me çështjen e detit, nëse është diskutuar mes tyre.

Greqia dhe Shqipëria kanë rënë dakord që nga Tetori i kaluar, për t’iu referuar Gjykatës Ndërkombëtare të Hagës mbi mosmarrëveshjen mbi caktimin e zonave detare. Referenca në Hagë do të thotë se të dy vendet të bien dakord mbi hartimin e një ndërmarrje të përbashkët, diçka që nuk është bërë ende pasi ky proces kërkon kohë. Qëllimi i palës greke është që diskutimet e sotme të hedhin një hap tjetër në këtë drejtim, diçka që do të lehtësojë Kryeministrin shqiptar i cili është më shumë nën presion të çështjes së detit.

Edie Rama shkoi sot në Greqi, pas një vizite dy-ditore në Turqi. Siç u bë e njohur, Presidenti Rexhep Tajip Erdogan dhe Edi Rama njoftuan krijimin e një Këshilli të Bashkëpunimit Strategjik të Nivelit të Lartë midis Turqisë dhe Shqipërisë. Marrëveshja u nënshkrua të mërkurën në Ankara./NOA.al