Teksa foli nga sheshi “Skënderbej”, kryeministri Edi Rama kujtoi të ndjerin Bashkim Fino, që hu mbi jetën gjatë fushatës elektorale nga koronavirusi.
Rama tha se e imagjinon “këtu bashkë me ne, duke festuar për fitoren tonë të mrekullueshme”.
“Këtu sot mungon dikush që punoi për këtë fitore, miku i shtrenjtë, Bashkim Fino. E imagjinoj këtu bashkë me ne, duke festuar për fitoren tonë të mrekullueshme.
Por, u desh të ikte nga kjo botë, Bashkimi ynë i dashur, që të gjithë të bashkoheshin e të kujtoheshin se vd iq një shqiptar i mirë.
Ma llkimi i së shkuarës nuk na ka lejuar kurrë që në skenën e politikës të jemi bashkë në të gjallë”, tha Rama.
Kryeministri Edi Rama, duke folur nga sheshi “Skënderbej”, ka falenderuar mbështetësit për besimin që i dhanë për një mandate të tretë në krye të qeverisë.
Gjatë fjalës së tij, kryeministri tha edhe disa fjalë emocionuese edhe për nënën e tij të ndjerë.
“Kjo është fitorja ime e parë në mungesën e dikujt që më ka ndenjur pranë, me dashuri pa kushte dhe përkujdesje të paepur.
Dikush që më mungon tm errësisht dhe që po shpresoj se më sheh nga aty lart (ngre sytë nga qielli dhe e puth) nëna ime Aneta.”, tha Rama.
Kryeministri Edi Rama mbajti këtë pasdite fjalimin e fitores nga Sheshi Skënderbej, teksa tashmë numërimi i votave është drejt fundit dhe fituese ka dalë Partia Socialiste.
“Kjo është fitorja më e vështirë, më e madhe dhe më e bukur e PS. Me gjithë numrin marramendës të fletëve të pavlefshme, të atyre që kanë zgjedhur 12, por kanë gabuar me shenjën e preferencës, ne e kemi thyer rekordin tonë. Ky është rekordi historik i kësaj skuadre të madhe njerëzish të zakonshëm me fuqinë e jashtëzakonshme të ambicies për Shqipërinë dhe të një shpirti gare që nuk ka të dytë në këtë vend. Urime me gjithë shpirt dhe një përqafim të madh të gjithëve ju këtu dhe kudo.
Unë jam sot krenar si asnjëherë për ju, për cdo vajzë e djalë, grua e burrë, që u angazhua si patronazhist, koordinator, drejtues, në këtë fushatë spektakolare dhe që dha më të mirën e vet për skuadrën tonë, kampione në fuqi. Por, më shumë se asnjëherë jam krenar për shqiptarët, njerëzit e zakonshëm të këtij vendi, që me urtësi e vendosmëri, vendosën me votën e tyre në një moment kaq sfidues për Shqipërinë. Shqipëria votoi, Shqipëria vendosi, Shqipëria fitoi”, tha Rama.
Kreu i Partisë Demokratike, Lulzim Basha, do të zhvillojë pasditen e sotme një takime drejtuesit politikë të qarqeve.
Mësohet se takimi i kryedemokratit me drejtuesit e PD në qarqe do të zhvillohet në orën 18:30.
Nuk dihet ende çfarë do të diskutohet, por numërimi i kutive të votimit është drejt fundit dhe rezultatet e deritanishme nxjerrin fituese Partinë Socialiste.
Presidenti Ilir Meta ka reaguar sot me një mesazh drejtuar qytetarëve.
Reagimi vjen pak momente pasi pritet shpallja e rezultatit të votimeve për zgjedhjet e 25 prillit të mbyllet në orët në vijim.
Kreu i shtetit thekson se në këto momente sipas tij “është tepër e rëndësishme, që ky proces të përmbyllet qetësisht dhe që çdo votë, nga Vermoshi në Konispol, të numërohet dhe të administrohet sipas ligjit”.
“Ndonëse dukej një sfidë e pamundur jam i lumtur, që 25 Prilli mund t’i shërbejë demokracisë dhe stabilitetit të vendit”, thekson Presidenti Meta.
Deklarata e plotë e Presidentit
Të dashur qytetarë të Republikës,
Më 25 Prill, ju e shprehët me votë vullnetin për të zgjedhur përfaqësuesit tuaj në Kuvendin e Shqipërisë.
Në këto momente është tepër e rëndësishme, që ky proces të përmbyllet qetësisht dhe që çdo votë, nga Vermoshi në Konispol, të numërohet dhe të administrohet sipas ligjit.
Deri në shpalljen e rezultatit përfundimtar, partitë politike dhe përfaqësuesit e tyre duhet të dëshmojnë maturi dhe qetësi.
Sfida ime madhore, sidomos këto dy vitet e fundit, ka qenë që Sovrani të shprehë i lirë vullnetin e tij dhe që Shqipëria të rikthehet në shinat e Kushtetutës, të parlamentarizmit dhe në normalitet politik.
Edhe pse i vetëm përballë të gjithë institucioneve të kapura, ja arrita, që 25 Prilli të ishte një ditë e qetë, paqësore, pa skena dh une dhe me pjesëmarrjen tuaj masive për të ushtruar të drejtën e votës.
Ndonëse dukej një sfidë e pamundur jam i lumtur, që 25 Prilli mund t’i shërbejë demokracisë dhe stabilitetit të vendit.
Tani është koha për të përmbyllur me qetësi dhe në respekt të ligjit procesin zgjedhor dhe më pas të gjithë të reflektojnë deri në shtator, kur krijohen institucionet e reja, që burojnë nga vota e 25 Prillit.
Kreu i Partisë Socialiste dhe kryeministri i vendit, Edi Rama kur janë numëruar mbi 90% e votave, ka lajmëruar për një miting që do të mbahet sot në mbrëmje.
Edi Rama u ka kërkuar socialistëve që të mblidhen në sheshin “Skënderbe” me patronazhistët, koordinatorët, drejtuesit dhe deputetët e PS.
“Sot në 18.00, në Sheshin Skënderbej, skuadra kampione e patronazhistëve, koordinatorëve, drejtuesve, deputetëve dhe kush të dojë të na bashkohet për përqafimin e fitores”, shprehet Rama.
Edhe për fshatin e Gërdecit është mbyllur procesi i numërimit të votave.
Rezultati mësohet se ka nxjerrë fituese Partinë Socialiste.
Fshati i ndodhur në periferi të Tiranës, i prekur edhe nga tr agjedia e 15 marsit 2008, me një numër prej rreth 200 votuesish ka dhënë këtë rezultat: 108 prej tyre kanë votuar PS, 63 kanë votuar PD dhe 28 kanë votuar LSI-në.
Në tr agjedinë e Gërdecit të pak viteve më parë, ku shp ërtheu një depo e demontimit të ar mëve, hu mbën jetën dhe u pl agosën me dhjetëra njerëz.
/NOA.al
Shkrimtarja Flutura Açka, kandidate për deputete në qarkun e Elbasanit, nga lista e Partisë Demokratike, nuk e ka fshehur zhgënjimin për rezultatin në zgjedhjet e 25 prillit.
Teksa numërimi është mbyllur në Elbasan, PS ka pretenduar për të fituar mandatin e 9-të, por deri tani ka të sigurt tetë mandate, kundrejt 6 mandateve që ka fituar PD-ja.
Me një foto të zymtë nga qyteti, në një postim në Facebook, përmes disa vargjeve Flutura Açka është shprehur:
