ShowBiz

Fundi i shtatorit është një festë e vërtetë për gazetaren e njohur Fjodora Fjora.

Më 29 shtator, ditën e djeshme ishte ditëlindja e saj, ndërsa sot më 30, e të birit, Alteo.

Vogëlushi të cilin e birësoi fare të vogël, ka ndryshuar jetën e saj dhe këtë gjë, Fjodora e tregon vazhdimisht.

Alteo mbush sot 7 vjeç dhe mami Fjodora e ka surprizuar në mesnatë me urimin, teksa me një pjesë nga torta e mbetur nga ditëlindja e saj, i këndoi këngën.

Vogëlushi shihet në video se nuk i mban dot të qeshurat nga surpriza e bërë.

“Njëri pas tjetrit kështu i ndajmë ditët tona të lindjes ne të dy… Mund të bëjmë dhe 100 festa, por momenti më i bukur mbetet kur ne i bëjmë surprizë njeri tjetrit. Me copa tortash, me qirinj të mbetur pa dekor e pa njerëz shumë, me pizhame, ne qeshim dhe e shijojmë pafund. Rritu i bukur biri im, rritu i mbarë dhe qesh çdo ditë të jetës tënde. Mami të ka jetë, të ka dritë❤”, shkruan Fjodora teksa ndan pamjet që gjeni më poshtë. /noa.al

Këngëtarja e njohur Adelina Ismaili, shumë shpejt do të kthehet në ekran.
Ajo do të shfaqet në rolin e moderatores, në një emision i cili do të nisë në 10 tetor.
“Tetë a tetë me Adelinën”, është titulli i emisionit të moderuar nga këngëtarja, i cili do të nisë në kanalin 10 në Kosovë.

Emisioni i këngëtares do të shfaqet mbrëmjet e të shtunave në orën 21.00.

Fansat e Adelinës janë entuziastë nga ky rikthim, pas një kohe të gjatë mungesë. /noa.al

Florjan Binaj është një nga aktorët më të njohur të humorit në vend.

I ftuar në programin “Historia e Fundjavës” ka treguar faktin se si ka nisur të punojë që në moshë të vogël.

Gjatë intervistës me Mirela Milorin ai është shprehur gjithashtu se nuk i harron vështirësitë që ka kaluar dhe kjo e bën që të ndihmojë dhe të tjerët.

Mirela Milori: Në fakt the pak më parë the që ke punuar që herët. Ti nuk harron nga vjen kam idenë? Ti nuk harron vështirësitë e tua ndoshta, që të bën që të jesh kaq i mirë dhe ta japësh këtë mirësinë pa kursim tek të tjerët, me aq sa ke në dorë.

Florjan Binaj: Absolutisht jo. Unë kam punuar që 8 vjeç. Kam punuar lloj-lloj punësh, e kam thënë edhe herë të tjera. Kam punuar edhe fatorino nëpër furgonat e Unazës kur nuk kishte autobusë, nuk më vjen turp ta them, edhe sot e kësaj dite. Por këto punë më kanë bërë gjithmonë të mos e harroj fundin, edhe të mos e harroj gjithmonë sipërfaqen. Ta di gjithmonë ku jam dhe ku mund të jem për të ndihmuar njerëzit.

Këngëtarja Xhensila Myrtezaj rrëfen të pathëna nga jeta e saj, si profesionale ashtu dhe private.

Xhensila është e martuar dhe nënë e një vajze bukuroshe të quajtur Ajka, por si nisi gjithçka? Si arriti Besi t’ia fitonte zemrën? Këngëtarja tha se Besi u tregua i zgjuar duke iu afruar fillimisht si shok dhe më pas me dy cilësitë e tij kryesore: humorin dhe humanitetin, arriti ta bënte për vete.

“Ai u tregua i zgjuar se e pa që në kokën time ishte diçka tjetër që kishte lidhje me muzikën, shkollën dhe nuk isha e hapur të pranoja një gjë të re në jetën time dhe Besi u afrua si shok dhe avash avash i la vend vetes për të qenë bashkëshorti im. Besi përveç sensit të humorit ka një sens të jashtëzakonshëm humanitar”, tha Xhensila, teksa ishte e ftuar në emisionin “NIN”, me Alaudin Hamitin.

Në rubrikën “Haje ose Thuaje”, artistja u detyrua të tregojë për çfarë është nevrikosur më shumë me bashkëshortin e saj.

Xhensila tha se ishte momenti kur Besi i hëngri kosat e vajzës e saj së tyre, gjatë karantinës.

Elvana Gjata është shkëputur nga muzika prej disa kohësh.

Madje kohët e fundit këngëtarja ka qëndruar shumë e distancuar edhe nga rrjetet sociale.

Por Elvana Gjata është rikthyer dhe ka tërhequr gjatë javës së fundit vëmendjen e ndjekësve të saj, duke i bërë edhe më shumë kuriozë. Ajo ka bërë publike disa foto, e veshur sportive, dhe ka bërë “tag” në Instagram thjesht një kompani eventesh.

Flitet për një projekt të këngëtares, që mbetet enigmë.

Por duket se këtij projekti fshihet miku i saj, ndoshta më i miri, Ermal Mamaqi.

“Sa mirë që ke vesh atletet”, – i thotë Ermali, në fotot e fundit që Elvana bëri publike, duke treguar kështu se ai është pjesë e projektit misterioz, që pritet të bëhet publike shumë shpejt.

Kujtojmë se edhe vetë Ermal Mamaqi këto ditë ka qenë tepër pasiv, në rrjetet sociale. Edhe ai po punon për një projekt të ri, që besohet se do të bëhet pjesë edhe Elvana, e rikthyer nga SHBA pas shumë kohësh.

Një shprehje e urtë thotë “mik i mirë në kohë të vështirë”.

Elvana Gjata rreth dy vite më parë u ndodh papritur para një ngjarjeje të rëndë në ish-bllok, ku u përfshi partneri i saj. Më pas ajo u largua nga Shqipëria, për t’u rikthyer në një bashkëpunim kinematografik, me Ermal Mamaqin, duke lënë kështu pas krahëve atë moment të errët në jetën e saj.

Më pas me këngën “Me tana” ajo nuk fitoi dot festivalin e RTSH, dhe u largua e zhgënjyer nga Shqipëria.

Edhe pandemia bëri të sajën, ndërsa pas shumë kohësh Elvana është rikthyer, duke postuar fillimisht disa foto në Instagram, që tregojnë entuziazmin e saj para projektit të ri.

Bëhet fjalë për një rikthim të këngëtares në Tiranë.

Mediat rozë raportojnë se Elvana mund t’i kenë dhënë fund fejesës 2- vjeçare me partnerin Ervin Mata, një ndarje që po përpiqen ta mbajnë të fshehtë.

Elvana u fol se po punonte edhe për një bashkëpunim me Deejay-n me famë botërore, Mahmut Orhan.

/NOA.al