Aktualitet

Gjatë ceremonisë së uljes së avionit të parë “Lasgushi” të kompanisë shqiptare “AIR ALBANIA” Kryeministri Edi Rama, theksoi se kompania “AIR ALBANIA do të jetë një “çelës” në përmbushjen e objektivit, që brenda vitit 2025 Shqipërinë ta vizitojnë 10 milionë turistë.

“Bëhet fjalë për një fluturim të qëndrueshëm e të vazhdueshëm, që do t’i japë mundësi kësaj kompanie që të jetë “çelës” jo vetëm në funksion të një shërbimi dinjitoz për shqiptarët që kanë dhe mbeten të detyruar që të fluturojnë me avionë të plakur dhe me shërbim krejtësisht të pamerituar, por edhe si një “çelës” të strategjisë tonë të zhvillimit të turizmit, në funksion të objektivit për të arritur në 10 milionë turistë deri në vitin 2025. “AIR ALBANIA” është një ndërmarrje e mundimshme, sepse është dashur dhe nuk diskutohet, që pa iniciativën dhe mbështetjen bujare të Presidentit Erdogan, ne nuk do të ishim këtu dhe pas marrjes së këtij vendimi rruga nuk ka qenë e lehtë. Dëshmitarët që kam në krah mund të tregojnë shumë nga u nisëm kur aplikuan dhe as që e kanë imagjinuar që sa shpejt do të vinte kjo ditë, që do të ishin të veshur me kostumet e kompanisë sonë të flamurit kuqezi”, – theksoi Rama.

Kreu i qeverisë u ndal edhe te puna e vështirë që është dashur për ngritjen e kësaj kompanie, duke theksuar se shteti shqiptar do të jetë aksioner kryesor në këtë kompani për të garantuar të drejtat e shtetasve shqiptarë.

“Për të ndërtuar të gjithë modelin pavarësisht eksperiencës dhe vullnetit të “TURKISH AIRLINES” është dashur punë dhe mundim, janë dashur orë të tëra pune. Sot, nuk kemi një kompani që ka thjesht një emër që na përfaqëson të gjithëve, por kemi një kompani ku përveç “TURKISH AIRLINES”, që është partneri i minorancës, shteti shqiptar është drejtpërdrejt aksioner, si një garant dhe njëkohësisht si një kompani për të përfaqësuar interesat e të gjithë qytetarëve të këtij vendi dhe të gjithë atyre që kanë pasaportën e këtij vendi, por edhe e të gjithë shqiptarëve që do ta përdorin “AIR ALBANIAN”, – theksoi Rama.

Avioni i parë i “AIR ALBANIA”, i cili do të quhet “Lasgush”, do të fillojë nesër fluturimet drejt Stambollit. /atsh

Operatori i Shpërndarjes së Energjisë Elektrike (OSHEE) ka kryer analizën e menaxhimit të situatës së furnizimit me energji elektrike gjatë sezonit turistik qershor-gusht 2018.

Nga të dhënat e analizuara, krahasuar me sezonin veror të një viti më parë, kompania OSHEE ka përmirësuar me 50% treguesit e performancës së rrjetit siç njihet ndryshe SAIDI dhe SAIFI.

Pavarësisht se ky sezon turistik u shoqërua me mot jo të mirë, çka solli probleme në rrjetin shpërndarës, nga ana e OSHEE u morën masa që në fillim të nisjes së sezonit turistik nga Divizioni i Shpërndarjes në kompaninë OSHEE, tw cilwt kanë ofruar një furnizim më të mirë me energji elektrike të zonave bregdetare të Velipojës, Shëngjinit, Rrilës, Durrësit, Divjakës, Vlorës, Himarës dhe Sarandës, brenda parametrave optimalë në përputhje me rregulloren e cilësisë.

Kryerja e punimeve të planifikuara që në fillim të këtij viti si: Rikonstruksioni i rrjetit (remontet) , Investimet në NST, fidera, shtylla dhe kabina  organizimi i gatishmërisë me 1800 punonjës kanë dhënë impak në përmirësimin e treguesve të performancës së rrjetit shpërndarës në zonat bregdetare.

Me nisjen e sezonit turistik, kompania OSHEE bëri publike numrat e kontaktit të dispecerive rajonale ku abonentët mund të drejtonin ankesat e tyre në lidhje me defektet në rrjetin elektrik. Raportimi në kohë reale si dhe bashkëpunimi abonent – OSHEE dha rezultat në përgjysmimin e kohës së zgjidhjes të defektit.

Shtimi i kapaciteteve njerëzore në terren duke u angazhuar maksimalisht në riparimin sa më të shpejtë të defekteve që u shfaqën në rrjet, ishte një tjetër masë që dha rezultat efikas në përmirësimin e situatës së furnizimit me energji elektrike në zonat bregdetare. Koha e riparimit të defektit (mesatare) Viti 2017 – 54.7 minuta Viti 2018 – 26.6 minuta N1 Numri i Defekteve për Abonent përmirësuar me 50%. D1 – Kohëzgjatja e Defektit për Abonent përmirësuar me 53%. SAIDI -Kohëzgjatja e Mungesës së Energjisë përmirësuar me 46%. SAIFI – Konsumatorët e Prekur nga Mungesa e Energjisë përmirësuar me 50%./atsh

Kontrolli i Lartë i Shtetit zbulon shkelje gjatë Auditimit “Mbi auditimin e përputhshmërisë dhe rregullshmërisë financiare”, të ushtruar në Ministrinë e Punëve të Jashtme.

Sipas raportit final të KLSH rezultojnë “Debitorë të ndryshëm” deri në fund të vitit 2016 në vlerën 489,528 lekë i cili paraqet detyrimet e subjekteve private dhe punonjësve ndaj institucionit. Në total janë 10 subjekteve të cilat nuk kanë derdhur asnjë vlerë nga detyrimi për një periudhë 5 vjeçare.

Raporti thotë se “Në kuadër të zbatimit të projektit të miratuar ‘Përforcimi I kapaciteteve të diplomacisë publike dhe ekonomike të Ministrisë së Punëve të jashtme’, një bashkëpunim i Qendrës së Ekselencës me Ambasadën Zvicerane nga Ministria janë kontraktuar konsulentë të jashtëm për hartimin e artikujve analitikë e studimorë në vlerën e 5,904,100 lekë. Por vlera e studimeve e likuiduar ka kaluar në shpenzime por nuk është paraqitur në aktivet e qëndrueshme të pa trupëzuara”.

KLSH gjeti shkelje edhe në blerjen e automjeteve nga ambasadat e Shqipërisë në Paris, Berlin, Lubjanë, Zagreb dhe Prishtinë. KLSH I kërkon ministrit Bushati që menjëherë të ngrejë brenda kësaj ministrie funksionimin e strukturës së posaçme të prokurimit publik, edhe të sigurimit të mirë përdorimit të fondeve publike dhe të uljes së shpenzimeve procedurale duke rritur eficencën dhe efikasitetin në procedurat e prokurimit publik.

Po ashtu kërkohet që Njësia e Prokurimit për të ardhmen të marrë të gjitha masat, që në regjistrin e realizimit të tenderëve të raportojë vlerën e kontratave duke përfshirë vlerën e tvsh-së. Gjithashtu në regjistrin e realizimit të tenderëve të raportojë çdo tender të zhvilluar sipas procedurave përkatëse. KLSH konstaton në raport se nuk janë lënë gjurmë në asnjë tender se cili nga anëtarët e KVO-ve është specialist i fushës së objektit të tenderit të zhvilluar si dhe anëtarët për anëtarët e NJP-ve, nëse e kanë arsimin e lartë përkatës, siç përcakton rregullorja e prokurimit publik në fuqi.

Në auditimin e kryer nga audituesit e brendshëm, për veprimtarisë financiare të Ambasadës së RSH-së, në Ankara-Turqi, janë konstatuar mjaft mangësi e shkelje në kuadrin e zbatimit të projektit të Qendrës Kulturore Shqiptare në Ankara. Këtë shkelje KLSH rekomandon ti dërgohet pranë organeve të prokurorisë për vlerësim të elementeve penale. Për këtë raport reagoi Këshilli i Ambasadorëve Shqiptarë që vlerëson kundërshtimin me argumente që MEPJ i ka bërë këtij raporti, por në të njëjtën kohë kujton se asnjë punonjës i vendosur në listë pritje – jo për faj të tyre – nuk mund dhe nuk duhet të penalizohet financiarisht.

Detyrimi për të zhdëmtuar arkën e shtetit është në kundërshtim me Kodin e Punës, detyrimet dhe të drejtat e çdo të punësuari në administratën shtetërore, dhe përgjegjësitë duhet të kërkohen vetëm te shkaktarët apo vendimmarrësit. Kujtojmë se, trajtimi dhe implikimi në rrugë gjyqësore individuale për çdo punonjës të MEPJ-së i këtij urdhri do të ishte jo korrekt nga strukturat drejtuese të MEPJ-së, që duhet të marrin përgjegjësinë ligjore dhe institucionale për ta ndjekur deri në fund kundërshtimin e këtij urdhri.

Gjithashtu, i bëjmë thirrje Kontrollit të Lartë të Shtetit të rishikojë vendimin e tij për këtë rast dhe të shmangë proceset e gjata gjyqësore për diplomatët shqiptarë, pasi: personat e ngarkuar nuk kanë bërë një analizë të hollësishme auditive mbi shkaqet, motivet dhe arsyet e vendimit të institucionit për të nxjerrë në listë pritje diplomatët e karrierës.

Ndrek Ismaili ,president i shoqates se tetrapelgjikeve dhe paraperlegjikeve ne Shqiperi ka ngritur problematiken qe ekziston aktualisht per kete kategori. Mungesave e ramave ne infastrukture,por edhe ne institucionet kryesore si spitale,ambulanca apo dhe institucione te tjera.

Ky eshte vetem hapi i pare,pasi nje situate e tille po evidentohet ne te gjitha qytetet e tjera te vendit,ndersa hapi i rardhes do te vijohet me protesta te ashpra.

Problematika ne shume qytete,si Himara ,Saranda,Vlora dhe te tjera,ku edhe pse ka investime te rendesishme,mungojne kushtet ndihmese per personat me aftesi te kufizuar

Adivie Hoxha perfaqesuese e kesaj shoqate ka theksuar se reagimim do te jete deri agresiv,per ta vene ne vemendje problematiken mbi aftesine e kufizuar

Pavarsisht investimeve te kryera,ka ende shume probleme per kete kategori qe vuan mungesen e ndihmes ndaj tyre,problematika te cilat hasen ne te gjithe vendin.

Rituali i ndryshimit të orës dy herë në vit mund të hiqet, të paktën në Bashkimin Evropian. Komisioni Europian propozoi sot një ndryshim ligjor që do t’i jepte fund të ndryshimit të orës mes verës dhe dimrit.

Komisionerja e Transportit Violeta Bulc tha në një konferencë për shtyp se organi ekzekutiv i BE-së do ta linte në dorën e qeverive në mbarë bllokun për të rënë dakord nëse do të përdorin përgjithmonë kohën e verës apo atë të dimrit, raporton “VOA”.

Ajo shtoi se propozimi parashikon që tetori i vitit 2019 të jetë hera e fundit që evropianët do të duhet të rregullojnë orët e tyre:

“Nëse Këshilli dhe Parlamenti Evropian do të vendosin të mbështesin propozimin e Komisionit, tetori i vitit të ardhshëm do të jetë hera e fundit që ndryshojmë orën. Ose do të qëndrojmë me kohën e verës ose, ato vende që vendosin të përdorin kohën e dimrit, do ta ndryshojnë atë në dimër në tetor”.

Që nga viti 1996, sipas ligjit të BE-së ka lëvizur koha përpara me një orë të dielën e fundit të marsit dhe mbrapa me një orë të dielën e fundit të tetorit.

Por Finlanda, bëri thirrje këtë vit që BE të ndalë këtë praktikë, të cilën kritikët thonë se mund të shkaktojë probleme afatgjata shëndetësore, veçanërisht në mesin e fëmijëve të vegjël dhe të moshuarve. Studimet kanë treguar se ndryshimi i orës prish oraret e gjumit dhe mund të ndikojë në produktivitetin në punë. Më shumë se 80 për qind e shtetasve të BE-së duan të shfuqizohet ndryshimi i orës.

Çdo ndryshim do të kërkojë miratim nga qeveritë kombëtare dhe nga Parlamenti Evropian për t’u bërë ligj – një proces që mund të zgjasë deri në dy vjet.

Ka nisur zbatimi një skenari për të çuar drejt burgut Sali Berishën dhe Ardian Fullanin, duke u hapur një nga dosjet më flagrante të korrupsionit dhe abuzimit me pasuritë publike dhe paratë e shqiptarëve. Bëhet fjalë për hapjen e dosjes së korrupsionit me ish-Hotel Dajtin. Lëvizja vjen para ngrtitjes së Byrosë Kombëtare të Hetimit, Prokurorisë së Posaçme dhe Gjyktave Speciale, kundër të cilave po luftojnë prej tre vitesh Sali Berisha, Ilir Meta dhe ushtria e tyre e korrupsionit dhe krimit. Përveç Sali Berishës dhe ish-guvernatorit të Bankës së Shqipërisë, Ardian Fullani, në lojë janë edhe Ilir Meta dhe Adriatik Llalla. Meta është pjesë e trekëndëshit me Berishën dhe Fullanin, ndërsa Adriatik Llalla ka mbyllur të gjitha dosjet e aferave fianciare të tyre, duke përfshirë edhe dosjen e rëndë të abuzimit me ish-Hotel Dajtin. Në këmbim, Llallës i është dhënë leje që të vjedhë dhe pastrojë para, siç bëri me pronat në fshatra të Tiranës, të cilat i janë sekustruar.

Kuvendi i Shiqpërisë ka urdhëruar Kontrollin e Lartë të Shtetit që të auditojë skandalin me Hotel Dajtin mes Sali Berishës dhe Ardian Fullanit, duke nxjerrë dëmin ekonomik dhe personat përgjegës. Sipas urdhërit, KLSH duhet të hapë letrat e këtij skandali mafioz brenda vitit 2018, me qëllim që Byroja Kombëtare e Hetitmit dhe Prokuroria e Posaçme ta kenë gati dosjen gjatë vitit 2019. Deri më sot, kjo aferë është mbajtur e dyllosur, për shkak të kontollit të drejtësisë nga Sali Berisha dhe Ilir Meta dhe të dertimenit të tyre në krye të Prokurorisë së Përgjithshme, Adriatik Llalla. Edhe pas ardhjes së Arta Markut asgjë nuk ka ndryshuar, pasi ajo vetëm po shtyn ditët dhe pluhuros dosjet si Adriatik Llalla. Në këto kushte, dosja e Hotel Dajtit pritet të jetë një ndër dosjet e para që do të marrë në dorë SPAK-u, i cili është makthi më i tmerrshëm për kokat e krimit dhe korrupsionit në Shqipëri, për shkak se SPAK-u do të jetë në duart e amerikanëve.

Skandali i Bankës së Shqipërisë, kur drejtohej nga Ardian Fullani, me “Hotel Dajtin”, është unik në llojin e tij. Për të gjetur një mënyrë për të financuar Sali Berishën, Ardian Fullani i bleu qeverisë së tij, “Hotel Dajtin” me një vlerë prej 30 milionë eurosh. Nuk kishte ndodhur kurrë që shteti t’i blinte shtetit një ndërtetesë shtetërore. Nga ana e tij, Berisha, kur ishte kryministër, e shiti “Hotel Dajtin” pa ankand. Kjo përbën vepër penale. Ardian Fullani ka tejkaluar limitet e kreditimit dhe financimit të qeverisë, duke shkelur nenin 30 të ligjit “Për Bankën e Shqipërisë”. Fullani financoi qeverinë Berisha me paratë e shqiptarëve, pasi Berisha po e lejonte të abuzonte dhe gruan ia kishte emëruar në Gjykatën e Lartë. Në kohën me të vështirë për financat publike dhe Sali Berishën, Fullani u kthye në “garant” të shpëtimit të tyre. Fullani pranoi të blinte Hotel Dajtin, pronë shtetërore, për një shifër kolosale prej 30 milionë eurosh, që kaloi në buxhet. Nga ana tjetër, qeveria, me vendim të veçantë ia shiti ndërtesën Bankës së Shqipërisë, për 30 milionë euro.

Blerja e “Hotel Dajtit” ishte vetëm faza parë e një mega afere të projektuar nga Ardian Fullani dhe Sali Berisha. Pas blerjes, dhjetëra milionë euro nga paratë e shqiptarëve do të vidheshin me anë të rikonstruksionit. Vetëm për projektin do të shpenzoheshin miliona euro. Ndërkaq, klientë pranë Berishës ishin përgatitur për të marrë tenderin. Por, sipas burimeve, gjithçka u bllokua nga Këshilli Mbikqyrës. Shumica e anëtarëve të Këshillit Mbikqyrës nuk aprovuan planin e Fullanit për rikonstruksionin e “Hotel Dajtit”, ku do të hidheshin në erë paratë e shqiptarëve. Të vetëdijshëm për përgjegjësinë penale, anëtarët e Këshillit Mbikqyrës bllokuan planin në fjalë. Më konkretisht, anëtarët kanë braktisur mbledhjet e Këshillit Mbikqyrës, ku në rend dite ishte projekti për rikonstruksionin e “Hotel Dajtit”.

Përsëri me prokurim të drejtpërdrejtë dhe pa garë, Fullani ka harxhuar dhe 1.5 milionë dollarë, për përshtatjen e pjesshme të godinës dhe për projektin e zbatimit të përshtatjes së hotelit në një bankë. Blerja e “Hotel Dajtit” nuk i mjaftoi,. Menjëherë shpërthyen shpenzimet e tjera, shtesë, dy vendime për para të tjera. Sipas të parit, Fullani miraton shpenzime për përshtatjen e pjesshme të hotelit në bankë, me vlerë prej 567 mijë dollarësh. Përsëri pa garë, por me procedurë të veçantë prokurimi. Sipas vendimit të dytë, Fullani ka miratuar shpenzime për projektzbatimin e përshtatjes së hotelit bankë ‘Dajti’ me një vlerë prej 1 milion dollarësh dhe ky pa garë, por me procedurë të veçantë prokurimi./Pamfleti

Vitet 1994-95 ishin edhe më të lulëzuarit në aktivitetin e trafikut të heroinës në Shqipëri.

Siç e ka bërë të ditur edhe ish-truproja e Presidentit të atëhershëm Sali Berisha, ishin profilizuar baronët e parë të drogës në të gjithë vendin dhe që në fillim ata kishin lidhje të forta politike.

Shqipëria e vitit 1994 pati si shenjë të rëndësishme kjoskëzimin e Tiranës por edhe të gjithë vendit.

Parku Rinia u kthye në zonën ku gëlonin aktivitetet dhe bëheshin pazaret e trafikut të drogës.

Siç e përmend edhe Izet Haxhia, në intervistat e tij, nisin të profilohen edhe lidhjet e forta politike të trafikantëve më politikën.

Ata ishin lidhje të afërta, të ngushta, madje “vëllazërore”.

Haxhia ka deklaruar se djali i Sali Berishës ka marrë 30 milionë lireta nga Miri i Xhikes, alias Fatmir Rama, një nga njerëzit e njohur në ambjentin e trafiqeve, i cili vazhdoi lidhjen edhe me krerët e PS-së pas vitit 1997.

Po kjo lidhje nuk ishte e vetme. Pasi grupet e Shijakut që ndër të parët zunë Zvicrën si postacion të tyre për trafikun e heroinës, kishin si protektor politik deputetin e ndjerë Azem Hajdari.

Ndërkohë grupi i Beratit mbrohej as më pak e as më shumë por nga Ministri i Brendshëm i asaj kohe Agron Musaraj.

Madje tregoheshin edhe anekdota epike me djem berates që nga poshtë ministrisë së Brendshme thërrisnin me qesëndi: “O Goneee!”.

Trafiku i heroinës bëhej kryesisht nga Porti i Durrësit, me anë të ngarkesave të rregullta, por kjo solli një konflikt të madh me trafikantët e Vlorës dhe Sarandës, të cilët nisën aktivitetin e tyre me skafe dhe gomone.

Ky konflikt do të zgjerohej aq shumë sa do të bëhej një terren i luftës ndërmjet klaneve më të ashpra të mafias italiane.

Në Shqipëri zbarkojnë Gaspare Mutulo dhe Albino Prudentino, dy nga krerët e Sacra Corona Unita, një prej mafjeve më të egra në Itali dhe lidere e krimit të organizuar në Puglia.

Të dy kapot ishin në konflikt me njëri tjetrin. Flitet se Mutulo lidhi marrëveshje të forta me Mirin e Xhikes, i cili u konfliktua më pas me një prej grupeve të reja të drogës që ishin djem të lidhur me politikën e lartë të PD-së.

Pjesë e kësaj lufte ishte vrasja e Artur Grorit dhe më pas e legjendës së krimit të Tiranës Naim Zyberi, i cili u kthye në një prej killerave të parë me pagesë në kryeqytet.

Nuk kishte asnjë segment të tregtisë së heroinës që të mos ishte i lidhur me politikën, madje me politikën e të dy krahëve.

Në Parkun Rinia ishin të ndara lokalet e klaneve të ndryshme, ku palët bënin pazaret. Në një qoshe ishte edhe një lokal i SHIK-ut të Bashkim Gazidedes, i cili nëpërmjet doganës së Bllatës në Dibër të cilën e kishte monopol arriti të krijojë një kanal shumë të madh e të fortë të tregtisë së drogës.

Sasia e madhe e parave që u qarkulluan nisi të lëvizë nëpërmjet fondacioneve të ndryshme që themeluan gazeta e media që fshiheshin ndër emra të njohur Rilindasish si Faik Konica përshembull.

Këto para krijuan edhe një media ku do të shënjestroheshin armiqtë e regjimit dhe në krye të saj do të vendoset një figurë e rëndësishme që edhe sot mbush ekranet si analist i njohur./Pamfleti