Shendetesi

IKSHPK, apel qytetarëve të respektojnë masat kundër Covid-19

Instituti Kombëtar i Shëndetit Publik, edhe njëherë ka kërkuar nga qytetarët që të respektojnë masat e reja të vendosura nga Qeveria e Kosovës, pasi që konsideron se rrezikshmëria për përhapjen e pandemisë Covid-19 ende është e lartë.

“Nga 1 korriku me vendim të Qeverisë së Republikës së Kosovës ka filluar aplikimi i një cikli të ri të masave parandaluese ndaj përhapjes së COVID-19 në vendin tonë!

Duke qenë se këto masa janë në funksion të ruajtjes dhe mbrojtjes së shëndetit tuaj, të familjes dhe popullatës në tërësi, kërkojmë mirëkuptimin dhe bashkëpunimin tuaj në aplikimin e tyre.

Në ballafaqimin me pandeminë e COVID-19 këto janë masa të ndërmarra dhe të aplikuara edhe nga vendet tjera ku është rishfaqur valë e re dhe të cilat i kanë treguar efektet e tyre.

Prandaj, ju lutemi që t’iu përmbaheni të gjitha masave të shpallura dhe të respektoni në përpikmëri masat dhe oraret e lëvizjes të përcaktuara nga Ministria e Shëndetësisë dhe Qeveria e Republikës së Kosovës.

Ju lutemi që gjithmonë të respektoni masat e distancimit fizik dhe bartjen obligative të maskave, si dhe të mos qëndroni në grumbuj qoftë edhe në oborret e shtëpive tuaja apo para hapësirave tregtare dhe sporteleve, që të mos rrezikoni veten dhe familjet tuaja!

Të nderuar familjarë të të moshuarve: Ju lutemi kujdesuni për më të dashurit tuaj të moshuar dhe për nevojat e tyre, duke u siguruar që të mos dalin nga shtëpia pa nevoja të domosdoshme!

Gjithashtu ju lutemi që brenda familjes, të përkujdeseni duke respektuar të gjitha masat higjienike ndaj të moshuarve dhe personave me sëmundje kronike.

Te moshuarit dhe personat me sëmundje kronike rekomandohet që nëse duhet domosdoshmërisht të lëvizin, të shfrytëzojnë orët e hershme të mëngjesit.

Ju lutemi që t’i përmbaheni të gjitha rekomandimeve të Institutit Kombëtar të Shëndetësisë Publike.

Mbani maskat.

Mbani distancën fizike për së paku 2 metra dhe aplikoni masat e nevojshme higjienike.

Virusi nuk ka këmbë! Mos ia jepni këmbët ju!

NA NDIHMONI PAK QË TË JU NDIHMOJMË SHUMË!

QËNDRONI NË SHTËPI, KJO UA SHPËTON JETËN!/KosovaPress/

IKSHPK, apel qytetarëve të respektojnë masat kundër Covid-19 Read More »

Ministria e Shëndetësisë: 82 raste të reja, rritet numri i pacientëve në terapi intensive

Ministria e Shëndetësisë dhe Mbrojtjes Sociale ka informuar se brenda 24 orëve të fundit janë identifikuar 82 raste pozitivë me COVID-19

Mirela Cami, Drejtore e Operatorit të Shërbimeve të Kujdesit Shëndetësor u shpreh se “ kanë vijuar testimet për të dyshuar të prekur me Covid19 dhe vazhdon puna intensive e epidemiologëve në terren për gjurmimin aktiv të rasteve.

Situata në spitalin infektiv paraqitet serioze. Është rritur numri i të shtruarve dhe rëndohet situata shëndetësore e pacientëve në terapi intensive.

Aktualisht janë të shtruar 84 pacientë në spital, 11 pacientë janë në terapi intensive në gjendje serioze dhe 6 prej tyre janë të intubuar, në gjendje të rëndë.

Gjatë 24 orëve të fundit janë kryer 401 testime për të dyshuar të prekur me COVID19, nga të cilat janë konfirmuar 82 raste pozitive”.

Cami informoi se “shpërndarja gjeografike e rasteve është si vijon: 30 raste në Tiranë, 11 në Shkodër, 6 në Kukës, 5 në Elbasan, nga 4 raste në Bulqizë, Krujë, Berat, Malësi e Madhe, nga 3 raste Kavajë, Përmet, 2 në Korçë, nga 1 rast në Pukë, Mirditë, Kamëz, Gjirokastër, Tepelenë, Dibër.

Në 24 orët e fundit janë shëruar 41 qytetarë, duke e çuar në 1832 numrin e të shëruarve që nga fillimi i epidemisë.

Në vendin tonë aktualisht janë 1273 persona aktivë me COVID19, kryesisht në Tiranë, Shkodër, Krujë, Durrës’. Ndërkaq, ministria e Shëndetësisë dhe Mbrojtjes Sociale ka rekomanduar çdo qytetari të tregojë kujdes për respektimin e rregullave.

“Ruani distancën nga të tjerët të paktën 1.5 metër. Mbani maskë në ambiente të mbyllura dhe kudo ku nuk mund të ruani distancën. Ruani higjienën personale dhe kolektive. Nëse keni shenja të sëmundjes izolohuni dhe telefononi në numrin e Urgjencës Kombëtare 127 dhe në linjën e gjelbër 0800 40 40 për këshillim psikologjik apo çdo informacion për Covid19’.

COVID-19 – Statistika (9 Korrik 2020)
Testime totale (molekulare dhe serologjike) 31,093
Raste pozitive 3188
Raste të shëruara 1832
Raste Aktive 1273
Humbje jete 83 (Qarku Tiranë 46, Durrës 13, Fier 5, Vlorë 2, Shkodër 12, Kukës 1, Elbasan 2, Lezhë 1, Berat 1)

Shpërndarja gjeografike e rasteve aktive sipas qarqeve:
Tiranë 509
Durrës 215
Shkodër 173
Vlorë 116
Lezhë 64
Fier 41
Elbasan 33
Korçë 32
Kukës 32
Berat 24
Gjirokastër 17
Dibër 17/atsh

Ministria e Shëndetësisë: 82 raste të reja, rritet numri i pacientëve në terapi intensive Read More »

Komiteti teknik merr vendimin: Mbajtja e maskave me detyrim ose do gjobiteni

Komiteti Teknik i Ekspertëve vendos mbajtjen me det yrim të maskave në ambiente publike, masë e re anti-Covid pas shtimit të rasteve të reja me koronavirus.

Lajmin e bën me dije Gjeorgjina Kuli, anëtare e Komitetit Teknik të Ekspertëve për pandeminë.

Ajo tha se mbajtja e maskave do të bëhet e detyrueshme në ambiente të mbyllura dhe me shumë njerëz. Në të kundërt, personat që shkelin këtë masë të re, do të gj obiten.

Vendimi do të hyjë në fuqi në ditët në vijim.

Komiteti teknik merr vendimin: Mbajtja e maskave me detyrim ose do gjobiteni Read More »

Shefi i Urgjencës Brataj: Ja kush e shkaktoi dëmin më të madh në Shqipëri

Nëpërmjet një interviste të dhënë sot në televizionin “Oraneës”, Drejtori i Urgjencës Kombëtare Skënder Brataj, ka deklaruar se në lidhje me situatën e COVID-19 në vend, dëmin më të madh e kanë shkaktuar gjithologët të cilët nuk janë të asaj fushe.

“Ne ecim akoma me atë idenë që nuk ka virus. Është një ndarje e ndikuar nga shumë faktorë por që përkeqëson gjendjen dhe është shumë kritike. Duhet që të jenë vetëm profesionistët në këtë moment të thonë realitetin dhe jo të përcjellin mesazhe se mesazhet i përcjellin të gjithë. Por kush është realiteti është diçka tjetër.

Dëmin më të madh të shkaktuar nga gjithollogët që përcjellin një informacion jo të vërtetë që vjen si pasojë e një lumi informacionesh si pro dhe kundër realitetit. Dhe njerëzit e kanë të vështirë që të dinë me detaje sepse nuk janë të gjithë përpara televizioneve. Kur më pyesin a ka luajtur rol politika në këtë situatë. Normal që shumë persona luajnë rol, një politikan, një sportist, një VIP”, tha ai.

Shefi i Urgjencës Brataj: Ja kush e shkaktoi dëmin më të madh në Shqipëri Read More »

Rrëfimi prekës i gazetarit Buzhala: Babai në koma prej 5 ditësh, po të kthehesha pas do e mbaja maskën gjithë jetën

Një lajm i trishtë na vjen Kosova, teksa gazetari i njohur Berat Buzhala ka bërë me dije se babai i tij ndodhet në koma prej 5 ditësh. Shkak është bërë koronavirusi, pasi e gjithë familja Buzhala është prekur prej tij, tashmë prej 17 ditësh.

Berati çdo ditë raportonte gjendjen e tij dhe të familjes përmes shënimeve në facebook, ndërsa sonte ka dhënë lajmin e hidhur.

Përmes një rrëfimi të ndjerë në rrjete sociale, Buzhala thotë se po të kthehej pas në kohë do e mbante maskën gjithë jetën, si dhe i bën thirrje qytetarëve që të mos i neglizhojnë këshillat e mjekëve.

Rrëfimi i plotë i Buzhalës

Edhe po tutna, e edhe po pritoj me dale, ndonese kane kalu tashme ma shume se dy jave prej kur jam testu pozitivisht me Covid. Fatkeqesisht nuk kam qene i vetmi ne familje qe pata dale pozitiv, e fatkeqesisht ka prej nesh qe ende nuk po munden me i nxjerr kambet prej kesaj beteje te gjate, te lodhshme, e te merzitshme. E kam fjalen per baben. Gjendja e tij vazhdon me qene kritike, eshte ne kome qe 5 dite.

Cka po du me thane eshte kjo: Mbani ato maska, mbajeni distancen, e mbajeni edhe higjenen. Sikur te rikthehej gjendja sikur qysh ka qene para dy javesh kisha premtu qe do ta kisha mbajte masken per pjesen tjeter te jetes. Mirepo ajo nuk kthehet tashme, krejt cka mundemi me bo eshte me parandalu raste te tjera, me parandalu me shume fatkeqesi dhe me shume renie te shtetit.

Kjo lufte nuk do te zgjas edhe disa dite, e as edhe disa jave. Do te zgjas edhe disa muaj, kurse ne se bashku do te mund ta krijojme nje realitet te ri dhe te perkoheshem, por qe na mbron prej shume dramave familjare.

Une jam i bindun qe ne nje te ardhme jo shume te larget prape kemi me pase mundesi me ndejt truç me njani tjetrin, me kcy ne valle si te dalldisun, ama nuk kemi me pase mundesi me i pas afer vetes ata qe prej pakujdesise tone nuk i kemi afer vetes.

E kam thane edhe nje dite tjeter, ky vit eshte Viti i Mbrapshte, e jo ai qe ka thane Kadareja.

p.s.

Na pamundesi me ia thane te veshi, po kam nevoje me ia thane qitu babes se nuk ka gajle qe i ke pas prishe krejt mollat e dardhat me helm. Kisha pase qef me prishe hala….

Rrëfimi prekës i gazetarit Buzhala: Babai në koma prej 5 ditësh, po të kthehesha pas do e mbaja maskën gjithë jetën Read More »

Anëtarja e Komitetit Teknik të Ekspertëve, mjekja Kuli: Përdorim të detyrueshëm të maskave nga qytetarët, penalitete nëse nuk zbatohet

Mjekja Gjeorgjina Kuli, anëtare e Komitetit Teknik të Ekspertëve për pandeminë, u shpreh për zbatimin rigoroz të masave antiCOVID dhe për vendosjen me detyrim të maskave në ambientet ku ka shumë njerëz dhe në ambientet e mbyllura.

Gjatë një interviste televizive, Kuli theksoi se “ka strategji për çdo problematikë por në përgjithësi ne stimulojmë përdorimin e maskave. E kemi thënë që do ta bëjmë të detyrueshëm përdorimin e maskave, në të kundërt do të ketë një farë penaliteti, pasi ka kaluar faza e këshillimit, ndërsa duhet të vijoj zbatimi i distancimit fizik dhe larja e shpeshtë e duarve”.

“Komiteti Teknik, vijoi ajo në kuadrin e masave kundër COVID-19, insiston për ofrimin e punës online nga të gjitha institucionet”- tha ajo.

Kuli bëri apel për zbatimin e protokolleve antiCOVID në kopshte, institucione e ambiente publike.

“Në ambientet e mbyllura ose në ambientet e hapura ku nuk ruhet dot distanca dhe ka më shumë se 10 veta, patjetër do të jetë e detyrueshme maska dhe do të ketë penalitete në rast moszbatimi nga qytetarët. Komiteti Teknik në mbledhjen e fundit, ka vendosur që përdorimi i maskave të jetë i detyrueshëm dhe kjo do të zbatohet sa më shpejtë. Me këto shifra që shoh, të cilat janë stabël por janë në nivelin e lartë të kurbës mendoj që masa do të zbatohet shpejtë”- theksoi Kuli.

Ajo theksoi se aktivitetet me më shumë risk janë qëndrimi dhe ngrënia në një bar ose në ambiente të ngushta ndërsa palestrat duhet të jenë shumë mirë të ajrosura.

Mjekja Kuli u shpreh se është më mirë frekuentimi i detit sesa i pishinave dhe të mos përdoren shezlongët e të tjerëve. /atsh

Anëtarja e Komitetit Teknik të Ekspertëve, mjekja Kuli: Përdorim të detyrueshëm të maskave nga qytetarët, penalitete nëse nuk zbatohet Read More »

Manastirliu: Pacientë të rinj të shtruar në spital; respektoni masat, bëhuni pjesë e betejës së përbashkët

Ministrja e Shëndetësisë dhe Mbrojtjes Sociale, Ogerta Manastirliu i bëri apel sot qytetarëve të respektojnë masat për të frenuar përhapjen e COVID-19, ndërsa theksoi se në Spitalin Infektiv vijon të ketë pacientë të rinj të shtruar në spital, me simptoma të rënduara, si pasojë e virusit të rrezikshëm COVID-19.

“I gjithë shërbimi, duke filluar nga ekzaminimet, deri tek trajtimi në terapinë intensive realizohen në Spitalin Infektiv nga ekipi i specializuar i mjekëve, infermierëve dhe të gjithë stafit mbështetës, me vetëmohim e sakrificë që prej fillimit të epidemisë”, – tha Manastirliu.

Duke i bërë apel qytetarëve të respektojnë masat ministrja Manastirliu u shpreh se “bëhuni pjesë e betejës së përbashkët për të frenuar përhapjen e COVID19, duke respektuar rregullat. Ruani distancën nga të tjerët. Vendoseni maskën dhe kujdesuni për higjienën personale dhe kolektive”./atsh

Manastirliu: Pacientë të rinj të shtruar në spital; respektoni masat, bëhuni pjesë e betejës së përbashkët Read More »

Manastirliu: 90% e rasteve të dyshuara izolohen brenda 48 orëve

Në laboratorin e Institutit të Shëndetit Publik, punohet prej katër muajsh 24 orë në 7 ditë të javës, që rezultatet e testimit të jenë në kohë reale, për të izoluar vatrat dhe për të kufizuar përhapjen e infeksionit.

Ministrja e Shëndetësisë dhe Mbrojtjes Sociale, Ogerta Manastirliu deklaroi sot se 90% e rasteve të dyshuara izolohen brenda 48 orëve.

Manastirliu theksoi se qeveria po vijon të rrisë kapacitetet e testimit, për të garantuar hetimin epidemiologjik, që ndiqet me përgjegjësi dhe profesionalizëm nga ekspertët e shëndetit publik.

“Në këtë laborator reference, në Institutin e Shëndetit Publik, punohet prej katër muajsh 24 orë në 7 ditë të javës, që rezultatet e testimit të jenë në kohë reale, për të izoluar vatrat dhe për të kufizuar përhapjen e infeksionit. Është fakt se 90% e rasteve të dyshuara izolohen brenda 48 orëve”, deklaroi ministrja./atsh

Manastirliu: 90% e rasteve të dyshuara izolohen brenda 48 orëve Read More »