Aktualitet

Javën e ardhshmë Evropa do të përfshihet nga një valë të nxehti. Sipas parashikimit të meterologëve një valë e re e të nxehtit është nisur drejt Evropës, me temperatura nga 8 deri në 10 gradë Celsius më të larta se që janë zakonisht në mes-shtator në Evropën qendrore, perëndimore, lindore dhe jugperëndimore.

Kjo do të thotë se në Evropë do të kemi temperatura mbi 30 gradë Celsius, përkundër se do të jemi në pjesën e dytë të shtatorit.

“Një anomali e tillë e temperaturave kaq të larta do të thotë se në veri, pra në Gjermaninë veriore e Beneluks temperaturat do të arrijnë 30 gradë Celsius. Në jug, pra në Francë e Itali përfshirë pjesë të Hungarisë, Kroacisë dhe Serbisë, temperaturat do të shkojnë edhe më lartë se 30 gradë Celsius”- Thuhet në parashikimin e SWE.

Temperaturat e larta do ta përfshijnë edhe Kosovën dhe Shqipërinë, çka u jep turistëve edhe një mundësi të fundit për këtë vit që të pushojnë edhe për disa ditë në bregdetet shqiptare.

“Babai im ne Shqipëri ka një sëmundje serioze që duhet të kalojë një operacion kirurgjikal të vështirë. Unë dëshiroj që ai të vijë në Nju Jork dhe ta bëjë operacionin këtu. A mund të siguroj një vizë për të?”. Ketij shqetesimi, por edhe shume rasteve te ngjashme, i jep pergjkgje avokati Kieran Both, duke treguar gjithe proceduren dhe hapat qe duhet te ndiqni. 

Një lexues na shkruan:
Unë jam shtetas amerikan dhe jetoj në Bruklin, NY. Babai im ne Shqipëri ka një sëmundje serioze që duhet të kalojë një operacion kirurgjikal të vështirë. Unë dëshiroj që ai të vijë në Nju Jork dhe ta bëjë operacionin këtu. A mund të siguroj një vizë për të? Nëse po, ju lutem më spjegoni procesin.
ZK
Bruklin, Nju Jork.

Përgjigje: Babai juaj mund të bëjë kërkesë për vizë me qëllim trajtimi mjeksor në SHBA. Ju mund ta ndihmoni babain duke përgatitur gjithë dokumentacionin që nevojitet për këtë rast.
Viza B-2 i jep mundësi pacientit të huaj të hyjë në këtë vend dhe madje të përfitojë edhe zgjatje të vizës, nëse do të jetë e nevojshme për vazhdimin e trajtimit.
Babai juaj duhet të aplikojë për vizë në konsullatën amerikane apo në ambasadë. Konsullata mund t’i kërkojë dokumenta shtesë për intervistën në të cilat përfshihen:
• Diagnoza mjeksore e konfirmuar nga një mjek që është i aprovuar nga konsullata. Mjeku duhet të spjegojë detajet e sëmundjes, domosdoshmërinë e trajtimit në këtë vend duke përfshirë koston e trajtimit mjeksor , pagesën e mjekut, pagesën e spitalit dhe të gjitha shpenzimet e tjera medikale. Nëse babai juaj ka nevojë për një person që do të kujdeset për të duhet përfshirë emri i personit dhe te spjegohet në detaj përse është i nevojshëm ai/ajo për shoqërimin e babait tuaj.
• Ai gjithashtu duhet të provojë për mundësinë e transportit, dhe shpenzimeve në SHBA. Kjo bëhet me deklarata bankare, taksat mbi të ardhurat,të tijat ose të personit që e merr përsipër financimin e tij si shoqërues i babait tuaj.

Në marrjen e vendimit për dhënien e vizës, konsullata do të marrë parasysh faktorët e mëposhtëm:
• Faktin që babai juaj ka një banesë tjetër jashtë ShBA të cilën ai nuk ka ndërmënd ta braktisë. Babai juaj duhet t’i dorëzojë konsullatës amerikane dokumenta që vërtetojnë lidhjet e tij me Shqipërinë. Për shëmbull, që ai punon në Shqipëri dhe puna e tij është permanente, gjendjen financiare dhe lidhjet me familjen e tij atje, që i jep arsye të forta për t’u kthyer sërish në atdhe. Të krijojë bindje se në këtë shtet do qëndrojë vetëm për shkak të trajtimit mjeksor dhe deri në përfundimin e këtij procesi e jo të kërkojë të qëndrojë në SHBA.
• Të mos krijojnë asnjë dyshim që ata do të vijnë në këtë vend me qëllim për të emigruar.

Visa është një dokument udhëtimi që përfaqsohet nga një vulë që vihet në pasaportin e aplikantit që lëshohet nga Departamenti i Shtetit në zyrën konsullore jashtë Amerikës. Viza mund të jetë për një hyrje ose më shumë (M) me një datë skadimi, që shkon nga një ditë deri 10 vjet. Data e skadimit të vizës është edhe data e fundit për hyrje në Amerikë.
Me t’u dhënë, viza B-2 nuk i garanton personit të drejtën të hyjë apo të qëndrojë në Amerikë ose të marrë një vizë të re. Viza thjesht e lejon një person të aplikojë për t’u pranuar në pikën e hyrjes në SHBA, aeroport ose pikën e kufirit. E drejta për të qëndruar në këtë vend qëndron në duart e përfaqsuesit të (CBP) Departamantit të Sigurisë së Vendit.
Si pacienti edhe shoqëruesi i tij, janë të detyruar ta lënë këtë vend me të mbaruar trajtimi mjeksor.Qëndrimi i tyre mbaron në datën e shënuar në kartonin e bardhë I-94. Qëndrimi pas asaj date krijon probleme për të ardhmen e tyre, në rast se do të kërkojnë të vijnë sërish në SHBA .Kërkesa për shtim kohe qëndrimi duhet bërë pa mbaruar data e skadimit në I-94 ku thotë ”Admit Until”…
Është e rëndësishme të kujtohet se viza B-2 për trajtim mjeksor(medical treatment) si babai juaj, është e kufizuar në aktivitetet me karakter mjeksor , ndryshe shkelja e këtij regull i heq të drejtën për të kërkuar zgjatjen e vizës, ose edhe më e keqja mund të deportohet dhe t’i mohohet ardhja sërish në këtë vend.
Kur Departamenti i Shtetit përmes konsullatës i refuzon aplikantit vizën B-2, disa aplikantë mund të hyjnë në SHBA duke aplikuar për “Humanitarian parole”. Kjo lloj vize jepet nga DHS . Për të sponsor mund të bëhet një shtetas amerikan, ose rezident permanent. Informacioni për aplikimin për“Humanitarian parole” këtë proces gjendet në linkun
https://www.uscis.gov/humanitarian/humanitarian-or-significant-public-benefit-parole-individuals-outside-united-states
Humanitarian parole: Nuk rekomandohet me qëllim për zgjatjen e vizës nga pacientët që janë këtu me trajtim mjeksor.

Të gjithë e dimë që marrja e dokumenteve në institucione është një sorollatje dhe duhen ditë të tëra për të mbaruar punë. Por kjo nuk ndodh vetëm në Shqipëri. Edhe për emigrantët shqiptarë në Itali që duan të marrin nënshtetësinë italiane apo dhe kërkojnë të bëjnë bashkim familjar u duhet të marrin dokumente nëpër institucione të ndryshme. Lidhur më këto proceduara shqiptari Ermir Lushnjari  që prej gati dy dekadash jeton në Itali, ka marrë një nismë shumë interesante duke hapur një aplikacion që quhet “Çaj mali”.

Lushnjari më profesion avokat u bë shtetas italian në vitin 2011 dhe aktualisht punon për gjykatën e Verbanisë. Në një intervistë për tvklan.al na ka rrëfyer gjerë e gjatë sesi lindi ideja për këtë aplikacion, sa ju vjen ai në ndihmë emigrantëve dhe pse është quajtur “Çaj mali”.

Ermiri ka emigruar në Itali si shumë shqiptarë të tjerë, duke ikur në mënyrë ilegale dhe i është dashur të bëjë punë nga më të ndryshme që të ndihmonte familjen e tij. Edhe pse ka qenë i mitur ai ka punuar në lavazh apo transport mobiliesh, pa menduar farë se një ditë do të bëhej një jurist dhe se do të krijonte një aplikacion që do u vinte në ndihmë bashkatdhetarëve të tij, por edhe emigrantëve të tjerë. Edhe mediat italiane nuk kanë hezituar të publikojnë artikuj lidhur me aplikacionin “Çaj mali”, që tashmë është një instrument ndihmës për të marrë nënshtetësinë italiane.

Sa vite keni që keni emigruar në Itali?

Jetoj në Itali nga 1999 dhe gjithmonë kam banuar në Verbania, një qytet që ndodhet në veri të Milanos. Në ato vite në Shqipëri gjendja ekonomike, por edhe rendi ishin në krizë dhe familja ime, si shumë të tjera vendosi të largohet nga Fieri. Kur vajta në Itali mendimi i parë ishte të punoja për të ndihmuar ekonomikisht familjen time dhe të merrja “permesso di soggiorno”.

Punët që keni bërë përpara se të bëheshit avokat?

Në 1999 isha akoma 15 vjeç dhe s’mundet të punoja me kontratë sepse ligji parashikon si moshë për të filluar 16 vjeç. Gjatë kësaj periudhe kam bërë punë të ndryshme si në lavazh apo transportim mobiliesh kur personat ndryshonin banesën dhe i duhej dikush që ti ndihmonte me plaçkat. Në këto raste pata fatin që njihja shumë njerëz të mirë të cilët më këshillonin të studioja në shkollë. Më kujtohet që menjëherë, pasi mora “permeson di soggiorno” u regjistrova në bibliotekë dhe fillova ta frekuentoja në fundjavë.

Hapi tjetër u interesova për të nisur shkollën e mesme dhe kërkova ta bëja me korrespondencë pasi s’mundesha të lija punën. Ndërkohë unë kisha mbushur 16 vjeç dhe fillova të bëja marangozin.

Kur e nisa këtë profesion isha punëtori më i ri i fabrikës dhe kur u largova pas 11 vjetësh isha akoma punëtori më i ri në moshë, por i pari nga përvoja sepse kolegët e mi nuk kishin durim dhe largoheshin nga puna. Për 11 vjet puna dhe gjatë kohës së lirë ose në fund javë studioja, në fillim në shkollën e mesme e më vonë universitet për jurisprudencë.

Kur u regjistrova në universitet, u regjistrova në gjykatë për të bërë përkthyesin ligjor vetëm për të shtunën sepse gjatë javës punoja si marangoz. Më kujtohet një të  shtunë kur unë isha akoma në fabrikë dhe më telefonuan nga gjykata se kishin nevojë për mua. Atëherë mora leje nga puna dhe vajta në gjykatë, pasi mbarova u ktheva në fabrikë që të përfundoja punën e lënë përgjysmë.

Por le të ndalemi, pak tek aplikacioni që quhet “Çaj mali”, çfarë ju shtyu që të ndërmerrnit një nismë kaq interesante?

Një ditë vura re një blog ku shumë të huaj (edhe shqiptarë sigurisht) shkruanin pyetje në lidhje me dokumentet në Itali, si për shembull: bashkimi familjar, marrja e shtetësisë italiane apo dëbimet nga zona Schengen dhe kërkonin një përgjigje. Askush nuk përgjigjej por edhe kur rrallë herë dikush e bënte përgjigjet nuk i shin të plota dhe unë fillova ti përgjigjesha secilit prej tyre. Më vonë ishin ata që më kërkonin informacione online. Aty kuptova që imigrantët kishin shumë nevoja dhe pak shërbime.

Mendova të realizoja një aplikacion për të marrë shtetësi italiane, i cili mos të kufizohej vetëm në dhënien e informacionit por të kryente edhe veprime si për shembull:  monitorimin e praktikës, dërgimi i dokumenteve dhe kërkesave në zyrat përkatëse. Këto janë shërbime që i huaji mund t’i kryej edhe vetëm pa ndihmën e avokatit dhe falas.

Pse vendosët ta quanit “Çaj mali”?

Kisha shumë ide për emrin dhe doja një emër që kuptimi të ishte thjeshtësia dhe dobia e përdorimit. “Çaj mali” i plotëson këto kritere sepse është i thjesht në përgatitje dhe i dobishëm për shëndetit. Edhe në logo e aplikacionit unë përcjell po të njëjtën ide, flamuri i Bashkimit Europian ku në vend të yjeve kam stilizuar lulen e çajit.

Sa kohë ju është dashur që ta vini në punë?

Gati 10 muaj për të marrë lejet përkatëse, por edhe për të përshtatur tekste brenda aplikacionit. “Çaj mali” është një aplikacion juridik dhe s’ka qenë e lehtë të bëhej i kuptueshëm nga të huaj. Sa herë që shkruaja një tekst pyesja imigrantët nëse e kuptonin dhe kështu hap pas hapi i gjithë materiali që po realizoja bëhej i qartë për të gjithë të huajt, shqiptar apo kombësive tjera.

Si duhet t’ju gjejnë emigrantët?

Çdo kush që shkruan në play store ose app store fjalën kyçe “cittadinanza italiana” do dali “Çaj mali”. Ky app ka edhe avantazhin se s’ka nevojë për shumë memorie që të shkarkohet. Nëse kanë pyetje të veçanta më gjejnë edhe në Facebook ose tek web site cajmali.eu

Ju keni thënë që ky aplikacion nuk është vetëm për emigrantët shqiptarë  që do të thotë se aplikacionin tuaj mund ta përdori cilido emigrant nga shtete të ndryshme?

Po çdo emigrant që dëshiron shtetësinë italiane mund ta përdori. Unë brenda aplikacionit kam përdorur një gjuhë të thjesht e kuptueshme edhe nga fëmijët, prandaj app im shkarkohet edhe nga rumun, maroken ose kombësi tjera. Më pëlqen kur nisin komplimentet e tyre përdoruesit e app shkruajnë në gjuhën tyre.

A mendoni se do të keni sukses?

Objektivi im është të ndihmoj personat që kanë nevojë. Dikur ne shqiptarët konsideroheshim qytetarë të serisë B, por sot ne jemi të integruar në Evropë dhe të huajt me kombësi tjera na marrin si shembull për tu ndjekur. Njoh shumë shqiptarë që si mua kanë mbaruar universitetin dhe punojnë nëpër Evropë. Ka edhe sipërmarrës që kanë hapur aktivitete ekonomike dhe kanë punësuar shqiptarë, italianë por edhe të huaj tjerë./tvklan.al

Në deklaratat e tij të fundit në emisionin “Real Story”, para largimit të tij nga Shqipëria diplomati amerikan Lu nuk nguroi që të bëjë një krahasim mes ish-kryeprokurorit Adriatik Llalla dhe kryeprokurores Arta Marku.

Pasi e vlerësoi si person serioz dhe profesioniste që është përpjekur të bëjë detyrën e saj. Ndër të tjera ai u ndal dhe tek Adriatik Llalla;

Donald Lu: “Nuk kam asgjë personale kundër Z. Llalla. Mendoj se shumë shqiptarë dhe unë personalisht ndjejmë se Z. Llalla përfaqëson zyrtarët e shumtë që janë përpjekur të pengojnë zbatimin e reformës së gjyqësorit. Gjithashtu, Sekretari i Shtetit e ka shpallur Z. Llalla si zyrtar të lartë të korruptuar. Prokurorët, në Shqipëri, po e hetojnë aktualisht për pastrim parash, korrupsion dhe shpërdorim detyre. Kemi përgëzuar vendimin e gjykatave për të sekuestruar asetet e tij shumë të mëdha të pashpjeguara dhe kemi nxitur gjyqësorin në vend që të kufizojë lëvizjet e tij në mënyrë që të mos i largohet drejtësisë.”

Duke qëndruar tek reforma në drejtësi I pyetur në lidhje me zvarritjen e procesit diplomati amerikan Lu u shpreh;

Donald Lu: “Sokol, është shumë e thjeshtë. Kanë ende frikë. Ishin të frikësuar në 2016-ën, janë të frikësuar edhe tani. Por shih rezultatet që janë arritur tashmë nga reforma – 20 gjyqtarë dhe prokurorë u dorëhoqën, 23 janë shkarkuar nga KPK, komisionet e vetingut, 27 janë konfirmuar. Një total prej 70 zyrtarësh që i janë nënshtruar këtij procesi në gjashtë muajt e fundit. Është një rezultat shumë i mirë për popullin shqiptar. Dhe faza e ardhshme është edhe më e thellë. Keni ngritjen e KLP, KLGJ dhe krijimin e prokurorit të pavarur SPAK dhe hetuesve të BKH. Kjo u kall frikë në zemër krerëve të krimit të organizuar dhe politikanëve të korruptuar. Sa i përket BKH dhe SPAK, ne, Qeveria e SHBA, kemi marrë një angazhim përpara jush, Shqipërisë, që ne do të paguajmë për këshillimin, trajnimin dhe pajisjet për BKH.”