Sport

Armando Broja vetëm dy ditë më parë reagoi qartë dhe tha se nuk ka asnjë mosmarrëveshje me trajnerin Sylvinho, duke i vendosur “vulën” thashethemeve të bëra publike së fundmi. I dëmtuar për 11 muaj, sulmuesi i Chelsea ka filluar të marrë minuta në Premier League dhe duket se po rigjen formën.

Në një intervistë për RTSH, kreu i Federatës Shqiptare të Futbollit, Armand Duka tha se Kombëtarja s’e ka luksin të shpërdorojë një talent si Broja.

“Broja është një talent që nuk na vjen shpesh në Shqipëri. Ne nuk jemi vendi i prodhimit maksimal të talenteve dhe nuk kemi luksin të shpërdorojmë një të tillë. Ai është vërtet një talent i madh. Mos kontributi i tij në këto eliminatore nuk ka ardhur për fajin e tij, por fatkeqësisht për shkak të dëmtimit”, tha fillimisht kreu i FSHF-së.

Ndërkohë Duka shtoi se sfida është për Brojën, që pasi të lërë pas plotësisht dëmtimin do duhet të përshtatet me një Kombëtare që tashmë ka një grup të mirë.

“Kjo mungesë ia vështireson punën Brojës edhe në të ardhmen sepse e para e ka sfidën me veten e vet, me shendetin që ta kalojë problemin dhe të eci përpara. E dyta që të bashkohet dhe të jetë organik me nje skuadër që tashmë është vërtet nje grup shumë i mirë”, vijoi Duka.

Kreu i FSHF-së beson se Broja do e gjejë mënyrën që të gërshetohet me ekipin.

“Unë kam besim se një talent, një profesionist si ai, do ta gjejë mënyrën si të gërshetohet mirë me skuadrën. Por e ripërsëris, ne nuk kemi luksin që të shpërdorojmë një talent si Armando Broja”, tha Duka.

Aventura e Xhani De Biazit në pankinën e Azerbajxhanit mund të ketë marrë fund me ndeshjen e sotme të humbur me shifrat 5-0 përballë Belgjikës.
Edhe pse skuadra azere mori 7 pikë në grupin e saj kualifikues, De Biazi është kritikuar vazhdimisht nga mediat azere dhe kjo ka sjellë përplasje me ta.

Në konferencën e sotme për shtyp pas humbjes në Bruksel, trajneri italian nuk ka duruar më dhe ka lënë në mes konferencën për shtyp, duke mos iu përgjigjur shumë pyetjeve të gazetarëve, siç raportojnë mediat azere.

“Kjo është hera e parë në karrierën time që has në një situatë të tillë. Nuk është faji im. Unë punoj këtu dhe duhet t’ju takoj. Ju nuk doni të shihni zhvillimin tonë. Kemi bërë shumë punë. Po ndryshojmë mentalitetin”, ishin fjalët e De Biazit para se të largohej nga salla e konferencave në fund të ndeshjes.

Në shortin e 2 dhejtorit Shqipëria do të jetë në vazon e dytë, pra në fazën e grupeve në “Gjermani 2024” do të jetë e sigurt se do të ketë një ndeshje me një përfaqësuese të madhe.

Rregullorja për këtë short është e qartë, do jenë katër vazo me nga gjashtë skuadra. Skuadrat në këto vazo do të renditen sipas ecurisë në eliminatoret e Europianit dhe përjashtim bën vetëm Gjermania, e cila automatikisht është pjesë e Vazos së parë si vend organizator.

Në këtë vazo, e cila do të nxjerrë të gjitha kokat e grupeve në “Gjermani 2024” aspironte të futej edhe Shqipëria, e cila për shkak të pikëve të grumbulluara duket se do ta ketë të pamundur.

Shqipëria edhe nëse fiton nesër përballë Ishujve Faroe mbyll këtë fushatë eliminatoresh me 17 pikë. Në Grupin A skuadra e Spanjës ka 18 të tilla dhe ka ende një ndehsje për të luajtur atë kundër Gjeorgjisë.

Në Grupin B Franca ka 21 pikë ndërsa ka ende një tjetër takim për të luajtur pasi udhëton drejt Greqisë. Në Grupin C Anglia ka 19 pikë dhe pret të ndeshet me Maqedoninë e Veriut në transfertë. Në Grupin D Turqia e Montelës ka 16 pikë dhe luan ndeshjen e fundit në Uells.

Në Grupin F Austria ka mbyllur fushatën e saj të eliminatoreve me 19 pikë, por në këtë grup është ende në lojë Belgjika e cila ka dy pikë më pak dhe nëse fiton kundër Azerbajxhanit shkon plot 20 pikë.

Në Grupin G, Hungaria (15 pikë) sfidon Malin e Zi (11 pikë) në takimin e fundit ndërsa Serbia (13 pikë) pret Bullgarinë (3 pikë). Në Grupin H Danimarka (22 pikë) ka siguruar vendin e parë ndërsa pret të ndeshet me Irlandën e Veriut.

Në Grupin I, Rumania (19 pikë) dhe Zvicra (17 pikë) luajnë përballë njëra-tjetrës ndeshjen e fundit dhe do të vendosin se cila do të jetë e para. Në Grupin J Portugalia ka dominuar plotësisht me 27 pikë ndërsa mund të bëjë 30 nëse mund Islandën në nbdeshjen e fundit. Grupet H, I dhe J janw me 6 skuadra dhe sipas rregullores vendeve të para do t’iu zbriten 6 pikë.

Vazo 1: Gjermania (vend organizator), Portugalia (27 pikë), Franca (21 pikë)