Politike

Shehu: Duhet të hapemi shpejt, mos ua privoni diellin qytetarëve

Opinione, Politike / /

Ish-deputeti PD-së dhe ish-ministër i Shëndetësisë, Tritan Shehu tha sot se hapja duhet të jetë e shpejtë, sepse dhe vendet perëndimore po bëjnë të njëjtë gjë.

Shehu shprehet se ne vazhdojmë me improvizime dhe shtime fall, ndërsa vendet perëndimore publikojnë etapat e hapjes

“Ne akoma vazhdojmë me “improvizime” ndërsa vendet e tjera europiane si Gjermania, Austria, Italia, Spanja, por edhe te Rajonit si Greqia, po publikojnë etapat e qarta te procesit te hapjes. Ne vazhdojmë të hedhim “fall” për të njohur realitetin, domosdoshmëri kjo për hapjen, ato vende, por edhe SHBA, si siguri gjatë atij procesit i japin shtimit eksponencial të testimeve virusale dhe imunologjike, metoda që ne i konsiderojmë “tabu” për publikun, ndërsa laboratorët, që ofrohen për t’u bërë pjesë e kësaj procedure, “armiqësore”. Prandaj kurba jonë e epidemisë ka atë konfigurim të painterpretueshëm, sikur të jetë përgatitur në “shpella” magjistarësh e fallxhorësh me një qeveri qe veçse pret “tymin” e lëshuar prej andej”, tha ai.

Shehu shton se “ndërkaq Greqia dhe vende te tjera te BE do të vënë si kërkesë për lëvizjen në zonën Shengen një dokument shëndetësor të bazuar mbi testimin, kryesisht atë imunologjik, metodë kjo me besueshmëri, e lirë dhe e realizueshme në laboratorët tona, por e anatemuar nga qeveria “fallxhore”; Gjermanët autorizuan edhe laboratorët veterinarë, amerikanët edhe farmacitë për ta realizuar kudo e për këdo”. /atsh

Shehu: Duhet të hapemi shpejt, mos ua privoni diellin qytetarëve Read More »

Nuk do të ketë ulje të pagave dhe pensioneve për asnjë arsye në botë

Aktualitet, Politike / /

Kryeministri Edi Rama deklaroi sot se nuk do të ketë ulje të pensioneve dhe të pagave.

Në komunikimin live me qytetarët, Rama sqaroi qëndrimi zyrtar, sipas se cilit, nuk do të ketë prekje të pensioneve dhe pagave, përveçse për t’i rritur ato.

“Për sa i përket qëndrimit zyrtar të qeverisë dhe timit, kurrë asnjëherë nuk ka pasur dhe nuk do të ketë për arsyet e stërthëna prekje të pensioneve apo të pagave. Përkundrazi, nëse do të preken, do të preken vetëm për t’u rritur. Nuk do të preken për t’u ulur, për asnjë arsye në botë. Shkurt, thjeshtë, copë. Është vërtetë një situatë disi e vështirë kur duhet të përballesh me transformimin e një fjale të thënë diku, në një akuzë që kthehet drejtpërdrejtë kundër qeverisë kundër meje, që paskam një plan të rrezikshëm kriminal për të goditur pensionet dhe rrogat dhe nuk ka asnjë rrugë tjetër, të paktën unë nuk kam gjetur rrugë tjetër, që të mos i marrin seriozisht dhe të qeshim pak me këta”, – tha Rama. /atsh

Nuk do të ketë ulje të pagave dhe pensioneve për asnjë arsye në botë Read More »

Kur do shohim dritë në fund të tunelit? Rama flet për si do të jetë situata në vazhdim

Aktualitet, Intervista, Lajmi i fundit, Opinione, Politike / /

Kryeministri Edi Rama foli në një lidhje me “Skype” për emisionin “Real Story”, në News24, për rihapjen e jetës, pas mbylljes nga koronavirusi.

Rama tha se kthimi në normalitet do të ndodhë vetëm kur të dalë vaksina dhe se, sipas tij, do të na duhen dy-tre vite të jetojmë me frikën e infektimit.

Sa i takon kohës se kur do të mund të shohim dritë në fund të tunelit, kryeministri u shpreh se 97% e bizneseve i janë rikthyer aktivitetit të tyre normalisht, ndërsa po bëhet edhe hapja e zonave të gjelbërta, ku do të ketë një shtim të tyre në fundjavë.

Pjesë nga intervista:

Kur do të presim një rifillim të lëvizjes së lirë?
Rama: Çështjen e afateve të shkelura e kam shpjeguar, por një lloj i caktuar njerëzish nuk e kanë fare mendjen të lexojnë pesë rreshta. Nuk do të gjobiten për shkelje të afateve, sepse nuk i kanë shkelur me vullnetin e tyre, por janë viktimë e një situate që nuk ka të bëjë fare me to. Nuk ka nevojë të telefonojnë në ambasada, nuk do të gjobiten.

Askush nuk është gjobitur, kemi marrëveshje me qeverinë greke. Sa i përket kufijve, kur ata që janë jashtë të më thonë që lëvizin nga një komunë në tjetrën, atëherë do të flasim për kufijtë e mëdhenj. Sot në Itali nuk ke mundësi të lëvizësh nga një qytet në tjetrin. Këtu nuk ka lidhje me dëshirën, është një hall shumë i madh që na ka zënë secilin, por më në hall është qeverisë që duhet t’iu përgjigjet të gjithëve.

Nëse do më vinte dikush, z. Gjekmarkaj psh, që të thoshte ik ti nga qeveria dhe firmos që s’do merresh kurrë me politikë, do ta firmosja tani live në emision, që të shpëtonte populli nga ky makth. S’kam asnjë dyshimi që kjo që po bëjmë s’ka lidhje me ndonjë palë zgjedhje, se as më shkon në mend, por mendoj vetëm se si do jetë dita nesër.

Po shihet fundi i majit si fundi i makthit, kur po afron kjo drita në fund të tunelit?
Rama: Tani që flasim kemi afër 90% të biznesit në punë. Kështu që hapja jonë në aspektin e rikthimit në vendet e punës është masive, më masive se vendet e tjera. Janë disa aktivitete të tjera që do të happen javën e ardhshme dhe pastaj mbeten disa aktivitete që lidhen direkt me përhapjen e virusit, si qendrat tregtare, lokale, ristorante, përfshirë edhe parukeritë.

Janë shumë të rrezikshme, se mjafton një klient i infektuar, ta transmetojë virusin te parukieret, klientët e tjerë, familjarët, etj. Akoma nuk kemi hapur kufijë mes qyteteve dhe kjo do të ndodhë në javët në vijim, por nuk e dimë akoma kur. Po bëjmë një fragmentim të valës, duke u hapur në zonat e gjelbërta, ku do të shtojmë në fund të kësaj jave disa zona të reja. Por kthimi në normalitet, siç ishte para virusit, do të jetë vetëm kur të gjendet vaksina. Do të jetojmë edhe dy-tre vjet me rrezikun se mund të infektohemi.

Kur do shohim dritë në fund të tunelit? Rama flet për si do të jetë situata në vazhdim Read More »

Katër të vr.arë në pak orë, reagon Rama

Aktualitet, Lajmi i fundit, Politike, Problematika / /

Sot Shqipëria u trondit nga dy ngjarje kri minale, duke shkaktuar dy vik tima në Lezhë dhe dy vi ktima në Durrës.

Lidhur me këto ngjarje, ka raguar kryeministri Edi Rama, i cili është shprehur se sot nuk ishte ditë e mirë për rendin dhe sigurinë në vend.

Rama tha se gjithsesi nuk shqetësohet për ecurinë e Policisë pasi është i bindur se ky do jetë viti i një shembulli të madh në betejën e shtetit ndaj krimit.

”Nuk ka qenë ditë e mirë. Por një ditë e pazakontë për ecurinë e Policisë. Nuk kam asnjë shqetësim dhe ky do të jetë viti i një shembulli të madh në betejën e shtetit me kr imin, dhe me operacionin OFL.”- tha Rama./ Opinion.al

Katër të vr.arë në pak orë, reagon Rama Read More »

“Asgjë e re në frontin e opozitës”/Po përgatitet për humbjen e radhës, Presidenti po bën gjënë e duhur

Aktualitet, Opinione, Politike / /

Kryeministri Edi Rama deklaroi se opozita po përgatitet për humbjen e radhës dhe po bën atë që bën para çdo humbjeje, duke iu referuar këtu deklaratave të saj, të cilat i cilësoi si të pavërteta.

“Nuk ka asgjë të re në frontin e opozitës e opozita vazhdon të bëjë të njëjtat gjëra që ka bërë para çdo humbjeje dhe po përgatitet për humbjen e radhës”, deklaroi Rama mbrëmjen e sotme i ftuar në një nga studiot televizive.

Publiku, u shpreh Rama, nuk merret me tendera e nuk ka asgjë të dyshimtë para syve të tij, sepse publiku nuk studion dokumentet e tenderave.

“Publikut i vihen para syve fakte të sajuara, fabrikuara e të keqinterpretuara me qëllim. Kjo është një kohë lufte, kur të gjithë duhet të jemi bashkë. Ka një kohë për të bërë luftën dhe ka një kohë për të berë hesapet.Patjetër edhe për të bërë edhe gjyqet. Unë nuk them që ata duhet të heqin dorë nga monitorimi, por faktikisht duke parë ato që ata kanë thënë rezulton se janë gënjeshtra të diskretituara bazuar në fakte të thjeshta. Kur thua se janë blerë maska të skaduara që në 2014 dhe rezulton se kanë afat skadence në vitin 2023, kjo është në letër dhe nuk është diçka për të bërë interpretime. Apo kur thua që ky material është blerë kaq dhe rezulton në letra se është blerë sa gjysma, këto janë gënjeshtra”,tha kryeministri.

Sa i përket propozimeve të opozitës, Rama tha se “mendoj që ka humbur deri tani një mundësi të artë për të bërë detyrën karshi atdheut dhe për të ngritur stekën e nivelit të vet. është e vetmja opozitë nga të gjitha ato që kam ndjekur, pasi ndjek shumë shtete menjëherë se çfarë bëjnë qeveritë dhe opozitat. Kjo është e vetmja opozitë ku flet për çuarje prapa hekurave, për dosje në prokurori, korrupsion me tendera, lloj- lloj broçkulash. Sepse i është dhënë mundësia që përpara se të bëjë këto shfaqje të bëjë diçka tjetër, të marrë informacion dhe për të qenë pjesë e një tryeze. Opozita nuk i është përgjigjur sfidës së madhe. Por së paku Presidenti po bën gjënë e duhur”.

Sa i takon rolit të Presidentit, Kryeministri tha se “në këtë situatë së paku nuk e kemi patur atë që kishim më parë dhe do të kishin nëse edhe presidenti do të ishte në të njëjtat pozita që është opozita dhe kjo nuk është shumë po nuk është pak”.

I pyetur nëse vazhdonte luftën politike, pasi vetë Presidenti ishte shprehur se lufta politike më Kryeministrin vazhdon, Rama tha se “ka patur vetëm një moment lufte politike me Ilir Metën, kur ka qenë i detyruar ti tregoj vendin, kur ishte periudha kur kërkonin votën për mandat të dytë”.

“Pas asaj, sinqerisht nuk jam marrë më dhe nuk më ka interesuar më të harxhoj energji. Të gjitha situatat e kanë shqetësuar grupin tonë parlamentar, unë thjeshtë kam bërë një pjesë të vogël të detyrës që më takon brenda atij grupi parlamentar”.

Sa i takon shkarkimit të Presidentit, Rama tha se është çështje e Parlamentit dhe jo e tij./atsh

“Asgjë e re në frontin e opozitës”/Po përgatitet për humbjen e radhës, Presidenti po bën gjënë e duhur Read More »

Meta: Të shmanget kolapsi i sektorit fason, mbështetje punonjësve

Aktualitet, Politike / /

Presidenti Ilir Meta tha sot se ka pritur në një takim kryetarin e Fasonistëve të Bashkuar, Gjergji Gjika dhe ka dëgjuar me vëmendje, nga afër, problematikat e bëra publike prej kohësh të këtij sektori të rëndësishëm social dhe ekonomik të vendit.

Meta shprehet se “Gjika, theksoi urgjencën e mbështetjes së sektorit fason, që është në një situatë mjaft kritike, si nga kufizimet brenda vendit, ashtu edhe nga tronditjet e tregjeve ndërkombëtare”.

“Gjatë bisedës, theksova se i kam kërkuar qeverisë mbështetje për kërkesat e këtij sektori, dhe se do të vazhdoj të insistoj për një vlerësim sa më të shpejtë, realist dhe praktik, për të evituar kolapsin e sektorit fason dhe për të mbështetur punonjësit, gjithashtu”, shprehet ai. /atsh

Meta: Të shmanget kolapsi i sektorit fason, mbështetje punonjësve Read More »

Rama u përgjigjet akuzave të PD-së: Nuk ka tendera sekretë, as kontrata sekrete

Aktualitet, Debat, Opinione, Politike / /

Kryeministri Edi Rama i dha sot përgjigje të gjitha akuzave të bëra deri më tani nga opozita për menaxhimin e situatës së COVID-19

Përmes një videomontazhi, Rama komentoi akuzat e opozitës duke i vendosur përballë fakte dhe dokumente reale që vërtetojnë të kundërtën e akuzave.

Ai iu përgjigj të gjitha akuzave duke filluar që nga tenderat sekretë, tenderat për veshjen e mjekëve, blerjen e kiteve etj.

“Mirëmëngjes nga unë, Luli dhe shokët e tij”, shkruan Rama, ndërsa ndan videon që i përgjigjet akuzave të opozitës.

Rama tha se “nuk ka tendera sekretë, as kontrata sekrete. Procedurat e tenderimit të përdorura për COVID-19 janë procedura të miratuara ligjore, për lidhjen e kontratave që diktohen nga interesa thelbësore të shtetit. Po të ishin sekrete, nuk do ishin publike”.

Lidhur me akuzën e PD-së se maskat mbrojtëse FFP2 qeveria i ka blerë me një shifër prej 6.5 euro, Rama tha se “maskat mbrojtëse FFP2 janë blerë me 4.14 euro”.

Sa i takon akuzës tjetër të PD-së se veshjet u blenë 28 euro një copë ose me trefishin e çmimit, Kryeministri u shpreh se: “qeveria bleu veshje mbrojtëse që quhen Tyvek, me një çmim 14.6 euro për të mbrojtur mjekët dhe infermierët në të gjithë Shqipërinë”.

Një tjetër akuzë e opozitës është se maskat me të cilat qeveria ka pajisur mjekët e infermierët në spitalin Infektiv kanë skaduar që në 2014.

Rama tha se “data e skadencës së maskave është 31/03/2023″, ndërsa paraqiti edhe dokumentin përkatës”.

Akuza tjetër e artikuluar nga opozita është se mbrojtëset për sytë njëpërdorimshme, çmimi i blerjes nga qeveria është 6 euro, më shumë se sa dyfishi.

Rama tha se “qeveria bleu mbrojtëse për sytë me çmim 4.4 euro/ copa”.

Opozita akuzon po ashtu se qeveria ka blerë kite për testimin e qytetarëve me 4-fishin e tregut, 21 mijë lekë të vjetra.

“Referenca doganore për kitin TR-PCR COVID-19, i përbërë nga një sërë kitesh për ekstraktim automatik kalibrues diagnostikues është 6.100 lekë/kiti, jo 21 mijë lekë”, tha Rama.

Akuzës së kreut të PD-së se stafi mjekësor nuk ka pajisjet minimale, Rama zgjodhi t’i përgjigjej me pamje reale nga ambientet spitalore.

Lidhur me pyetjen e PD-së nëse kompania e kontraktuar për shpërndarjen e ushqimeve nga qeveria ka eksperiencë të nevojshme në fushën e tregtimit të ushqimeve, Rama u shpreh se: “Kompania fituese për shpërndarjen e ushqimeve për familjet në nevojë është pjesë e një grupi të madh të mirënjohur biznesi të shqiptarëve të Maqedonisë së Veriut që operon prej vitesh në fushën e tregtisë së ushqimeve. Kontrata u lidh jo me 1.5 milionë euro, por për vetëm 830 000 euro”.

Po ashtu, Kryeministri iu përgjigje edhe akuzës së Bashës se nuk është marrë asnjë masë që qytetarët të mbështeten financiarisht, duke sjellë në vëmendje dy paketat financiare të miratuara nga qeveria.

“Paketa e parë: Përfituan dyfishin e ndihmës ekonomike për tre muaj 63.510 familje. Përfituan pagë lufte sa paga minimale për 3 muaj 53.842 punonjës në biznesin e vogël. Pagesat vazhdojnë”, tha Rama.

Ndërsa nga paketa e zgjeruar, ai tha se përfitojnë një pagë 40 mijë lekë 176 mijë punonjës, 100 mijë në biznesin e vogël, 66 mijë në biznesin e madh, 10 mijë në sektorin e turizmit. Janë paguar 49 129 punonjës. Pagesat vazhdojnë./atsh

Rama u përgjigjet akuzave të PD-së: Nuk ka tendera sekretë, as kontrata sekrete Read More »

Meta: Ndryshimet në Kodin Penal janë të standardeve më të mira europiane

Aktualitet, Opinione, Politike / /

Presidenti Ilir Meta deklaroi sot se ndryshimet në Kodin Penal janë të standardeve më të mira europiane për mbrojtjen e të drejtave të njeriut në fushën e shëndetit publik.

Në një intervistë në një nga mediet në vend, Meta tha se ndryshimet janë edhe më të kujdesshme se sa i ka edhe vetë Danimarka, i cili është vendi kampion i mbrojtjes së të drejtave të njeriut në kontinent dhe që është vendi i parë që ka shpikur edhe termin e Ombudsmanit apo të Avokatit të Popullit që në vitin 1241.

Sipas Metës, Kodi Penal kishte një boshllëk të qartë në legjislacion, dhe në rast se nuk do të miratoheshin këto ndryshime, pra jo vetëm do të kishim një boshllëk në Kodin Penal, por e gjithë sjellja do të kishte mundësi të ishte abuzive në raport me qytetarët.

“Unë nuk besoj se një qytetar i Shqipërisë është kundër, që një person i cili është diagnostifikuar nga autoritetet shëndetësore me një sëmundje të rrezikshme apo me një sëmundje ngjitëse, është i paralajmëruar nga ato në mënyrë zyrtare dhe me dashje rrezikon jetën e të tjerëve e sjell si pasojë vdekjen e tyre, gje që provohet padyshim, të mos ketë një dënim”, tha Meta.

Sipas tij, proporcionaliteti dhe siguria juridike janë tërësisht të garantuara.

“Përshkallëzimi nga masat administrative te sanksionet penale, te gjoba apo te dënimi qoftë edhe me burg janë edhe më të kujdesshme se sa vetë legjislacioni për këtë çështje i Danimarkës”, u shpreh Meta.

I pyetur mbi shtyrjen e afatit të gejndjes së fatkeqësisë natyrore, Presidenti tha se “Në vlerësimin tim një shtyrje e re 30 ditore do të ishte më e logjikshme më e arsyeshme”. Por gjithsesi, kreu i shtetit tha se e rëndësishme është të ndërtohet tashmë një rrugë më e qartë drejt rikthimit në normalitet dhe përshtatjes me këtë situateë, pasi është e qartë se kjo do të kërkojë kohën e saj.

Lidhur me efektet e infeksionit COVID-19 në disa sektorë të ekonomisë, Meta tha se duhet të përshtatemi për të rimarrë veten e funksionuar në kushtet e reja.

“Është situatë e vështirë e paparashikueshme, por në javët që vijnë do të ketë përgjigje më të qarta. E rëndësishme është të mos humbasim përqëndrimin nga rritja e testimeve, gjurmueshmëria e rasteve dhe izolimi i vatrave, sepse këto do të na krijojnë mundësinë që gradualisht të kthehemi drejt një normaliteti të ri, sepse ai normalitet që u ndamë dy muaj më parë do të na kërkojë kohë të gjatë“, tha Meta./atsh

Meta: Ndryshimet në Kodin Penal janë të standardeve më të mira europiane Read More »