Politike

Me një thënie të filozofit, shkrimtarit dhe gazetarit të njohur francez, Albert Kamy (Albert Camus) Kryeministri Edi Rama ka përcjellë mesazhin e sotëm në rubrikën “Fjalë të çmuara”.

“Njësoj si tërë të këqiat e kësaj bote, epidemia i bën njerëzit më të fortë”, shprehet Rama duke cituar shkrimtarin dhe nobelistin Kamy për të përcjell mesazhin e tij ndërsa mbarë bota po përballet me COVID-19./atsh

“Dita Botërore e Lirisë së Shtypit e gjen sot lirinë e medies në Shqipëri të përkeqësuar në krahasim me disa vite më parë, sipas organizatave që mbrojnë të drejtat e gazetarëve”, tha sot Presidenti Ilir Meta.

Meta shprehet se “ndarja preferenciale e reklamave publike, financimet jotransparente të bizneseve private, kufizimet dhe presionet e drejtpërdrejta apo të tërthorta, janë bërë shkak që të kemi më pak gazeta se një vit më parë”.

“Pasojat e paralajmëruara të paketës antikushtetuese të ligjeve “anti-shpifje”, si dhe krizat e njëpasnjëshme të tërmetit dhe COVID-19, po e thellojnë regresin, duke i detyruar botuesit aktualë të bëjnë përpjekje të sforcuara për të mbajtur ende në treg median në print, që po rrezikohet seriozisht. Gazetarët vetë raportojnë se kushtet e tyre të punës, informaliteti, çensura dhe autoçensuara janë në nivele të papranueshme”, tha ai.

Po ashtu, Meta shton se “liria e medias është tregues për gjendjen e demokracisë dhe kusht i pazëvendësueshëm për respektimin e të drejtave të njeriut. Veçanërisht mbrojtja e lirisë së shprehjes në kohë pandemie, siç thekson edhe Këshilli i Europës, ka një rëndësi jetike. Duke ndarë të njëjtat shqetësime me organizatat botërore të gazetarëve dhe duke shprehur solidaritetin tim me të gjithë komunitetin e medies në vendin tonë, që duhet ndihmuar seriozisht në këto momente të vështira që po kalojmë, nxis dhe inkurajoj gazetarinë e lirë e të pavarur që pyet, kërkon përgjigje, investigon dhe flet në emër të opinionit publik, që mbron dhe është zëdhënëse vetëm e interesave të ti”.

“Për Shqipërinë, aspirante për anëtare në Bashkimin Europian, regresi në raport me lirinë dhe pavarësinë e medies është i papranueshëm”, tha ai. /atsh

Presidenti Ilir Meta tha sot se ndërsa po fitojmë betejën me virusin COVID-19, sëmundja procesionarien po helmon pishat në Korçë.

Presidenti Ilir Meta ndërsa ndodhet për të vizituar Kolonjën, u shpreh se ne po fitojmë betejën me pandeminë, pro një virus tjetër duhet luftuar për të mbrojtur natyrën.

“Ndërsa lufta me virusin e padukshëm COVID-19 po përparon dhe do fitohet shumë shpejt, një betejë të gjatë e të vështirë kemi me një armik të dukshëm, procesionarien, që prej kohësh po helmon, degradon dhe po i shkatërron pishat tona të jashtëzakonshme, jo vetëm në Kolonjë e Qarkun e Korçës, por anë e mbanë vendit”, tha ai.

Po ashtu, Meta shtoi se “vetëm duke i kushtuar pa vonesë vëmendjen e duhur kësaj beteje do mund të shpëtojmë këtë pasuri të madhe natyrore të popullit dhe të vendit tonë”. /atsh

Deputetja e opozitës parlamentare Rudina Hajdari përshëndeti sot punën e bërë nga mMinistrja e Shëndetësisë, Ogerta Manastirliu.

“Unë po hedh hapin e parë. Zonja ministre e Shëndetësisë ishit e vetmja sot që vërtet dhatë një fjalë që ishte për t’u duartrokitur dhe për t’ju thënë që keni bërë një punë shumë të mirë. Unë si nënë, si grua, si përfaqësuese e këtij parlamenti, dua t’ju uroj për punën që keni bërë”, tha Hajdari në fjalën e saj në seancën plenare në Kuvend.

Hajdari u shpreh se, “se në parlament mungon solidariteti, humanizmi, një lloj politike ndryshe në këtë vend”.

“Ky ka qenë viti më sfidues për shqiptarët. Ky ka qenë viti më i vështirë në 20 vitet e fundit. Shqiptarët u përballën me 2 tërmete, humbjen e jetëve më shumë se në 20 vitet e fundit. Shqiptarët ndihen sot më të varfër sesa kurrë. Dhe ne sot në këtë sallë jemi kaq egoistë, kaq të pandrojtur për të folur kundër njëri-tjetrit”, theksoi Hajdari.

“Kur do t’i themi shqiptarëve që kjo sallë do përdoret vetëm për shëndetin, ekonominë, politikat që ndihmojnë jetën e tyre. Shqiptarët kanë nevojë për mbështetje për ndihmë. Ne nuk dimë t’ua japim”, tha Hajdari.

Hajdari u shpreh se “ato që po bën qeveria nuk janë të mjaftueshme, përkundrazi. Unë dëgjova z. Ahmetaj i cili gënjeu drejtpërdrejt, sepse Kosova është vendi që na ka lënë neve pas, sesi po e menaxhon sidomos gjendjen ekonomike. Kosova, vend më i vogël se ne po arrin t’i shërbejë popullit të vet më mirë se ne”.

Hajdari tha se, “mënyra sesi po izolohet çdo informacion që ka zero transparencë në ekzekutiv në mënyrën që bëhet sot çdo masë që vjen nga ekzekutivi është pa asnjë lloj transparence. Të vjen keq të vjen për të qarë, të vjen për të ulëritur. Kemi një ekzekutiv, i cili vetëm po mundohet të abuzojë me gjendjen aktuale. Abuzon sot të jeni të sigurt që do i përgjigjet popullit ditën e zgjedhjeve”./atsh