ShowBiz

Vetëm pak javë më parë ata kurorëzuan dashurinë e tyre në martesë, në një ceremoni të kushtueshme të mbajtur me Como të Italisë, ndërsa “dëshmitari” i dasmës ishte djali i vogël i tyre, London.

Sara Hoxha dhe Ledion Lico, së fundmi i kanë habitur paksa fansat me një “risi” që sollën. Në një intervistë për “Who”, Ledioni ka intervistuar të shoqen e tij, e cila ndër të tjera ka treguar një pjesë të rëndësishme nga jeta e familjes së saj, humbjen e jetës së të atit, ShkodraNews.

Ledioni: Përpara se të vazhdojmë me historinë tonë, e nisim nga mami. Si do e përshkruaje marrëdhënien tënde me Vjollcën; si ka ndryshuar ajo pas humbjes së babit, pastaj fakti që është gjyshja e London, pa harruar që ndan biznesin me të, është “Presidentja e Top Medias“?

Sara: Në fillim unë dhe mami im nuk ishim shumë të lidhura me njëra-tjetrën. Unë isha më tepër vajza e babit, isha më e lidhur me të. Mami ishte tërë kohës aty, e merrja pak për të mirëqënë, ndërsa babit ia ndjeja mungesën, doja ta kënaqja, ta bëja të ndihej krenar. Pastaj kur babi ndërroi jetë, gjërat morën pak për kot. Nuk është se nuk e doja, se unë vdes për mamin tim, por e bëja atë me faj që babi nuk ishte më. Ishte mbase mënyra ime për t’u përballur me humbjen. Për të do të ketë qënë shumë e vështirë kjo pjesë, por kur e mendoj, isha akoma fëmijë kur ai iku.

Pastaj gjërat ndërruan kur u lidha me ty, sepse më shihte si të rritur, më të pavarur, pra kishim një komunikim të ri dhe më pas kur linda London, arrita të kuptoj vërtet se sa shumë ka bërë ajo për mua, për ne. E shihja vetë se sa e vështirë ishte të rrisje një fëmijë, sa përgjegjësi ke dhe i shtoja dhe faktin që babi nuk ishte aty për të, ajo ishte vetëm, vetëm në familje, vetëm në biznes, por si një Super Grua! Mami im është gjithçka. /ShkodraNews

Është një ndër personazhet më të dashura për publikun shqiptarë, dhe ndër më të ndjekurat në rrjete sociale.

Xhensila Myrtezaj është mjaft aktive në rrjet dhe shpesh bën publike dhe foto dhe momente nga jeta e saj private, shkruan ShkodraNews.

Ndërkohë, e komentuar shumë për bukurinë e saj, ajo ka vendosur që sot t’u tregojë fansave të saj sesi duket me kur sapo zgjohet, ndërsa fytyra e saj duket plotësisht pa makeup. /ShkodraNews

E ftuar në “Xing me Ermalin”, modelja shqiptare, Emina Cunmulaj, që e ka zhvillon karrierën e saj në Shtetet e Bashkuara të Amerikës, ka rrëfyer se si është njohur dhe detajet nga takimi i parë me bashkëshortin e saj iraniano-amerikanin, Sam Nazarian.

Ata janë të martuar prej disa vitesh, ndërsa janë prindër të dy vajzave. Emina ka zbuluar takimin e parë me të dashurin e zemrës, i cili e ka pyetur nëse është greke duke i shtuar faktin se vjen era djathë.

“Ne jemi njohur në Ishujt Karaibe. Unë isha me shokun tim më të mirë që është grek dhe me familjen e tij. Burri im në atë kohë ishte me një grup shokësh. Në restorant ishte një vajzë që ishte në tavolinë me të, ajo ishte stiliste dhe punonte në një shtëpi mode. Unë e njihja nga revistat. Ishte Janar i viti 2010. Unë isha single në ato vite dhe doja një burrë që t’i jepja shpirtin edhe zemrën dhe të nisja një familje. Isha 24 vjeçe. Kur tavolina e burrit u ngrit, ai së bashku me atë stilisten erdhën tek tavolina jonë dhe takoi mikun tim sepse e njihte dhe në fund më takoi edhe mua. U prezantua dhe më pyeti: A je greke? Dhe unë që jam shumë patriote i them: Jo, pse? Ai ma kthen: Sepse të vjen era djathë. Kështu jemi njohur. Unë e kam shumë qejf djathin dhe e ha shumë”, tregoi modelja në intervistën për “Xing me Ermalin”.

Largimi parakohe i Ergi Dinit ishte një lajm që i tronditi të gjithë, jo vetëm njerëzit e tij të afërm por edhe publikun që e njihte dhe kishte filluar ta identifikonte për zërin, performancën dhe këngët e tij të veçanta, shkruan ShkodraNews.

Sot, ditën që ai do të mbushte 24 vjeç, motra dhe babai i tij i kanë dedikuar disa fjalë që të prekin shpirtin.

I ati, Dashamiri, i ka kushtuar një poezi, që zor se i përmban lotët teksa e lexon:

Postimi i plotë:

ERGIT,NE 24-VJETORIN E LINDJES.

Zvarritem, mes dhëmbjes së ngrirë, në trajtat gri te mermerit,, i mbështjellë me mungesen Tande.

Kam marr me vete përkthyesin shurdh-memec
qe di gjuhen e heshtjes,Ergi,, për me ma përkthy heshtjen tande fjalë për fjalë, që me mujt me ja shu disi flakët mallit.

Kam marr edhe fotografin e verbër te errësirës, për foton tradicionale, të ketij përvjetori…

Ooooh! Po unë s’mund te shoh,k’shtu, mbulu me dimër, moj Pranvere!

Pash njat Zot,çohu,Bir! Çohu e mban me u ndi gjallë edhe një herë, mu te vdekunit ma të mallkum te tana koheve, që fati mizor, me detyron me jetu jeten Tande!

Pash njat Zot,Bir,çohu! Çohu, se kitarra jote pret varur ne gishtat e erës, për me këndu; “Shumë urime për Ty…”!

Unë lutem,e lutem, I kryqezum, ne tmerrin, e udhekryqit tem te namun, tuj u rrejt deri ne shpresë…

Por fati yt,i pamëshirshëm, m’i refuzon te gjitha lutjet, per me zanë,unë,vendin Tand.

…Jam i denum, me u end mes te gjalleve… …Çdo çast, lahem, me zjarrin e ferrit, tuj andrru, se nje ditë, kam me i gjet dyert e Parajses
ku më pret Ti…

E mbani mend Blertën, vajzën e vogël e të talentuar që sot nuk jeton më, pasi jeta u tregua e padrejtë me të. Blerta Pepa, ndërroi jetë më 15 maj të vitit të kaluar pas një ndërhyrjeje në gju. Ajo hyri në operacion për një ndërhyrje të lehtë por nuk doli më.

Ngjarja bëri shumë bujë atë kohë, ndërsa u kritikua spitali privat ku u krye operacioni. Por sot vëllezërit e Blertës kanë gjetur një mënyrë për ta përjetësuar dhe kujtuar. Ata i kanë dedikuar një këngë që e kanë publikuar sot. Vëllai i saj Ermali dhe këngëtarja e njohur Aurela Gace kanë publikuar klipin dhe një mesazh drithërues.

“😢Eshte e pamundur te mos lotosh.
Blerta e vogel u kthye ne engjell vetem 15 vjeç, e vellezerit e saj bejne kete dedikim kaq te dhimbshem.
Blerta, u fut ne sallen e operacionit per nje nderhyrje te thjeshte ne gju , e fatkeqesisht nuk i ja doli dot te kthehej ne gjirin e familjes. Zoti ju dhente forcen ta perballoni Ermal🙏👼. Linkun e kenges e gjeni ne bio-n time”, shkruan Aurela Gace.

https://youtu.be/g0CpIHeYWSU

Armina Mevlani dhe Shkëlzen Berisha kurorëzuan në fejesë lidhjen e tyre me një ceremoni private të mbajtur në Pallatin e Brigadave, ku ishin të ftuar vetëm 30 të ftuar.

Menjëherë qarkulluan fotot nga fejesa dhe shpejt zbuluam dhe fustanin e Arminës.

Fustani me motive florale të Dolce&Gabbana kushtonte plot 4000 Euro dhe mesa duket paska patur një mesazh më të thellë nga sa menduam.

Sipas revistawho, lulet e fustanit quhen ‘bozhure’ dhe kanë kuptime të fshehura të cilat ndryshojnë në varësi të vendeve. Buzhuri njihet si një nga lulet më jetëgjata, pasi rron deri në 100 vite.

Në disa vende ajo ka kuptimin e bashkimit dhe vazhdimësisë, ndërsa në të tjera njihet si bima e mirëqenies dhe gëzimit. Gjithçka ka përjetuar Armina ditën e djeshme duket se ka qenë e pasqyruar në fustanin e zgjedhur prej saj.

I ftuar në emisionin “Be Coffe”, gazetari Artan Hoxha është thumbuar për një sërë cështjesh ku si filloim ka qënë ajo e nismës së kryeministrit për mbylljen e pikave të basteve. Artan Hoxha u shpreh se ishte me Kryegjyshin Botëror të Bektashinjve, Haxhi Dede baba Edmond Brahimaj. “Meqë ti i di të gjitha si gazetar, na jep nja dy ndeshje të sigurta për fundjavë”- e pyeti Besi. Gazetari Hoxha u shpreh: “Unë jam me Baba Mondin.” Kryegjyshin Botëror i Bektashinjve, Haxhi Dede baba Edmond Brahimaj e vlerësoi shumë pozitivisht vendimin e fundit të qeverisë, për mbylljen e lojërave të fatit dhe te basteve.

“E vlerësoj këtë vendim nga kryeministri. Mbyllja e tyre është për të mirën e familjeve shqiptare. Lojrat e fatit janë të dënuara me ligj edhe me fe. Ato i mësojnë dembelë dhe i shkatërrojnë njerëzit. Por të hapen sa më shumë vende pune që të punësohen njerëzit”- ka thene ai.

Tre ditë më parë, pasi u njoftua vendimi i qeverisë, kryegjyshi reagoi me këtë deklaratë: “U njoftuam nga mediat mbi iniciativën e fundit qeveritare lidhur me lojrat e fatit. Në këtë rast e shikojmë me optimizëm nismën, e cila i bashkohet vlerave të bektashinjve, për të ruajtur rininë dhe familjen tonë të pastër, larg veseve. Le të shpresojmë që nisma të tilla në dobi të shoqërisë të shtohen”.

Djali i ish-kryeministrit, Sali Berisha dhe vajza e prezantuesit të lajmeve, Arben Mevlani i kanë dhënë fund beqarisë, duke kurorëzuar lidhjen e tyre me fejesë. Shkëlzen Berisha dhe Armina Mevlani kanë preferuar një ceremonia familjare me pak persona të fetuar.

Ndonëse festa e vërtet për çiftin ka qenë përpara dy vitesh në Komo të Italisë, kur Shkëlzeni i propozoi martesë Arminës, sot dy të dashuruarit kanë mbledhur familjet dhe miqtë e tyre më të ngushtë për të celebruar një ditë të rëndësishme në jetën e tyre.

Në festën e organizuar nga Alketa Vejsiu, janë të ftuar më pak se 30 persona dhe çifti nuk ka preferuar të ketë në të personazhe të jetës publike, megjithëse të dy kanë një rreth të gjerë shoqëror, në fejesë kanë ftuar vetëm tre prej miqve të ngushtë.

Vetë Armina ka publikuar në Instagram foton e fustanit që do të veshë me mbishkrimin ‘special day’. Historia e tyre e dashurisë është bërë publike në 2014.