Shendetesi

Manastirliu: Më e keqja nuk do të vijë vetëm nëse tregojmë kujdes në përditshmëri

Aktualitet, Opinione, Shendetesi / /

Më e keqja nuk do të vijë vetëm nëse secili prej nesh tregon kujdes në përditshmëri.

Ministrja e Shëndetësisë dhe Mbrojtjes Sociale kërkoi vëmendjen e qytetarëve shqiptarë, të cilët janë duke nënvlerësuar masat mbrojtëse për parandalimin e përhapjes së COVID-19 e për rrjedhojë numrat e të infektuarve janë në rritje, pasi edhe sot u regjistruan 71 raste të reja.

Ministrja Manastirliu kujton rëndësinë e zbatimin të këtyre masave, si dhe nënvizon se vetëm kështu nuk do të vijë më e keqja.

Nga COVID-19 në vendin tonë kanë humbur jetën 44 persona, raportoi sot Ministria e Shëndetësisë.

“Më e keqja nuk do të vijë vetëm nëse secili prej nesh tregon kujdes në përditshmëri! Respektoni Rregullat. Ruani distancën 1.5 metër. Mbani maskë/barriera mbrojtëse kur nuk është e mundur të ruhet distanca. Lani shpesh duart. Dezinfektoni ambientet. Mbroni veten dhe të afërmit tuaj! Vetëm duke treguar kujdes, mundemi ta mposhtim COVID-19!”,- theksoi Ministria e Shëndetësisë. /atsh

Manastirliu: Më e keqja nuk do të vijë vetëm nëse tregojmë kujdes në përditshmëri Read More »

Manastirliu: Nuk do të kthehemi në izolim, kontrolle në të gjitha nivelet dhe inspektime në terren

Aktualitet, Shendetesi / /

Ministrja e Shëndetësisë dhe Mbrojtjes Sociale, Ogerta Manastirliu, deklaroi sot se “kthim pas nuk do të ketë, por do të ketë një kontroll të shtuar në të gjitha nivelet duke shtuar inspektimet në terren nga gjithë task forca anti-COVID dhe gjithashtu dhe në spitalet tona për të mos ulur në asnjë moment vigjilencën”.

Në një intervistë televizive duke folur për shtimin e rasteve menjëherë pas heqjes së kufizimeve , ministrja theksoi se lidhet me mos respektimin e masave anti-COVID.

“Duke qenë se spitalet janë vende të ekspozuara, është një fenomen e ka ndodhur dhe në vende të tjera, ku ka lindur një infeksion, i cili më pas për arsye të hetimit epidemiologjik dhe masave që janë marrë është ndërprerë në kohë”, – tha Manastirliu.

Ministrja i bëri apel bluzave të bardha të përdorin masat mbrojtëse gjatë ofrimit të shërbimit.

“Mjekët, infermierët i disponojnë të gjithë materialet e mbrojtjes personale dhe ajo çfarë duhet është vetëm zbatimi i protokolleve të sigurisë në këto spitale”, – tha Manastirliu.

Qendra spitalore universitare “Nënë Tereza”, vijoi, ministrja, ashtu si edhe 42 spitalet e vendit do të vijojnë të japin shërbim për çdo pacient, ndërsa testit për koronavirus do t’i nënshtrohen vetëm ata që kanë simptoma.

“Kur një pacient kërkon të marr një shërbim shëndetësor, por ka simptoma dhe është i dyshuar për COVID-19, atëherë atij i merret tamponi, vendoset në një dhomë të izoluar me një staf të dedikuar i cili është i veshur dhe më pas, pas përgjigjes se tamponit vijohet me shërbimet e tjera. Në një epidemi çdo rast që të vjen përballë duhet menduar që mund të jetë rast që mund të mbart COVID-19, ndaj përgjigja ndaj këtij infeksioni është masat e mbrojtjes personale”, – nënvizoi Manastirliu./atsh

Manastirliu: Nuk do të kthehemi në izolim, kontrolle në të gjitha nivelet dhe inspektime në terren Read More »

Ministria e Shëndetësisë apelon: Evitoni vizitat tek të moshuarit dhe të afërmit

Problematika, Shendetesi / /

Rritja e numrit të të prekurve me koronavirus ditët e fundit ka bërë që ministria e Shëndetësisë dhe Mbrojtjes Sociale të ripërsërisë thirrjen për kujdes duke i kërkuar qytetareve të evitojnë vizitat tek miqtë apo të afërmit.

Sipas ministrisë së Shëndetësisë, e vetmja mënyrë për të ndaluar përhapjen e infeksionit është duke ruajtur distancën fizike prej 1.5 metër nga njëri-tjetri si dhe duke ruajtur higjienën personale.

“Parandaloni përhapjen e COVID-19 .Ministria e Shëndetësisë dhe Mbrojtjes Sociale i bën apel të gjithë qytetarëve dhe bizneseve të respektojnë rregullat, evitoni vizitat tek të moshuarit dhe të afërmit.
E vetmja mënyrë për të ndaluar përhapjen e infeksionit është duke ruajtur distancën fizike prej 1.5 metër nga njëri tjetri, duke ruajtur higjienën personale dhe duke larë duart vazhdimisht, mbani maskat kudo ku ambienti është i mbyllur, bizneset dhe institucionet të respektojnë protokollet e përcaktuara.Çdo rast i identifikuar pozitiv, duhet të vetëizolohet.

Të sëmurët kronikë dhe të moshuarit janë dy kategori ku COVID-i zhvillon forma të rënda të tij, çka vë në rrezik edhe jetën në shumicën e rasteve.

Ditët e fundit, numri i të infektuarve ka variuar në shifrat 82, 69, 66, 50 çka ka sjellë edhe shqetësimin e bluzave të bardha të cilët kanë apeluar përmes medieve të ndryshme, respektimin rigoroz të rregullave të miratuara më herët nga Ministria e Shëndetësisë dhe Mbrojtjes Sociale si distancimi fizik apo përdorimi i maskave veçanërisht në ambiente të mbyllura. /atsh

Ministria e Shëndetësisë apelon: Evitoni vizitat tek të moshuarit dhe të afërmit Read More »

Infektohen me COVID-19 dy vëllezërit Budina/ Rama: U uroj shërim të shpejtë, virusi po përfiton nga neglizhenca

Aktualitet, Lajmi i fundit, Shendetesi / /

Kryeministri Edi Rama ka reaguar pas lajmit për infektimin me COVID-19 të dy vëllezërve Edmond dhe Robert Budina.

Ai shpreh keqardhje që dy vëllezërit Budina pozitiv në testin për COVID-19, ndërsa u uron që ta kalojnë sa më lehtë.

Kryeministri bëri thirrje që të gjithë duhet të bëjnë kujdes maksimal pasi virusi po përfiton nga neglizhenca e qytetarëve ndaj rregullave.

“Më vjen sinqerisht keq që dy vëllezërit Budina kanë rezultuar pozitiv në testin për Covid-19! U uroj ta kalojnë sa më lehtë dhe të kenë shërim të shpejtë! Të gjithë duhet të bëjmë kujdes maksimal sepse virusi s’ka ikur dhe po përfiton nga neglizhenca e qytetarëve ndaj rregullave!”, shprehet Kryeministri Rama./atsh

Infektohen me COVID-19 dy vëllezërit Budina/ Rama: U uroj shërim të shpejtë, virusi po përfiton nga neglizhenca Read More »

Ministria e Shëndetësisë: 66 raste të reja dhe 1 humbje jete në 24 orët e fundit

Lajmi i fundit, Shendetesi / /

Ministria e Shëndetësisë dhe Mbrojtjes Sociale ka informuar sot se brenda 24 orëve të fundit janë identifikuar 66 raste pozitivë me COVID-19.

Mirela Cami, drejtore e Operatorit të Shërbimeve të Kujdesit Shëndetësor në daljen e saj për medien u shpreh se “24 orëve të fundit janë kryer 280 testime për të dyshuar të prekur me COVID-19 nga të cilat janë konfirmuar 66 raste pozitive kryesisht kontakte të rasteve të konfirmuara më herët pozitive, si dhe raste të reja në proces hetimi. Shpërndarja gjeografike e të identifikuarve pozitivë është si vijon: 32 raste në Tiranë, 12 në Krujë, 7 në Vlorë, 6 në Durrës, nga 3 raste në Shkodër dhe Fier, nga 1 rast përkatësisht në Tropojë, Lezhë, Elbasan”.

Sipas saj, gatë 24 orëve të fundit janë shëruar 9 qytetarë, duke e çuar numrin e të shëruarve që nga fillimi i epidemisë në 1086.

Në 24 orët e fundit ka ndërruar jetë një pacient 67 vjeç nga Shkodra i konfirmuar pozitiv me COVID-19, i cili vuante nga Insuficienca kardiake dhe disa sëmundje të tjera bashkëshoqëruese. Pas disa ditëve në terapi intensive, i intubuar, 67 -vjeçari nuk ka mundur të mbijetojë, pavarësisht përpjekjeve të stafit mjekësor. Ministria e Shëndetësisë i shpreh ngushëllime familjes së të ndjerit.

COVID-19 – Statistika (18 Qershor 2020)
Testime totale 21790
Raste pozitive 1788
Raste të shëruara 1086
Raste Aktive 663
Humbje jete 39 (Qarku Tiranë 22, Durrës 7, Fier 4, Vlorë 1, Shkodër 4, Kukës 1)
Shpërndarja gjeografike e rasteve aktive sipas qarqeve:
Tiranë 326
Durrës 132
Shkodër 111
Vlorë 42
Fier 24
Elbasan 9
Korçë 7
Lezhë 5
Kukës 5
Gjirokastër 1
Berat 1/atsh

Ministria e Shëndetësisë: 66 raste të reja dhe 1 humbje jete në 24 orët e fundit Read More »

OBSH e cilësoi zbulim që shpëton jetë/ Bari “Dexamethasone”, në përdorim në Spitalin Infektiv

Shendetesi / /

Bari “Dexamethasone” është një bar i përdorur në shërbimin Infektiv dhe vijon të përdoret për personat që kanë insuficiencë respiratore në gjendje të rëndë, pra ajo që në gjuhën mjekësore quhet “detresi respirator”, që rëndon situatën e këtyre pacientëve. Kështu u shpreh, Najada Como, shefe e shërbimit Infektiv në një prononcim televiziv për medikamentin që një ditë më parë OBSH e përgëzoi si zbulim të rëndësishëm.

Ministria e Shëndetësisë dhe Mbrojtjes Sociale ka siguruar medikamentin në fjalë, bazuar në kërkesat e shërbimit Infektiv.

Së fundmi OBSH përgëzoi rezultatet paraprake të një studimi britanik mbi një medikament për të luftuar kundër sëmundjes respiratore të COVID-19, duke e cilësuar si një zbulim revolucionar.

”Testet në 2104 pacientë kanë treguar se dozat e ulëta të këtij medikamenti reduktojnë numrin e të vdekurve me një të tretën e pacientëve në ventilatorë dhe me një të pestën mes atyre që marrin oksigjen”, njoftuan studiuesit britanikë.

Studiuesit i kanë përshkruar rezultatet si një zbulim i madh që do të shpëtojë jetë./atsh

OBSH e cilësoi zbulim që shpëton jetë/ Bari “Dexamethasone”, në përdorim në Spitalin Infektiv Read More »

Manastirliu me inspektorët shëndetësorë: Zero tolerancë për subjektet që shkelin protokollet e sigurisë COVID-19

Lajmi i fundit, Shendetesi / /

Ministrja e Shëndetësisë dhe Mbrojtjes Sociale, Ogerta Manastirliu zhvilloi sot një takim me inspektorët e Inspektoriatit Shtetëror Shëndetësor të Tiranës, për intensifikimin e kontrolleve për zbatimin e protokolleve të sigurisë kundër COVID-19.

Manastirliu kërkoi që të mos ketë tolerancë për shkelësit e ligjit, duke e konsideruar çdo thyerje të rregullit si rrezik për shëndetin e popullatës.

“Une e di që ju keni qenë në terren çdo ditë dhe keni bërë një punë të mirë deri tani, me më shumë se 70 mijë inspektime, por nuk duhet të ketë tolerancë për shkelësit të cilët bëhen më pas burimi i përhapjes së infeksionit pasi tolerojnë në aktivitetin e tyre, duke mos zbatuar rregulla të thjeshta dhe më pas do të na duhet një punë shumë e madhe për të këputur zinxhirin e infeksionit”, tha Manastirliu.

Ministrja u bëri apel subjekteve të respektojnë protokollet e sigurisë dhe kërkoi nga inspektorët të jenë çdo ditë në terren me zero tolerancë për çdo subjekt që nuk zbaton masat ndaj COVID-19, me qëllim ruajtjen e shëndetit të qytetarëve.

“Çdo shkelje duhet të konsiderohet si rrezik për shëndetin e qytetarëve, ndaj ju duhet të forconi punën në terren, të mos ketë tolerancë për shkeljet. Dua edhe njëherë t’i drejtohem çdo biznesi, pasi na nevojitet mirëkuptimi i tyre dhe i çdo qytetari: Ne jemi këtu për të bërë detyrën, jemi këtu për të bërë të mundur që rregullat që kemi vendosur të zbatohen. Kjo do të bëhet me bashkëpunimin e qytetarëve, me bashkëpunimin e bizneseve, me bashkëpunimin e institucioneve”, tha ajo.

Manastirliu kërkoi që zbatimi i rregullave të kthehen në edukatë të përditshme. “Derisa këto veprime t’i bëjmë jo me forcë, por sepse kështu mbrojmë shëndetin e të tjerëve, ne do duhet t’i rikujtojmë, t’i rekomandojmë dhe nëse këto masa nuk zbatohen, ne patjetër që do duhet të penalizojmë dhe të marrim masa administrative. Nuk duhet të ketë tolerancë në këtë drejtim”, tha Manastirliu.

Trupa inspektuese e ISHSH ka kryer inspektime dhe monitorime çdo ditë në të gjitha subjektet që zhvillojnë aktivitetet e lejuara gjatë periudhës së epidemisë. Janë inspektuar dhe monitoruar 72,781 subjekte në të gjithë vendin dhe janë vendosur 300 masa administrative./atsh

Manastirliu me inspektorët shëndetësorë: Zero tolerancë për subjektet që shkelin protokollet e sigurisë COVID-19 Read More »

Masat antiCovid/ 756 inspektime dhe monitorime në 24 orë për sigurinë ushqimore

Shendetesi / /

Trupat inspektuese të Autoritetit Kombëtar të Ushqimit me fokus të pandërprerë sigurinë ushqimore, kanë kryer gjatë 24 orëve të fundit 756 inspektime dhe monitorime në shkallë vendi, në kuadër të taskforcës antiCovid.

“Gjatë inspektimeve janë vendosur 3 masa administrative. Është vendosur 1 masë administrative për moszbatim të masave anti COVID në një subjekt “bar kafe”, në një subjekt tregtim akullore, pas rezultatit pozitiv të analizave për enterobakterie. Gjithashtu në një subjekt të përpunimit të qumështit baxho, pas rezultateve zyrtare të analizave është vendosur masa administrative, si dhe ndalim i pjesshëm i aktivitetit për prodhimin e djathit kaçkavall”, njoftoi AKU.
Sipas AKU-së, për sasinë prej 137,6 kg djath kaçkavall ështe marrë masë për asgjësim.
Në kuadër të planit të marrjes së mostrave janë marrë 41 mostra kryesisht në monitorimin e qumështit si dhe në perime për analizimin e mbetjeve pesticide.
AKU është çdo ditë në terren në mbrojtje të shëndetit të konsumatorëve./atsh

Masat antiCovid/ 756 inspektime dhe monitorime në 24 orë për sigurinë ushqimore Read More »