Shendetesi

Rastet do shtohen dy javët në vijim, ta pranojmë të vërtetën pa panik

Kryeministri Edi Rama u shpreh sot se “në dy javët në vijim do të vijnë duke u shtuar numrat e të prekurve nga koronavirusi dhe rastet e vështira, të cilat duhet t’i presim pa asnjë panik”.

“Java që vjen dhe tjetra pas saj do të vijnë me numra të rritur. Dikush i quan në një artikull 2 javët e ngritjes të furtunës, prandaj duhet të jemi të përgatitur që t’i presim rezultatet e testeve dhe rastet e vështira sidomos që do të shtohen, pa asnjë panik”, tha Rama.

Kryeministri u shpreh se “duhet ta dimë të vërtetën, ta pranojmë atë siç është dhe të jetojmë me të me vetëdije çdo ditë”.

“Kam lexuar komentet tuaja kur më thoni se bëj gabim që flas për të keqen që do të na zmadhohet para syve në javët në vijim. Disa thonë se po i tremb, po i shqetësoj dhe po ua nxij jetën me pesimizmin tim. Unë nuk jam pesimist, asnjëherë dhe as këtë herë, por nuk më lejohet të mos ju them të vërtetën sado e papëlqyeshme të jetë dhe aq më tepër kur e vërteta lidhet me ju, me familjen tuaj, me popullin tonë pa përjashtim për asnjë shqiptarë si sot”, tha ai.

Rama tha se “duhet ta dimë të vërtetën aq më shumë në ditët e gjata të kësaj lufte që nuk do të jetë e shkurtër dhe do të na i bëjë javët të duken si vite dhe muajin të na duket si një shekull”.

“Duhet të bëjmë të gjitha ato që jemi të detyruar të bëjmë për të mbrojtur trupin tonë, të familjarëve dhe miqve tanë dhe të gjithë bashkë trupin e Shqipërisë, qelizat e të cilës jemi ne vetë”, tha ai./atsh

Rastet do shtohen dy javët në vijim, ta pranojmë të vërtetën pa panik Read More »

Përballja me COVID-19/ 497 mjekë dhe 617 infermierë u bashkohen vullnetarisht bluzave të bardha, 1 mijë euro bonus në muaj

“Thirrjes për të shërbyer vullnetarisht në vijën e parë të luftës me koronavirusin i janë përgjigjur deri tani 497 mjekë dhe 617 infermierë”, bëri të ditur sot kryeministri Edi Rama.

Rama tha se “ky është një lajm i bukur që dëshmon gatishmërinë njerëzore dhe profesionale në këtë kohë të errët për vendin”.

“Lajmi i bukur fare sot është se thirrjes sonë, të Ogertës dhe dekanit të Fakultetit të Mjekësisë dje, për të shërbyer vullnetarisht në vijën e parë të luftës me armikun, i janë përgjigjur deri tani 497 mjekë dhe 617 infermierë. Një gatishmëri njerëzore dhe profesionale që në këtë kohë të errët për vendin realisht të rrënqeth mishin për humanizmin dhe patriotizmin e mbi 1 mijë bluzave të bardha, gra e burra, që pa asnjë detyrim janë gati të sakrifikojnë jo pak për të kuruar plagë dhe shpëtuar jetë të rrezikuara shumë seriozisht”, tha Rama.

Ndërsa shprehu mirënjohjen për të gjithë, Rama përsëriti se për të gjithë mjekët dhe infermierët që janë aktualisht në atë vijë zjarri, paga e marsit do të jepet me një bonus prej 1 mijë eurosh, që do të vazhdojë mbi rrogën edhe në muajt në vijim deri në përfundimin e kësaj lufte”.

“Ky bonus do t’i jepet dhe të gjithë vullnetarëve që do të thirren në front dhe është më e pakta që e mund të bëjmë për bluzat e bardha që përsëri, njësoj si pas tërmetit, por këtë herë në një situatë pakrahasimisht sfiduese për ta, po e tregojnë se sa të padrejtë jemi kur vetëm i shajmë dhe i përbaltim mjekët dhe infermierët me lloj-lloj komentesh në jetën e përditshme”, tha Rama. /atsh

Përballja me COVID-19/ 497 mjekë dhe 617 infermierë u bashkohen vullnetarisht bluzave të bardha, 1 mijë euro bonus në muaj Read More »

“Stolat e parqeve e këndet e lodrave burim rreziku”/ Rama: Mos i lejoni të moshuarit e fëmijët të dalin, kjo është lojë me jetën

Kryeministri Edi Rama ndau sot një video ku persona të moshuar shihen në rrugët e kryeqytetit, ndërsa u shpreh se “kjo që ndodh me këto dy gjyshet dhe me ata gjyshërit ulur atje mbrapa, është e frikshme dhe krejtësisht e pajustifikueshme për familjarët e tyre”.

Rama tha se “për këto mosha kjo është lojë me jetën”.

“Ju lutem mos i lejoni të moshuarit dhe fëmijët të dalin nga shtëpia, ju lutem! Stolat e parqeve dhe këndet e lodrave në natyrë janë burim rreziku! Prandaj parku i liqenit dhe të gjitha hapësirat rekreative në çdo qytet, do të jenë të ndaluara për të gjithë! Frikë aspak, kujdes po”, tha Rama./atsh

“Stolat e parqeve e këndet e lodrave burim rreziku”/ Rama: Mos i lejoni të moshuarit e fëmijët të dalin, kjo është lojë me jetën Read More »

ISHP, fakte mbi transmetimin e COVID-19

Koronaviruset janё një familje e madhe virusesh që shkaktojnë sëmundje nga më të lehtat deri tek ato tepër të rënda.

Instituti i Shëndetit Publik i ka dhënë përgjigje disa pyetjeve të cila lidhen me këtë sëmundje dhe përhapjen e tij.

A mund të transmetohen Koronaviruset dhe Koronavirus i ri nga një person tek tjetri?

Po, disa koronaviruse mund të transmetohen nga një person tek tjetri, zakonisht pas kontaktit të ngushtë me një pacient të infektuar, për shembull midis anëtarëve të familjes ose në një mjedis të kujdesit shëndetësor.

Koronavirus i ri, përgjegjës për sëmundjen e COVID-19 gjithashtu mund të transmetohet nga një person tek tjetri përmes kontaktit të ngushtë me një rast të infektuar.

Si transmetohet Koronavirus i ri nga një person tek tjetri?

Koronavirus i ri është një virus i rrugëve të frymëmarrjes që përhapet kryesisht përmes kontaktit të ngushtë me një person të sëmurë. Mënyrat kryesore të përhapjes nga personi i infektuar janë nëpërmjet:

pështymës, kollitjes dhe teshtitjes, kontakteve personale të drejtpërdrejta

duarve, për shembull duke prekur me duart e ndotura (ende jo të lara) gojën, hundën apo sytë, në raste të rralla, infeksioni mund të ndodhë përmes kontaminimit fekal.

Zakonisht sëmundjet e frymëmarrjes nuk transmetohen me ushqim, i cili në çdo rast duhet të trajtohet duke respektuar praktikat e mira të higjienës dhe duke shmangur kontaktin midis ushqimit të papërpunuar dhe atij të gatuar. Gjithsesi, ende vazhdojnë studimet për të kuptuar më mirë se si transmetohet ky lloj virusi.

Si të trajtojmë “kontaktin e ngushtë” të një rasti të konfirmuar me COVID-19?

Çdo individ që raporton çfaredolloj kontakti me një rast të dyshuar, të mundshëm ose të konfirmuar me 2019 n-CoV duhet të raportohet pranë NJVKSH-së përkatëse menjëherë, dhe më pas, prej NJVKSH ose pranë ISHP-së me formularin e hetimit. Kjo procedurë duhet të kryhet menjëherë dhe brenda 24-orëve.

Sa më shpejt të jetë e mundur, NJVKSH në bashkëpunim me ISHP-në, fillon identifikimin e personave që kanë patur të njëjtin ekspozim si rasti i dyshuar apo i mundshëm (subjekte të ko- ekspozuara) dhe subjekteve që kishin kontakt të ngushtë me rastin gjatë periudhës së tij simptomatike ose dhe perpara shfaqjes se shenjave klinike.

Në pritje të konfirmimit të rastit, për shkak të paqartësive të rëndësishme të deritanishme në lidhje me këtë sëmundje cdo kontakt duhet te mbahet ne vetekarantine dhe pas konfirmimit te rastit, kontaktet qendrojne ne vetekarantine apo në një mjedis të përshtatur si karantine per te siguruar distancimin social te tyre duke zbatuar rregullat e karantines.

A është e vërtetë që Koronavirusi i ri mund të transmetohet përmes kontaktit me shufrat apo dorezat mbajtëse të autobusëve duke qenë afër një personi që kollitet?

Bazuar në të dhënat e disponueshme, konsiderohet shumë e pamundur që një infeksion të mund të merret përmes shufrave apo dorezave mbajtëse të autobusit. Nga ana tjetër, aktualisht jemi në mes të sezonit të gripit. Prandaj, nëse shfaqen simptoma të tilla si ethe, kollë, dhimbje të fytit, dhimbje koke dhe, veçanërisht, vështirësi në frymëmarrje, duhet të konsultoheni me mjekun tuaj. Sidoqoftë, për të parandaluar infeksionet, përfshirë infeksionet e frymëmarrjes, është praktikë e mirë të lani duart shpesh dhe me kujdes pasi të prekni objektet dhe sipërfaqet potencialisht të ndotura para se të prekni fytyrën, sytë dhe gojën. /atsh

ISHP, fakte mbi transmetimin e COVID-19 Read More »

COVID 19/ Brataj: Si përballohen shenjat e gripit në shtëpi, telefononi 127 vetëm nëse keni vërtet nevojë

Shefi i urgjencës kombëtare Skënder Brataj shpjegoi në një intervistë për mediet, të shtunën se si duhet vepruar kur shfaqen sintomat e gripit, që jo doemos janë COVID 19, koronavirusi i ri.

Brataj shpjegoi të gjitha hapat që duhet të ndjekin qytetarët kur kanë simptoma si temperature, dhimbje fyti, vështirësi frymëmarrje…etj.

“Sikur e komunikoi edhe Ministria e Shëndetësisë numri i të prekurve me koronavirus ka shkuar në 38. Në në këtë moment po presim për një numër shumë të madh thirrjesh. Ajo që doja të thoja përpara se të jap shifra, është një mesazh për qytetarët. Të gjithë ata që marrin në telefon 127, le të presin në radhë, pasi brenda disa sekondash ose minutash, do të marrin përgjigje nga 127. Nëse ata që marrin në telefon dhe do ritentojnë ato do të presin sërish në radhë. Do të kalojnë në radhë pas atyre që kanë telefonuar para tyre”,- tha Brataj.

“Qytetarët duhet të telefonojnë 127 vetëm nëse kanë vërtetë nevojë. Përsa i përket personave të infektuar deri në këtë moment janë në gjendje stacionare, nuk ka përkeqësim të tyre. Duke parë eksperiencën e Kinës dhe Italisë në këto ditë edhe pse u vendosën masa të rrepta në Tiranë dhe Durrës njerëzit janë spostuar drejt qyteteve të tjera ku nuk ishte e ndaluar lëvizja. Ky ishte edhe gabimi që bëri Italia, derisa u shpall zonë e kuqe e gjitha”,- sqaroi Brataj.

“E njëjta gjë ndodhi edhe në vendin tonë. Numri i të infektuarve normal që do të rritet për arsye të shkaqeve që thamë pak më parë. Ajo që dua t’iu them qytetarëve është sesi të veprojnë nëse do të kenë simptoma: Personat që kanë ardhur nga Italia dhe personat që e dinë se kanë qenë të infektuar me COVID-19 nuk duhet të kërkojnë më tampona sepse nuk ka më sens. Nëse këta persona kanë këtë histori udhëtimi apo kontakti me persona të infektuar dhe kanë simptoma si temperaturë dhe do të zgjasë më shumë se dy ditë më poshtë se 38.5 ju këshillohet që të marrin paracetamol 500 deri në 1000 miligramë sipas peshës. Kryesisht të rriturit duhet të marrin 1000 miligramë sepse ata ritelefonojnë sërish, pasi janë të shqetësuar kur nuk iu ulet temperatura”,- nënvizoi Brataj.

“Temperatura nuk ulet, pasi doza është e ulët. Prandaj janë të këshilluar të marrin 1000 miligramë. Nëse temperatura është mbi 38.5 janë të këshilluar të marrin 400-600 miligramë. Në qoftë se shfaqen simptoma qytetarët duhet të marrin shurup për qetësimin e kollës. Të marrin si terapi mbështetëse, duhet të marrin vitaminë C dhe B, çaj, lëngje frutash, ujë, ushqime të shëndetshme dhe mbi të gjitha fruta dhe perime. Nëse qytetarët i kanë të avancuara simptomat, si vështirësi në frymëmarrje, kur nuk mbushen dot me frymë, duhet të konsultohen me mjekun e thirrjes për të marrë si terapi edhe antibiotikë. Nëse problemet me frymarrjen vështirësohen duhet të merret 127 për t’u shoqëruar drejt spitalit”,- tha Brataj.

“Nëse qytetari do të ketë dhimbje fyti, këshillohet ‘spraj propolis’ ose ‘brufen’ 400- 600 miligramë të paktën për tre ditë, dy deri në tre herë në ditë pas ushqimit. Një gjë tjetër shumë e rëndësishme është se nëse personat do të kenë edhe të dridhura do të thotë se do të rritet temperatura dhe nuk këshillohet mbulimi me rroba apo batanije i tyre, përkundrazi duhet të matet temperatura dhe të bëhet trajtimi i tyre me antibiotikë. Nëse nuk ulet temperatura duhet të përdorim kompresa me ujë të vakët në sqetulla, në qafë, në ballë për të ulur temperaturën e brendshme të organizimit. Në qoftë se qytetarët do të kenë diarre, pra bark, atëherë përdorin ‘Loperaminë’ ose ‘Fustopak’. Nëse do të kenë dy ose tre dalje në banjë atëherë qytetarët duhet të marrin 2 kokrra ‘Loperaminë’ më pas nga një. Nëse do të kenë të vjella qytetarët duhet të marrin ‘ Reglanë’, ‘Demoprazol’”,- tha ai./atsh

COVID 19/ Brataj: Si përballohen shenjat e gripit në shtëpi, telefononi 127 vetëm nëse keni vërtet nevojë Read More »

Meta i bashkohet thirrjes së Manastirliut: Profesionistët e shëndetit dhe studentë të Mjekësisë të na bashkohen në luftën me COVID-19

Presidenti Ilir Meta i është bashkuar apelit të Ministrisë së Shëndetësisë dhe Mbrojtjes Sociale, që gjatë ditës së shtunë u bëri thirrje të publike të gjithë mjekëve, infermierëve dhe studentëve të mjekësisë që duan të japin kontributin e tyre, t’i bashkohen ekipeve mjekësore në terren, në kuadër të luftës ndaj Coronavirusit të ri, COVID- 19.

Meta ka përcjellë thirrjen e ministres Manastirliu dhe rektorit të Universitetit të Mjekësisë prof. Arben Gjata për mjekët dhe infermierët dhe studentët e mjekësisë që duan të kontribuojnë në përballimin e situatës së COVID-19, t’i bashkohen ekipeve mjekësore në terren.

Kushdo që është i gatshëm të kontribuojë, të aplikojë në të dy portalet: “Mjekë për Shqipërinë” dhe “Infermierë për Shqipërinë” për t’iu bashkuar ekipeve të shëndetësisë përgjatë kësaj kohe të vështirë për të gjithë./atsh

Meta i bashkohet thirrjes së Manastirliut: Profesionistët e shëndetit dhe studentë të Mjekësisë të na bashkohen në luftën me COVID-19 Read More »

Q.SH. Orikum në krye të detyrës. Për çdo shqetësim në lidhje me Coronavirusin duhet të…

Per ti ardhe ne ndihme cdo banori qe mund te kete shqetesime ne lidhje me Coronavirusin po ju percjellim nje postim te Qendres Shendetesore Orikum:

Q.SH. Orikum në krye të detyrës
Qëndroni në shtëpi, bashkë do ja dalim!
Telefono 📞 127 për çdo shqetësim në lidhje me Coronavirusin e ri.
•Temperaturë, ethe 🤒
•Kollë 😷
•Vështirësi në frymëmarrje

Q.SH. Orikum në krye të detyrës. Për çdo shqetësim në lidhje me Coronavirusin duhet të… Read More »

Koronavirusi/ Apeli i Çomos: Do t’ia dalim, kemi profesionistë të shkëlqyer që kanë sakrifikuar në shumë epidemi

Ministrja e Shëndetësisë dhe Mbrojtjes Sociale, Ogerta Manastirliu ka publikuar deklaratën e profesoreshës dhe njëherazi shefe e Infektivit, Najada Çomo e cila u bën apel qytetarëve që të qëndrojnë në shtëpi.

“A do t’ia dalim? Po! Ne po bëjmë gjithcka për të shërbyer në këtë pandemi globale. Do t’ia dalim, sepse kemi profesionistë të shkëlqyer që kanë sakrifikuar në shumë epidemi. Ju lutem, mos cënoni punën dhe aftësitë e Shërbimit Infektiv ndër vite. Pacienti është i pari. Ne me të. Vetëm së bashku do të mund t’ia dalim”, – thotë Çomo./atsh

Koronavirusi/ Apeli i Çomos: Do t’ia dalim, kemi profesionistë të shkëlqyer që kanë sakrifikuar në shumë epidemi Read More »