Shendetesi

Gjata: Mundësia më e mirë që ka Shqipëria është që njerëzit të qëndrojnë në shtëpi

– Koordinatori Kombëtar i taskforcës për Burimet Njerezore, njëherazi Rektor i Universitetit të Mjekësise, Arben Gjata u shpreh se masat që janë marrë në zbatim të rekomandimeve të Organizatës Botërore të Shëndetësisë dhe kapacitetet e spitaleve tona, kanë mundësnë e përballimit të situatës së krijuar nga koronavirusi.

Gjatë një interviste televizive, Gjata tha se “janë krijuar dy taskforca një prej të cilave merret me koordinimin e shërbimit të anestezive në rang kombëtar dhe tjetra është për burimet njerëzore. Kemi filluar një program trajnimi për të gjithë stafin spitalor, në mënyrë që të dimë se kush janë shenjat dhe të mos jemi të papërgatitur”.

Duke folur për situatën aktuale, ai tha se, “në reanimacion janë tre persona. Qëndrimi im ka qenë për masa ekstreme që ditën e parë, të cilat sot janë të tilla dhe po zbatohen nga të gjithë, me përjashtim të atyre hallkave që janë të domosdoshme për t’ i shërbyer shoqërisë, si furrat e bukës apo njësitë e fruta-perimeve. Mundësia e vetme dhe më e mirë që ka Shqipëria është që njerëzit të qëndrojnë në shtëpi”.

Gjithashtu ai shpjegoi se maskat e thjeshta kirurgjikale nuk janë për të mbrojtur personin, por janë për të mbrojtur të tjerët.

Gjata u shpreh se, Shqipëria ka 9 mijë shtretër dhe shërimi i të prekurve kërkon tre javë.

Ndërsa, përsa i takon zgjedhjeve në universitet të parashikuara për t’u mbajtur më 8 maj, Gjata tha se ato do të shtyhen në një moment të dytë për shkak të situatës./atsh

Gjata: Mundësia më e mirë që ka Shqipëria është që njerëzit të qëndrojnë në shtëpi Read More »

Vlonjati ofron ndihmën e tij: ‘Meqënese e ndjej veten shumë mirë me imunitet të fort.Jam i gatshëm të ndihmoj si vullnetar…’

Qytetari nga Vlora Arben Abazaj ofron ndihmën e tij si vullnetar në këtë situatë të vështirë që po kalon vendi ynë për shkak te virusit covid-19.

“Jam i gatshem te ndihmoj si vullnetar nese do duhej te ndihmoheshin njerezit ne nevoje ne keto raste!’- shkruan qytetari në faqen e tij në facebook.

Statusi:

Meqenese e ndjej veten shume mire me imunitet te fort, po ashtu edhe te gjitha analizat, perfshi edhe checkup, me nxoren shume mire ne te gjitha organet, ( para dy muajsh te kryera), jam i gatshem te ndihmoj si vullnetar nese do duhej te ndihmoheshin njerezit ne nevoje ne keto raste!

Uroj qe dikush nga autoritetet ta lexoje!
Deri me tani ka folur vetem kryeministri dhe me ate jemi marre, virusi ende s’ka folur, nuk di nese do kemi po kaq vullnet e humor kur virusi te flas vertet!

K.A
@laberianews

Vlonjati ofron ndihmën e tij: ‘Meqënese e ndjej veten shumë mirë me imunitet të fort.Jam i gatshëm të ndihmoj si vullnetar…’ Read More »

Manastirliu: Nëse keni shenja të COVID-19 telefoni Urgjencën Kombëtare ‘127’ dhe ndiqni udhëzimet që do ju jepen

Ministrja e Shëndetësisë dhe Mbrojtjes Sociale, Ogerta Manastirliu u kërkoi sot qytetarëve zbatimin e vendimit për qëndrimin në shtëpi, si masa thelbësore për frenimin e përhapjesë së COVID-19, çka do tu lejonte edhe ekipit mjekësor të përballonin sitatën.

“Zbatimi i vendimit për qëndrimin në shtëpi duhet ndjekur nga të gjithë. Duket e vështirë por është thjesht të bësh më të mirën, për veten dhe kë të rrethon|, deklaroi Manastirliu.

Ministrja siguroi se personeli mjekësor është në krye të detyrës si çdo ditë.

“Por që të shërbejë siç duhet, zbatoni rregullin që të mos drejtoheni në spitale pa patur urgjencë shëndetësore. Nëse keni shenja të Covid-19 të telefoni Urgjencën Kombëtare në numrin 127 dhe të ndiqni udhëzimet që do ju jepen”, apeloi ministrja.

Sipas ministres, sjellja individuale është thelbësore në kufizimin e përhapjes së Covid-19 ndaj kërkojmë bashkëpunimin e secilit prej jush./atsh

Manastirliu: Nëse keni shenja të COVID-19 telefoni Urgjencën Kombëtare ‘127’ dhe ndiqni udhëzimet që do ju jepen Read More »

Ambasadori britanik, Norman: Profesionistët e shëndetësisë në Shqipëri po bëjnë një punë të shkëlqyer

Profesionistët e shëndetësisë në Shqipëri po bëjnë një punë të shkëlqyer

Ambasadori i Mbretërisë së Bashkuar në Tiranë, Duncan Norman ka shpërndarë mesazhin e ambasadorit të Bashkimit Europian në Shqipëri, Luigi Soreca.

“Jam dakord plotësisht me kolegun tim të BE-së. Kjo është një kohë për solidaritet dhe mbështetje reciproke. Profesionistët e shëndetësisë në Shqipëri po bëjnë një punë të shkëlqyer! , ka theksuar ambasadori britanik Norman.

Ndërsa Soreca ishte shprehur se, “mendimi ynë sot për të gjithë profesionistët e kujdesit shëndetësor në Shqipëri, të cilët janë duke punuar gjatë gjithë kohës dhe nën një presion të madh për të na mbajtur të mbrojtur gjatë kësaj pandemie koronavirus. Ne jemi kaq mirënjohës për angazhimin tuaj në këto periudha të vështira”./atsh

Ambasadori britanik, Norman: Profesionistët e shëndetësisë në Shqipëri po bëjnë një punë të shkëlqyer Read More »

Mjeku Ylli: Shqipëria ndodhet pranë fazës së dytë të përhapjes së COVID-

Mjeku epidemiolog Alban Ylli tha sot se përhapja e COVID-19 kalon në dy faza dhe Shqipëria ndodhet pranë fazës së dytë.

Në një lidhje direkte për një studio televizive, Ylli komentoi situatën e krijuar në vend, pas përhapjes së COVID-19.

Faza e parë, sipas tij, dyfishon numrin e të infektuarve çdo pesë ditë, kurse faza e dytë thekson doktori rrit eksponencialisht në çdo dy apo tri ditë numrin e të infektuarve.

Ai theksoi se shteti fqinj i Italisë dhe shumë vende të Europës Perëndimore ndodhen aktualisht në fazën e dytë.

Sipas epidemiologut, Shqipëria ndodhet shumë pranë fazës së dytë, por beson fort në faktin se masat e aplikuara prej autoriteteve për distancimin social do të japin impakt pozitiv në uljen e kurbës së epidemisë.

“Duhet të theksojmë se çdo epidemi në secilin vend ndjek linja karakteristike, por megjithatë ka diçka që i bashkon ato. Pas fazës së parë, ku rastet fillojnë të përhapen në popullate me një ritëm, i cili dyfishohet çdo pesë ditë, vjen një fazë e dytë që quhet faza eksponenciale e epidemisë gjatë të cilës rastet dyfishohen çdo dy apo tri ditë. Pra, kjo është faza ku ndodhet sot Italia dhe shumica e vendeve të Europës Perëndimore”, tha ai.

Sipas Yllit, “Shqipëria duket se është afër kësaj faze, por unë shpresoj që masat drastike të marra në vendin tonë për distancimin social kanë filluar në kohën e duhur”.

“Ndoshta ne do të kemi mundësi të shohim një qarkullim më të ngadalësuar të virusit dhe zbutje të kurbës se epidemisë, nga njëra ana për të shpëtuar jetën e individëve dhe për të ulur stresin mbi sistemin shëndetësor”, tha ai.

Gjithashtu mjeku ka dhe një apel të fortë për të gjithë qytetarët, ku kërkon prej tyre respektimin me rigorozitet të të gjithë rregullave të caktuara nga autoritetet shtetërore

“Është thelbësore për sot të zbatohen masat, sepse kjo do të bëjë të mundur që kurba e epidemisë në Shqipëri do të ndjekë një profil të ndryshëm nga ajo që vihet re në Itali”, shtoi ai.

Ylli tha se “nga ata që janë konfirmuar me COVID-19 në Shqipëri, ka një lidhje të qartë me epideminë italiane, në shumicën dërrmuese ata janë të lidhur me epideminë italiane dhe ende duket se virusi nuk ka filluar qarkullimin intensiv në popullatën shqiptare”.

I pyetur lidhur me kapacitetin e testimeve në Shqipëri, Ylli tha se në fazën në të cilën ndodhemi, nëse do të shohim treguesit, Shqipëria ka një ritëm testimi të ngjashëm me Italinë. “I rëndësishëm është niveli i pozitivëve mes atyre që testohen, ne e kemi të ngjashëm me Italinë dhe e kemi mes 7-8%, SHBA e kanë rreth 20%. Nuk e besoj se do të jetë e nevojshme në këtë fazë që Shqipëria të ndjekë modelin e Koresë së Jugut, ku është kryer testimi masiv i popullatës ku 99% apo 98.5 % e të testuarve dilnin negativë”, tha ai.

Për fazën në të cilën ndodhemi, Ylli tha se testimi është i arsyeshëm. “Me zhvillimin e mëtejshëm të epidemisë Shqipëria do të adaptohet si nga pikëpamja e stokut të kiteve, por edhe nga pikëpamja e ndjekjes së rasteve në terren. Epidemiologët janë duke kryer gjurmim të rasteve, janë duke identifikuar mbi 50% të kontakteve dhe duket se kjo ka dhënë efektin e vetë nga pikëpamja e testimit dhe një frenim fillestar të qarkullimit të rasteve të ardhura nga Italia”, tha ai.

Mjeku epidemiolog tha se “asnjë vend në botë nuk besoj se do të kalojë lehtësisht një epidemi të kësaj natyre, ku sistemi i vetë shëndetësor nuk do të ketë asnjë problem”.

“Sistemi shëndetësor pa dyshim do të vendoset nën stres. Unë besoj nga përvojat e kaluara të vendet e tjera, që e kanë kaluar këtë epidemi, Shqipëria me sistemin e vetë shëndetësor ka një aftësi për t’u adaptuar në kohë me kriza të tilla, emergjenca të tilla. Ndaj kam besim se Shqipëria do të adaptohet në kohë me krizën para së cilës ndodhemi dhe do të përballoj me kujdesin e nevojshëm klinik dhe të ndihmës respiratore për të gjithë personat që do të kenë nevojë”, tha ai.

Ylli theksoi se të gjithë sistemet shëndetësore në botë janë të mbushura me stres, ndaj dhe individët që kanë shenja të lehta nuk është e nevojshme të kërkojnë ndihmën mjekësore”./atsh

Mjeku Ylli: Shqipëria ndodhet pranë fazës së dytë të përhapjes së COVID- Read More »

Braçe apel qytetarëve: Qëndroni në shtëpi në këto javë kritike

Zëvendëskryeministri Erion Braçe ju bënë apel qytetarëve të rrinë në shtëpi në javët më kritike, ku të tjerë njerëz mund të dalin të infektuar nga koronavirusi dhe të tjerë njerëz mund të infektojnë.

Braçe shprehet se “diell, por është java më e vështirë e mundshme. Koha e inkubacionit përputhet me këtë javë, kjo mund të sjellë të tjerë njerëz të infektuar dhe ata mund të infektojnë edhe më shumë njerëz!”.

“Ndaj rri në shtëpinë tënde! Veçanërisht të moshuarit, fëmijët që bartin e transmetojnë, cilido tjetër që vuan nga patologji të tjera, të cilat të kombinuara me koronavirus, vrasin!”, apelon ai.

Po ashtu, Braçe shtoi se “kemi zgjedhur të mbrojmë jetën tënde!T’i duhet të bashkëpunosh!Zbato rregullat! Nise duke ndenjur në shtëpinë tënde në javën me kritike!”./atsh

Braçe apel qytetarëve: Qëndroni në shtëpi në këto javë kritike Read More »

Videomesazhi emocionues nga Rama: Sot jemi një për njëri-tjetrin, për Shqipërinë

Kryeministri Edi Rama u thotë “Mirëmëngjes!” të gjithë shqiptarëve me këngën hit “Po ku ka si ty, moj Shqipëria ime”, interpretuar nga bilbili i muzikës shqiptare Vaçe Zela.

“SOT JEMI NJË PËR NJËRI-TJETRIN PËR SHQIPËRINË”, ky është mesazhi i kurajos dhe besimit që përcjell Kryeministri Edi Rama në këtë situatë të pazakontë krijuar nga pandemia e koronavirusit COVID-19./atsh

Videomesazhi emocionues nga Rama: Sot jemi një për njëri-tjetrin, për Shqipërinë Read More »

Vlorë – Asnjë rast me covid-19/ Natë e qetë në urgjencë, kufizoni në ekstrem lëvizjet

Asnjë rast me koronavirus nè qytetin e Vlorës deri tani.

Këtë bèn tè ditur Drejtoresha e spitalit Bruna Mersini e cila nëpërmjet një statusi në rrjetin e saj facebook shkruan:

‘Miremengjes.Nate e qete, ne urgjence, ,por eshte detyrim i githsecilit nga ne te kuptoj qe jemi ne nje lufte,qe armiku i padukshem ka hyre ne qytet sepse jemi qytet me numer te larte udhetaresh nga vendet e prekura ,Kufizoni ne ekstrem levizjet’ – Shkruan drejtoresha e spitalit.

Statusi i plotë:

Miremengjes.Nate e qete, ne urgjence🙏, ,por eshte detyrim i githsecilit nga ne te kuptoj qe jemi ne nje lufte,qe armiku i padukshem ka hyre ne qytet sepse jemi qytet me numer te larte udhetaresh nga vendet e prekura 🚫,Kufizoni ne ekstrem levizjet, nese arrijme te kontrollojme levizjet edhe higjenen jemi duke e carmatosur virusin. 💪Ekipet e urgjences jane perballe armikut, te paret, ndihmojini ata 🙏duke i telefonuar, vetem nese ju keni kolle te thate te menjehershme, temperature edhe veshtiresi ne frymemarje. Ndergjegjesimi qytetar eshte aleati me i madh i mjekeve❗ Bashke ja dalim📌As pulebardhat se braktisin detin kur eshte i trazuar,,, me thone infermieret e urgjences💪

M.A
@laberianews

Vlorë – Asnjë rast me covid-19/ Natë e qetë në urgjencë, kufizoni në ekstrem lëvizjet Read More »