Aktualitet

Komisioni Qendror i Zgjedhjeve ka përditësuar të dhënat më të fundit sa i takon procesit të numërimit të votave në të gjithë vendin.
Teksa shohim numrin e kutive që janë numëruar në rang vendi ato janë 1125 nga 5199 në total.

PS kryeson me 50.19% të votave, PD 38.26% të votave, LSI 7%, dhe pjesa tjetër e partive kanë një përqindje pothuajse inekzistente votash, me përjashtim të PSD-së, që po shkon drejt 2% të votave në rang kombëtar

Burime bëjnë me dije se në disa prej KZAZ në Tiranë numëruesit kanë kërkuar pushim, për shkak se ndihen të lodhur.

Gazetarët e Fax News që janë në terren Fatjon Gjinaj dhe Mirilda Tili raportojnë se procesi i numërimit është ndërprerë deri në orën 12:00 në KZAZ numër 38 që i përket shkollës së kuqe në Tiranë, ndërsa numërimi te Vasil Shanto është mbyllur deri në orën 11 e 30 të paradites së sotme.

Me interes pritet ora 08:00 e mëngjesit të sotëm, ku do të publikohen rezultatet e njësisë numër 10 në Tiranë, e cila për herë të parë aplikoi votimin elektronik. Kjo do të jepte një panoramë më të qartë edhe të mënyrës sesi kanë votuar kryeqytetasit.

Ndërkohë që kërkesë për ndërprerje të procesit të numërimit kishte dhe në Kombinat, por që u refuzua nga ana e kandidates socialiste për deputete Belinda Balluku, e cila tha se procesi duhet të vijojë shpejt.

Në krahasim me zgjedhjet e vitit 2017 qarku i Vlorës numëron më pak votues në këto zgjedhje.

Në vitin 2017 qarku i Vlorës numëronte 110.760 votues ose 35.9%, ndërsa në vitin 2021 numërohen 105.965 votues ose 33.3%.

Në krahasim me zgjedhjet e vitit 2017 bashkia e Vlorës numëron më tepër votues, saktësisht në vitin 2017 numëroheshin 59.510 votues ndërsa në vitin 2021 numërohen 61.054 votues.

Rënia në numrin e votuesve në nivel qarku me 4808 vota rezulton të jetë krijuar kryesisht në bashkitë Finiq me 2138 votues më pak, në bashkinë Himarë me 1647 votues më pak. Por edhe bashki të tjera, si Selenica, Delvina e Konispoli.
Kjo pasi nuk kanë ardhur emigrantët që jetojnë jashtë, të cilët në vitin 2017 kanë qenë pjesë e procesit zgjedhor.

Top Channel ka bërë publike rezultatet e Exit Poll të realizuar nga Albanian Post për zgjedhjet e 25 prillit në vendin tonë.
Nga 12 mandate në qarkun e Vlorës, sipas Exit Poll, Partia Socialiste, nxjerr 8 deputetë Partia Socialiste ka fituar 65%, duke marrë 8 mandate.

Partia Demokratike ka fituar 30.04% të votave, që përkthehen në 6 mandate.
Lëvizja Socialiste për Integrim 3.6% të votave.LSI nuk merr asnjë mandat.