Nga qyteti në fshat, Alketa Vejsiu, tha se po kalon pushimet këto ditë në Itali.
Nga andej, me një maskë, ajo ka marrë një leksion duke dhënë edhe një mesazh për shqiptarët.
Alketa thotë se Italia, pas asaj që kaloi, na mëson që duhet ta marrim vërtet seriozisht këtë situatë!
“Nuk pashë askënd pa maskë, në mjedise të mbyllura, nuk diskutohet!” , u shpreh ajo.
“Edhe në Shqipëri të gjitha bizneset serioze kanë vendosur sterilizues në hyrje dhe e kanë detyrim maskën! Bravo! Ftoj të gjithe ata qe janë aktiv në Instagram të promovojnë sa më shumë këtë masë të domosdoshme por thuajse të neglizhuar në vendin tonë!”
“Maska nuk është Tendencë, as Opsion! Është detyrim qytetar! Mbro veten dhe tjetrin! Mos bëj si i fortë, mos u bëj as budalla! Vdekja dhe sëmundja nuk perzgjedhin!”, tha Alketa, duke këshilluar shqiptarët që të vënë maskën. /NOA.al
Kujdesi për pamjen, dhe veçanërisht shëndetin, ka bërë që shumë personazhe të njohur të kenë gjetur vullnetin dhe të kenë bërë ndryshime rrënjësore në peshën e tyre. Duke filluar nga politikanë e njerëz të medias, e artit ka disa shembuj që vërtetë të lënë gojëhapur me transformimin e tyre.
Marsela Cibukaj është një nga shembujt me kurajozë. Këngëtarja humbi plot 40 kilogramë në një vit, vetëm duke u ushqyer shëndetshëm.
Në një intervistë për mediat, Çibukaj është shprehur se nuk ha kurrë darkë pas orës 19:00; konsumon fruta, perime dhe proteina dhe ka shmangur ëmbëlsirat, alkoolin dhe pijet me gaz.
Trim Ademi (True Kapo/Capital T). Nëse keni qenë ndjekës të muzikës së Capital T, që prej fillimit atëherë jeni dëshmitarë të transformimit të tij ndër vite. Six pack-u i thotë të gjitha:
Eduart Ndocaj- Deputeti “kaubojs” në maj të 2020-ës tha në emisionin ‘Ftesë në 5’ se i duhej një garderobë e re. Eduart Ndocaj ka pësuar një nga ndryshimet më të mëdha dhe në foto/video, pamjet e tij duken si të dy njerëzve të ndryshëm.
I pyetur nga disa emisione ku ai ka qenë i ftuar, Ndocaj nuk ka dhënë një përgjigje specifike se si është dobësuar, por ai thotë se e ka arritur këtë peshë edhe “me metoda mjekësore, edhe me dietë shumë strikte”, duke lënë të kuptohet se i është nënshtruar një operacioni, por vazhdon të mos konsumojë më ushqim si më parë. Pak ditë më parë ai tha se gruaja ishte një nga mbështetëset më të mëdhaja të tij.
Filloreta Raçi (Fifi)- Në 2019-ën, Fifi vendosi të hiqte balonin gastrik të vendosur në stomak, kreu disa seanca dobësimi dhe tani seanca për tonifikimin e muskujve. Tashmë këngëtarja duket si një tjetër person, dhe na ka bërë zili edhe me fotot e saj nga plazhi. Fifi ka treguar se ajo nuk kishte komplekse me peshën e saj, por kishin nisur që ta shqetësonin problemet me shëndetin, e për këtë reagimi kishte qenë i menjëhershëm.
Rudina Dembacaj, është një tjetër personazh që i ka thënë stop mbipeshës. Aktorja ka humbur 35 kilogramë vetëm falë regjimit fasting. Në ditët e sotme, agjërimi i ndërprerë është një ndër trendet më të njohura të shëndetit dhe fitnesit.
Kjo praktikë njihet si Intermittent Fasting (IF) dhe është një model i ushqyerjes, që realizohet në cikle midis të ngrënit dhe agjërimit. IF nuk përcakton se çfarë duhet të hash, por kur duhet t’i hash. Në këtë drejtim, nuk është një dietë në kuptimin e drejtpërdrejtë të fjalës, por një model i stilit të jetesës.
Metodat e IF:- Metoda 16/8: konsiston në konsumimin e ushqimit përgjatë 8 orëve dhe ndërprerjen e tij për 16 orët në vijim. Pra, hani mjaftushëm nga ora 08:00 – 16:00 pastaj agjëroni për 16 orë.
– Metoda “ha-ndalo-ha”: përfshin agjërimin për 24 orë; hani për shembull në drekë dhe më pas hani sërish drekën e ditës tjetër.
– Metoda 5:2: bazuar në këtë metodë, konsumoni 500-600 kaloni gjatë dy ditëve të njëpasnjëshme dhe më pas hani normalisht 5 ditët e tjera të javës. Metoda 16/8 është më e përhapura, pasi njerëzit e kanë më të lehtë të përshtaten.
Sara Hoxha pranon se kreu një ndërhyrje për rënien në peshë, por ajo nuk e rekomandon këtë. Tashmë ajo duket se ka gjetur ekuilibrat, pas dy lindjeve të djemve të saj, e ndoshta dhe kujdesi ndaj vetes është më me tepri, pasi ka arsye të forta për të qenë në superformë dhe energjike.
Linda Halimi rrëfeu për revistën “People” se në vitet e luftës në Kosovë nuk kishte ç’të hante. Ajo shtoi konsiderueshëm në peshë pas luftës, kur tha se hante si për të zëvendësuar atë që s’kishte ngrënë dot. Por me palestër të vazhdueshme, Linda tashmë është krenare për fizikun e tonifikuar, që nëse e shohim në një foto, do të mendojmë se kemi të bëjmë me dy persona të ndryshë.
Këngëtarja e muzikës popullore të Shqipërisë së Mesme, Valbona Mema, mund të konsiderohet si një tjetër histori suksesi. Një regjim i rregullt me dietë dhe palestër duhet të ketë qenë zgjidhja për Valbonën, e cila tashmë ngjan si në të 20-tat e saj, edhe pse jeta i ka rezervuar disa ndarje vërtetë të hidhura, siç ishte ajo e bashkëshortit të saj.
Një tjetër personazh që ka rënë në peshë në mënyrë të konsiderueshme është gazetari Arian Çani. Moderatori ka treguar se ka hequr rreth 35 kilogramë, duke shmangur sheqernat, yndyrnat, dhe të gjitha ushqimet e tjera kalorike.
“Mu desh një vit për të hequr 35 kg. Gjeta ushqimin tim të preferuar që nuk ka as karbohidrate, as yndyrna, nuk ha absolutisht fruta deti, ha rizoto pa karbohidrate, ha mish pule, perime dhe nudëllza orozi, i cili është një ushqim që nuk ka as kalori dhe asgjë. Unë ha nudëllza çdo drekë, në mëngjes ha gjëra të vogla dhe në darkë nuk ha fare. Jam duke kaluar një vuajtje të madhe, duhet të ma qani hallin”, ka treguar më herët Çani.
Big Mama ka treguar vazhdimisht se pesha i krijonte probleme. Madje, dietat e ndryshme nuk funksionuan. Kohë më parë, këngëtarja iu nënshtrua një operacioni për zvogëlimin e stomakut dhe më në fund, ndihet mirë. Rezultati është mëse i dukshëm, dhe Bigu tashmë është bërë një ”small mama”.
Ilir Meta- Presidenti Meta pësoi një ndryshim drastik, ku i njohur për mbipeshën e tij, ai na surprizoi të gjithëve me një pamje tejet të re. Përveç dietës ushqimore, presidenti Meta na ka treguar se po merret shumë edhe me sport, veçanërisht vrap apo ngjitje në male.
Këto janë vetëm disa nga shembujt sesi asgjë nuk është e pamundur, në rast se keni vullnet, gjithçka mund të realizohet.(E.K/Faxweb.al)
Vesa Luma u zgjua këtë mëngjes me kureshtjen për të lexuar të dhënat më të fundit të situatës me koronavirusin në Kosovë.
Por një gafë ose lapsus i Institutit Kombëtar të Shëndetësisë Publike ka rënë në syrin e këngëtares, e cila më pas ka reaguar me një postim në Instagram.
Dje Instituti Kombëtar i Shëndetësisë Publike në një postim kishte shkruar “Gjithkush ka të drejtë të infektohet”. Kjo fjali e pavend vinte pas idesë se virusi nuk zgjedh askënd, as moshë e as racë apo gjini.
Kjo ngatërresë ka bërë që Vesa të mos e lërë pa një reagim, tani që informacionet për koronavirusin dhe vëmendja e tyre është më e madhe se kurrë më parë. “Zgjohet njeri me shpejtësi me pa situatën në faqen zyrtare, dhe del kjo. Çfarë dreqin!”, shkruan këngëtarja.
Prezantuesja dhe moderatorja e njohur e emisionit të pasdites në Tv Klan, Rudina Magjistari, ka nisur pushimet pas një viti të ngarkuar, çdo ditë para ekranit.
Në pritje të sezonit të ri televiziv, ajo ka preferuar të vizitojë vendet historike të vendit tonë.
Rudina me bashkëshortin dhe vajzën e saj, ka preferuar që pushimet t’i nisë fillimisht nga Gjirokastra ku ka vizituar bukuritë e rralla të këtij qyteti.
Më pas ajo i është drejtuar qytetit antik të Butrintit në Sarandë.
Përpos pushimeve të veçanta, Rudina ka ndarë sot edhe një foto me bashkëshortin e saj, Xhavit Bajramin. Foton ajo e ka shoqëruar, pa asnjë fjalë, por me simbolin e dashurisë.
Moderatorja në shumë pak raste, ose thuajse asnjëherë tjetër nuk ka preferuar të bëjë publike foto me bashkëshortin e saj./noa
Ato na kanë elektrizuar gjithmonë me këngët e zërin e tyre të ëmbël dhe pse jo dhe me pamjen fizike. E kemi fjalën për dy këngëtaret e njohura shqiptare, Eli Fara dhe Irma Libohova, për të cilat duket sikur koha ka ndalur në vend.
Ato janë duke shijuar pushimet në plazhet e Shqipërisë dhe nga atje nuk kanë ngurruar që të postojnë foto me bikini, që për hir të së vërtetës i tregojnë hapur linja mjaft të kuruara.
“Mirëmëngjesi nga kaltërsitë e detit Jon! Shqipëria është e bukur”, shkroi këngëtarja krahas fotos, e cila mori komente të shumta komplimentuese sidomos për fizikun e saj.
Ndërsa për Elin, ishte vajza e saj Marina ajo që i publikoi foton e rrallë. Ato janë shfaqur të dyja në breg të detit duke përqafuar njëra-tjetrën, , ku në shikim të parë, është e vështirë të bëhet dallimi se kush është nëna e kush vajza…
Jonida Vokshi u bë nënë për herë të parë rreth 1 muaj e gjysmë më parë dhe aktorja ka një trup për të pasur zili.
Ajo ka rikthyer në formë trupin e saj menjëherë pas lindjes duke i lënë të gjithë me gojë hapur.
Së fundmi, aktorja pozoi me bikini duke vënë në pah linjat e saj elegante.
Jonida Vokshi pozoi në një ballkon me pamje nga deti ndërsa në plan të parë vuri të pasmet seksi.
Komplimentet për ishin të shumta nga miq, kolegë dhe fansa, por komenti i bashkëshortit të saj ra në sy.
“Kush është kjo,”- shkroi Besnik Krapi.
Aktorët janë prindër të një vajze, që e quajtën Emi, e cila erdhi në jetë më 18 qershor.
Ermal Mamaqi do dhurojë 15 mijë euro për ndjekësit në Instagram.
Moderatori shqiptar ka nisur një garë në rrjetin social Instagram, ku ndjekësit mund të bëhen fitues të dhuratave të shumta brenda një maratone 11 ditore.
Aktori përmes një video të ndarë në profilin e tij në Instagram, ka bërë të ditur mënyrën se si ndjekësit mund të futen në garë.
“Fito 15.000 euro. 1. Tag 5️ Miq në këtë postim.
2. Ti dhe ata duhet të ndjekin faqen time dhe ata që ndjek unë.
Çdo ditë nga data 10 Gusht do shpallim nga 1 Fitues që fiton 1000 euro Dhurata, ndërsa ditën e 11 do të shpallim 5 fitues me nga 1000 euro cash!!!
Nëse shpalleni fitues dhe nuk i keni plotësuar rregullat e lojes, ju do të skualifikoheni.
Ju nuk mund të fitoni më shumë se 1 çmim gjatë kësaj maratone 11 ditore.
Sa më shumë komente me nga 5 miq bëni, aq më shumë mundësi keni për të fituar!!!!”, shkruan Ermali në postimin e bërë.
