Aktualitet

Ish-anëtari i Këshillit Kombëtar të PD, Indrit Hoxha, ka bërë sot një deklaratë të fortë në lidhje me atë që pritet të ndodh me 11 dhjetor.
Përmes në një postim në rrjetin social Facebook, Hoxha shkruan se në 11 dhjetor do shkarkohet edhe Basha edhe Bardhi.
“Këshilli Kombëtar, ushtron këto përgjegjësi apo të drejta: vendos, me votim të fshehtë, për emërimin dhe shkarkimin nga detyra të Sekretarit të Përgjithshëm. A ka ndodhur kjo gjë në Këshillin Kombëtar? Apo kryetari emëron dhe po ai shkarkon, praktikisht kemi një parti ky kryetari i saj do shkarkohet me 11 dhjetor dhe sekretari përgjithshëm është nul juridikisht. Këta të dy duan të ndryshojnë dhe Kushtetutën, imagjinoni çfarë mund t’i bëjnë, kur vetë këta shkelin totalisht statutin e partisë”, shkruan Hoxha.

Kujtojmë se me 11 dhjetor, ish-kryeministri Sali Berisha do të mbledh Kuvendin e PD, për të cilin ka mbledhur votat e nevojshme nga “Foltoret” e organizuara.

Fatbardh Kadilli, ish-anëtari i Kryesisë ka shpallur sot kandidaturën e tij për kryetar të Partisë Demokratike, duke iu bashkuar Kuvendit Kombëtar të thirrur nga ish-kryeministri Sali Berisha në 11 dhjetor.

Kadilli është shprehur se nuk do karrierë personale por dO të ofrojë një alternativë më të mirë për ringritjen e PD.

Kadilli: Unë jam shpallur që do të rikandidojë në garën e parë që do të ketë PD, se kur do jetë kjo garë nuk e di. Nuk dua karrierë personale, por për të ofruar një alternativë më të mirë për ringritjen e PD.

Basha bën gabim kur mendon të fshihet pas vulës dhe nuk prodhon dot opozitë. Njerëzit duan opozitë, jo thjeshtë një kryetar të PD. Berisha e ka monopol këtë parti e ka drejtuar edhe kur nuk ishte kreu i saj. Njeri është lider i humbur disa herë, por njëri është lider i mundur kur ishte kryeministër, nuk mund të kemi më drejtues ata.

Nuk e kam mbështetur thirrjen e Kuvendit, pasi nuk është aksioni im politikë, por nëse mblidhet nuk mund të injoroj prezencën e demokratëve, ata kanë nevojë të dëgjojnë më shumë njëri-tjetrin, të dëgjojnë më shumë ”

Gjatë intervistës për Zërin e Amerikës, Kryetarja e Lëvizjes Socialiste për Integrim, Monika Kryemadhi, është pyetur në lidhje me marrëdhëniet sot të LSI me PD, si dhe zhvillimet e brendshme në Partinë Demokratike.
Kryemadhi nuk ka dashur të komentojë se ‘çfarë po ndodh në partinë tjetër opozitare’, por ka shtuar se ‘e ashtuquajtura opozitë, po hedh tango me mazhorancën, në kurriz të shqiptarëve’.

Pyetje: Cilat janë marrëdhëniet sot të LSI me PD?

Kryemadhi: Nuk kanë absolutisht fare rëndësi marrëdheniet e LSI me PD sot, duke pasur parasysh mjafton të shikojmë cfarë po ndodh, ku tangoja elektorale të ashtuquajturës opozitë më mazhorancë nuk po sjell gjë tjetër vecse po rrit borxhin e jashtëm të shqipërisë dhe po e kalon ne shifra ekstreme drejt falimentimit të shtetit dhe për të vazhduar më tutje me marrëveshje të cilat i mungojnë transparencës politike dhe parlamentare. Sot jeta e shoqërisë shqiptare dhe aq më shumë politika shqiptare nuk artikulon absolutisht për gjëra që kanë lidhje shumë të rëndësishme më ekzistencën e popullit shqiptar dhe aq më shumë të të rinjve shqiptar duke pasur parasysh vetëm periudhat e fundit shpopullimi i familjeve shqiptare është i jashtëzakonshëm gjë që është e dhimbshme nëse një kombi do t’i largohet e gjithë rinia ai është i destinuar të vdesë.

Pyetje: Brenda partisë më të madhe në opozitë po zhvillohet një betejë e paprecedente, ish-kryeministri Berisha ka deklaruar se është gati të vendosë kandidaturën për kryetarin e kësaj partie si e shikoni ju synimin e zotit Berisha dhe luftën e tij me kryetarin Basha.
Kryemadhi: Nuk dua të komentoj absolutisht asnjë gjë që ka të bëjë me punët e brendshme të Partisë Demokratike, LSI është një parti e qendrës së majtë e cila ka identitetin e saj. Ne me Partinë Demokratike na ka lidhur bashkimi në kauzat për të mirën e qytetarëve siç ka qenë çështja e Teatrit Kombëtar apo siç ka qenë çështja e taksës së Rrugës së Kukësit pavarësisht sesa të suksesshme ishin iniciativat e opozitës në atë kohë. Por nga ana e LSI angazhimi ynë ka qenë gjithmonë luajal dhe i qëndrueshëm deri në fund duke pasur parasysh që ka qenë nga të vetmet partnere e cila i qëndroi deri në fund frontit opozitar deri në 25 prill.

Në takimin e sotëm të zhvilluar nga Këshilli i Ministrave janë njoftuar vendime të reja.

Almira Xhembulla është emëruar zëvendësministre e Turizmit dhe Mjedisit, me vendim të Këshillit.

V E N D I M PËR EMËRIM NË DETYRË:

Në mbështetje të nenit 100 të Kushtetutës dhe të pikës 2, të nenit 6, të ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave

V E N D O S I:

Znj. Almira Xhembulla emërohet zëvendësministër i Turizmit dhe Mjedisit.

Ky vendim hyn në fuqi menjëherë.

K R Y E M I N I S T R I EDI RAMA