Shendetesi

Më shumë se 3 javë asnjë humbje jete, Ministria e Shëndetësisë: 12 raste të reja me COVID-19, 79% e të prekurve të shëruar

Ministria e Shëndetësisë dhe Mbrojtjes Sociale ka informuar se në 24 orët e fundit janë identifikuar 12 raste pozitivë me koronavirus.

Gjithashtu Ministria bën me dije se për më shumë se 3 javë nuk ka asnjë humbje jete dhe 79% e të prekurve tashmë janë të shëruar.

Eugena Tomini, shefja e Survejancës dhe Shërbimit të Inteligjencës Epidemike në ISHP, deklaroi se “kurba epidemike ka paraqitur qëndrueshmëri gjatë dy javëve të fundit, por me luhatje ditore përkundrejt rasteve të raportuara dhe të identifikuara nga shërbimi epidemiologjik. Për më shumë se 3 javë nuk kemi humbje jete dhe ky është një indikator që tregon qëndrueshmërinë e këtij shpërthimi epidemik. Megjithatë, pas një situate të qëndrueshme dhe të stabilizuar të rasteve që kanë kërkuar shërbim spitalor, sot kemi një rritje të rasteve në spitalin infektiv. Aktualisht janë të shtruar 17 pacientë dhe 5 prej tyre janë në terapi intensive”.

Gjatë 24 orëve të fundit janë testuar 174 qytetarë si të dyshuar të prekur me COVID-19 dhe janë konfirmuar pozitivë 12 raste.

Shpërndarja gjeografike e rasteve është si vijon: 7 raste në Tiranë, 2 në Fier, 2 në Krujë dhe 1 në Durrës. Të shëruar janë 6 qytetarë.

Deri më sot janë konfirmuar pozitivë me COVID-19 në të gjithë vendin 981 qytetarë. Prej tyre, rreth 79% janë të shëruar. Në vendin tonë aktualisht janë 173 persona aktivë me COVID-19, kryesisht ne Tiranë, Durrës Krujë, Shkodër.

Nga fillimi i epidemisë janë kryer mbi 14 mijë testime molekulare dhe serologjike. Deri tani janë mbi 1300 testime serologjike në personel shëndetësor dhe pacientë, me një pozitivitet të përgjithshëm rreth 8%.

Ministria e Shëndetësisë dhe Mbrojtjes Sociale fton qytetarët të tregohen të kujdesshëm, duke respektuar masat e vendosura. Nëse keni shenja të COVID-19 telefononi në numrin unik të Urgjencës Kombëtare, 127. Për informacion në lidhje me COVID-19 dhe këshillim psikologjik, ju lutemi, telefononi në linjën e gjelbër 0800 40-40.

COVID-19 – Statistika (22 Maj 2020)
Testime totale 14259
Testime molekulare 12933
Testime serologjike 1326
Raste pozitive 981
Raste të shëruara 777
Raste Aktive 173
Humbje jete 31 (Qarku Tiranë 18, Durrës 6, Fier 3, Vlorë 1, Shkodër 2, Kukës 1)

Shpërndarja gjeografike e rasteve aktive është si vijon:
Tiranë 58
Durrës 48
Krujë 31
Shkodër 10
Berat 10
Kamëz 9
Fier 4
Elbasan 1
Mirditë 1
Korçë 1/atsh

Më shumë se 3 javë asnjë humbje jete, Ministria e Shëndetësisë: 12 raste të reja me COVID-19, 79% e të prekurve të shëruar Read More »

Lehtësimi i masave, Brataj: Vigjilenca duhet të jetë maksimale, momenti kur varet ecuria e kësaj sëmundjeje

Drejori i Urgjencës Kombëtare Shëndetësore, Skënder Brataj u shpreh se Shqipëria ka respektuar zbatimin e masave kundër COVID-19 dhe shifrat janë mjaft pozitive.

Gjatë një interviste televizive ai tha se, “ky është momenti të lehtësohemi nga ana e gjendjes aktuale që kemi, por vigjilenca duhet të jetë maksimale, pasi është momenti kur varet ecuria e kësaj sëmundjeje, shëndeti i njerëzve dhe vazhdueshmëria e sezonit veror e më tej”.

Në këtë moment, tha Brataj, kemi treguesit më të mirë për sa i përket të gjitha aspekteve të numrit të infektuarve dhe shpërndarjes së virusit, ndaj dhe kemi lehtësim të masave, por duhet të respektojmë rregullat ashtu si për çdo sëmundje.

“Nëse nuk respektojmë rregullat do të gjendemi në situata të përsëritjes së rasteve me të sëmurët. Shqipëria nuk ka pasur një infeksion të shtrirë, ka pasur vatra nëpër qytete që janë identifikuar, gjurmuar dhe bllokuar menjëherë”, – tha Brataj.

Ai bëri apel për vazhdimin e rregullave dhe masave mbrojtëse që parandalojnë përhapjen e COVID-19.

Brataj shpjegoi se nga e hëna spitali i Sanatoriumit i është kthyer normalitet, spital Covid vazhdon vetëm Infektivi dhe numri i të sëmurëve është i ulët në këtë moment.

“Lirimi i masave i jep efektet pas 2 javësh, ndaj do të shohim në fund të muajit dhe në fillim të qershorit, efektin e lirimit të masave dhe sidomos respektimin e tyre. Ndaj njerëzit duhet të ndërgjegjësohen se janë ata ruajtësit e shëndetit të tyre”, – theksoi ai.

Ka shtete ku po rritet numri i të infektuare ndaj duhet të jemi shumë të kujdesshsëm në respektimin e masave mbrojtëse. Të jemi shumë të kujdesshëm dhe kur të hapim kufijtë, u shpreh Brataj. /atsh

Lehtësimi i masave, Brataj: Vigjilenca duhet të jetë maksimale, momenti kur varet ecuria e kësaj sëmundjeje Read More »

Tomini: Kurba e COVID-19 në Shqipëri po paraqet shuarje natyrale, mbikëqyrje përgjatë gjithë sezonit të verës

Eugena Tomini, shefe e Epidemiologjisë në Institutin e Shëndetit Publik, u shpreh sot se ecuria e situatës epidemiologjike dhe evidentimi i rasteve të të prekurve me COVID-19 paraqitet e qëndrueshme.

Në një intervistë televizive, ajo tha se lehtësimi i masave që janë marrë gradualisht kanë sjellë luhatje të numrit të të prekurve nga njëra ditë, në tjetrën.

Ajo tha se, vijon monitorimi i çdo rasti duke e ndjekur atë deri tek vatrat familjare apo në fasoneri siç kanë qenë edhe rastet e fundit, me qëllim izolimin.

Tomini theksoi se, ndjekja e protokolleve mbrojtëse po monitorohet nga inspektorët përkatës në rrethet ku ka vatra, deri edhe nga mjekët e familjes. Pjesa më e madhe e rasteve ndiqen nga mjeku i familjes, pasi kemi një simptomologji shumë të vakët të rasteve pasi paraqesin shqetësime shumë të lehta.

Ajo tha se distancimi dhe higjiena duhet të vazhdojnë të respektohen nga të gjithë, edhe brenda familjes. “Është një zbritje natyrale e kurbës ose zbritje e rasteve dhe zbehja e rasteve me COVID-19 ka sjellë shuarjen e epidemisë në këto nivele që jemi sot, jo vetëm kundrejt gjurmimit dhe evidentimit, por edhe vetë kurba e COVID-19 në Shqipëri po paraqet një shuarje natyrale”, u shpreh Tomini.

Tomini shpjegoi se, infeksionet respiratore e kanë kulmin në sezonin e dimrit. “Por, edhe gjatë stinës së verës ne parashikojmë të kemi raste sporadike, por sigurisht që ne nuk do të ndalojmë survejancën përgjatë sezonit të verës. Ndërsa vjeshta parashikohet të ketë qarkullim edhe të COVID-19 dhe atyre virale”, theksoi ajo.

Ajo tha se lehtësimi i masave ka ndodhur për shkak të vlerësimit që i janë bërë 3 indikatorëve: trendit të rasteve të reja përkundrejt një mesatareje javore, numrit të të shtruarve në spital dhe numrit të atyre që kërkojnë terapi intensive.

“Të tre indikatorët janë monitoruar dhe vlerësuar nga Komiteti Teknik përkundrejt të gjitha fazave të lehtësimit gradual, monitorim që do të vijojë për të arritur deri në lehtësimin e plotë të masave”, – tha ajo.

Përmirësimi i treguesve i ka bërë të zbatueshme masat lehtësuese dhe rënia e kurbës së epidemisë solli këto nivele lehtësuese.

Lidhur me hapjen e kopshteve dhe çerdheve Tomini tha se, “kemi një prekje shumë minimale të moshës fëminore dhe pa shenja klinike, ndaj për këtë arsye është menduar që të hapen këto institucione më 1 qershor, sipas protokollit, duke respektuar distancat dhe higjienën”.

Lidhur me hapjen e transportit publik, ajo theksoi se Komiteti Teknik po gjykon për masat dhe protokollin që do të zbatohet. Ndërsa për hapjen e kufijve po vlerëson procedurat e mundshme edhe me vendet e rajonit, në planet e afërta, për të kaluar në lehtësimin e hapjes së kufijve.

“Turizmi do të vijojë me protokolle të përcaktuara. Thyerja e distancimit fizik dhe mosmbajtja e maskës janë elemente të rrezikshme për përhapjen e COVID-19”, tha Tomini./atsh

Tomini: Kurba e COVID-19 në Shqipëri po paraqet shuarje natyrale, mbikëqyrje përgjatë gjithë sezonit të verës Read More »

Ministria e Shëndetësisë: 15 raste të reja me COVID-19, Tirana e Shkodra nga 1 dhe 13 në Durrës

Gjatë 24 orëve të fundit janë testuar 186 qytetarë si të dyshuar të prekur me COVID-19 dhe janë konfirmuar pozitivë 15 raste.

Dr. Flutura Beqo nga Ministria e Shëndetësisë dhe Mbrojtjes Sociale tha sot në komunikimin për mediet se “shpërndarja gjeografike e rasteve është si vijon: 13 raste në Durrës, 1 në Tiranë dhe 1 në Shkodër, kontakte të rasteve të mëparshme pozitive. Të shëruar janë 16 qytetarë”.

“Nga fillimi i epidemisë janë kryer mbi 13 mijë testime molekulare dhe serologjike. Deri tani janë mbi 1 mijë testime serologjike në personel shëndetësor, me një pozitivitet të përgjithshëm rreth 8%”, – tha Beqo.

Ministria e Shëndetësisë dhe Mbrojtjes Sociale fton qytetarët të tregohen të kujdesshëm, duke respektuar masat e vendosura.

“Nëse keni shenja klinike të Covid19 telefononi në numrin unik të Urgjencës Kombëtare, 127. Për informacion në lidhje me COVID19 dhe këshillim psikologjik, ju lutemi, telefononi në linjën e gjelbër 0800 40-40”,- shtoi Beqo.

COVID-19 – Statistika (20 Maj 2020)
Testime totale 13621
Testime molekulare 12555
Testime serologjike 1066
Raste pozitive 964
Raste të shëruara 758
Raste Aktive 175
Humbje jete 31 (Qarku Tiranë 18, Durrës 6, Fier 3, Vlorë 1, Shkodër 2, Kukës 1)

Shpërndarja gjeografike e rasteve aktive është si vijon:
Tiranë 57
Durrës 44
Krujë 33
Shkodër 15
Kamëz 10
Berat 10
Fier 3
Elbasan 1
Mirditë 1
Korçë 1/atsh

Ministria e Shëndetësisë: 15 raste të reja me COVID-19, Tirana e Shkodra nga 1 dhe 13 në Durrës Read More »

COVID-19/ Masat e marra në Shqipëri dhe Mal të Zi rezultuan të efektshme

“Masat e marra në Shqipëri dhe Mal të Zi për parandalimin e përhapjes së COVID-19 rezultuan të efektshme dhe pasojat në humbjen e jetëve njerëzore minimale”, shprehet kryetari i Kuvendit, Gramoz Ruçi, në një letër urimi dërguar kryetarit të Parlamentit të Malit të Zi, Ivan Brajović, me rastin e Ditës së Pavarësisë.

“Me rastin e 21 majit, Ditës së Pavarësisë së Malit të Zi, Ju dërgoj urimet e mia më të ngrohta. Shpallja e pavarësisë së Malit të Zi ishte një arritje e madhe popullit malazes drejt mirëqenies dhe të ardhmes së tij, konsolidimit të institucioneve demokratike dhe avancimit të rolit e kontributit për zhvillimin, paqen, sigurinë dhe stabilitetin në rajon”, është shprehur Ruçi.

“Muajt e fundit të dy vendet tona janë përballur me rrezikun dhe pasojat e pandemisë së COVID-19. Kuvendi i Shqipërisë dhe unë personalisht kemi ndjekur përpjekjet e mjekëve dhe sistemit shëndetësor të Malit të Zi për të parandaluar përhapjen e koronavirusit si edhe masat e Qeverisë për të rimëkëmbur ekonominë e dëmtuar nga pandemia. Për fat të mirë, në të dy vendet tona masat rezultuan të efektshme dhe pasojat në humbjen e jetëve njerëzore minimale. Unë jam i bindur se vendet tona, Europa dhe gjithë njerëzimi do të çlirohen së shpejti nga pasojat e pandemisë dhe do t’u kthehen gëzimeve të jetës”, ka theksuar Ruçi.

“Shpreh gjithashtu bindjen se bashkëpunimi i suksesshëm midis Kuvendit të Shqipërisë dhe Parlamentit të Malit të Zi do të rifillojë dhe kam kënaqësinë t’Ju ftoj për një vizitë në Tiranë, në një kohë të përshtatshme për Ju”, shkruan Kryetari i Kuvendit, Gramoz Ruçi, në letrën e urimit që i ka dërguar Kryetarit të Parlamentit të Malit të Zi, Ivan Brajović, me rastin e Ditës së Pavarësisë./atsh

COVID-19/ Masat e marra në Shqipëri dhe Mal të Zi rezultuan të efektshme Read More »

Lehtësimi i masave, ISHP apel qytetarëve: Respektoni rregullat e distancimit social

Me lehtësimin e masave shtrënguese është shumë e rëndësishme që secili prej nesh të tregojë kujdes maksimal për të ruajtur veten dhe të tjerët.

Instituti i Shëndetit Publik apelon qytetarët të respektojnë rregullat e distancimit social.

“Respektoni rregullat e distancimit social duke qëndruar në shtëpi, nëse dilni jashtë mbani një distancë të caktuar, më shumë se një metër nga njerëzit e tjerë, veçanërisht kur kolliten ose teshtijnë”, thuhet në mesazhin që ISHP iu drejton qytetarëve.

Po ashtu, ISHP apelon qytetarët të mënjanojnë kontaktet e ngushta dhe praktikojnë higjienën respiratore.

“ Lani shpesh duart për të paktën 20 sekonda. Mos prekni me duar sytë, gojën dhe hundën”, informon ISHP./atsh

Lehtësimi i masave, ISHP apel qytetarëve: Respektoni rregullat e distancimit social Read More »

U infektua pasi vizitoi prindërit në Fier, 36 -vjeçarja në pritje për t’u bërë sërish nënë fiton betejën me COVID-19

Lajme të mira vijnë nga spitali Infektiv në Tiranë. Gruaja shtatzënë e prekur nga COVID-19 ka rezultuar negative në dy teste duke fituar kështu betejën me koronavirusin.

“Pas më shumë se 10 ditësh në spitalin Infektiv, 36-vjeçarja kthehet shëndosh e mirë pranë familjes, plotësisht e shëruar, në pritje për t’u bërë sërish nënë”,- tha ministrja e Shëndetësisë dhe Mbrojtjes Sociale, Ogerta Manastirliu.

Ministrja ka publikuar edhe dy momente të veçanta, teksa 36-vjeçarja që është në muajt e fundit të shtatzanisë i nënshtrohet kontrollit mjekësor dhe një foto së bashku me ekipin e mjekëve pak para se të dilte e shëruar plotësisht nga spitali.

36-vjeçarja u infektua nga COVID-19 pasi shkoi të vizitonte prindërit e saj në Fier, të cilët ishin të prekur nga ky virus. Por sot falë edhe punës së përkushtuar të bluzave të bardha në spitalin Infektiv, ajo u kthye e shëruar pranë familjes së saj./atsh

U infektua pasi vizitoi prindërit në Fier, 36 -vjeçarja në pritje për t’u bërë sërish nënë fiton betejën me COVID-19 Read More »

Ministria e Shëndetësisë: 17 raste të reja, shkon në 933 numri i të prekurve

Ministria e Shëndetësisë dhe Mbrojtjes Sociale ka informuar se në 24 orët e fundit janë identifikuar 17 raste të reja me COVID.

Rovena Daja, eksperte pranë ISHP u shpreh se “janë testuar 306 qytetarë të dyshuar si të prekur me COVID-19 dhe kanë rezultuar pozitivë 17 qytetarë. Mes të testuarve janë 48 personel shëndetësor të cilët kanë rezultuar të gjithë negativë për COVID-19.

Rastet e reja janë të përqendruara në zonën Tiranë-Durrës, përkatësisht 8 në Tiranë, 8 në Durrës dhe 1 në Krujë, kryesisht kontakte të rasteve pozitive të mëparshme, por edhe raste të reja për të cilat po kryhet hetimi epidemiologjik. Ndërsa të shëruar në 24 orët e fundit janë 9 qytetarë”.

Sipas saj, rastet e reja të rritura për të tretën ditë radhazi tregojnë qartë se kujdesi i qytetarëve duhet të vazhdojë, për të respektuar masat e vendosura, në mënyrë që të minimizojmë sa më shumë përhapjen e virusit tek kontaktet familjare apo më gjerë.
Deri më sot janë kryer mbi 12 mijë testime dhe janë konfirmuar pozitivë me COVID-19 në të gjithë vendin 933 qytetarë./atsh

Ministria e Shëndetësisë: 17 raste të reja, shkon në 933 numri i të prekurve Read More »