Politike

Kryeministri Edi Rama, “për situatën si pasojë e reshjeve në vend, masat e marra dhe pritshmëritë meteorologjike në vijim” tha se strukturat e posaçme janë në gatishmëri të plotë.

Gjatë mbledhjes së Komitetit Ndërministror të Emergjencave Civile, Edi Rama është ndalur edhe tek vaksinimi duke thënë se shpreson të nis së pari me mjekët para afatit të parashikuar. Ai ka hedhur akuza ndaj opozitës duke thënë se kapen pas çdo fatkeqësie natyrore.

“Shpresoj ta fillojmë ta injektojmë në vendin tonë duke nisur nga mjekët dhe infermierët para afatit të deklaruar. Ndërsa vaksinës së dëshpërimit të opozitës nuk i është gjetur formula dhe për shkak të dëshpërimit ata kapen pas çdo mundësie iluzore dhe natyrisht ndaj çdo f atkeqësie natyrore për të bërë politikë.”

Ndërkohë Rama ka siguruar që puna në terren do të vazhdojë për të përballuar me sukses përmbytjet.

Sipas Ramës, falë punës së bërë ndër vite nën qeverisjen e tij nuk është më e njëjta situatë si disa vite më parë me përmbytjet.

“Është e rëndësishme se s’ka asnjë dëm në njerëz dhe për banesat dëmet janë minimale dhe nga pikëpamja e lëvizjes ka pasur ndërhyrje”

“Do kemi një moment frymëmarrje pas një momenti që po vjen sërish me reshje. Do të lehtësohet rëndesa e krijuar nga grumbullimet e ujit. Gatishmëria është maksimale”, – tha Rama.
NOA.al

Kryetarja e Partisë Lëvizja për Ndryshim, Jozefina Topalli deklaroi se grupi i saj politik synon të sjellë shpresën në Shqipëri.
Me anë të një postimi në “Facebook”, Topalli theksoi edhe një herë se ajo është kundër tre liderëve aktualë të politikës, të cilët i quan të korruptuar.
“Vendi ynë ka nevojë për liderë të pakorruptuar! Vendi ynë ka nevojë për vendime të forta kundër korrupsionit dhe varfërisë. Vendi ynë ka nevojë për një qeverisje të mirë. Levizja për Ndryshim synon zëvendësimin e qeverisjes së keqe me një qeverisje të pastër, pa korrupsion. Prandaj ajo është kundër tre kryetarëve të korruptuar! Korrupsioni çon në atë që quhet kapja e shtetit nga pak familje që janë të lidhura mirë me njëra-tjetrën. Kjo rrit papunësinë dhe varfërinë. Kjo ka ndodhur në vendin tonë dhe është shkaku kryesor që të rinjtë nuk gjejnë punë dhe për këtë arsye ikin nga vendi i tyre. Duke pasur parasysh këto sfida shumë shqiptarë të rinj dhe të kualifikuar vazhduan të drejtohen në emigracion, referon Banka Botërore. Banka vë në dukje se pandemia COVID-19 e ka go ditur më tej tregun e punës. Është koha për ndryshim! Është imperative zëvendësimi i politikës së korruptuar të tre kryetarëve me politikën e shpresës!”

Kryeministri Edi Rama ndodhet për një vizitë zyrtare dyditore në Turqi.

Rama dhe presidenti i Turqisë Rexhep Taip Erdogan, pas takimit që zgjati rreth dy orë, janë duke zhvilluar një konferencë të përbashkët, në Turqi.

“Jemi investitori më i madh i huaj në Shqipëri, – tha Erdogan, – si dhe “partneri tregtar i katërt më i madh me shqiptarët.”

Erdogan në pritje të Ramës, shtoi se, “Shqipëria është dhe do të mbetet vend mik dhe aleati Turqisë”.

“Diskutuam edhe çështjet rajonale,” – u shpreh Erdogan, teksa dihet që në rajon tema më e nxehtë për momentin si për Shqipërinë, ashtu edhe Turqinë, është ndarja e kufirit me Greqinë në detin Mesdhe, ku përfshihet edhe deti Jon.

Erdogan iu referua historisë, duke ‘anashkaluar’ pushtimin prej pesë shekujsh, kur tha se “shqiptarët dhe turqit kanë luftuar së bashku dhe kemi lënë gjurmë në histori”.

Rama vlerësoi solidaritetin që Turqia ka treguar edhe në kohën e tërmetit dhe të pandemisë karshi vendin tonë dhe i shprehu mirënjohje Erdogan.

Rama tha se Turqia kishte “plagët” e saj, por nuk ndali ndihmat për Shqipërinë. Rama shtoi se me mbështetjen e Turqisë edhe spitali Rajonal i Fierit do të jetë gati shumë shpejt, për 3 muaj, teksa palët nënshkruan disa marrëveshje.

Kryeministri shqiptar i shprehu mirënjohje Erdogan për mbështetjen e vazhdueshme dhe të pakursyer që Turqia i ka dhënë vendin tonë. /a.m/NOA.al