Shendetesi

Mjeku Harxhi mesazh qytetarëve: Sjellja individuale e rëndësishme në parandalimin e COVID-19

Opinione, Shendetesi / /

Nga ambientet e jashtme të spitalit Infektiv të Qendrës Spitalore Universitare “Nënë Tereza”, mjeku i njohur Arjan Harxhi ka apeluar për kujdes me qëllim parandalimin e COVID-19.

Ministrja e Shëndetësisë dhe Mbrojtjes Sociale, Ogerta Manastirliu ka publikuar mesazhin e mjekut ndërsa ka theksuar se sjellja individuale është e rëndësishme në këtë periudhë pandemie që po kalojmë.

“Gjithësecili ka përgjegjësi e veta, përsa i përket kujdesit dhe parandalimit të COVID-19. Edhe sjellja individuale është shumë e rëndësishme. Ju lutem dëgjoni apelin e prof. Arjan Harxhit nga spitali infektiv. Me kujdes çdo ditë, e mundim”, shprehet Manastirliu.

Mjeku Harxhi thotë se pasojat e kujdesit apo moskujdesit tonë si individë, do të reflektohen në të ardhmen e afërt, të mesme apo qoftë edhe në atë afatgjatë.

“Me sëmundjet infektive është shumë e rëndësishme, dihet që çdo fushë ka përgjegjësitë e veta dhe duhet ta rishikojë këtë lloj pozicioni, përgjegjësitë që kanë institucionet shtetërore, që ka shoqëria, që ka individi sa i përket kujdesit të parandalimit por edhe për të parë sesi do të jetë pozicioni i secilit prej këtyre në të ardhmen e afërt, afatmesme dhe afatgjatë”, u shpreh Harxhi. /atsh

Mjeku Harxhi mesazh qytetarëve: Sjellja individuale e rëndësishme në parandalimin e COVID-19 Read More »

Dy humbje jete brenda 24 orëve të fundit, shkon në 55 numri i viktimave prej COVID-19

Lajmi i fundit, Shendetesi / /

Një 70-vjeçar nga Shkodra dhe një 54-vjeçar nga Tirana, të konfirmuar me COVID-19, me disa sëmundje bashkëshoqëruese, kanë ndërruar jetë në spitalin infektiv, megjithë kujdesin e mjekëve dhe terapinë intensive.

Lajmi është konfirmuar nga Ministria e Shëndetësisë dhe Mbrojtjes Sociale e cila i ka shprehur ngushëllimet familjarëve të të ndjerëve.

Ndërsa ka informuar mbi situatën epidemiologjike, ministria ka bërë të ditur se në vijon të ketë raste të reja por edhe shtrime të reja në spital apo pacientë që kanë nevojë për terapi intensive.

“U drejtohemi me një lutje gjithë qytetarëve dhe bizneseve të jenë rigoroz në zbatimin e protokolleve të sigurisë, të vendoset detyrimisht maska në shërbim, edhe nga çdo qytetar kur është e pamundur ruajtja e distancës fizike, si e vetmja mënyrë për kufizimin e përhapjes së infeksionit” tha Rovena Daja, eksperte pranë Institutit të Shëndetit Publik.

Ndërkohë që numri i rasteve ditorë po vjen gjithmonë e në rritje, Ministria e Shëndetësisë thotë se e vetmja mënyrë për përhapjen e infeksionit është ruajtja e distancës fizike.

“Të nderuar qytetarë, rastet ditore do të vazhdojnë të shfaqen në ndërmarrje biznesi, institucione, nëse ju nuk zbatoni rregullat e vendosura. E vetmja mënyrë për të ndaluar përhapjen e infeksionit është duke ruajtur distancën fizike, duke vendosur maskën kur nuk ruani dot distancën, duke ruajtur higjienën personale, bizneset dhe institucionet duke respektuar protokollet e përcaktuara. Respektimi strikt i masave të vendosura do të ruajnë shëndetin tuaj dhe njerëzve tuaj të dashur. Shkelja e rregullave nga kushdo do të konsiderohet rrezik për jetën dhe shëndetin e të tjerëve. Ministria e Shëndetësisë dhe Mbrojtjes Sociale ju rikujton se për sa kohë nuk ka një vaksinë, qytetarët duhet të përshtaten me normalitetin e ri dhe të përshtasin sjelljen e tyre duke u kujdesur për zbatimin strikt të çdo rregulli të vendosur. Telefononi nëpërmjet linjës së gjelbër 0800 40 40 për këshillim psikologjik apo çdo informacion për COVID-19.Mos i neglizhoni shenjat e sëmundjes. Kontaktoni me mjekun e familjes ose telefononi Urgjencën Kombëtare në numrin 127 nëse dyshoni se ju apo një i afërmi juaj është i prekur nga COVID-19”, tha ndër të tjera, Daja.

Numri i viktimave në vendin tonë prej COVID-19 ka shkuar në 55./atsh

Dy humbje jete brenda 24 orëve të fundit, shkon në 55 numri i viktimave prej COVID-19 Read More »

NEX24: Shqipëria e sigurt nga COVID-19 edhe për turizmin shëndetësor

Aktualitet, Shendetesi, Turizem / /

Pandemia COVID-19 po mban pezull tërë botën. Ndërsa vende të tilla si Italia, Spanja dhe Franca kanë pasur një numër të lartë vdekjesh, kriza për Shqipërinë deri më tani ka qenë relativisht e butë. Kufijtë tashmë janë hapur dhe po mbërrijnë turistët e parë për qëllime shëndetësorë, shkruan faqja e njohur NEX24, që ka biseduar me Dritan Gremin, i cili drejton një klinikë dentare në Tiranë.

Zoti Gremi, ju jeni një sipërmarrës i njohur në vendin tuaj. “Klinika Gremi – Udhëtimi dhe Buzëqeshja” ka vite që është aktive në turizmin shëndetësor, veçanërisht në fushat e trajtimit dentar dhe kirurgjisë kozmetike. Sa e vështirë ishte për ju të rifilloni operacionet pas mbylljes nga COVID-19?

Po, si çdo sektor tjetër ekonomik, klinika jonë u detyrua të bënte pushim. Për fat të mirë, klinika rifilloi operimet pas gati dy muaj e gjysmë mbyllje dhe ishte në gjendje të mirëpriste pacientët e parë të huaj. Meqenëse shërbimet që ne ofrojmë janë pjesë e turizmit shëndetësor, turistët e parë në Shqipëri mund të kenë qenë edhe pacientët tanë. Kufijtë fillimisht u hapën për turizmin shëndetësor. Aktualisht ne ofrojmë shërbimet tona për 40 pacientë të huaj, kryesisht nga Italia, Gjermania, Britania e Madhe, Zvicra dhe Austria. Duke pasur parasysh situatën në të cilën ndodhet bota dhe kufizimet e udhëtimit midis vendeve, kjo mund të shihet si një fillim i mirë për këtë sezon.

Sa i sigurt nga pandemia mund të ndjehet një pacient i huaj i cili vjen në klinikën tuaj?

Në klinikën tonë nuk ka pasur mungesë higjiene apo të masave mbrojtëse as përpara pandemisë. Sidoqoftë, që nga shpërthimi, ne kemi intensifikuar përsëri masat tona dhe kemi futur protokolle të larta sigurie kundër Covid-19. Këto masa në tërësi dhe zbatimi i tyre i rreptë garantojnë gjithashtu shëndetin e pacientëve dhe mbi 100 punonjësve. Të gjitha shërbimet që ne ofrojmë, të tilla si laboratorët, ambientet e akomodimit, baret, restorantet dhe shumë më tepër, përdorin udhëzimet më të rrepta të rekomanduara nga autoritetet më të larta shëndetësore.

Pse mendoni se udhëtarët duhet të zgjedhin Shqipërinë këtë vit?

Shqipëria ka qenë gjithmonë një destinacion i njohur udhëtimi. Por, tani që e gjithë bota po përballet me një pandemi dhe kufizimet që ajo sjell, numrat favorizojnë vendin tonë. Ballafaqimi siç duhet me situatën që nga fillimi i pandemisë ka bërë që Shqipëria të jetë një nga vendet më të sigurta në rajon.Kjo është rezultat i masave të shpejta kufizuese të qeverisë, por edhe i solidaritetit që shqiptarët kanë treguar se respektojnë distancën shoqërore. Në krahasim me vendet e Bashkimit Europian, situata tregoi se virusi qarkulloi në vendin tonë një muaj më vonë dhe nuk krijoi ndonjë burim të vërtetë infeksioni. Përveç kësaj, nuk ka raste të qytetarëve të huaj të infektuar në vendin tonë, që do të thotë se shërbimet e ofruara në strukturat e hotelit janë shumë të sigurta. Sa i përket klinikës sonë, duhet të theksohet se asnjë prej punonjësve tanë nuk është prekur nga Covid-19 në 30 ditët e kaluara.

Por, a janë të huajt të vetëdijshëm për këtë situatë pozitive dhe çfarë dëshirash kanë turistët për sezonin e ardhshëm?

Po, sigurisht. Unë besoj se kushdo që dëshiron të udhëtojë në Shqipëri, veçanërisht për të marrë kujdes mjekësor, është i interesuar të marrë një përmbledhje të përgjithshme. Në rastin tonë, kriza ekonomike që po e mban botën të pezulluar ka rezultuar në rritjen e kërkesës nga pacientët e huaj. Sidomos nga europianët që janë veçanërisht të interesuar për trajtimet e dhëmbëve. Përveç klimës dhe bukurisë natyrore, Shqipëria përfiton gjithashtu nga çmimet konkurruese dhe aspekti ekonomik është shumë i rëndësishëm për të gjithë pas pandemisë. Tashmë kemi prenotime për korrik, gusht dhe shtator. Për shkak të rritjes së numrit të pyetjeve, supozojmë se numri i prenotimeve do të rritet. Ne jemi akoma të përkushtuar në respektimin maksimal të të gjitha kërkesave të sigurisë, nga koha e pritjes në aeroport tek shërbimi i klinikës deri tek akomodimi në hotele apo restorante, të cilat, siç ju thashë, të gjitha menaxhohen nga ne. Sigurisht, ne jemi të vetëdijshëm për situatën aktuale në të cilën virusi është ende mes nesh. Përveç mikpritjes, Shqipëria është një vend i mrekullueshëm në të cilin ka shumë bukuri natyrore për t’u shijuar, përtej sektorit të shëndetësisë./atsh

NEX24: Shqipëria e sigurt nga COVID-19 edhe për turizmin shëndetësor Read More »

“Jetët tona janë të pakthimta”/ Kalo: Mos vijoni të bëheni pre e idotësirave të mos ekzistencës së COVID-19

Opinione, Shendetesi / /

Mjeku Tritan Kalo ka apeluar sot qytetarët për t’u mbrojtur ndaj koronavirusit.

Ai vë theksin se COVID-19 prek çdo moshë, siç ishte rasti i 34-vjeçares nga Librazhdi, e ndërsa u bën thirrje që të mos humbin vlerësimin për mjekët.

“Jetët tona janë të pakthimta dhe shumë të vlefshme. Mos vijoni të bëheni pre e idiotësirave të mos ekzistencës së Sars-Cov2/COVID-19”, ka thënë ai.

“Bëhet fjalë për një virus dhe një sëmundje me dy kuptimshmëri njëthelbësore, e cila duhet marrë sa më seriozisht. Corona-virus = Virus me Kurorë mbi kokën e tij, por edhe mbi kokën tonë nëse largohemi nga kjo jetë e nuk tregojmë kujdes ndaj një virusi të tillë. CO-VID = Bashkë – Zbrazëse e shëndetit si dhe e jetëve tona, nëse përsëri nuk bëjmë kujdes ndaj një infeksioni të tillë shëndet dhe jetëmarrës”, ka theksuar Kalo.

“Besoj se dëgjoni dhe informoheni se çfarë po ndodh në botën mbarë, por më pak vëmendje ndaj lojrave me shifrat dhe interpretimin e tyre shpesh konfuz prej shumë gjithollogëve. Ju rikujtojmë se Sars-Cov2/Covid-19 prek çdo moshë. Një sëmundje e tillë mundet të marrë jetën e pacientëve të çdo moshe. Flas nga ajo që unë dhe kolegët e mi të nderuar në COVID-1/Shërbimin e Sëmundjeve Infektive të QSUT “Nënë Tereza”, po vijojmë të përjetojmë në vijën e parë të përplasjes me këtë infeksion. Durimi dhe përkujdesja ndaj vetes dhe të tjerëve, mbeten thelbësore edhe sot e kësaj dite për tu përballur me këtë sfidë”, ka shtuar ai.

“Mirëkuptimi dhe mirëbesimi reciprok në këtë sfidë, me këtë “flamë mbarëbotërore” duhen vlerësuar për çdo sekondë, sepse janë dy “armët” tona më të sigurta në këtë betejë sociale. Mos e zhbëni për asnjë çast për ndonjë qejfmbetje jo thelbësore, vlerësimin tuaj ndaj heroizmit dhe vetësakrifikimit të mantelbardhëve, infermierëve, farmacistëve, sanitareve, barrelmbajtësve, teknikëve të imazherisë, punonjësve të koordinimit e administratës si dhe punonjësve të rendit, të cilët venë në rrezik jetët e tyre për të shpëtuar shëndetin dhe jetët tuaja. Bashkë dhe vetëm bashkë do mundemi me siguri të mbërrijmë në fund të tunelit pak sa të gjatë, por ku edhe drita jeshile për daljen mbanë në këtë sfidë Sars-Cov2/Covid-19 vijon të ndrijë”, ka thënë Kalo./atsh

“Jetët tona janë të pakthimta”/ Kalo: Mos vijoni të bëheni pre e idotësirave të mos ekzistencës së COVID-19 Read More »

Ministria e Shëndetësisë: 77 raste të reja dhe 2 humbje jete në 24 orët e fundit, 48 të shëruar

Lajmi i fundit, Shendetesi / /

Shefja e Survejancës dhe Shërbimit të Inteligjencës Epidemik në Institutin e Shëndetit Publik, Eugena Tomini deklaroi sot se “gjatë 24 orëve të fundit janë kryer 402 testime për të dyshuar të prekur me COVID-19, nga të cilat janë konfirmuar 77 raste pozitive.

“Situata epidemiologjike në vend po vijon në javën e 16 të epidemisë, por në 3 javët e fundit kemi një intensitet të lartë të hasjes së rasteve pozitive me COVID-19. Kemi gjithashtu dhe një numër të lartë të rasteve që kërkojnë trajtim spitalor dhe terapi intensive. Kjo situatë, lidhet në mënyrë të drejtpërdrejtë me kriterin epidemiologjik, siç është periudha e gjatë e inkubacionit 14 ditor, si dhe mos respektimi i masave të vendosura për ndërprerjen e transmetimit të virusit”, tha Tomini.

Ndaj, Ministria e Shëndetësisë dhe Mbrojtjes Sociale apelon të gjithë qytetarët, bizneset, institucionet, të respektojnë masat e vendosura dhe protokollet e miratuara të sigurisë, si e vetmja mënyrë për të mbrojtur veten dhe të afërmit tuaj.

Tomini tha se “gjatë 24 orëve të fundit, për fat të keq dy qytetarë nuk e kanë fituar dot betejën me sëmundjen, pavarësisht asistencës së madhe të mjekëve dhe trajtimit mjekësor”.

“Dy humbjet e jetës kanë qenë të papritura. Një 76-vjeçar nga Tirana, me disa sëmundje bashkëshoqëruese, pasi ishte përmirësuar pas 15 ditësh trajtim, ka pësuar tromboemboli pulmorare. Dhe një 54-vjeçar në gjendje të rëndë, me insuficencë renale, ka ndërruar jetë në urgjencën e spitalit. Ministria e Shëndetësisë dhe Mbrojtjes Sociale u shpreh ngushëllimet familjarëve të të ndjerëve”, tha Tomini.

Ajo tha se “situata paraqitet serioze në spitalin Infektiv ku aktualisht po trajtohen 87 pacientë, 15 prej tyre janë në terapi intensive, ndërsa 2 janë të intubuar”.

Lajmi i mirë, sipas Tominit, “është se në 24 orët e fundit janë shëruar 48 qytetarë, duke e çuar në 1298 numrin e të shëruarve që nga fillimi i epidemisë”.

Ndërkohë kanë vijuar testimet në Laboratorin e Virologjisë në ISHP dhe gjatë 24 orëve të fundit janë kryer 402 testime për të dyshuar të prekur me COVID-19, nga të cilat janë konfirmuar 77 raste pozitive.

Shpërndarja gjeografike e rasteve është si vijon: Tirana 28 raste, Shkodra 13 raste, Durrësi dhe Korça me nga 5 raste; nga 4 raste Delvina dhe Berati; nga 3 raste në Fier, Kurbin dhe Pukë; nga 2 raste në Elbasan dhe Kamëz; nga 1 rast përkatësisht në Krujë, Tropojë, Librazhd, Gjirokastër, Sarandë.

Në vendin tonë aktualisht janë 920 persona aktivë me COVID19, kryesisht në Tiranë, Shkodër, Durrës.

Kanë vazhduar testimet serologjike në Laboratorin e Mikrobiologjisë në QSUT. Janë kryer 3380 testime në personel shëndetësor me një pozitivitet të përgjithshëm 6%.

COVID-19 – Statistika (26 Qershor 2020)
Testime totale 25563
Raste pozitive 2269
Raste të shëruara 1298
Raste Aktive 920

Humbje jete 51 (Qarku Tiranë 30, Durrës 9, Fier 4, Vlorë 1, Shkodër 5, Kukës 1, Elbasan 1)

Shpërndarja gjeografike e rasteve aktive sipas qarqeve:

Tiranë 375
Durrës 174
Shkodër 154
Vlorë 84
Fier 44
Lezhë 27
Korçë 25
Kukës 13
Elbasan 12
Gjirokastër 7
Berat 5/atsh

Ministria e Shëndetësisë: 77 raste të reja dhe 2 humbje jete në 24 orët e fundit, 48 të shëruar Read More »

Rritja e rasteve ditore me COVID-19/ Apel sipërmarrjeve turistike dhe pushuesve të zbatojnë masat

Aktualitet, Opinione, Problematika, Shendetesi / /

Ministria e Shëndetësisë dhe Mbrojtjes Sociale kërkoi sot që çdo sipërmarrje turistike dhe të gjithë pushuesit të zbatojnë protokollin e masave anti-COVID-19 përgjatë gjithë sezonit veror.

Sipas Ministrisë, stafi i shërbimit, në kontaktet me pushuesit duhet të mbajë në mënyrë të domosdoshme maskat mbrojtëse. Në strukturat akomoduese duhet të ruhet distancimi fizik jo më pak se 1.5 metër.

Ministria e Shëndetësisë kërkon që të zbatohen me rigorozitet masat e pastrimit dhe dezinfektimit në të gjitha zonat bufe, bare, restorante, kuzhina në të gjitha strukturat akomoduese.

“Të tregohet kujdes në përdorimin e ashensorit në strukturat akomoduese që e disponojnë atë, duke respektuar masat e distancimit dhe të higjienës”, thuhet në një njoftim për shtyp.

Po ashtu, Ministria e Shëndetësisë kërkon që të kryhet dezinfektimi i krevateve të plazhit, shërbimeve higjienike dhe aksesorëve të ndryshëm në mënyrë periodike.

“Të respektohet hapësira midis çadrave dhe ndenjëseve të pushuesve në distancë jo më pak se 3.5 m dhe të evitohen grumbullimet shoqërore”, thuhet në njoftim./atsh

Rritja e rasteve ditore me COVID-19/ Apel sipërmarrjeve turistike dhe pushuesve të zbatojnë masat Read More »

“Rritje e ndjeshme e të shtruarve me COVID-19″/ Mjekja Kolovani: Zbatoni rregullat, deri tani situata e përballueshme

Lajmi i fundit, Shendetesi / /

Mjekja infeksioniste Entela Kolovani u bëri thirrje sot qytetarëve që të jenë të kujdesshëm dhe të respektojnë masat kundër COVID-19, ndërsa theksoi se “ky virus nuk është si gripi, ashtu sikurse pretendohet në masë”.

E ftuar në një studio televizive, ajo theksoi se “javët e fundit numri i rasteve është rritur ndjeshëm dhe për pasojë po ashtu është rritur edhe numri i të shtruarve në spitalin Infektiv”.

Kolovani tha se “deri tani situata është e përballueshme në spital, ndërsa kanë në dispozicion 120 shtretër”.

“Deri tani me këtë trend jemi duke e përballuar me numër shtretërish. Në funksion të shërbimit tonë janë vendosur që në fillimi 2 pavione shtesë. Kemi 120 shtretër. Njëri pavion i është kushtuar terapisë intensive. Nëse vazhdojmë me këto shifra e përballojmë. Edhe pse dëshira jonë është sa më pak të sëmurë me koronavirus. Kthimi mbrapa nuk do të ishte i falshëm për ne si qytetarë. Shpresoj shumë që qytetarët të na mirëkuptojmë. Nuk mund t’i kthehemi më karantinës”, tha Kolovani.

“Çdo person ka të drejtë të informohet. Kanë dëgjuar që thuhet është grip, por ky virus e ka treguar se nuk mund të jetë shumë i parashikueshëm. Nuk ngjan me gripin. Nëse shohim prekjet pulmonare të personave që kalojnë koronavirusin janë krejt ndryshe nga ato të gripit. Nëse do të shohim çfarë ndodhi në fillim në mars dhe prill me botën, vërtet u mendua se janë moshat e treta ato më vulnerabël, por kjo u lidh me sëmundjet bashkëshoqërues. Më pas u tregua se sëmundja nuk zgjedh mosha”, tha ajo.

Lidhur me infektimin e personelit shëndetësor, ajo tha se “është e pashmangshme kur mendon se edhe në botë ka pasur personel shëndetësor të infektuar”.

“Edhe tek ne nuk kishte si të ndodhte ndryshe. Mjekët i kanë pajisjet e mbrojtjes thjeshtë duhet ta kenë në vëmendje që nuk mund të futen te pacientët pa i mbajtur ato. Epidemiologët u përpoqën që të ndërprisnin këtë zinxhir infektimi në QSUT. Realisht kanë qenë disa mjekë dhe infermierë të hospitalizuar dhe tashmë kanë dalë të shëruar”, u shpreh ajo. /atsh

“Rritje e ndjeshme e të shtruarve me COVID-19″/ Mjekja Kolovani: Zbatoni rregullat, deri tani situata e përballueshme Read More »

“Kemi transmetim komunitar të COVID-19″/ Brataj: Respektimi i rregullave është thelbësor në këtë fazë të pandemisë

Opinione, Shendetesi / /

Drejtori i Qendrës Kombëtare të Urgjencës Mjekësore, Skënder Brataj deklaroi sot se “respektimi i rregullave është thelbësor në këtë fazë të pandemisë, kur po vërehet transmetim i infeksionit nga vatra të kontrolluara në transmetim komunitar”.

Brataj u shpreh se “jetojmë në një moment të vështirë të pandemisë. Sot nuk dua të hyj në shifra apo përqindje thjesht të ndaj shqetësimin me ju. Pa hyrë në analiza apo polemika, pa gjetur fajtorë siç e kemi zakon në Shqipëri, pa gjykuar doja të thoja, se po vërehen tri dukuri në sfidën ndaj Sars-Cov2 që shkakton sëmundjen e COVID-19”, tha Brataj.

Sipas tij, po ndodh shtimi i rasteve në përgjithësi, shtimi i të sëmurëve dhe prekja e moshave të reja që deri dje ishin të paprekura.

Brataj tha se “ajo që më shqetëson më shumë është rritja e numrit të pacientëve si në banesë, po ashtu edhe në spital”.

“Kalimi i infeksionit nga vatra të kontrolluara në transmetim komunitar. Në këtë fazë të pandemisë a mund të bëjmë ne diçka më shumë për të parandaluar apo për të përmirësuar situatën e këtij infeksioni? Po. A kemi nevojë për masa drastike izolimi? Jo”, tha Brataj.

Duke folur për mënyrën më të mirë për të vepruar në këtë moment, Brataj nënvizoi respektimin e rregullave.

“Patjetër që varet nga ne, thjesht të respektojmë disa rregulla të thjeshta. Domosdoshmëri është përdorimi i maskave në ambiente të mbyllura, ndoshta është momenti që të ngremë zërin kur shikojmë persona të tjerë brenda këtyre ambienteve pa maska. Ruajtja e distancës 1,5-2 metra në këto ambiente. Dezinfektimi i duarve në hyrje të çdo ambienti të mbyllur pa përdorur doreza”, tha ai.

Po ashtu, Brataj nënvizoi karantinimin dhe distancimin fizik për të gjithë ata që rezultojnë të infektuar.

“Nëse ke pasur kontakt me persona të infektuar dhe shfaqen shenja e simptoma konsideroje veten si të infektuar. Mos përdor maska në ambient të hapur nëse nuk je prekur nga infeksioni. Mos përdor doreza në ambient të hapur”, këshilloi Brataj./atsh

“Kemi transmetim komunitar të COVID-19″/ Brataj: Respektimi i rregullave është thelbësor në këtë fazë të pandemisë Read More »