Është mbajtur në aeroportin e Rinasit ceremonia e inaugurimit të kompanisë së parë ajrore shqiptare Air Albania. Avioni i kompanisë së parë shqiptare të fluturimeve me emrin Lasgush, është ulur në aeroportin “Nënë Tereza”.
Avioni është pritur me ceremoni të veçantë ku dy zjarrfikëse kanë hedhur ujë. Air Albania kryen nesër fluturimin e provës ndërsa pasnesër pritet të kryejë fluturimin e parë komercial.
Në ceremoni merrte pjesë dhe kryeministri Edi Rama i cili tregoi emrat e avionëve shqiptarë.
“I pari është Lasgushi, tjetri do të jetë Migjeni. Ambicia jonë është që deri në fund të vitit të ardhshëm të çojmë nga Tirana në New York Imzot Nolin”.
Po në fund Rama e këputi një të sharë kur foli për unfiformat.
“Veshjet nuk kanë të sharë, kush i shan i sharë është”, tha Rama.
Kryeministri Edi Rama ka zhvilluar një takim me mësues nga e gjithë Shqipëria, ndërsa ka habitur me veprimin e tij. Rama vendosi të recitojë një poezi të shkrimtarit Ismail Kadare, “Në parkun që mbuluan fletët”.
“Më toleroni dështimin e mundshëm, do ndahem nga ju duke recituar për ju dhe duke kërkuar ndjesë atyre që nuk janë në gjininë time se recitimi nuk është për ta”, u shpreh Rama para se të niste të recitonte.
Dy strofa që recitoi Rama para mësueseve:
Që ti të vije kaq e bukur
Me këta flokë, me këtë hap
Toka të egrën klimë e zbuti
Dhe akullnajat ktheu mbrapsht.
Dhe s’kish se si të ndodhte ndryshe
Të ndodhte ndryshe s’kish se si.
U desh të zhdukeshin përbindshat
Që te kjo botë të vije ti…
Kontrolli i Lartë i shtetit urdhëron zhdëmtimin e arkës së shtetit nga 44 diplomatë të ministrisë së Jashtme të cilët kanë përfituar të ardhura nga lista e pritjes.
44 diplomatëve u kërkohet të kthejnë 15,833,657 lekë në arkën e shtetit, raporton newsbomb.al.
Ministri i Jashtëm Ditmir Bushati përmes një urdhëri të firmosur prej tij kaloi në vitin 2014 në listë pritje edhe zyrtarë me statusin e diplomatit që shërbenin në këtë dikaster ose në misione për 17-20 vjet.
Por ndërsa rrinin në listën e pritjes për t’u emëruar më pas në pozicionet e tyre, 44 diplomatët kanë vazhduar të paguhen. Ndërkaq, sipas KLSH, që i referohet LIGJIT për “Për statusin e nëpunësit civil”, termi “Listë pritje”, nuk ekziston por Bushati megjithatë ka vazhduar t’i paguajë në kundërshtim me ligjin.
“Pagesat e kryera nga MPJ për punonjësit në “Listë pritje” është në kundërshtim me ligjin e mësipërm dhe vlera prej 15,833,657 lekë (Mars 2014 deri mars 2015) përbën dëm ekonomik për Institucionin dhe duhet të arkëtohet”, thuhet në raportin e KLSH.
Sakaq, ka reaguar Këshilli i Ambasadorëve Shqiptarë lidhur me vendimin e KLSH, duke kujtuar se asnjë punonjës i vendosur në listë pritje – jo për faj të tyre – nuk mund dhe nuk duhet të penalizohet financiarisht.
“Detyrimi për të zhdëmtuar arkën e shtetit është në kundërshtim me kodin e punës, detyrimet dhe të drejtat e çdo të punësuari në administratën shtetërore, dhe përgjegjësitë duhet të kërkohen vetëm tek shkaktarët apo vendimmarrësit.
Kujtojmë se, trajtimi dhe implikimi në rrugë gjygjësore individuale për çdo punonjës të MEPJ-së i këtij urdhëri do të ishte jo korrekt nga strukturat drejtuese të MEPJ-së, që duhet të marrin përgjegjësinë ligjore dhe insitucionale për t’a ndjekur deri në fund kundërshtimin e këtij urdhëri”, thuhet në reagimin e Këshillit të Ambasadorëve Shqiptarë.
ÇFARË THOTË RAPORTI I KLSH:
Me anë të Memorandumit Nr. 454, datë 30.01.2014 të cilit i janë bashkëlidhur vendimet e ish Sekretarit të Përgjithshëm, Q.Q, janë kaluar në listë pritje punonjësit të cilëve u është prekur vendi i punës si pasojë e ristrukturimit të institucionit në zbatim të urdhrit të Kryeministrit nr. 227, datë 02.12.2013 “Për miratimin e strukturës dhe organikës së MPJ”.
Nga auditimi i listë pagesave dhe nëpunësve të cilët trajtohen me statusin e nëpunësit civil u konstatua se për periudhën 01.01.2014 deri në 24.02.2015 kanë përfituar nga lista e pritjes 44 punonjës dhe ish punonjës të Ministrisë së Punëve të Jashtme sipas listë pagesave të deklaruara në shumën 22,419,502 lekë bruto, dhe neto në vlerën 17,851,033 lekë. Në nenin 50 të Ligjit nr. 152/2013, datë 30.5.2013 për sistemimin e punonjësve në vende vakante është përcaktuar se …
Nëse për shkak të mbylljes apo ristrukturimit të institucionit, pozicioni i mëparshëm i një nëpunësi civil nuk ekziston më, ai transferohet në një pozicion tjetër të shërbimit civil të së njëjtës kategori. Transferimi, sipas pikës 1 të këtij neni, bëhet me precedencë, sipas kësaj renditjeje: a) në të njëjtin institucion, ku nëpunësi civil është i emëruar; b) në institucionin, me të cilin institucioni është shkrirë apo bashkuar, në një nga institucionet, në të cilat institucioni është ndarë apo në institucionin që ka marrë funksionet që kryente më parë nëpunësi; c) në institucionet e varësisë së institucionit të ristrukturuar; ç) në një institucion tjetër të shërbimit civil..”..
VKM nr. 171, datë 26.3.2014, Kreu III. Në Ligjin 152/2013, datë 30.5.2013 “Për statusin e nëpunësit civil”, konstatohet se termi “Listë pritje”, nuk ekziston. Nën këtë arsyetim pagesat e kryera nga MPJ për punonjësit në “Listë 15 pritje” është në kundërshtim me ligjin e mësipërm dhe vlera prej 15,833,657 lekë (Mars 2014 deri mars 2015) përbën dëm ekonomik për Institucionin dhe duhet të arkëtohet.
Të kontabilizohet dhe të ndiqet në rrugë ligjore arkëtimi i vlerës 15,833,657 lekë duke ndjekur të gjitha procedurat e nevojshme administrative dhe procedurat e tjera në të gjitha shkallët e gjykimit, të përfituar padrejtësisht për shkak të trajtimit të tyre si punonjës në “listë pritje” nga 44 punonjës dhe ish punonjës të Ministrisë së Punëve të Jashtme sipas listë pagesave të deklaruara (bashkëlidhur) për vitin 2014 dhe 2015 në kundërshtim me Ligjin 152/2013, datë 30.5.2013 “Për statusin e nëpunësit civil”. Menjëherë!
DEKLARATA E KËSHILLIT TË AMBASADORËVE SHQIPTARË:
Këshilli i Ambasadorëve Shqiptarë shpreh shqetësimin për raportin e Kontrollit të Lartë të Shtetit, të datës 06.08.2018 për MEPJ, dhe gjetjet përfundimtare të auditimit të kryer në këtë institucion në periudhën 2017-2018.
KLSH në raportin e botuar në faqen zyrtare ka urdhëruar zhdëmtimin e arkës së shtetit nga ana e 44 nëpunësve të cilët kanë përfituar të ardhura nga lista e pritjes, si me poshtë:
“Të kontabilizohet dhe të ndiqet në rrugë ligjore arkëtimi i vlerës 15,833,657 lekë, duke ndjekur të gjitha procedurat e nevojshme administrative dhe procedurat e tjera në të gjitha shkallët e gjykimit të përfituar padrejtësisht për shkak të trajtimit të nëpunësve në listë pritje nga 44 nëpunës dhe ish nëpunës të MPJ, sipas listë pagesave të deklaruara për vitin 2014 dhe 2015, në kundërshtim me ligjin 152/2013 date 30.05.2013 “Për statusin e nëpunësit civil”.
KASH vlerëson kundërshtimin me argumente që MEPJ i ka bërë këtij raporti, por në të njëjtën kohë kujton se asnjë punonjës i vendosur në listë pritje – jo për faj të tyre – nuk mund dhe nuk duhet të penalizohet financiarisht.
Detyrimi për të zhdëmtuar arkën e shtetit është në kundërshtim me kodin e punës, detyrimet dhe të drejtat e çdo të punësuari në administratën shtetërore, dhe përgjegjësitë duhet të kërkohen vetëm tek shkaktarët apo vendimmarrësit.
Kujtojmë se, trajtimi dhe implikimi në rrugë gjygjësore individuale për çdo punonjës të MEPJ-së i këtij urdhëri do të ishte jo korrekt nga strukturat drejtuese të MEPJ-së, që duhet të marrin përgjegjësinë ligjore dhe insitucionale për t’a ndjekur deri në fund kundërshtimin e këtij urdhëri.
Gjithashtu, i bëjmë thirrje Kontrollit të Lartë të Shtetit të rishikojë vendimin e tij për këtë rast dhe të shmangë proçeset e gjata gjyqësore për diplomatët shqiptarë, pasi: personat e ngarkuar nuk kanë bërë një analizë të hollësishme auditive mbi shkaqet, motivet dhe arsyet e vendimit të institucionit për të nxjerrë në listë pritje diplomatët e karrierës; nuk mund të kalojë përgjegjësia financiare tek nëpunësit; sipas kuadrit ligjor në fuqi (Ligji për Shërbimin Civil nr. 8485, datë 12.05.1999 dhe nr. 152/2013, hyrë në fuqi, më 26 shkurt 2018), punonjësit që janë në listë pritje apo të larguar nga puna, kanë të drejtën e një dëmshpërblimi, në përputhje me vjetërsinë e tij në punë, që shkon deri në 1 vit.
KLSH qëndron përkrah diplomatëve shqiptarë të prekur nga ky urdhër dhe do t’i mbështesë ata deri në zgjidhjen përfundimare të çështjes.
Gjatë një takimi ditën e sotme me mësues të punësuar përmes portali kryeministri Edi Rama ka deklaruar se nuk do të lejojmë celular në shkolla as për mësuesit.
Pas vendimit që fëmijëve do t’u ndalohet celulari në shkolla, Rama njoftoi gjithashtu se po përgatisin një vendim që të heqin celularët nga institucionet.
“Nuk do lejojmë celularë në shkolla, as për fëmijët e më vjen keq as për mësuesit, mësuesit duhet ti dorëzojnë në fillim të mësimit dhe ti marrin në fillim të mësimi dhe në muajin e parë duhet ta bëjmë muaj edukimi, muajin e dytë merren dhe hidhen në plehra nuk i kthehen më atij që e ka, se janë ndotës të rrezikshëm të mjedisit arsimor.
Dhe ç’bëjmë me lëndët ndotëse me rrezikshmëri të lartë? I varrosim dhe i riciklojmë. Ndërkohë që po përgatitemi edhe për vendimin që të heqim celularët nga institucionet që janë bërë si klube interneti të gjithë”- tha ai.
Aksioni nga policia e Vlores dhe forcat e FNSH-se,ne lagjen Partizani,te qytetit bregdetar,prane spitalit rajonal te qytetit te Vlores.
Aktualisht nuk ka ende asnje informacvion zyrtar nga policia e Vlores,ndersa dyshohet per arme dhe droge te gjetur ne nje banese tre kateshe ne lagjen Partizani.
Nderkohe forcat e policise kane shoqeruar nje person,teksa aksioni vijon. Burim enga policia e Vlores kane saktesuar per gjetjen e rreth 50 kg droge Canabbis Sattiva. Forca te shumta policie jane perfshire ne aksionin blic te zhvilluar ne Vlore,ndersa kontrollet kane qene te shumta.
Pritet qe policia ne oret ne vijim te dale me nje informacion zyrtar rreth aksionit blic te kryer ne qytetin e Vlores.
Monedha e përbashkët ka shënuar një rritje të fortë sot në tregun e brendshëm valutor, duke arritur në nivelin më të lartë që nga fillimi i qershorit, e ndihmuar dhe nga forcimi i saj në bursat ndërkombëtare në dy javët e para të shtatorit.
Sipas kursit zyrtar të Bankës së Shqipërisë, një euro u këmbye sot me 126.74 lekë, duke u rritur me 0.1 lekë në krahasim me ditën e mëparshme.
Ky është niveli më i lartë në tre muaj, që nga koha kur euro kërceu në 128 lekë, si rrjedhojë e ndërhyrjeve të Bankës së Shqipërisë, që tërhoqi valutë nga tregu, pasi monedha e përbashkët nisi një rënie të pakontrolluar, duke zbritur deri në 124.17 lekë, niveli më i ulët ë 10 vjet.
Forcat RENEA dhe të FNSH kanë zbarkuar mëngjesin e sotëm në qytetin e Vlorës, për të goditur kriminelët. Vlora është një ndër qytetet më të rrezikshëm, që komandohet nga bandat kriminale.
Aksioni i RENEA-s, ashtu si në vendet e tjera nga Elbasani, Shkodra e Kruja, ka rezultuar një flluskë sapuni edhe në Vlorë.
Policia është mjaftuar me një të shoqëruar, i cili me shumë gjasa do të lihet i lirë shumë shpejt. I shoqëruari dyshohet se përdorte armë dhe drogë, ndërsa policia nuk prek kokat e krimit, edhe pse në Vlorë kanë ndodhur mjaft vrasje mafioze.
Ndërkohë, RENEA duekt se do të largohet kokëulur nga qyteti bregdetar, pasi kriminelët kanë ngritur dorë ndaj uniformave blu. Në Divjakë, RENEA u përball me plumba ‘shotgun-i’, teksa ishte vënë në kërkim të dy vrasësve./korrieri
Në ditët e sotme Polici, Prokurori dhe Gjykata janë kthyer në instrumenta të një estrade, ku çdo ditë dëgjon qyfyre dhe skenarë që të bindin se ky shtet është i kapur nga krimi dhe biznesmeno-mafiozët.
Rasti më i fundit është ai i lirimit të Albano Alikos, ish-kryemenaxherit të kompanisë “Gulf”, i akuzuar nga prokuroria e Tiranës për akuzën e “Mashtrimit më shumë se njëherë” dhe “Fshehje të falimentit”.
Për lirimin e Alikos, që në fakt nuk ka qënë asnjëherë në burg, por për shkak se prej dy muaj gjykata e Tiranës me kërkesë të prokurorisë kishte vendosur masën e arrestit në burg në mungesë,është dashur të angazhohen policë, biznesmenë, prokurorë dhe gjyqtarë.
Aliko njihet si bashkëpunëtor i Beso Sulajt ose Besos së Tajvanit, person ky me mjaft influencë në qeverinë Rama dhe tek drejtorët e policisë së Xhafajt.
Po kështu Aliko, ka njohje të hershme dhe me prokurorin e Tiranës Sokol Malaj, që dikur ka drejtuar prokurorinë e Vlorës dhe që besohet se me ndërhyrjen e Besos së Tajvanit tek Bamir Topi, ish-kryeprokurorja Ina Rama e emëroi në krye të prokurorisë së Tiranës.
Në fakt për zbutjen e masës së sigurisë nga arrest në burg në arrest shtëpie për Albano Alikon, duket se ka vepruar treshja Beso Sulaj, Sokol Malaj dhe gjyqtari Arben Micko.
Por në këtë skemë nuk kanë munguar dhe kanë nxituar që të jenë protagonistë dhe policët e Xhafaj.
Aliko prej muajit korrik 2018 rezultonte si person që duhet të arrestohej pasi ndaj tij ishte lëshuar një urdhër-arresti, dhe bashkë me të në kërkim ishte dhe shtetasi gjeorgjian Irakli Svanidze, me detyrë ish-administrator i kompanisë “Sun Petroleum Albania”, që zotëronte karburantet Gulf në shumë akse rrugore në vend.
Përgjatë tre muaj, me sa duket treshja e mësipërme, përfshirë dhe policët e Xhafaj, kanë krijuar skenarin se si Aliko të paraqitej pranë organeve të rendit dhe të dorëzohej dhe më pas të dilte pa shumë bujë përpara gjykatës, ku do të njihej me masën e sigurisë, që sigurisht Aliko e kishte ditur përpara vetëdorëzimit.
Operacioni për të zbutur masën e sigurisë, ka filluar në datën 10 shtator 2018, ku Aliko është paraqitur tek policët e Fatmir Xhafaj në policinë e Tiranës, duke shprehur vullnetin se kërkonte të vetëdorëzohej.
Me këtë rast policët e Xhafajt, në fund të fundit korrën dhe një sukses duke ekzekutuar një tjetër vendim të rradhës për arrestimin e një keqbërësi, që ua ka futur dhjetëra e dhjetërave shqiptare me shitjen e tollonave të naftës fallso.
Por çuditërisht policët e suksesshëm të Xhafaj, këtë supër arrestim të këtij mega-mashtruesi, këtë ushtar të Besos së Tajvanit nuk e propogandojnë fare në komunikatën e shtypit, por as nuk ja japin shtypit qofte edhe me zëra jo zyrtarë.
Plani për lirimin ende pa u kryer arrestimi i Albano Alikos deri këtu shkon shumë mirë, pasi heshtja është mjeti që do sjelli suksesin.
Pa kaluar shumë orë në zyrën e drejtorit të krimit ekonomik në policinë e Tiranës, Albano Aliko shoqërohet me furgon policie në drejtim të gjykatës së Tiranës, ku do të njihej me masën e sigurisë, që klani i kishte premtuar, se do e merrnin nga duart e gjyqtarit Arben Micko.
Gjyqtari Micko, gjatë senacës për verifikimin e kushteve të arrestit, e cilësoi arrestimin e policisë si të ligjshëm, por urdhëroi që Albano Aliko të mos qëndrojë në arrest me burg por në arrest shtëpie. Pra Micko hodhi poshtë vendimin e tij të dhënë në korrik 2018, ku caktonte masën e sigurisë arrest me burg për Alikon.
Skenari i kurdisur nga Sulaj, Malaj, Micko dhe policët e Xhafaj ka shkuar sipas parashikimeve, duke çuar në shtëpi me furgon policie Albano Alikon, i cili tashmë mund të vijojë i qetë kontrollin e bizneseve dhe të pijë kafe tek “Tajvan” në qëndër të Tiranës./Pamfleti
