Shendetesi

807 persona aktivë me COVID-19 kryesisht në Tiranë, Shkodër dhe Durrës

Shendetesi / /

Ministria e Shëndetësisë dhe Mbrojtjes Sociale ka informuar se në vendin tonë janë aktualisht 807 persona aktivë me COVID-19, kryesisht në Tiranë, Shkodër dhe Durrës.

Ministria e Shëndetësisë dhe Mbrojtjes Sociale i është drejtuar të gjithë bizneseve, qytetarëve për të treguar kujdes në zbatimin e masave të vendosura sipas protokolleve të sigurisë pasi virusi ka ende transmetueshmëri të lartë, kemi rritje të rasteve të reja ditore pozitive si dhe të rasteve që kanë nevojë për trajtim spitalor.

“Nisur nga rastet pozitive ditore kryesisht në ndërmarrjet me shumë punëtorë dhe kontakte në vendet e punës, i bëjmë thirrje edhe një herë bizneseve të respektojnë protokollet e sigurisë, distancimin fizik, dezinfektimin dhe ajrosjen e ambienteve, mbajtjen e maskave kudo ku ofrohet shërbimi për qytetarët. Me rihapjen e transportit publik është domosdoshmëri mbajtja e maskës nga të gjithë, ata në shërbim dhe përdoruesit e transportit publik, dezinfektimi i mjeteve të transportit etj”, tha Rovena Daja, eksperte pranë Institutit të Shëndetit Publik.

Sipas ministrisë së Shëndetësisë nuk do të tolerohet asnjë shkelje ndaj rregullave të sigurisë si rrezik I mundshëm për cdo qytetar.

“Taskforca anti-Covid nuk do të tolerojë shkelje të rregullave të sigurisë duke e konsideruar rrezik për shëndetin e qytetarëve. Edhe një herë një kujtesë për masat e thjeshta që duhet të respektojë çdo qytetar në përditshmëri: Mbani duart të pastra dhe mos e prekni fytyrën. Ruani distancën në ambientet publike. Kudo kur kjo nuk është e mundur, vendosni maskë apo barrierë mbrojtëse. Mos u grumbulloni me shume njerëz pasi është rrezik për përhapjen e infektimit nga Covid19. Kontaktoni nëpërmjet linjës së gjelbër 0800 40 40 me mjekun e familjes, nëse nuk është e domosdoshme evitoni kontaktin me institucionet shëndetësore. Kur dyshoni se jeni të prekur duhet të qëndroni të izoluar dhe telefononi në numrin e Urgjencës Kombëtare, 127”. /atsh

807 persona aktivë me COVID-19 kryesisht në Tiranë, Shkodër dhe Durrës Read More »

“Koronavirusi ‘gjallon’ ende mes nesh”/ Kalo mesazh qytetarëve: Tregoni kujdes, është sfidë jo e lehtë për t’u fituar

Opinione, Shendetesi / /

Mjeku i njohur infeksionist, Tritan Kalo, iu drejtua sot qytetarëve me një mesazh të rëndësishëm duke theksuar se “kujdesi i vazhdueshëm ndaj vetes dhe të tjerëve kurrë nuk duhet nënvlerësuar. Mos harroni se Sars-Cov2/Covid-19 “gjallon” ende mes nesh”.

Përmes një mesazhi mjeku i njohur tregon ditën e tij të ngjeshur, që nis herët në mëngjes me hyrjen në oborrin e QSUT, e deri tek largimi nga spitali.

Ai shprehet se së bashku do ja dalim mbanë përballjes me këtë sfidë jo lehtë për t’u fituar.

“Kohë kovidiane… sensibilizimi ynë, vetëndërgjegjësimi, kujdesi për veten dhe të tjerët rreth nesh këto ditë e fundit kanë filluar të harrohen e nënvlerësohen për shumë e shumë prej jush. Mos harroni se Sars-Cov2/Covid-19 “gjallon” ende mes nesh… 22.06.2020… Dita e Ekuinoksit Pranveror… Dita dhe nata ndajnë 24 orët në mënyrë të barabartë mes tyre… Duke filluar nga nesër DITA, shpresa, optimizmi i NATYRËS por edhe i yni si SHOQËRI fillon drojtazi por e sigurt, të përftojë në kohë përkundrejt NATËS, ndrydhëses emocionale e kohëbjerrës”, – shprehet Kalo.

Ai thotë se “dita e sotme për mua rrodhi në të njëjtën rutinë sikundër kanë rrjedhur ditët prej shumë e shumë muajsh… Hyj herët në mëngjes në oborrin e QSUT-së dhe kaloj para kësaj pankarte inkurajuese dhe mirënjohëse për një EKIP të tërë mantelbardhësh, infermierësh, imazheristësh, farmacistësh, administratorësh dhe koordinatorësh, sanitarësh, barrelistësh, shoferësh, punonjës rendi në Covid-1, Shërbimin e Sëmundjeve Infektive të QSUT “Nënë Tereza”, ndërkohë që mbërrij në zyrën time të ndodhur në mes të pavijonit të parë. Infermieret tona janë aty të papërtuara për të ndihmuar të sëmurët në çdo sekondë”.

“Vijon më pas vizita e të sëmurëve i mbrojtur me pajisjet personale. Në fund të kësaj ditë-pune vjen largimi për në shtëpi dhe unë lë pas vetes degëzat e ullinjve në oborrin e spitalit, të mbushura këtë vit me frutet e shpresës, për mbarimin në një ditë jo shumë të largët të kësaj sfide jo të lehtë për të gjithë, sfidës me sëmundjeshkaktuesin e jetëmarrësin Sars-Cov2/Covid-19”,- shprehet Kalo.

Mjeku Kalo thekson se “ju rikujtoj se kujdesi i vazhdueshëm ndaj vetes dhe të tjerëve kurrë nuk duhet nënvlerësuar. Së bashku do ja dalim mbanë përballjes me këtë sfidë jo lehtë për t’u fituar”, – tha Kalo./atsh

“Koronavirusi ‘gjallon’ ende mes nesh”/ Kalo mesazh qytetarëve: Tregoni kujdes, është sfidë jo e lehtë për t’u fituar Read More »

COVID-19/ Ministria e Shëndetësisë: 33 raste të reja dhe 25 të shëruar në 24 orë, rriten të shtruarit në Infektiv

Lajmi i fundit, Shendetesi / /

Ministria e Shëndetësisë dhe Mbrojtjes Sociale ka informuar se brenda 24 orëvë të fundit janë identifikuar 33 raste pozitive me koronavirus.

Eugena Tomini shefe e Survejancës dhe Shërbimit të Inteligjencës Epidemike në Institutin e Shëndetit Publik u shpreh se “vijon të ketë shtrime të reja te qytetarëve që kanë nevojë për trajtim spitalor si pasojë e Covid19. Aktualisht në shërbimin infektiv po marrin trajtohen 82 pacientë, 10 prej tyre janë në terapi intensive ndërsa 1 është i intubuar”.

Gjatë 24 orëve të fundit janë kryer 239 testime për të dyshuar të prekur me Covid19 nga të cilat janë konfirmuar 33 raste pozitive, kryesisht raste të reja ne proces hetimi si dhe kontakte të rasteve të konfirmuara më herët pozitive.

Tomini shtoi se “shpërndarja gjeografike e të identifikuarve pozitivë në 24 orët e fundit është si vijon: 23 të prekur në Tiranë, 8 në Shkodër dhe nga 1 rast në Pogradec dhe Kamëz. Lajmi i mirë është se në 24 orët e fundit janë shëruar 25 qytetarë, duke e çuar në 1159 numrin e të shëruarve që nga fillimi i epidemisë. Në vendin tonë janë aktualisht 792 persona aktivë me COVID19, kryesisht në Tiranë, Shkodër, Durrës”.

COVID-19 – Statistika (22 Qershor 2020)
Testime totale 23692
Raste pozitive 1995
Raste të shëruara 1159
Raste Aktive 792
Humbje jete 44 (Qarku Tiranë 24, Durrës 9, Fier 4, Vlorë 1, Shkodër 5, Kukës 1)
Shpërndarja gjeografike e rasteve aktive sipas qarqeve:
Tiranë 366
Durrës 150
Shkodër 133
Vlorë 54
Fier 37
Korçë 18
Lezhë 14
Elbasan 10
Kukës 8
Gjirokastër 1
Berat 1/atsh

COVID-19/ Ministria e Shëndetësisë: 33 raste të reja dhe 25 të shëruar në 24 orë, rriten të shtruarit në Infektiv Read More »

Sot, dita me numrin më të lartë të shtrimeve që nga fillimi i epidemisë

Lajmi i fundit, Shendetesi / /

Ministria e Shëndetësisë dhe Mbrojtjes Sociale ka ripërsëritur thirrjen për ndërgjegjësim pas trendit në rritje të rasteve të konfirmuara pozitivë.

Ministria e Shëndetësisë ka informuar se sot është dita me numrin më të lartë të shtrimeve që nga fillimi i epidemisë. Sipas shifrave të bëra publike, aktualisht janë 82 të shtruar dhe më shumë se 790 raste aktive në të gjithë vendin.

Eugena Tomini shefe e Survejancës dhe Shërbimit të Inteligjencës Epidemike në Institutin e Shëndetit Publik u shpreh se “gjatë javës që lamë pas kemi patur një trend të rritur të rasteve të konfirmuara pozitiv, zgjerim të fashës së moshës së prekur me simptoma të shprehura, shtim të rasteve të hospitalizuara, por kemi pasur edhe humbje jete. Kjo situatë ka reflektuar faktin që kemi ende ndërgjegjësim të ulët për respektimin e masave, por dhe prezencë të virusit me të njejtin nivel trasmetueshmërie. Ndaj Ministria e Shëndetësisë dhe Mbrojtjes Sociale i drejtohet qytetarëve, të tregojnë kujdes në ambientet e punës, aty ku ofrohen shërbime dhe në çdo ambient publik, për të respektuar masat e higjienës, distancës fizike, shmangni kontaktet dhe vendosni maskat kur nuk është e mundur të ruhet distanca”.

Ministria e Shëndetësisë dhe Mbrojtjes Sociale ka apeluar qytetarët për vetëndërgjegjësim, që të jenë të kujdesshëm në zbatimin e masave të vendosura, për të ruajtur distancën fizike prej 1.5 metër nga njëri-tjetri, për të ruajtur higjienën personale dhe për të mbajtur maskat kudo ku nuk respektohet dot distanca.

“Bizneset të zbatojnë me korrektësi protokollet e sigurisë në punë: të dezinfektojnë ambientet, të kryejnë ajrosjen rregullisht, të përdoren maskat apo barrierat mbrojtëse në çdo subjekt shërbimi për qytetarët, siç e përcaktojnë protokollet e autoriteteve shëndetësore.Shkelja e rregullave nga kushdo do të konsiderohet rrezik për jetën dhe shëndetin e të tjerëve. Shmangni çdo lloj grumbullimi, pasi janë rrezik për përhapjen e infeksionit.Familjarët e pacientëve në spitale të shmangin sa më shumë vizitat, kurse të moshuarit kur është e mundur të shmangin kontaktet me qendrat shëndetësore, por të kontaktojnë nëpërmjet telefonit me mjekun e familjes për barnat me rimbursim.
Telefoni në linjën e gjelbër 0800 40 40 me mjekun tuaj të familjes, për këshillim psikologjik apo informacion për Covid19.Nëse keni shenja klinike, nëse dyshoni se jeni i prekur me Covid19, eshte e rendesishme te qendroni te izoluar dhe telefononi Urgjencën Kombëtare në numrin 127″, tha Tomini./atsh

Sot, dita me numrin më të lartë të shtrimeve që nga fillimi i epidemisë Read More »

Mjekja e Infektivit, apel qytetarëve: Respektoni rregullat që gjithçka të vazhdojë të jetë mirë si në fillim

Opinione, Shendetesi / /

Edhe pse numri i rasteve pozitivë me COVID-19 ditën e sotme ka shënuar rënie, ka numër të lartë shtrimesh në Spitalin Infektiv. Bluzat e bardha ripërsërisin thirrjen për kujdes dhe ruajtje të distancimit fizik nga njëri-tjetri.

Ministrja e Shëndetësisë dhe Mbrojtjes Sociale, Ogerta Manastirliu ka publikuar mesazhin e Nevila Gjermenit, mjeke pranë Spitalit Infektiv në Qendrën Spitalore Universitare “Nënë Tereza” e cila thotë se situata duhet të vazhdojë të mbahet nën kontroll e për këtë ajo kërkoi mirëkuptimin e qytetarëve dhe ndërgjegësimin e tyre për t’u kujdesur në këtë fazë të pandemisë.

“Mjekët dhe infermierët e spitalit infektiv po përballen me një fluks të shtuar qytetarësh që kanë nevojë për trajtim mjekësor si pasojë e simptomave të rënda të COVID19. Nuk është asnjëherë e tepërt lutja e tyre për më shumë kujdes! Ju lutem dëgjoni apelin e dr. Nevila Gjermenit, e cila prej më shumë se 3 muajsh është çdo ditë në vijën e parë të përballjes me COVID19”, u shpreh ministrja e Shëndetësisë dhe Mbrojtjes Sociale, Ogerta Manastirliu.

“Do të nisja me një lutje për të gjithë popullatën pavarësisht se gjërat shkuan mirë, duam që gjithçka të vazhdojë mirë, ashtu sikurse e filluam mirë. Kështu që, ju lutem të gjithë popullatës të vazhdojnë të kujdesen për veten, të vazhdojnë të kujdesen për familjarët e tyre, të vazhdojnë të kujdesen për njerëzit e tyre të dashur duke zbatuar rregullat e higjienës dhe distancimit social”, tha Gjermeni në mesazhin e saj drejtuar qytetarëve. /atsh

Mjekja e Infektivit, apel qytetarëve: Respektoni rregullat që gjithçka të vazhdojë të jetë mirë si në fillim Read More »

Vatër infeksioni me COVID, mbyllet fasoneria në Vlorë

Shendetesi / /

Një fasoneri është mbyllur në Vlorë nga Inspektorati Shtetëror Shëndetësor, pasi disa ditë më parë 5 punonjës rezultuan pozitivë me COVID-19.

Fasoneria është cilësuar si vatër, pasi në ditët e fundit janë regjistruar disa raste, edhe në fundjavë kur ishte mbyllur, prandaj sot nuk është lejuar që të hapet./lajifundit

Vatër infeksioni me COVID, mbyllet fasoneria në Vlorë Read More »

Rritje e të shtruarve në Infektiv, Tomini: Po preken dhe moshat më të reja, duhet ndërgjegjësim maksimal për zbatimin e masave

Shendetesi / /

Shefja e Survejancës dhe Shërbimit të Inteligjencës Epidemik në Institutin e Shëndetit Publik, Eugena Tomini deklaroi mëngjesin e së hënës se jo vetëm është rritur numri i personave të shtruar në spital me COVID-19 por janë prekur edhe moshat më të reja.

Në një intervistë televizive, Tomini argumentoi se numri aktual i të shtruarve përkon me të njëjtën periudhe të mëparshme të muajit mars ku kontaktet ishin të pakta dhe më herët u konsiderua piku i kësaj epidemie. Sipas saj, moshat e reja rreth 30-40 vjeç të prekur nga kjo sëmundje, përgjithesisht kanë patologji bashkëshoqëruese.

“Aktualisht në Spitalin Infektiv kemi 10 raste që janë në terapi intensive. Është një trend i lartë përsa i përket asistencës së terapisë intensive në spitalin infektiv. Ndëkohë që aktualisht kemi 78 të shtruar gjë që përkon paralelisht me një situatë që e konsideronim pikun nën efektin e masave në periudhën e marsit. Të them të vërtetën, po të krahasojmë të dy nivelet janë gati të njëjta. Por në terapi intensive kemi më shumë raste ndërkohë që duhet të theksohet që kemi një zgjerim të moshës së prekur nga ajo që kishim. Në periudhën e epidemisë nën efektin e masave kishim të prekur të moshës mbi 50, 65 vjeç ndërsa aktualisht kemi edhe moshë të re 30-40 vjeç. Duket që virusi është prezent dhe transmetueshmëria është po njëlloj. Kemi të sëmurë të shtruar të kësaj moshë që kanë shprehur simptomatologji. Mund të mos kenë patologji bashkëshoqëruese por duhet thënë që shumica kanë patologji bashkëshoqëruese. Fakti që kjo periudhë ka prekje të grupmoshës më të re me simptomatologji, duhe që ndërgjegjësimi i popullatës të jetë në nivel shumë të lartë dhe duhet të kuptojnë që virusi ka transmetueshmëri dhe virulenca e tij nuk është zbutur me kalimin e muajve”, u shpreh Tomini.

E pyetur mbi rritjen e testimeve, ajo theksoi se me rritjen e numrit të të prekurve nga infeksioni, rritet edhe gjurmimi i kontakteve në terren.

“Fakti është që rritja e testimeve ka lidhje me një zgjerim të drejtpërdrejt të kontakteve gjatë 24 orëve. Ndërkohë që në fazën e karantinës ne kishim kontakte minimale , kjo reflektohej në nivelin e testimeve që paraqitej në ato javë. Aktualisht me shtimin e aktiviteteve të përditshme qofshin ato jetësore por edhe aktivitete argëtuese, kontaktet janë shumë më tepër sesa në kohën e izolimit dhe kjo reflektohet në shtimin e kontakteve që duhen etstuar. Rastet pozitivë asimptomatikë transmetojnë tek personat e tjerë të kontaktit në shifër shumë herë më të lartë sesa fillimi. Nuk do të thotë, sigurisht që nuk ka vend të testojmë akoma më shumë por është shumë e rëndësishme strategjia. Çdo rast i dyshuar ka ndjekje të kontakteve të mundshme dhe për rrjedhojë janë të gjithë të testuar. Sa më shumë raste do të kemi aq më shumë do të jetë edhe gjurmimi aktiv në terren që përkon edhe me ndjekjen e kontakteve dytësore apo tretësore”, theksoi Tomini.

Shefja e Survejancës dhe shërbimit të Inteligjencës Epidemike në ISHP apeloi për ndërgjegjësim të popullatës në nivele më të larta. Ajo tha se virusi nuk e ka ulur nivelin e transmetueshmërinë.

“Ndërgjegjësimi në këtë fazë i gjithë popullatës është me shumë vlerë. Çdo person i evidentuar pozitiv pavarësisht që nuk ka simptoma, ai është i rrezikshëm për transmetimin e sëmundjes për familjarët por edhe për shoqërinë që ai rri dhe kontaktet që mund të ketë. Është shumë e rëndësishme të vetëizolohemi. Mosprezenca e shenjave nuk e bën atë më pak të transmetueshëm përkundrejt Covidit. Përkundrazi, mosprezenca e shenjave e bën atë që të transmetojë sëmundjen. Duhet të ndjekin distancimin fizik dhe aty ku nuk respektohet mbajtja e maskës aq më tepër në ambientet e mbyllura është një domosdoshmëri e cila parandalon, mbron të tjerër dhe sigurisht ana e kundërt apo të tjerët duhet të mbrojnë ty. Normalisht nëse vetëm ti vendos maskë dhe pjesa tjetër e popullatës brenda këtij ambienti nuk vendos maskë, ti përkundrazi je i rrezikur ndërsa pjesa tjetër është e mbrojtur përkundrejt asaj çka mund të transmetosh. Prandaj distancimi fizik, higjiena personale ka shumë vlerë në këtë momente dhe duhet të shtohet në një shkallë më të lartë ndërgjegjësimi”, theksoi Tomini./atsh

Rritje e të shtruarve në Infektiv, Tomini: Po preken dhe moshat më të reja, duhet ndërgjegjësim maksimal për zbatimin e masave Read More »

Ministria e Shëndetësisë: 71 raste të reja dhe 1 humbje jete në 24 orët e fundit

Lajmi i fundit, Shendetesi / /

Ministria e Shëndetësisë dhe Mbrojtjes Sociale duke i bërë apel qytetarëve dhe bizneseve të respektojnë masat e vendosura për mospërhapjen e COVID-19, njoftoi se gjatë 24 orëve të fundit u regjistruan 71 raste të reja infektimi dhe 1 humbje jete.

Genta Qirjako, nga Instituti i Shëndetit Publik në përditësimin e kësaj të diele tha se vijon të ketë shtrime të reja te qytetarëve që kanë nevojë për trajtim spitalor si pasojë e Covid19. Aktualisht në shërbimin infektiv po marrin shërbim 78 pacientë, 10 prej tyre janë në terapi intensive ndërsa 1 është i intubuar.

“Në 24 orët e fundit një humbje jete është shënuar në Spitalin Infektiv. Një 62-vjeçar nga Tirana i shtruar në gjendje të rëndë, i intubuar, nuk arriti dot të mbijetojë me gjithë përpjekjet e stafit mjekësor të Spitalit Infektiv. Ministria e Shëndetësisë i shpreh ngushëllimet familjarëve të të ndjerit”,- tha Qirjako.

“Gjatë 24 orëve të fundit janë kryer 327 testime për të dyshuar të prekur me Covid19 nga të cilat janë konfirmuar 71 raste pozitive, kryesisht raste të reja në proces hetimi si dhe kontakte të rasteve të konfirmuara më herët pozitive. Shpërndarja gjeografike e të identifikuarve pozitivë në 24 orët e fundit është si vijon: 31 të prekur në Tiranë, 12 në Shkodër, 6 në Fier, nga 5 raste në Krujë dhe Vlorë, 4 në Pogradec, 3 në Durrës, 2 në Kamëz, dhe nga 1 rast në në Mirditë, Lezhë, Kukës”,- vijoi Qirjako.

“Në 24 orët e fundit janë shëruar 8 qytetarë, duke e çuar në 1134 numrin e të shëruarve që nga fillimi i epidemisë. Në vendin tonë janë aktualisht 784 persona aktivë me COVID19, kryesisht në Tiranë, Shkodër, Durrës. Ministria e Shëndetësisë dhe Mbrojtjes Sociale i bën apel të gjithë qytetarëve për të ruajtur distancën fizike prej 1.5 metër nga njëri tjetri, për të ruajtur higjienën personale dhe duke larë duart vazhdimisht, mbani maskat kudo ku nuk respektohet dot distanca”,- shtoi ajo.

“Qytetarët të konfirmuar pozitivë me shenja të lehta apo pa shenja si dhe ata që janë të dyshuar dhe janë në pritje te përgjigjies, të respektojnë karantinën dhe të qëndrojnë të vëtëizoluar. Shkelja e rregullave nga kushdo do të konsiderohet rrezik për jetën dhe shëndetin e të tjerëve. Shmangni çdo lloj grumbullimi, pasi janë rrezik për përhapjen e infeksionit”,- këshilloi Qirjako.

Ministria e Shëndetësisë dhe Mbrojtjes Sociale i drejtohet qytetarëve, të tregojnë kujdes në ambientet e punës, aty ku ofrohen shërbime dhe në çdo ambient, për të respektuar masat e higjienës, distancës fizike, shmangni kontaktet dhe vendosni maskat kur nuk është e mundur të ruhet distanca. Cdo biznes duhet të zbatojnë me rigorozitet protokollet e sigurisë, për të ruajtur shëndetin e punonjësve dhe qytetarëve.

Familjarët e pacientëve në spitale të shmangin sa më shumë vizitat, të moshuarit kur është e mundur të shmangin kontaktet me qendrat shëndetësore, por të kontaktojnë nepermjet telefonit me mjekun e familjes për barnat me rimbursim. Me linjën e gjelbër 0800 40 40 mund të kontaktoni mjekun tuaj të familjes. Nëse keni shenja klinike, nëse dyshoni se jeni i prekur me Covid19, eshte e rendesishme te qendroni te izoluar dhe telefononi Urgjencën Kombëtare në numrin 127.

COVID-19 – Statistika (21 Qershor 2020)
Testime totale 23453
Raste pozitive 1962
Raste të shëruara 1134
Raste Aktive 784
Humbje jete 44 (Qarku Tiranë 24, Durrës 9, Fier 4, Vlorë 1, Shkodër 5, Kukës 1)
Shpërndarja gjeografike e rasteve aktive sipas qarqeve:
Tiranë 361
Durrës 151
Shkodër 127
Vlorë 54
Fier 37
Korçë 17
Lezhë 16
Elbasan 10
Kukës 8
Gjirokastër 2
Berat 1/atsh

Ministria e Shëndetësisë: 71 raste të reja dhe 1 humbje jete në 24 orët e fundit Read More »