ShowBiz

Padyshim një nga personazhet krysorë që na vjen në mendje sapo bëhet fjalë për filma të vjetër shqiptarë është “Gjino”, i njohur si 14 vjeç dhëndër.

E sigurisht, që kemi qeshur të gjithë me batuat e djaloshit, që në film mbante emrin Gjino dhe që e martuan që 14-vjeç.

Aktori që luajti rolin e Gjinos, quhet Admir Sorra dhe sot feston ditëlindjen. Sot ai ka ndryshuar shumë dhe shumë pak ngjason me Gjinon e dikurshëm. Aktualisht ai jeton në Vlorë, por disa vite më parë ai ka jetuar edhe jashtë shtetit.

Aktori nuk është me aktiv në jetën seknike, por as në në rrjete sociale.

18-vjeçarja Drita Ziri është përzgjedhur si mbretëresha e bukurisë, duke rrëmbyer kurorën e “Miss Earth 2023”. Në një konferencë për shtyp sëbashku me producentin e “Miss Shqipëria” Petri Bozo, ajo tha ngritja e flamurit Shqiptarë ka qenë momenti më emocionues në jetën e saj.

“Një emocion i paparë kur dëgjoja “Albania” që thirrej në atë skenën madhështore në Vietnam dhe shikoja veten pastaj prapa skenave kur bëheshin reklamat. Ishte diçka e bukur. Nuk e prisja që pas top tetëshës të isha në top katër. Doja shumë që të isha, por nuk e prisja. Mendova që nuk do të ndodhë. Është shumë e bukur, është diçka shume e veçantë që të ndodhë. Nuk mund të jetë kaq e mrekullueshme, por që ndodhi dhe kur isha në top katërshe në atë moment thash, ‘nuk dua më, kaq jam shumë e lumtur’ dhe jam shumë falenderuese ndaj të gjithëve që më suportuan sepse do të ishte shumë e vështirë. Kisha nevojë për shumë suport emocional sepse ishte vështirë të ishe vetëm në një kontinent tjetër.”

Producenti i Miss Shqipëria Petri Bozo vlerësoi Drita Zirin për arritjen dhe punën e shkëlqyer të saj.

“Ngjarje historike për të gjithë eventet e bukurisë në Shqipëri dhe fitorja që ka marrë gjithashtu është e veçantë sepse asnjë vajzë shqiptare që nga viti ’91 që është zhvilluar konkursi i parë i bukurisë në Shqipëri që ka fituar Valbona Selimllari nuk ka mbërritur dot në këtë shkallë suksesi. Drita konkurroi në Vietnam mes 85 shteteve të botës dhe arriti që të triumfonte ‘step by step’. U zgjodh në fillim në top 20, pasataj në top 12, pastaj në top 8 dhe pastaj në katërshe deri në fitoren e kurorës duke mposhtur në katërshen e fundit tre shtetet aziatike që për hir të së vërtetës kanë një super vlerësim për figurën femërore dhe për figurën e missit në shtetet e tyre.”

Bozo vlerësoi faktin se “Deliart” për herë të parë këtë vit ka marrë të drejtën për ‘Miss Earth’ dhe u kthyen me çmim të parë.

“Ku ka më mirë sesa që në vitin e parë që ne marrim të drejtat zyrtare për të përfaqësuar Shqipërinë në një kompeticion kaq të madh të vijmë me kurorën e madhe në Shqipëri. Është sukses gjithashtu për Shqipërinë sepse me këtë rast vëmendja i shtohet vendit tonë.”

Drita Ziri, 18-vjeçarja nga Kruja, u përzgjodh Miss Earth 2023 mes 85 shtetesh pjesmarrëse dhe është misi me moshën më të re në këtë kompeticion bukurie në nivel botërorë.

Mbrëmjen e djeshme Olti Curri, Fatma Haxhialiu, Andi Vrapi dhe Altin Berisha kanë realizuar një video Live në Instagram. Aty ka patur shumë hipoteza dhe biseda mbi Big Brother VIP Albania 3.

Ndonse Olti Curri ka thënë se Arbër Hajdari do të vazhdojë të jetë opinionist në BB VIP, teksa Fatma ka treguar se nëse Arbri shkon pa pagesë, kjo është e leverdisshme. Teksa Olti shprehet se më shumë se çështje pagese është çështje PR.

Ndērkohë ka përmendur edhe emrin e Grida Dumës, nisur nga fakti që i kemi parë shumë së fundmi me Lori Hoxhën.

“Kam përshtypjen se gjithmonë këto të zotët e bizneseve kanë një marramendje ndaj një vartësi, në një moment ose një tjetër e duke qenë se është dashuria profesionale dhe pse jo e intelektuale. Unë mendoj se do ishte bërë një gjë shumë e bukur e do ngjante me Mediaset në qoftë se do ishte Grida Duma. Në qoftë se ka kohë, në qoftë se pranon kushtet e të gjitha”- ka thënë Olti.

Kur je një këngëtar aq i njohur sa Bujar Qamili, Viti i Ri të gjen më shumë nëpër koncerte, qofshin ato jashtë ose brenda vendit, sesa me familjen.

I ftuar këtë të shtunë në emisionin “Aldo Morning Show” në Tv Klan, Qamili u shpreh se janë bërë gati 27 vite që nuk i kalon festat e fundvitit në shtëpi. Madje, kur hipi në studion lëvizëse, ai tregoi se sot do të nisej për në Ankona dhe Milano të Italisë, pasi do të performojë në dy koncerte.

Mesa duket, edhe këtë vit këngëtari do të jetë i zënë me punë, por i ka dhënë fjalën familjes se vitin tjetër do e festojë me ta Vitin e Ri.

Aldo: Po të ka marrë malli o Bujar, ta kalosh njëherë Vitin e Ri me robtë e shtëpisë. Domethënë, të jesh kështu qetë fare, të ikësh me ndonjë vend, të mos hapësh as telefonin. Apo e ke harruar si bëhet?

Bujar Qamili: E kam harruar si bëhet. Më ka shkuar në mendje vazhdimisht kjo punë Aldo, edhe gjithmonë them para se të vijë Viti i Ri, them që këtë vit nuk do iki, do rri në shtëpi do e bëj me ata të familjes. Sepse u bënë gati, pa ekzagjerim, u bënë gati 27 vite që unë nuk e bëj Vitin e Ri në shtëpi.

Aldo: E do robi njëherë me i vendosur drynin.

Bujar Qamili: Duhet.

Aldo: S’të vjen më. Iku jeta, 27 vite dhe pa festuar asnjëherë me ata të shtëpisë?!

Bujar Qamili: Pa festuar asnjëherë me ata të shtëpisë.

Aldo: Anuloje more burrë këtë vit, nami u bëftë.

Bujar Qamili: Edhe këtë vit, i kam dhënë fjalën.

Aldo: Cili është projektimi që i bënë për 2024-ën familjes, tani?

Bujar Qamili: E dashur grua, të dashur fëmijë, nipa, mbesa, vitin që vjen kam frikë se prapë nuk ka për të më gjetur në shtëpi.

Aldo: Po pse more burrë? Po një natë është more burrë, s’u bë qameti.

Gjatë intervistës, Bujar Qamili gjithashtu i kërkoi të faluar familjes që në vitin 2023 nuk ka pasur më tepër kohë për ta.

Aldo: I dashur Bujar, kujt do i thoje në 2023-shin faleminderit dhe kujt më fal?

Bujar Qamili: Faleminderit do i thosha të madhit Zot. I cili po më mban jetën, shëndetin dhe zërin. Dhe më fal do i thoja, sinqerisht, do i thoja familjes. Sepse, të them të drejtën nuk kam arritur që… kam plotësuar po të thuash të gjitha kushtet, qejfet më tepër, qejfet e tyre sepse nuk kam pasur kohë. Jam marr gjithmonë me këto aktivitetet. Vetëm atyre do i kërkoj të falur. /tvklan.al

Edhe pse në mediat sociale përflitej se fituesja e Festivalit të Këngës në RTSH ishte paracaktuar, dhe ajo ishte Elsa Lila, në fakt kjo e fundit doli pa asnjë çmim.

Gazetarja Kozeta Kurti ka bërë një postim të shkurtër ku shkruan se Elsa Lila mori atë që meritoi nga publiku duke e quajtur sjelljen e saj skenike “arrogante”.

“Elsa Lila mori nga publiku atë që meritoi: shpërblimin për sjelljen skenike arrogante ndaj publikut, leksionet që dha dhe kohën televizive që vodhi në mënyrë të padrejtë! Suksese në jetë dhe më gjerë”, shkruan gazetarja Kozeta Kurti.

Këngëtarja Demi Lovato është fejuar me muzikantin Jutes pas një viti lidhjeje.

Jutes (emri i vërtetë i të cilit është Jordan Lutes) i propozoi Lovatos të shtunën në Los Angeles me një unazë të madhe fejese.

Pas propozimit, të cilin People e përshkroi si”personal dhe intim”, një burim i tha Page Six se Jutes e befasoi yllin e popit duke shkuar në Craig’ restorant në West Hollywood, Kaliforni, ku me ta u bashkuan familjarët dhe miqtë e tyre më të ngushtë.

Në postimin e saj në Instagram ajo ka shkruar: “Jam pa fjalë. Mbrëmë ishte nata më e bukur e jetës sime dhe nuk mund ta besoj se do të martohem me dashurinë e jetës sime. Jam shumë e emocionuar të martohem me ty… çdo ditë që kaloj me ty ka qenë një ëndërr e realizuar dhe mezi pres të të dua dhe të adhuroj përgjithmonë. Për shëndetin tonë”, shkruan Lovato.

Jutes, 32 vjeç, gjithashtu postoi duke shkruar: ‘Dje i kërkova shoqes sime më të mirë të martohej me mua dhe ajo tha po. Nuk mund ta imagjinoj jetën time pa ty dhe faleminderit Zotit. Ndihem personi më me fat në botë. Jam shumë i dashuruar me ty.”

Çifti filloi lidhjen në gusht 2022, gati dy vjet pasi këngëtarja i dha fund fejesës së saj të parë me aktorin Max Erich.