Shendetesi

Shqipëria numër të ulët vdekjesh nga COVID-19/ Sulçebe: Izolimi i personave të rrezikuar duhet të vazhdojë

Mjeku imunolog Genc Sulçebe deklaroi në një intervistë televizive se Shqipëria ka pasur një numër shumë të ulët vdekjesh prej koronavirusit.

Sulçebe theksoi se megjithëse ky virus nuk i dëmton të rinjtë, sërish ata mund t’ua ngjisin personave të tjerë.

Sipas tij, izolimi i personave të rrezikuar duhet të vazhdojë deri sa të bindemi që rreziku nuk qarkullon më.

Sulçebe tha se me rritjen e temperaturave si viruset e tjerë dhe ky virus do të bëhet më pak agresiv.

Ai tha se në Shqipëri ende nuk e dimë se sa të imunizuar jemi.

Mjeku tha se duhet të dimë se sa përqind e popullsisë kanë rënë në kontakt me koronavirusin dhe kjo mund të verifikohet nga analiza serologjike.

“Ne nuk e dimë sa përqind kanë rënë në kontakt me virusin. Kjo mund të shihet kur të bëhet analiza serologjike”, tha ai./atsh

Shqipëria numër të ulët vdekjesh nga COVID-19/ Sulçebe: Izolimi i personave të rrezikuar duhet të vazhdojë Read More »

Mëngjesi i shëndetshëm, a ju ndihmon të mbani trupin në formë?

Shkencëtarët në mbarë globin kanë kryer me dhjetëra e qindra studime në lidhje me çështjen e nxehtë të mbipeshës.

Ata janë përqendruar edhe tek përpjekjet e njerëzve për ta mbajtur atë nën kontroll.

Disa studime rekomandojnë se ngrënia e një mëngjesi të shëndetshëm mund t’ju ndihmojë të humbisni në peshë dhe të mos shtoni më tepër në vazhdimësi.

Sipas të dhënave të AgroWeb.org, një mëngjes i shëndetshëm është shumë i rëndësishëm për arsyet e mëposhtme:

Do të jeni më pak të uritur
Ngrënia e mëngjesit parandalon rikthimin e shpejtë të urisë gjatë ditës. Në këtë mënyrë, do të jetë më e lehtë për ju për të mos e tepruar me ushqimin në orët në vijim. Kur nuk hani mëngjes, mund ta shtyni ngrënien e ushqimit për një orë të mëvonshme dhe në këtë mënyrë e lejoni organizmin të akumulojë më shumë yndyrna dhe të shtoni në peshë.

Do të bëni zgjedhje të shëndetshme
Ngrënia e mëngjesit është hapi i parë drejt marrjes së vendimeve të shëndetshme sa i përket ushqyerjes. Njerëzit që hanë mëngjes kanë tendencën të tregohen më të kujdesshëm gjatë ditës me ushqimet. Ata zgjedhin ushqime të pasura në vlera dhe jo ushqime të shpejta. Njerëzit që nuk hanë mëngjes me gjasë nuk do të hanë as fruta e as perime gjatë ditës.

Do të jeni më energjikë
Një mëngjes i shëndetshëm e furnizon organizmin me shumë energji që i duhet për të nisur mbarë ditën. Nëse nuk hani mëngjes, atëherë do të neglizhoni edhe aktivitetin fizik gjë që pengon rënien në peshë. Nëse deri më tani nuk keni ngrënë mëngjes për të kursyer kohë apo kalori, jeni në kohë për të ndryshuar. Është koha të hani shëndetshëm dhe të menaxhoni peshën e trupit. Ekspertët e ushqyerjes së shëndetshme ofrojnë një këshillë mjaft interesante. Sipas tyre njeriu duhet “të hajë mëngjes si një mbret, drekë si një princ dhe darkë si një i vobektë.

Mëngjesi i shëndetshëm, a ju ndihmon të mbani trupin në formë? Read More »

34 pacientë në dy spitalet COVID, 7 prej tyre janë në terapi intensive

Ministria e Shëndetësisë dhe Mbrojtjes Sociale ka bërë të ditur në përditësimin e të dhënave të situatës së koronavirusit, se pjesa më e madhe e të prekurve nga COVID-19 po ndiqen nga mjeku i familjes ose janë asimptomatikë, ndërsa momentalisht në dy spitalet COVID, në spitalin infektiv dhe spitalin “Shefqet Ndroqi” gjendja paraqitet e qëndrueshme.

Aktualisht janë të shtruar 34 pacientë dhe vetëm 7 prej tyre janë në terapi intensive.

“Siç jeni ne dijeni, nga sot, ka nisur një lehtësim i mëtejshëm i masave shtrënguese, me shtimin e zonave të gjelbra, lejimin e shërbimit taksi ndërqytetas me dy pasagjerë të së njëjtës familje si dhe lehtësimi për të riatdhesuarit që janë me banim në zonat e kuqe, të cilët do të vetëkarantinohen në banesë. Duke nisur nga ky lehtësim i masave është shumë e rëndësishme të rritet kujdesi vetjak, të respektohen rregullat e reja, ndaj, ministria e Shëndetësisë dhe Mbrojtjes Sociale i bën thirrje të gjithë qytetarëve që të vazhdojnë të respektojnë distancimin fizik dhe të mbajnë higjienën personale, po ashtu bizneset e hapura të respektojnë me rigorozitet protokollet e sigurisë”, tha Eugena Tomini, shefe e Epidemiologjisë në Institutin e Shëndetit Publik.

Ministria e Shëndetësisë ka ftuar qytetarët të mos neglizhojnë shenjat e COVID-19 dhe të telefonojnë menjëherë urgjencën kombëtare 127 në rast se kanë dyshime se janë të prekur nga ky virus.

“Për të kontaktuar mjekun e familjes, për pyetje në lidhje me COVID-19, për këshillim psikologjik në rast të shfaqjes së shenjave të ankthit apo shqetësime të tjera, ju lutemi, telefononi në linjën e gjelbër 0800 40 40”.

Shpërndarja gjeografike e rasteve aktive është si vijon: Tiranë 93, Krujë 87, Shkodër 17, Kurbin 14, Kukës 5, Elbasan 4, Mirditë 2, Berat 2, Durrës 1, Korçë 1, Lezhë 1, Lushnjë 1, Mat 1./atsh

34 pacientë në dy spitalet COVID, 7 prej tyre janë në terapi intensive Read More »

900 foshnje erdhën në jetë në maternitetin “Mbretëresha Geraldinë” gjatë periudhës së pandemisë

Marku është banori më i ri i Tiranës, i sapoardhur në jetë në maternitetin “Mbretëresha Geraldinë”.

Ministrja e Shëndetësisë dhe Mbrojtjes Sociale, Ogerta Manastirliu bëri të ditur se gjatë periudhës së pandemisë kanë ardhur në jetë në maternitetin “Mbretëresha Geraldinë” 900 fëmijë.

Ministrja shprehu mirënjohje për punën e bërë nga stafi i këtij materniteti në kushtet e pandemisë.

“Krenare për bluzat e bardha që nuk e kanë ndalur punën në asnjë moment”, theksoi ajo. //atsh

900 foshnje erdhën në jetë në maternitetin “Mbretëresha Geraldinë” gjatë periudhës së pandemisë Read More »

Coronavirusi në Shqipëri/ Shkalla e shërimit rritet në 98%

Prej dy javësh, në vendin tonë shkalla e shërimit nga koronavirusi është rritur në 98%, një rritje drastike krahasuar me 60% e pikut në muajin mars.

Aktualisht, numri i personave të shtruar në spitale është 34, nga të cilët 29 në Spitalin Infektiv dhe 5 në Sanatoriumin “Shefqet Ndroqi”, edhe kjo një rënie e ndjeshme krahasuar me pikun prej 80 të shtruarve.

Nga personat e shtruar në spital, vetëm 7 ndodhen aktualisht në reanimacion.

Rritja e përqindjes së personave të shëruar është ndihmuar edhe nga një kapje më e shpejtë në kohë, si rrjedhojë e testimeve më të hershme dhe nga futja në përdorim e disa medikamenteve të reja, si antimalarikët.

Të dhënat në faqen zyrtare “coronavirus.al” zyrtare tregojnë se në total, në Shqipëri janë 803 raste të identifikuar si të prekur me “Coronavirus”, në një total prej 9 006 testimesh. Nga totali, 543 janë shëruar (68%), 31 kanë humbur jetën dhe 229 mbeten raste aktive.

Lajmi tjetër i mirë është që prej 23 ditësh numri i të shëruarve është mesatarisht 2.4 herë më i lartë se i të prekurve të rinj.

Rënia graduale, por e qëndrueshme e rasteve me koronavirus është arsyeja kryesore përse vendi ka kaluar në një fazë të re të përballimit të epidemisë, me një lirim gradual të masave përgjatë të gjithë majit.

Gjatë javës së kaluar, përqindja e pozitivitetit arriti në 4.3 %, vlera më e ulët nga fillimi i epidemisë.

Përmes platformës coronavirus.al, qytetarët kanë mundësi të ndjekin në kohë reale të rejat nga fronti i luftës kundër COVID-19. //atsh

Coronavirusi në Shqipëri/ Shkalla e shërimit rritet në 98% Read More »

“coronavirus.al”/ Deri tani janë shëruar 531 persona të prekur nga COVID-19

Deri tani janë shëruar 531 persona të prekur nga COVID-19 në Shqipëri.

Shifrat bëhen të ditura nga adresa zyrtare e platformës “coronavirus.al”, e krijuar me qëllim informimin e qytetarëve për shifrat zyrtare, vetëm për situatën e të prekurve me COVID-19 në Shqipëri.

Vetëm gjatë 24 orëve të fundit, 12 pacientë të tjerë i janë shtuar listës së të shëruarve, duke e çuar numrin e të shëruarve nga COVID-19 në 531.

Po sipas shifrave të publikuar në coronavirus.al, aktualisht në vendin tonë janë 233 persona të infektuar aktivë dhe siç shihet numri i të shëruarve është më i lartë. Kjo tendencë tashmë vazhdon pa luhatje prej më shumë se një jave.

Në vendin tonë deri tani janë evidentuar 795 të infektuar me COVID-19, 233 raste aktive, 531 të shëruar, 31 të vdekur, ndërsa janë kryer 8 866 teste gjithsej.

Përmes platformës coronavirus.al, qytetarët kanë mundësi të ndjekin në kohë reale të rejat nga fronti i luftës kundër COVID-19./atsh

“coronavirus.al”/ Deri tani janë shëruar 531 persona të prekur nga COVID-19 Read More »

Pipero: Ritmi i epidemisë në ulje, por qytetarët të vijojnë të jenë të kujdesshëm sa kohë virusi qarkullon

Mjeku i njohur, Pëllumb Pipero ka folur nga qyteti i Vlorës për situatën epidemiologjike në vend, nga ku ka thënë se epidemia ka një ritëm në ulje megjithatë qytetarët duhet të vijojnë të respektojnë rregullat përsa kohë që virusi qarkullon.

Krahas faktit që situata paraqitet e qetë, një lajm i mirë sipas tij është fakti se numri i rasteve të shëruara ka kaluar më shumë se gjysmën e atyre që janë prekur në total nga COVID-19.

“Në terma të përgjithshëm, situata është shumë e qetë. Epidemia ka një ritëm rënës, pra në ulje të konsiderueshme çdo ditë edhe sa i takon numrit të rasteve të shtruara në spital që janë 2,3 në ditë dhe herë pa asnjë rast fare. Edhe sa i takon numrit të rasteve të reja pozitivë që ditët e fundit kanë qënë 9, 7 6. Por lajmi i mirë është që numri i rasteve të shëruara shtohet nga dita në ditë. Tashmë kemi më shumë se gjysmën e personave të prekur, i kemi të shëruar. Situata është mjaft e qetë por kjo qetësi nuk do të ulë as vigjilencës as kujdesin. Ende virusi qarkullon pavarësisht se me ritëm të ulët dhe virilencë të ulët dhe përsa kohë që virusi qarkullon, ne duhet të respektojmë ato masa që janë të rëndësishme për këtë fazë të dytë, që është faza e hapjes graduale. Ende duhet të kemi kujdes sidomos në mjedise publike, në lokalet që do të hapën nesër apo bankat që janë hapur më parë, apo në institucionet publike, qytetarët kur hyjnë të ruajnë distancën fizike, të vendosin një maskë, ata që shërbejnë të kenë maska e doreza. Higjiena për duart, larja sa më shpesh e duarve me ujë e sapun, dezinfektantë, pra janë ende disa masa që duhet t’i respektojmë në vijimësi sa kohë që virusi do të vijojë të qarkullojë jo vetëm tek ne por edhe në rajon”,- tha Pipero.

Më tej, ai shtoi se ”Vlora gradualisht po bëhet gati sepse masat po lehtësohen dita-ditës. Ka një ritëm gradual por ulës në vijimësi ndërkohë që nesër Vlora shpallet zonë e gjelbër dhe është lajm jashtëzakonisht i mirë. Ka 3, 4 javë pa asnjë rast të ri”. /atsh

Pipero: Ritmi i epidemisë në ulje, por qytetarët të vijojnë të jenë të kujdesshëm sa kohë virusi qarkullon Read More »

Nënë Hike, 77 vjeç fiton betejën me COVID-19, mbi 60% e të prekurve të shëruar

Nënë Hike plot 77 vjeç nga Fushë-Kruja, ka fituar betejën me COVID-19, duke shtuar kështu numrin e të shëruarve në vendin tonë nga ky virus.

Ministrja e Shëndetësisë dhe Mbrojtjes Sociale, Ogerta Manastirliu, ka bërë të ditur lajmin e mirë duke njoftuar se, “Nënë Hike, sot ka lënë e shëruar spitalin Infektiv dhe është kthyer pranë familjes”.

“Që nga fillimi i epidemisë, më shumë se 60% e të prekurve nga COVID-19 janë shëruar, ndërsa Kruja ka sot numrin më të lartë të të prekurve aktivë”- shprehet Manastirliu.

Ndërsa Nënë Hike, teksa bëhet gati për dal nga spitali Infektiv shpreh mirënjohje dhe falenderim për të gjithë stafin e mjekëve dhe infermierëve që i shërbyen, në këtë luftë kundër COVID-19./atsh

Nënë Hike, 77 vjeç fiton betejën me COVID-19, mbi 60% e të prekurve të shëruar Read More »