Aktualitet

Kryeministri Edi Rama është drejt konfirmimit zyrtar të mandatit të tretë qeverisës/ Ps fiton e vetme.Kush janë 140 deputetët që pritet të ulen në karriget e Kuvendit të ri

Aktualitet, Politike, Votime Sondazhe / /

Kryeministri Edi Rama është drejt konfirmimit zyrtar të mandatit të tretë qeverisës pa pasur nevojë për asnjë parti tjetër në koalicion. Kur janë numëruar rreth 00% të kutive të votimit në të gjithë vendin, PS ka fituar e vetme 73 mandate deputetësh.

Nëse do të vijohet me këto kuota, atëherë Partia Socialiste do të mund të formojë e vetme qeverinë e 4 viteve të ardhshme.

Partia Socialiste, sipas rezultateve të deritanishme, qëndron në kuotat e zgjedhjeve të vitit 2017 kur PS mori për herë të parë e vetme pa asnjë koalicion.

Nga ana tjetër, ka një rritje të Partisë Demokratike. Sipas rezultateve të deritanishme, Partia Demokratike shkon pak më shumë mandate (60) aq sa mori në zgjedhjet e 2013-ës kur humbi pushtetin. Por nëse e krahasojmë me rezultatet e 2017 kur PD mori vetëm 43 mandate, ka një rritje me 16 mandate. PD rikuperon rreth 4 mandate në qarkun e Tiranës, i cili është edhe qarku që prodhon më shumë mandate, 36 të tilla.

Por ndryshe nga dy partitë kryesore në vend, Lëvizja Socialiste për Integrim ka shënuar një rënie të ndjeshme në rang kombëtar, por edhe duke nisur nga kryeqyteti i cili është qarku më i madh.

Në zgjedhjet e kaluara LSI mori 5 mandate në Tiranë, ndërsa sipas rezultateve të deritanishme, në Tiranë LSI merr vetëm dy deputetë. Surprizë në kryeqytet është edhe Partia Socialdemokrate, e cila rezulton se fiton një mandat.

Qarku i Elbasani ka rezervuar gjithashtu surpriza në këto zgjedhje. Kemi një rritje të të dyja partive kryesore në Elbasan. Mbetet bosh LSI, që në zgjedhjet e parafundit fitoi 2 mandate.

Ndërkohë, në qarkun e Vlorës vërehet që mbrojtje e mandateve të zgjedhjeve të 2017-ës me 8 mandate, ndërkohë vërehet një rritje me një mandat në radhët e Partisë Demokratike. Pas mbylljes së numërimit të kutive në Vlorë, LSI ka mbetur pa mandat në këtë Qark.

QARKU TIRANË

PS-18 mandate

Luljeta Bozo

Najada Como

Ervin Bushati

Ogerta Manastirliu

Arben Ahmetaj

Ulsi Manja

Etilada Gjonaj

Arben Pëllumbi

Elisa Spiropali

Belinda Balluku

Toni Gogu

Etien Xhafaj

Ermonela Felaj

Xhemal Qefaliaj

Fidel Ylli

Klotilda Ferhati

Alqi Bllako

Eduart Shalsi

PD-15

Lulzim Basha

Jorida Tabaku

Alfred Rushaj

Albana Vokshi

Sali Berisha

Agron Shehaj

Fatmir Mediu

Grida Duma

Shpëtim Idrizi

Belind Kelliçi

Vangjel Dule

Mesila Doda

Dashamir Shehi

Flamur Noka

Orjola Pampuri

LSI-2

Monika Kryemadhi

Erisa Xhixho

QARKU DURRËS

PS-8 mandate

Milva Konomi

Alban Xhelili

Jurgis Çyrbja

Klodiana Spahiu

Ilir Ndraxhi

Rrahman Rrahja

Lefter Koka

LSI 1 mandat

Elona Guri

PD-6 mandate

Edi Paloka

Agron Duka

Merita Bakiu

Oerd Bylykbashi

Ferdinand Xhaferri

Andia Ulliri

QARKU ELBASAN

PS-8 mandate

Evis Kushi

Klevis Xhoxhi

Bsiaj Ajazi

Desantila Tahiraj

Sajmir Hasalla

Florenc Spaho

Luan Duzha

Taulant Balla

PD-6 mandate

Gazment Bardhi

Flutura Açka

Lefter Gostenja

Dashnir Sula

Eugen Isai

Zheni Gjergji

LSI-0

QARKU FIER

PS-9 mandate

Erion Braçe

Petro Koçi

Lindita Buxheli

Bashkim Fino

Baftiar Zeqo

Antoneta Dhima

Bujar Çela

Ismet Beqiraj

Tatjana Pirro

PD-6 mandate

Enkelejd Alibeaj

Eralda Tase Bano

Saimir Korreshi

Luan Baçi

Nusret Avdulla (PDIU)

Ilda Dhori

LSI-1 mandat

Monika Kryemadhi

QARKU GJIROKASTËR

PS-3 mandate

Mirela Kumbaro Furrxhi

Laert Duraj

Bledar Çuçi

PD-1 mandat

Tritan Shehu

LSI-0

QARKU SHKODËR

PS-3 mandate

Edona Bilali

Paulin Sterkaj

Benet Beci

PD-5 mandate

Helidon Bushati

Emilia Koliqi

Ramadan Likaj

Greta Badeli

Zef Hila

LSI-1 mandat

Agron Çela

PSD-2 mandate

Ledis Çeliku

Meri Markici

QARKU KUKËS

PS-1 mandat

Gerta Duraku

PD-2 mandate

Flamur Hoxha

Isuf Çela

QARKU LEZHË

PS-3 mandate

Lindita Nikolla

Eduart Nndreca

Shpresa Marrnoi

PD-4 mandate

Mark Marku

Agron Gjekmarkaj

Lindita Metaliaj

Kastriot Piroli

LSI-0

QARKU DIBËR

PS-2 mandate

Lavdim Krrashi

Aurora Marra

PD-3 mandate

Xhelal Mziu

Kreshnik Çollaku

Dhurata Çupi

QARKU BERAT

PS-4 mandate

Hatixhe Konomi

Bardhyl Kollçaku

Fadil Nasufi

Nasip Naço

PD-2 mandate

Tomor Alizoti

Kasem Mahmutaj

LSI- 0

QARKU KORÇË

PS-6 mandate

Eni Zaka

Ilirian Pendavinji

Blerina Gjylameti

Ilir Topi

Olta Xhaçka

Niko Peleshi

PD-5 mandate

Edmond Spaho

Sorina Koti

Ervin Salianji

Bledion Nallbati

Salaudin Jakupllari

LSI-0

QARKU VLORË

PS-8 mandate

Pranvera Resulaj

Anduel Tahiraj

Vullnet Sinaj

Anila Denaj

Niko Kuri

Ilir Metaj

Damian Gjiknuri

Edi Rama

PD-4 mandate

Bujar Leskaj

Ina Zhupa

Fatjon Veizaj

Arbër Agalliu

LSI-0
/NOA.al

Kryeministri Edi Rama është drejt konfirmimit zyrtar të mandatit të tretë qeverisës/ Ps fiton e vetme.Kush janë 140 deputetët që pritet të ulen në karriget e Kuvendit të ri Read More »

Thirrje partive për pranimin e rezultatit, deklaratë e përbashkët nga Borrell dhe Varhelyi

Aktualitet, Politike / /

Përfaqësuesi i Lartë i Bashkimit Evropian, Josep Borrell dhe Komisionari për Zgjerim Oliver Varhelyi, përmes një deklarate të përbashkët për media u kanë bërë thirrje partive politike në Shqipëri që të pranojnë rezultatin e zgjedhjeve.

Borrel dhe Varhelyi bëjnë gjithashtu thirrje që çdo parregullsi të raportohet te Komisioni Qendror i Zgjedhjeve dhe autoritetet kompetente dhe që rastet, përfshirë pretendimet për blerje vote të hetohen.

Deklarata e plotë:

Të dielën, populli i Shqipërisë ushtroi të drejtën e tij demokratike për të votuar. Ne i përgëzojmë të gjithë ata që kontribuan për ta bërë të mundur këtë, pavarësisht kontekstit të vështirë të COVID-19. Zgjedhjet u mbajtën duke zbatuar një kornizë të re zgjedhore, të miratuar në përputhje me rekomandimet e OSBE / ODIHR-it.

Sipas gjetjeve dhe konkluzioneve paraprake të Misionit të Kufizuar të Vëzhgimit të Zgjedhjeve të OSBE / ODIHR-it, zgjedhjet parlamentare ishin përgjithësisht të organizuara mirë nga administrata zgjedhore, ndërsa fushata ishte e gjallë dhe gjithëpërfshirëse. Palët e interesuara patën besim të mjaftueshëm për të marrë pjesë dhe një Komision Qendror i Zgjedhjeve (KQZ) i reformuar e mbikëqyri procesin zgjedhor në një mënyrë transparente, duke gëzuar besimin e palëve të interesuara në të gjitha nivelet. Vëzhguesit raportojnë shqetësime në lidhje me keqpërdorimin e burimeve apo funksioneve shtetërore nga partia në pushtet dhe figura të tjera publike. Ne i inkurajojmë të gjitha palët e përfshira në numërim që të veprojnë me shpejtësi dhe në përputhje me procedurat e vendosura. Të gjitha forcat politike duhet të sigurojnë tani funksionimin efektiv dhe demokratik të institucioneve të vendit të dala nga këto zgjedhje. Kjo përfshin përgjegjësinë për të ndjekur parimin demokratik të respektimit të rezultatit të zgjedhjeve. Çdo parregullsi e pretenduar duhet të sillet menjëherë në vëmendje të Komisionit Qendror të Zgjedhjeve dhe autoriteteve të tjera kompetente, dhe rastet duhet të hetohen siç duhet, përfshirë blerjen e votës.

Ashtu si me aktivitetet e vëzhgimit diplomatik në ditën e zgjedhjeve nga Delegacioni i BE-së dhe përfaqësuesit e Shteteve Anëtare, BE-ja do të vazhdojë të ndjekë nga afër zhvillimet elektorale deri në certifikimin përfundimtar të rezultateve.

Shqipëria ka ecur shumë në rrugën e saj drejt Bashkimit Evropian, duke treguar këmbëngulje në ndjekjen e reformave të vështira në interes të popullit shqiptar. Periudha e tranzicionit deri në ngritjen e parlamentit dhe qeverisë së re nuk duhet t’i frenojë përpjekjet e vazhdueshme për zbatimin e reformave të nevojshme. Ne do të dëshironim ta shihnim vendin të hynte në fazën tjetër të procesit të pranimit, me mbajtjen sa më shpejt të Konferencës së parë Ndërqeveritare për nisjen e negociatave.

Ne presim që parlamenti dhe qeveria e re shqiptare të vazhdojnë ndjekjen me vendosmëri të agjendës së reformave të vendit, veçanërisht në lidhje me shtetin e së drejtës. Ne përsërisim thirrjen tonë për një dialog politik konstruktiv dhe gjithëpërfshirës nga të gjitha palët.

/NOA.al

Thirrje partive për pranimin e rezultatit, deklaratë e përbashkët nga Borrell dhe Varhelyi Read More »

Shpall orën dhe vendin e festës, Edi Rama: Kush të dojë të na bashkohet për përqafimin e fitores

Aktualitet, Lajmi i fundit, Politike, Votime Sondazhe / /

Kryeministri Edi Rama ka ftuar të gjithë shqiptarët që ti bashkohen gjatë pasdites së sotme në sheshin Skënderbej, ku duket se do të shpallë fitoren e Partisë Socialiste në zgjedhjet e 25 Prillit.

Rama shkruan se në sheshin Skënderbej në orën 18:00 do të jetë së bashku me patronazhistët, koordinatorët, drejtuesit dhe deputetët, dhe të gjithë qytetarët që duan ti bashkohen fitores.

RAMA: Sot në 18.00, në Sheshin Skënderbej, skuadra kampione e patronazhistëve, koordinatorëve, drejtuesve, deputetëve dhe kush të dojë të na bashkohet për përqafimin e fitores

Shpall orën dhe vendin e festës, Edi Rama: Kush të dojë të na bashkohet për përqafimin e fitores Read More »

Përfundon numërimi në Vlorë, Partia Socialiste ‘mbrojti’ 8 mandatete, LSI ‘dë shton’

Aktualitet, Lajmi i fundit, Votime Sondazhe / /

Në Qarkun e Vlorës ka përfunduar numërimi me fitoren e Partisë Socialiste.
Kjo e fundit arriti të mbrojë 8 mandatet në këtë qark, ndërkohë që Partia Demokratike pësoi një rritje, ndryshe nga zgjedhjet e 2017.
PD arriti të marrë të paktën 4 mandate në këtë qark.
Por, për LSI nuk ishte ky rezultat.
Mësohet se kjo parti nuk arriti të sigurojë asnjë mandat.

Përfundon numërimi në Vlorë, Partia Socialiste ‘mbrojti’ 8 mandatete, LSI ‘dë shton’ Read More »

Të dhënat e fundit nga numërimi i votave, sa mandate ka secila parti

Aktualitet, Lajmi i fundit, Votime Sondazhe / /

Deri tani, në të gjitha qendrat e numërimit, janë numëruar 3 mijë e 929 kuti votimi nga 5 mijë e 199 që janë në total.

Partia Socialiste vijon të jetë në avantazh në krahasim me forcat e tjera.

Konkretisht, e majta ka marrë deri më tani 561.919 vota, e përkthyer në mandate deputetësh, 73 të tillë.

Ndërkohë, Partia Demokratike ka marrë deri tani 452.726 vota, thënë ndryshe 59 mandate deputetësh.

Lëvizja Socialiste për Integrim deri tani është fituese e vetëm 5 mandateve, ndërsa ka marrë 79 mijë e 61 vota.

PSD është fituese e 3 mandateve, dy në Shkodër dhe 1 në Tiranë. /noa.al/

Të dhënat e fundit nga numërimi i votave, sa mandate ka secila parti Read More »

Po shkon drejt mandatit të tretë/ Edi Rama zbulon ‘sekretin’ e suksesit

Aktualitet / /

Kryeministri Edi Rama ka bërë reagimin e tij të parë, pas numërimit të më shumë se 85% të kutive të votimit, që i japin Partisë Socialiste 72 mandate në rang vendi.

Teksa poston një foto dhe një shprehje të basketbollistit të njohur Michael Jordan, Rama shkruan se në jetë duhet të punosh fort që të mund tia dalësh, dhe se nuk mund të ketë rrugë të shkurtra për të mbërritur në finish.

Rama: MIRËMËNGJES! Po punove fort ia del. S’ka rrugë të shkurtra në jetë – Michael Jordan

Kur janë numëruar 4653 qendra votimi nga 5199 që janë në total, PS ka marrë 48.66 % të votave në rang kombëtar, PS ka marrë 39.37 % dhe LSI 6.91%, ndërsa PSD e Tom Doshit 2.2%.

E përkthyer në mandate deri në momentet që flasim PS ka siguruar 72 të tillë, PD 59, LSI 6 dhe PSD 3. /NOA.al

Po shkon drejt mandatit të tretë/ Edi Rama zbulon ‘sekretin’ e suksesit Read More »

Përqafime mes socialistëve dhe demokratëve, PS fiton bindshëm në Gjirokastër dhe Sarandë (foto)

Aktualitet, Politike, Votime Sondazhe / /

Kandidatët e Partisë Socialiste fitues në Gjirokastër janë përshëndetur me kundërshtarët e tyre hu mbës të Partisë Demokratike, pas mbylljes së votimit.

Blendi Çuçi e Mirela Kumbaro, janë përshëndetur dhe u kanë dhënë dorën në mënyrë paqësore kandidatëve të Partisë Demokratike Tritan Shehu dhe Dasho Aliko.

Ndërkohë në Gjirokastër nga numërimi i fletëve të votimit në 207 qendrat në qarkun e Gjirokastrës, nxorën fituese Partinë Socialiste, me 53.83 % të votave duke siguruar 3 mandate në këtë qark.

Ndryshe nga sa kemi parë në qarqet e tjera ku gara ka qenë shumë e ashpër, edhe në Sarandë duket se Partia Socialiste dhe Partia Demokratike rezultati është mbyllur me përqafime.

Në mbyllje të procesit të numërimit në një nga KZAZ nr.90 në Sarandë, është parë edhe një përqafim miqësor mes dy “rivaleve”, ministres Anila Denaj dhe Ina Zhupës.

Socialistët kanë marrë 52.56 % të votave e ndërsa demokratët 33.84 %. Partia Socialiste fiton bindshëm me 7842 vota, ndërkohë që Partia Demokratike numëron 5051 vota, ndërsa LSI 1480 vota.
/NOA.al

Përqafime mes socialistëve dhe demokratëve, PS fiton bindshëm në Gjirokastër dhe Sarandë (foto) Read More »

Vlorë/ Vijon procesi , përfundon numërimi në disa KZAZ, PS fiton bindshëm

Aktualitet, Lajmi i fundit, Votime Sondazhe / /

Në qarkun e Vlorës vijon numërimi i fletëve të votimit.

Ndërkohë, ka përfunduar numërimi në KZAZ 91 në Finiq. Janë numëruar 3975 vota në total, nga këto PS kryeson me 2208 vota, PD 1422 vota dhe LSI 183 vota.

Po ashtu, është mbyllur procesi edhe në KZAZ nr. 38 në shkollën “Ismail Qemali”, në Vlorë, ku numërohen 13191 votues dhe 66 qendra votimi.
Partia Socialiste ka siguruar 8334 vota, Partia Demokratike 4101, ndërsa Lëvizja Socialiste për Integrim 613 vota.

Gjithashtu, është mbyllur procesi i numërimit të votave edhe në KZAZ nr. 90 në bashkinë e Sarandës. PS numëron 4886 vota, PD 3163 vota dhe LSI 937 vota.

Ndërkohë që, 433 vota numërohen të pavlefshme. Deri më tani janë numëruar 32 kuti nga 53 kuti në total.

Vlorë/ Vijon procesi , përfundon numërimi në disa KZAZ, PS fiton bindshëm Read More »