Shendetesi

Lëngu i përgatitur me bazë majdanozin dhe limon e mollë është konsideruar si një ndër recetat më të mira për ta nisur ditën, sidomos nëse je në grupin e atyre njerëzve që duan të bien nga pesha në një kohë të shkurtër.

Rezultatet e kësaj përzierjeje kanë arritur edhe në eliminimin e 3 kg në 5 ditë.

Lëngu i freskët nga majdanozi është i pasur me përbërës që ndihmojnë qarkullimin e oksigjenit në organizëm dhe nevojitet për funksionimin normal të gjëndrave të veshkës dhe tiroideve.

Majdanozi është i shkëlqyeshëm edhe kundër gurëve në veshka, por gjithashtu ndikon edhe te shëndeti i syve.

Kur flasim për humbjen në peshë, është i përdorshëm nëse kombinohet me lëngjet e tjera.

Mbi të gjitha është një recetë shumë e thjeshtë që mund ta përgatitësh në vetëm pak minuta.

Përbërësit:

Një tufë majdanozi

Një kokërr limon

1 mollë

Ujë

Përgatitja:

Shtrydhni lëngun e limonit dhe në blender shtoni majdanozin, mollën dhe ujin.

Përziejeni për pak sekonda dhe lëngu është gati.

Rekomandohet çdo mëngjes për pesë ditë.

Më pas, bëni pushim 10 ditë dhe riniseni edhe për pesë ditë të tjera.

Kujdes: Lëngu i majdanozit, kur përdoret për humbjen në peshë, është i përdorshëm nëse kombinohet me lëngjet e tjera.

Gjatë viteve, njerëzit kanë pirë alkool për arsye të ndryshme.

Mesatarisht, një person pi rreth 9.5 litra alkool në vit.

Përveç përfitimeve shëndetësore, në lidhje me lloje të caktuara të alkoolit, pirja e tepërt nuk është një zgjedhje e mirë.

Çfarë ndodh kur ndaloni pirjen e alkoolit për një muaj

Shumë njerëz kanë pyetur veten nëse është më mirë të heqin dorë nga pirja e alkoolit plotësisht për një muaj ose të ndalojnë pirjen e tij ngadalë, hap pas hapi gjatë gjithë vitit.

Edhe pse përgjigja për këtë pyetje është më se e qartë, sepse është gjithmonë një ide e mirë të mos bëni ndryshime ekstreme, është e vështirë për njerëzit të gjejnë ekuilibrin.

Heqja dorë nga pirja për 30 ditë mund të bëjë që të shihni të gjitha përfitimet që vijnë prej tij dhe të ndryshojë zakonet tuaja të pirjes përgjithmonë.

Hulumtimi i ri, i kryer nga Universiteti i Sussex, ka treguar se njerëzit që ndaluan pirjen e alkoolit kanë fituar kontroll mbi pirjen e tyre, dukej se kishin më shumë energji, kishin lëkurë më të mirë dhe kishin humbur peshë.

Psikologu i Sussex, Dr. Richard de Visser, i cili ishte përgjegjës për hulumtimin përfshiu mbi 800 njerëz të cilët ishin të gatshëm të merrnin pjesë në Janarin e Thatë në 2018. Rezultatet nga ky hulumtim kanë treguar se ata njerëz janë ende duke pirë më pak alkool në gusht .

Ndër disa prej gjërave që ata raportuan, ishin këto:

Ditët e pirjes u ulën mesatarisht nga 4.3 në 3.3 në javë

Njësitë e konsumuara për çdo ditë pirje ranë nga rreth 8.6 në 7.1

Shkalla e frekuencës së pirjes ra nga 3.4 në 2.1 në muaj

Profesori kryesor në hulumtim tha se kjo periudhë prove i ndihmon njerëzit të pinë më pak në planin afatgjatë. Ndër përfitimet e tjera, si kursimi i parave, gjumi më i mirë dhe humbja e peshës.

Si reagon trupi juaj kur hiqni dorë nga pirja e alkoolit

Shumë njerëz kanë pasur zakone të pijes për kaq shumë kohë, saqë ata në fakt nuk mund të shohin efektet e këqija që ka alkooli në mënyrën se si ndihen.

Efektet e lënies së pirjes për një muaj ndryshojnë me siguri nga personi në person, por të gjithë ata priren të ndjekin një model të ngjashëm.
/NOA.al

Një filxhan kafe në ditë është “ilaç”… kështu thonin të vjetërit vite më parë duke ngatërruar kënaqësinë dhe relaksin që merrnin nga zakoni i pirjes së kafesë. Por në fakt aroma e kafesë së freskët në mëngjes, jo vetëm që të hap sytë, por edhe të ndez shqisat e përgjumura.

Megjithatë, roli i kafesë në jetën tonë shkon përtej kësaj. Studimi më i fundit, të cilit i referohet ky shkrim, thotë se një filxhan kafeje në ditë ju ndihmon të humbisni në peshë, por edhe të mbroheni nga sëmundjet. Përpara se të vazhdoni së lexuari, duhet të dini që nuk ka asnjë formulë magjike për rënien nga pesha pa ndryshuar stilin e jetesës.

Me këtë, ekspertët thonë se të dhënat e studimit për kafenë, në asnjë mënyrë nuk nënkuptojnë që ju mund të bini nga pesha duke pirë një filxhan kafe. Por parasysh duhet të keni edhe faktin se duhet ta harroni të bini nga pesha nëse hani ushqime të pasura me yndyrë dhe nuk bëni aktivitet fizik.

Roli i kafesë në djegien e yndyrnave

Studimi, është i pari që ka zbuluar se si kafeina mund të aktivizojnë depozitat e yndyrnave të kafenjta që konsiderohen të mira. Këto yndyrna ju ndihmojnë të digjni më shumë kalori dhe të eliminoni yndyrnat e bardha e të dëmshme nga trupi. Në organizmin e njeriut gjenden dy lloj depozitash dhjamore: të mirat me ngjyrë të kafenjtë dhe të këqijat me ngjyrë të bardhë.

Yndyrnat e kafenjta janë të mira sepse e nxisin trupin të prodhojë më shumë energji për të djegur kaloritë. Yndyrnat e bardha akumulohen kur trupi ha më shumë kalori se sa djeg. Aktivizimi i yndyrnave të kafenjta shkakton disa reaksione zinxhir: trupi djeg më shumë kalori, nivelet e sheqerit në gjak ulen, kolesteroli ulet dhe kaloritë e djegura ndihmojnë në rënien nga pesha. Por hapa të tjerë për rënien nga pesha, përveç shijimit të kafesë së mëngjesit, janë: ushqyerja e shëndetshme, aktiviteti fizik por edhe gjumi cilësor. Hap tjetër i rëndësishëm, por jo i fundit për nga rëndësia, është konsumi sa më i lartë i frutave dhe perimeve dhe sa më i pakët i ushqimeve të përpunuara.
/NOA.al