Aktualitet

Përfaqësuesi ligjor i Partisë Demokratike, Indrit Sefa i është drejtuar Komisionit Qendror të Zgjedhjeve me një njoftim dhe kërkesë për të vijuar me regjistrimin e PD në zgjedhjet lokale të 14 majit, edhe pa dokumentacionin me firmën e Lulzim Bashës.

Në këtë njoftim, PD thotë se Basha është dorëhequr dhe se dokumentacioni i paraqitur për t’u regjistruar në zgjedhje, është i plotë.

Kujtojmë që kreu i grupit parlamentar të Partisë Demokratike, Enkelejd Alibeaj deklaroi mbrëmjen e të premtes se nuk do të ndryshojë qëndrim për kërkesën e kreut të KQZ-së, Ilirjan Celibashi për dorëzimin e një dokumenti të firmosur nga Basha, pasi përndryshe rrezikon regjistrimin në zgjedhjet lokale.

Gazetari i Euronews Albania, Ardit Hoxha thotë se Lulzim Basha mund të rikthehet në politikën aktive, në momentin që do duhet të kryhet regjistrimi i Partisë Demokratike në Komisionin Qendror të Zgjedhjeve (KQZ).

Sipas Hoxhës, është e nevojshme që Basha të vendosë firmën e tij, pasi ai ende njuhet në gjykatë si kryetar i Partisë Demokratike.
“Se kur do të rikthehet dhe si do të rikthehet, atë e di vetëm zoti Basha dhe është një dilemë. Nëse mund të cilësohet një rikthim i zotit Basha, mund të quajmë momentin kur të dorëzohet kërkesa zyrtare për regjistrimin e Partisë Demokratike, pasi në atë moment, do të jetë e nevojshme firma e zotit Basha, ose firma e një personi që ai do të delegojë për të gjetur të gjitha hallkat e procesit ligjor në KQZ-në, por edhe në organet e tjera përgjegjëse për procesin e zgjedhjeve.

Kjo datë mund të cilësohet si momenti i rikthimit të Bashës. Në atë moment, do duhet firma e tij si kryetar i Partisë Demokratike, që njihet në gjykatë dhe ligjërisht. Sa i takon rikthimit politik, do duhet të pritet se cili do të jetë aktiviteti i zotit Basha “, theksoi ai.

Kryetarja e Kuvendit, Lindita Nikolla ka përjashtuar nga seanca plenare kryetarin e PD Sali Berisha pasi ai i shoqëruar nga deputetët e tij bllokoi foltoren.

Lindita Nikolla: Kam ezaruuar dhe tërheqjen e vëmendjes dhe paralajmërimin. Jemi për masën e tretë që është përjashtim nga seanca.

Jepet masa disipoinore përjashtimi nga seanca plenare e Sali Berishës se deputeti vazhdon të mbajë të zaptuar foltoren dhe pas vërejtjes dhe paralajmërimit.

Bllokimi i foltores nga Berisha erdhi pasi kryetari i PD akuzoi kryeministrin e Shqipërisë dhe këshilltarët e tij si të përfshirë në aferë korruptive me një nga njerëzit më të rëndësishëm për sigurinë në SHBA.

Kryetari i PD, Sali Berisha ka paralajmëruar se nuk do të njohë zgjedhjet e 14 majit, nëse ato do të vidhen nga qeveria e Edi Ramës, teksa ka theksuar se kreu i qeverisë ka shumëfishuar përpjekjet për të blerë votat.

Por ne qëndrojmë në vendimin tonë. Në mënyrë absolute do jetë përgjegjës dhe demokratë nuk do tolerojnë kurrë, nuk do njohin kurrë një proces zgjedhor të bazuar mbi votën e vjedhur.

Shqiptarët duhet ta dinë se Edi Rama nuk ikën me votë. Se ky sot në këtë moment që flasim, narkoshtetin e tij e ka shndërruar në një makineri gjigante elektorale, që përdor tonelatat e narko-eurove, përdor makinerinë shtetërore, përdor gjithçka për të dhunuar votën e shqiptarëve. Përgjigjia është vetëm një: vetëm revolucion”, tha Berisha.