Rritje pagash për mjekët dhe infermierët sapo të fillojë viti i ri 2021.
Është ky premtimi që sapo bëri kryeministri Edi Rama nga COVID 1. Rama tha se është duke e shqyrtuar sa do jetë shifra e rritjes por paraprakisht bëri me dije se do jetë rritje e konsiderueshme.
“Ende jemi duke bërë kalkulime për shumën por përtej bonusit po flasim për gjithë mjekët e infermierët në gjithë Shqipërinë të jenë në një nivel në mesataren e lartë të rajonit. S’po flasim për një rritje të largët në kohë por për një rritje që do e fusim në buxhetin e ri dhe ta bëjmë fakt me të filluar viti i ardhshëm në mënyrë që sapo të fillojë viti mjekët dhe infermierët të kenë një rritje në pagë, si një mirënjohje dhe një vlerësim objektiv i detyruar”, tha Rama.
Një nga këshillat më të rëndësishme që na kanë thënë gjyshërit është që të mos hamë shumë rëndë në mbrëmje nëse duam të flemë mirë.
Këtë e konfirmojnë edhe studimet. Një prej tyre i publikuar në Wall Street Journal thotë se që të kuptojmë se si ushqimi ndikon tek gjumi, duhet të mësojmë çfarë ndodh në organizëm kur mbyllim sytë për të fjetur.
Çfarë Ndodh Në Trupin Tonë Kur Flemë?
Funksionet e trupit ngadalësohen ndërkohë që truri mbetet aktiv.
Temperatura e trupit bie ndërkohë që frymëmarrja ngadalësohet dhe tensioni i gjakut ulet.
Muskujt relaksohen ndërkohë që truri prodhon një amino acid që qetëson të gjithë sistemin nervor. Hormonet pësojnë një ulje të ndjeshme duke nisur me atë të stresit.
Hormonet si ghrelina dhe leptina të cilat rregullojnë nivelet e oreksti dhe ngopjes janë në ekuilibër të plotë.
Nivelet e insulinës rriten për të rregulluar sheqerin në gjak ndërsa melatonina dhe serotonina sinkronizojnë ciklin e gjumit dhe të zgjimit.
Si Ndikon Ushqimi Tek Gjumi
Ushqimet që ne hamë mund të ndikojnë ndjeshëm tek secili prej funksioneve të lartpërmendura.
Le të marrim rastin e akullores. Ekspertët këshillojnë që njerëzit ta hanë akulloren në drekë dhe jo në darkë.
Nëse hahet në drekë, niveli i sheqerit do të ketë kohën e duhur për tu ekuilibruar.
Nëse hani akullore në darkë, sistemi tretës duhet të punojë më fort për tretjen e saj dhe rrjedhimisht ndikon tek cilësia e gjumit.
Ekspertët thonë se ngrënia në një kohë shumë të vonë dhe përpara gjumit e vënë sistemin tretës në punë në një kohë kur i duhet të pushojë.
Nëse sistemi tretës është në punë, temperatura e trupit do të rritet, niveli i sheqerit do të ulet dhe të gjitha këto do ju prishin gjumin.
Mungesa e një gjumi cilësor më pas nxit njeriun të bëjë zgjedhje jo të shëndetshme në aspektin ushqimor dhe kështu rrezikohet më tepër nga sëmundjet.
Pra, bëhet fjalë për një rreth vicioz.
Ushqimet Që Nuk Duhet Të Hani Kurrë Para Gjumit
Ekspertët të cilëve u referohet AgroWeb.org thonë se nëse njerëzit duan të flenë mirë, ata duhet të frenohen ndaj ushqimeve të mëposhtme:
Çokollata e zezë,
AkullorjaKosi
Vera
Ushqimet pikante,
Të skuqurat
Mishi
Djathërat me yndyrë
Patatet
Sallamrat dhe salçicet.
Ushqimet Që Ju Bëjnë Të Flini Më Mirë
Ushqimet e mëposhtme janë shumë të mirë, sepse kanë serotoninë e melatoninë dhe ju ndihmojnë të flini si qingj
Mjeku Pëllumb Pipero ka kërkuar përdorimin e maskës edhe në vendet e hapura, për t’u mbrojtur nga virusi vdekjeprurës COVID. Në një lidhje me skype në Fax News, Pipero tha se në muajt në vijim padyshim që do të ketë një situatë më të vështirë në spitale, pasi mund të ketë dhe pacientë që preken nga viruset stinore, dhe që kanë nevojë për trajtim spitalor. Ai theksoi se do të ishte e mirë që maska të bëhej e detyrueshme dhe në ambiente të hapura, që qytetarët të mësoheshin me përdorimin e saj, veçanërisht në qytetet ku ka një numër më të madh popullsie.
“Situata në muajt e dimrit, padyshim që do të jetë më shqetësuese, për shkak se do kemi edhe viruse të tjera, siç është gripi i zakonshëm. Ne duhet të jemi të përgatitur, që me qarkullimin e virusit stinor do të kemi një rritje të mëtejshme të numrave. Unë kam qenë kundërshtar i maskës në mjedise të hapura, them dhe kërkoj që maskën secili duhet ta vendos tashmë dhe në rrugë, maska duhet të bëhet detyrim ligjor dhe në mjedise të hapura, veçanërisht në qytetet ku ka një popullim të madh njerëzish”, tha mjeku.
Rritjen e shifrave të infektimeve, mjeku i lidhi me ekspozimin e shtuar të verës, për shkak të lëvizjeve, apo pushimeve, një lloj shkujdesjeje që duket jashtë dyerve të spitaleve, ku ka ende njerëz që nuk besojnë. Sa u përket mjekimeve që mund të përdorin të infektuarit që kurohen në shtëpi, Pipero tha se nuk duhet të merret asnjë medikament pa këshillën e mjekut të familjes apo specialistëve. Sipas Piperos, vetëm në rast se kanë tre ditë me temperaturë më të lartë se 38 gradë celsius, personave të prekur mund t’iu rekomandohet përdorimi i medikamenteve, por asnjëherë me mendjen e tyre dhe nga farmacistët.
“Maska, distanca dhe higjiena, janë tre masa të rëndësishme, që mbrojnë secilin nga ne, dhe më pas të gjithë ne. E vetmja këshillë që kam për qytetarët, është kontakti i vazhdueshëm me mjekun e familjes, nuk duhet të përdorin medikamente pa këshillën e mjekut, kemi parë skema mjekimi që qarkullojnë, që është shumë e gabuar, pasi asnjë rast nuk mund ti ngjajë tjetrit. Shumica e rasteve që qëndrojnë në shtëpi nuk kanë nevojë për medikamente të veçanta, në çdo rast tjetër duhet të konsultohen me mjekët e familjes. Kemi me dhjetëra mesazhe nga qytetarë të ndryshëm, që edhe pse nuk na njohin na kontaktojnë.
Nëse nuk vazhdon temperatura mbi 38 gradë për më shumë se tre ditë nuk ka nevojë të përdorin as paracetamolin apo brufenin. Në rast se ajo shoqërohet me kollë apo dhimbje kockash, atëherë duhet të kontaktojnë menjëherë me mjekët e familjes. Mjeku i familjes është i trajnuar, dhe duhet medoemos që të luajë rol kryesor në pikën fillestare. Pa këshillën e mjekut të familjes nuk duhet të hedhim asnjë hap, nëse ata nuk na përgjigjen, duhet ti drejtohemi 127-tës, qytetarët nuk duhet të vrapojnë drejt farmacisë për të marrë medikamente. Duhet të pinë sa më shumë ujë, që të mbajnë në kontroll temperaturën e lartë të tyre.
Askush nga ne nuk është imun ndaj këtij virusi, shifrat e infektimeve te të rinjtë janë shumë të larta, veçanërisht në moshën mes 20-35 vjeç, ana e mirë është se ata rrallë sëmuren, por kjo nuk do të thotë që nuk e çojnë virusin në shtëpitë e tyre. Shijojini pushimet duke pasur kujdes, do të këshilloja natyrën dhe mjedisin jashtë, duhet medoemos që të kuptojnë se virusi qarkullon dhe na dëmton të gjithëve”, tha më tej Pipero.
Fryrja e barkut dhe akumulimi i mbetjeve në zorrën e trashë, janë shqetësime që prekin shumë njerëz. Por për të shfryrë barkun dhe për të pastruar zorrën e trashë, mund të përgatisni një ilaç natyral bazuar në dy përbërës: uthull molle dhe mjaltë.
Gjithë çfarë ju duhet janë dy lugë uthull molle, dy lugë mjaltë dhe një gotë e madhe me ujë të vakët.
Në një gotë të madhe me ujë të vakët, shtoni uthull molle dhe mjaltë dhe përzieni derisa mjalti të shkrihet. Rekomandohet që ta pini këtë pije çdo ditë për të përfituar nga efektet e tij më shëndet. Uthulla mollës është e pasur me përbërës bioaktivë, duke çka ndihmon në pastrimin e zorrës së trashë dhe shfryrjen e barkut.
Por në të njëjtën mënyrë kjo substancë ul presionin e gjakut dhe rregullon aktivitetin e zorrëve. Acetobakteri ka një veprim alkalik i cili përmirëson funksionimin e sistemit të tretjes. Po ashtu ndihmon për të lehtësuar muret e zorrës së trashë në rast irritimi.
Kësaj pije i shtohen edhe virtytet e mjaltit të cilat luftojnë kapsllëkun. Falë përmbajtjes së lartë të fruktozës, mjalti rregullon funksionet e zorrëve.
Kur bakteret e zorrëve fillojnë të fermentohen, ato janë në gjendje të tërheqin një sasi të madhe uji në zorrë duke vepruar si laksativ, shkruan noa.al.
Kombinimi i këtyre dy përbërësve lehtëson eliminimin e mbeturinave dhe toksinave të depozituara në zorrën e trashë si dhe forcojnë sistemin imunitar.
Gjithashtu ndihmojnë në luftimin e radikalëve të lirë dhe kundërveprojnë oksidimin qelizor. Tek këto veti shtohet veprimi i tyre antibakterial i krahasueshëm me një antibiotik. /noa.al
Shalqini është mjaft i preferuar në verë, për shkak se stimulon ndjesinë e freskisë dhe hidraton. Por nëse këtë gjë e kemi ditur, ka shumë e shumë arsye të tjera, të cilat do na bindin më shumë që ta konsumojnë.
Shalqini përbëhet në masën 95% nga uji dhe kjo bën që të shuajë etjen dhe ka një veprim të mirë diuretik. Pavarësisht shijes së ëmbël, shalqiri ka sasi të pakët sheqeri rreth 5% dhe ësht, në mesin e frutave të pasura me pulpë me më pak kalori nga të gjitha: 100 gram shalqi kanë vetëm 16 kalori .
Është gjithashtu i pasur me një sërë vitaminash, që nga A, beta-karoten, C, B1 dhe B6 dhe minerale si kaliumi dhe magnezi, çka e bënë shumë të dobishëm për mposhtjen e lodhjes për shkak të nxehtësisë. Këshillohet veçanërisht për sportistët, pasi mbron nga ngërçet muskulore.
Shalqini përmban gjithashtu në sasi më të vogla kalcium, fosfor dhe elementë të tjerë gjurmë thelbësore si hekuri, zinku dhe mangani, si dhe ka veti kundër stresit. Një studim i kohëve Universiteti Juntendo i Tokios, zbuloi efektivitetin e likopenit që gjendet tek shalqini në mbrojtjen e mushkërive të atyre që pinë duhan ose të atyre që jetojnë në zona me një shkallë të lartë ndotjeje.
Si dhe kur ta përdorim shalqinin
Për të përfituar më shumë nga vetitë e tij , është e rëndësishme të shijoni shalqinin në mënyrën e duhur dhe në kohën e duhur të ditës:
– Idealja është ta hani si një vakt të lehtë.
– Asnjëherë mos e konsumoni në fund të një vakti, sepse përmbajtja e tij e lartë e ujit do të vështirësojë tretjen.
– Nëse është e mundur, shmangni konsumin e tij në mbrëmje, sepse efekti diuretik mund t’ju shqetësojë gjatë natës.
– Mos përtypni farat: ato mund të shkaktojnë dhimbje të bezdisshme të zorrëve. /noa.al
Shefi i Urgjencës Kombëtare, Skender Brataj, ka postuar në rrjetn e tij social facebook, disa foto rrëqethëse me qëllim ndërgjegjësimin e njerëzve për respektimin e masave anti-Covid. Brataj shprehet se në qoftë se ky vi rus do të linte shenja të dukshme të pacientët atëherë ndërgjegjësimi i qytetarëve do të ishte më i madh.
“Po sikur ky virus të linte shenja të dukshme si Murtaja, Lia, Rubeola Fruthi si do të silleshim? A do tu afroheshim njerëzve të infektuar me Covid-19? A do ta përdornim maskën dhe distancën?Sigurisht që po, do të zbatonim dhe do të dëbonim këdo me shjenja të dukshme, ndoshta edhe me mënyra shumë agresive”, shkruan Brataj.
Duke dhënë shpresë se gjithçka do shkojë mirë e do kalojë, e ndërsa bën apel të mbrojmë veten e të tjerët duke respektuar masat, Brataj shkruan: “Çdo epidemi, çdo pandemi që ka kaluar njerëzimi ka pasur një fillim dhe një fund. E njëjta gjë do të ndodhi edhe me këtë virus”.
Postimi i plotë:
SIKUR COVID-19 TË PARAQITEJ ME SHENJA SI SËMUNDJET E TJERA EKZANTEMATIKE!
Në datën 1 korrik do të vendosja në faqen time një status me këtë titull nga i cili po mar disa fragmente!
CORONAVIRUSI, MIJËRA SHENJA TË SËMUNDJES QË NUK LË SHENJA!
Prerje nga maska në fytyrë, cikatriçe të krijuara nga orë dhe ditë të stërgjatura të përdorimit të tyre, irritime të fytyrës, lodhje, stres, ankth me kohë të pa përcaktuar. Këto janë shenjat që i referohen një ngjarje, një gjëje ose personave real në frontin e luftës me sëmundjen Covid-19.
Coronavirusi nuk shfaqet me shenja që vihen re, nuk le shenja të dukshme në trup si ndodh me murtajën, apo sëmundje të tjera ekzantemike, ai shkakton dëmtime në mushkëri, të cilat sytë nuk i shohin dot. Por të gjithë kanë parë fotot e arkivoleve të grumbulluara në dhomat e morgut të spitaleve, apo radhët e kamionave me arkivolë dhe askush nuk mund ti harrojë ato.
Po sikur ky virus të linte shenja të dukshme si Murtaja, Lia, Rubeola Fruthi si do të silleshim?
A do tu afroheshim njerëzve të infektuar me Covid-19? A do ta përdornim maskën dhe distancën?
Sigurisht që po, do të zbatonim dhe do të dëbonim këdo me shjenja të dukshme, ndoshta edhe me mënyra shumë agresive! Nëse duam të kujtohemi se çfarë rrezikojmë, atëher vendosni një imazh të një skaneri pulmonar ku të doni, në zyrë, në banesë, në punë dhe kujtohuni se çfarë mund tju shkaktoj kjo sëmundje! Çfarë kanë shkaktuar këto sëmundje njerëzimit në historinë humane duhet ta kujtojmë gjithmonë, në çdo moment!
Këto fotografi tregojnë se dëmtimi është i njëjtë. Covid-19 dëmton si sëmundjet infektive me shfaqje ekzantemike të dukshme, shkakton të njëjtat dëmtime të organeve të brendëshme si ato, rrezikon jetën njësoj si këto sëmundje!
GJITHÇKA DO TË SHKOJË MIRË. Çdo epidemi, çdo pandemi që ka kaluar njerëzimi ka pasur një fillim dhe një fund. E njëjta gjë do të ndodhi edhe me këtë virus. Është në dorën tënde, është në dorën tonë e ardhmja, jeta, familja, shoqëria. Mbro jetën, mbro familjen, mbro prindërit, mbro gjyshërit, mbro fëmijët, mbro shoqërinë! Beso profesionistët dhe institucionet, nuk ka teori konspirative, nuk ka çip, nuk ka 5G!
Ka coronavirus që të shkakton sëmundjen covid-19, ka parandalim, ka shërim, ka vdekje nga kjo sëmundje!
Bëj atë që varet nga ty: Përdor maskën në ambientet e mbyllura; Zbato rregullat e higjenës; Mbaj distancim fizik; Mos lejo të tjerët ti shkelin këto rregulla; Përqafo jetën; Së bashku do ja dalim; Konsideroje Covid-19 si sëmundjet infektive me dëmtime të jashtme për të kuptuar çfar ndodh brenda organizmit! Dr.Skender Brataj
Një studim i fundit sugjeron se ngrënia e dy fistikëve çdo darkë para se të bini të flini, lehtëson gjumin dhe garanton një gjumë të qetë
Doktorët Jack Losso dhe Millicent Yeboah-Awudzi, docentë në Louisiana State University, SHBA, kanë arritur në këtë përfundim pas një studimi të kryer.
U zbulua se fistikët përmbajnë melatoninë në një sasi të konsiderueshme dhe shumë më shumë nga ajo që gjendet tek drithërat, bishtajat, farat, frutat dhe perimet.
Melatonina është hormoni i cili rregullon gjumin tonë dhe sipas studimit, fistikët, përveçse përmbajnë një sasi të madhe melatonine, përmbajnë edhe lunasinë e cila po ashtu stimulon qetësinë.
Ndër të tjera tek fistikët gjenden polifenole të cilat përmirësojnë shëndetin tonë të përgjithshëm.
Studiuesit para se të arrinin në rezultatet e tyre, analizuan ekstraktin e melatoninës. Sasia e përftuar ishte rreth 660 nanogramë, ose disa herë më e lartë se në shumë ushqime të tjera. /noa.al