Shendetesi

Izolimi e vetmja metodë e ndërprerjes së infektimeve, Harxhi: Shqipëria me fat, u morën shumë shpejt masat

Shendetesi / /

Mjeku infeksionist, Arjan Harxhi foli lidhur me situatën aktuale të koronavirusit në vend, ku u shpreh Shqipëria është me fat sepse masat u morën që herët, por qytetarët duhet të mësohen që jetojnë në një realitet tjetër.

I ftuar në një nga mediet, mbrëmjen e së hënës Harxhi e vuri theksin edhe tek pasojat psikologjike të pandemisë që ka prekur globin.

”Në këtë rast, unë do të doja që ndoshta Shqipëria ishte me fat që i mori shpejt këto masa. Ka shumë pikëpyetje dhe argumente se pse ndodhi kjo në Itali, argumente, kundërargumente që mbrojnë një teori apo një tjetër, ajo që dimë është që e vetmja mënyrë e ndërprerjes së zinxhirit është mënyra e prerjes së rrugës së transmetimit të këtij infeksioni. Nuk ka rrugë tjetër, kështu që këto masa duhet të jenë ekstreme. Nuk ka mënyrë tjetër dhe ne duhet të mësohemi tashmë që jemi realisht në një realitet tjetër. Një realitet që deri dje ngjante sikur ishte e filmave të Hollivudit, sot është një realitet për të cilin ne duhet të përqasemi. Masat duhet të jenë që njerëzit duhet të mësohet që ndoshta të mos kemi jo vetëm pasoja fizike, por edhe psikologjike. Pra, edhe shëndeti mendor duhet të jetë i rëndësishëm dhe për ketë media ka një rol të rëndësishëm”, – tha ai.

Më tej, Harxhi u shpreh edhe me rastet që mund të rikthehen, pra të rezultojnë pozivitë sërisht ndaj COVID-19, se “rastet janë sporadike dhe mund të mos kenë qenë raste të shëruara ose mund të kenë qenë jo realisht vërtet ai lloj infeksioni. Përgjithsisht, ky infeksion lë imunitet. Do e shohim, koha do të jetë tregues por deri tani nuk ka raste që rikthehen”.

Mjeku Harxhi shtoi se “ne kemi eksperiencën e Kinës që kanë trajtuar pacientë me plazmën e personave që kanë qenë në konvaleshencë, gjithmonë me këtë lloj teorie që të shfrytëzojë antitrupat e formuara në gjakun e personit që e ka kaluar, tek një i sëmurë”.

Lidhur me testet që kryhen për COVID-19, mjeku infeksionist tha se “shkenca thotë se pozitiviteti i tamponit është 75%. Pra, në 25% të rasteve mund të dalë, ne i quajmë me termin “falso negative” dhe kjo jo për defekt të testit por është i tillë dinamika e virusit, sepse mund të mos gjendet në fyt dhe në hundë dhe është në sekrecionet e mëposhtme dhe kjo është parë nga eksperienca e Kinës dhe Italisë./atsh

Izolimi e vetmja metodë e ndërprerjes së infektimeve, Harxhi: Shqipëria me fat, u morën shumë shpejt masat Read More »

“Pandemia po përshpejtohet”/Kalo thirrje qytetarëve: Izolim dhe karantinim, së bashku mund t’ia dalim përballjes me vrastarin COVID-19

Aktualitet, Shendetesi / /

Mjeku i njohu i Infektivit në QSUT, Tritan Kalo shprehet se pandemia e COVID-19 po përshpejtohet dhe kemi ende ditë të vështira përpara.

Kalo thekson se duhet vijuar me testimin e çdo rasti të dyshimtë, izolimin dhe përkujdesjen për çdo rast të konfirmuar, si dhe gjurmimin e karantinimin e çdo personi të kontaktit të ngushtë.

Duke iu referuar OBSH-së, Kalo i cilëson këto tre masa më efikase të kontrollimit të Pandemisë Covid-19, krahas distancimit social, higjienës, ushqyerjes, etj

“Ne në Shqipëri nuk po bëjmë asgjë më pak dhe asgjë më shumë se kaq… Së bashku dhe në mirëkuptim maksimal do të mundemi t’ia dalim përballjes me vrastarin e tinzarin Covid-19… Politikat e mëdha, mititantizmin e verbër, gjithëdijësinë, protagonizmin e venitetin delirant, gojëhidhësinë dhe gjysmëdijenitë analfabetiko-funksionale, le t’i lëmë për t’i shpalosur pasi t’a kemi fituar këtë betejë… T’u bëhemi krah me qëndrimet e veprimet tona racionale të gjithë personelit mjekësor, që në vijën e parë të frontit përballet me këtë “armik të padukshëm jetëmarrës”… Të qëndrojmë në mjediset tona, KUR nuk kemi asnjë arsye ekzistencialiste për t’ju ekspozuar Sars-Cov-2…”, apelon mjeku i njohur.

Kështu thekson ai, mbrojmë veten dhe njëkohësisht vemë edhe më pak në rrezik jetët e mjekëve, infermierëve, imazheristëve, farmacistëve, laborantëve, administratorëve, sanitareve, shoferëve, teknikëve të mirëmbajtjes, barrelistëve, koordinatorëve, policëve e ushtarakëve, etj., të cilët përkujdesen për të sëmurët me Covid-19 në spitale dhe ambulatorisht…”.

“Prof. Përparim Kabo thelbësisht qartazi shprehet se: “Kur vdes një njeri vdes një jetë, kur vdes një mjek vdesin qindra jetë”… JU DUAM dhe JU RESPEKTOJMË… PËKUJDESEMI dhe do të përkujdesemi për JU në çdo minutë, me VETËMOHIM e PROFESIONALIZËM shembullor… KURRË mos harroni se NE JEMI motrat, vëllezërit, bijat e bijtë tuaj, ndaj edhe JU duhet të na DËGJONI dhe të na RESPEKTONI… BASHKË me MËNDJEKTHJELLTËSI e ZEMËRBARDHËSI ne do t’ia DALIM MBANË!!!”, deklaron Kalo./atsh

“Pandemia po përshpejtohet”/Kalo thirrje qytetarëve: Izolim dhe karantinim, së bashku mund t’ia dalim përballjes me vrastarin COVID-19 Read More »

Instituti i Shëndetit Publik, udhëzues të posaçëm me këshilla për të moshuarit

Aktualitet, Shendetesi / /

Instituti i Shëndetit Publik ka publikuar një udhëzues të posaçëm në lidhje me të moshuarit të cilët vuajnë nga astma, diabeti, dhe kanceri.

Ky udhëzim vjen në një moment kur të moshuarit janë personat më të rrezikuar nga koronavirus.

Krahas ndjekjes së rregullave të përgjithshme higjieno-sanitare si larja e duarve dhe shmangia e grumbullimeve të njerëzve, sa i përket mjekimit të vazhdueshëm që personat e moshuar ndjekin në lidhje me gjendjen e tyre shëndetësore, Instituti i Shëndetit Publik i bën thirrje që ata të sigurohen se kanë ilaçe të mjaftueshme dhe nëse i nevojiten të tjera t’i sigurojnë ato nëpërmjet të afërmve dhe jo personalisht.

ISHP po ashtu, cilëson se personat e moshuar me diabet janë në një rrezik të lartë dhe për këtë duhet të monitorojnë në mënyrë të vazhdueshme nivelin e sheqerit dhe të kërkojnë menjëherë ndihmë mjekësore në rast se ndiejnë probleme me frymëmarrjen, kollë apo ethe. Sa i përket personave të cilët vuajnë nga astma, ISHP sugjeron që të vazhdojnë të përdorin rregullisht inhalatorin dhe të kërkojnë ndihmë mjekësore në rast vështirësie.

Ndërkaq, personat që janë të prekur nga kanceri dhe që janë momentalisht nën efektin e trajtimeve, veç

Instituti i Shëndetit publik këshillon moshën e tretë në lidhje me COVID-19 veçanërisht ata që bëjnë seanca kimioterapeutike, të cilët janë në rrezik të lartë nga COVID-19. ISHP sugjeron që këto persona të mbrohen në mënyrë maksimale duke reduktuar rrezikun e mundshëm të infektimit nga koronavirus.

Ndër të tjera Instituti i Shëndetit Publik i bën thirrje të moshuarve që t’u kërkojnë ndihmë familjarëve dhe miqve për marrjen e ilaçeve, blerjen e ushqimeve, dhe vajtjen ne institucione shëndetësore. Po ashtu, ISHP sugjeron që të moshuarit të lajmërojnë menjëherë familjarët në rast se nuk ndihen mirë./atsh

Instituti i Shëndetit Publik, udhëzues të posaçëm me këshilla për të moshuarit Read More »

“Nuk do të jetë e largët dita kur Italia do t’ju duket lule”/ Kalo apel qytetarëve: COVID-19 nuk kursen askënd, mbylluni në shtëpi

Aktualitet, Opinione, Shendetesi / /

Mjeku i njohur infeksionist Tritan Kalo, i drejtoi sot një mesazh të gjithë shqiptarëve duke u bërë thirrje për tu ndërgjegjësuar në lidhje me rrezikun e COVID-19.

“Është mesazh jo realist dhe frikësues, por thjesht e vetëm një mesazh nga zemra e një mjeku, prindi e vëllai tuaj të “pakdijshëm”, për t’u vetndërgjegjësuar në lidhje me rrezikun e këtij infeksioni vrastar”, – tha Kalo.

Mjeku Kalo shprehet se “COVID-19 nuk kursen askënd dhe asnjë grup moshe përsa i përket prekjes, nëse nuk marrim masat e duhura të distancimit social. Situata bëhet e përkohëshme vetëm e vetëm nga shkalla e ndërgjegjësimit tuaj dhe e mirëkuptimit të masave të mara….Na e lehtësoni punën dhe detyrën tonë sa fisnike aq edhe humane. Ju duam shumë”, – tha Kalo.

Mjeku Kalo thekson se “i bëj thirrje pjesës së popullit të padijshëm e të pandijshëm, se me këtë mënyrë sjellje të papërgjegjshme përkundrejt COVID-19, nuk do të jetë e largët dita kur Italia do t’ju duket lule. Ruajeni e duajeni vetveten tuaj, qëndroni në shtëpi që t’ju mbrojë e shpëtoj Mjeksia e Perëndija bashkë. Ju lutem!! COVID-19 nuk njeh moshë prekje të tij. Gjithkush është i kërcënuar. Mbylluni në shtëpi e respektoni distancimin social. Është një situatë e përkohëshme prej së cilës do të dalim me më pak humbje jetësh e lëndime shëndetësore, nëse mendojmë e veprojmë të ndërgjegjësuar se me çfarë “armiku tinzar e të rrezikshëm” po përballemi.

“Ju duam shumë ndaj edhe ju duajeni veten tuaj e respektoni sakrificat tona. Bashkë do t’ia dalim!”, – tha Kalo./atsh

“Nuk do të jetë e largët dita kur Italia do t’ju duket lule”/ Kalo apel qytetarëve: COVID-19 nuk kursen askënd, mbylluni në shtëpi Read More »

Duhet me çdo kusht ta ndalim kërdinë që mund të bëhet për shkak të pakujdesisë, kokëfortësisë dhe papërgjegjshmërisë sonë

Aktualitet, Lajmi i fundit, Problematika, Shendetesi / /

“Kjo është një javë zjarri dhe hyjmë në fazën më dramatike të luftës, ku duhet të bëjmë çmos të gjithë bashkë, për të ulur sa të jetë e mundur humbjet e jetëve dhe vuajtjet e mëdha që sjell ky armik i egër”, tha sot Kryeministri Edi Rama, ndërsa u bëri thirrje qytetarëve për rezistencë dhe durim.

Rama tha se “kjo javë do të jetë tejet e vështirë sepse sipas modeleve statistikore tani hyjmë në fazën e shpërthimit më intensiv të atyre bombave në trupin e njerëzve të prekur”.

“Fatkeqësisht humbi jetën dhe një 42-vjeçar i cili nuk vuante nga ndonjë sëmundje kronike. Ngushëllime familjes së tij dhe ngushëllime familjeve të të ndjerëve të tjerë që kishin probleme serioze paraprakisht, por që armiku ua shkurtoi jetën. Kemi përsëritur pa pushim, kjo mortje që ka sulmuar botën synon më të moshuarit dhe më të dobtit fizikisht mes nesh, por as të rinjtë nuk janë 100% të paprekshëm prej saj, përkundrazi. Prandaj ju lutem mos luani me zjarrin”, tha Rama.

Kryeministrit tha se “nuk e ndalim dot vdekjen të na marri njerëz, por duhet me çdo kusht ta ndalim kërdinë që mund të bëhet për shkak të pakujdesisë, kokëfortësisë dhe papërgjegjshmërisë sonë”.

“Do të humbasim njerëz, nuk e di se sa, askush nuk e di askund, por nuk duhet në asnjë mënyrë të humbasim një mal me njerëz, kurrën e kurrës. Dhe këtë e kemi ne në dorë, e ka në dorë secili prej nesh duke bërë durim, durim, durim”, tha Rama.

Ai u bëri thirrje qytetarëve që kur dalin për pazar ose kur shkojnë në bankë të mos rrinë grumbull, por në distancë të paktën 1 metër pas kurrizit të njeri-tjetrit.

“Në radhë vijë e drejtë. Pse është kaq e vështirë kjo? Çfarë lidhje kanë oraret me mosqëndrimin në radhë si duhet, me ecjen në rrugë 2-she apo 3-she, kur kjo është e rrezikshme dhe e ndaluar. Këto janë shërbime që i bëhen armikut që në grumbullimet kaotike apo ecjet pranë e pranë gjen shesh për përsheshin e hidhur që kërkon të bëjë me ne”, tha Rama./atsh

Duhet me çdo kusht ta ndalim kërdinë që mund të bëhet për shkak të pakujdesisë, kokëfortësisë dhe papërgjegjshmërisë sonë Read More »

Mënyra e përhapjes zinxhir në familje të COVID-19

Aktualitet, Shendetesi / /

Insituti i Shëndetit Publik ka publikuar menyren se si ndodh përhapja zinxhir e koronavirusit në familje, kur nëna rezulton pozitive ndaj COVID-19.

Në ditën e parë kur mami sëmuret izolohet për veten e saj 7 ditë dhe për familjen e saj 14 ditë.

Në ditën e tretë sëmuret fëmija i parë dhe fillon numëron 7 ditë, izolimi përfundon në ditën e 9.

Fëmija i dytë nuk ka simptoma pas 14 ditëve dhe izolimi përfundon.

Babai sëmuret në ditën e 13-të dhe fillon numëron 7 ditë. /atsh

Mënyra e përhapjes zinxhir në familje të COVID-19 Read More »

Statistika/ Shpërndarja e COVID-19 në botë

Aktualitet, Shendetesi / /

Kryeministri Edi Rama publikoi sot statistikat e shpërndarjes së COVID-19 në botë, ku veçanërisht shqetësuese paraqitet situata në Europë dhe SHBA.

Shqipëria regjistroi sot 13 raste të reja duke e çuar në 89 numrin e të prekurve nga koronavirusi në vend.

Shqetësuese është situata në Itali ku në total regjistrohen 59 138 raste, ndërkohë që vetëm sot janë regjistruar 5560 raste të reja dhe 651 vdekje, që e çojnë në 5475 numrin e pacientëve që humbën jetën nga koronavirusi.

SHBA shënojnë një rritje me 14 550 të rasteve të reja vetëm ditën e sotme që e çon në 38 757 numrin total të rasteve. Vetëm ditën e sotme SHBA regjistrojnë 98 vdekje.

Spanja ka një rritje me 3107 të rasteve të reja vetëm ditën e sotme, që e çon në 28 603 numrin total të të prekurve, ndërkohë që vetëm sot në Spanjë u shënuan 375 viktima.

Kina shënoi sot vetëm 46 raste të reja dhe 6 vdekje./atsh

Statistika/ Shpërndarja e COVID-19 në botë Read More »

Edhe pacienti zero del negativ, shkon në 3 numri i të shëruarve

Lajmi i fundit, Shendetesi / /

Kryeministri Edi Rama dha mbrëmjen e sotme një tjetër lajm të mirë nga fronti i luftës me COVID-19. “Edhe pacienti zero doli negativ”, tha ai.

Edhe ministrja e Shëndetësisë dhe Mbrojtjes Sociale, Ogerta Manastirliu njoftoi se edhe pacienti 0 sapo u konfirmua negativ nga virusi.

“Babë e bir pritet të lënë spitalin dhe bashkë me pacientin tjetër që la spitalin mesditën e sotme, janë 3 pacientët e shëruar që rikthehen në shtëpi”, u shpreh ajo.

“Shumë mirënjohëse për punën dhe sakrificën e ekipit të Infektivit”, tha ajo./atsh

Edhe pacienti zero del negativ, shkon në 3 numri i të shëruarve Read More »