Kryetarja e Lëvizjes Socialiste për Integrim, Monika Kryemadhi nga Durrësi, i bëri apel të gjithë të rinjtë që të vijnë në Shqipëri dhe të ndryshojnë realitetin.
“Durrësi nuk ka nevojë për beton, s’ka nevojë për grupe interesi që janë të lidhura me krimin, por të jetë rrugë lidhëse që lidh shqiptarët me zhvillimin dhe Europën”- tha Kryemadhi.
“Ne kemi strategji të re për Durrësin. Durrësi nuk ka nevojë jo vetëm për durrsakët e vjetër, por edhe për dibranët, për skraparllinjtë, pukjanët, shijakasit e kushdo që jeton në në këtë qytet”,- u shpreh Kryemadhi.
“Edhe pse në këto 30 vite tranzicioni ne kemi bërë gabime, por iu jap fjalën që tranzicioni në LSI ka marrë fund, por nuk do të marrë fund vetëm në LSI. Do të marri fund me 25 prill në Shqipëri, sepse vota juaj, vota e familjeve tuaja, vota e qytetarëve të Durrësit do të jetë avangarde dhe do të jetë lokomotiva e trenit të ndryshimit në Shqipëri, për t’i dhënë fund njëherë e përgjithmonë tranzicionit kriminal, për të dërrmuar njëherë e përgjithmonë këtë farsë të keqe që shkatërroi të ardhmen e fëmijëve të shqiptarëve”, tha Kryemadhi.
Ajo shtoi se “sot politika afatgjatë e Rilindjes dhe Edi Ramës për shpopullimin e Shqipërisë do të marrë fund”.
“Do të shpopullojmë kr imin nga Shqipëria dhe do të popullojmë Shqipërinë me djemtë dhe vajzat tona, të cilët këta i kanë larguar nga Shqipëria dhe ne do t’i kthejmë. Sepse ne besojmë te ju, ne besojmë te rinia, ne besojmë te fëmijët tanë, ne i duam dhe do t’ju ndihmojmë, do t’ju përkrahim, do t’ju hapim rrugën që ju të ecni të sigurt dhe për të qenë jo vetëm vendimmarrës, por për të qenë zbatues të politikave dhe të realizimit të reformave e strategjive afatgjata, afatmesme për të ndryshuar të ardhmen tuaj dhe për ta ndërtuar atë në Shqipëri”, tha ajo.
Kryetari i Partisë Demokratike, Lulzim Basha akuzon kryeministrin Rama se ka humbur çdo kontroll mbi pandeminë, ndërsa numri i rasteve në vend rritet.
Lideri i opozitës deklaron se vendi ynë ka numrin më të ulët në Evropë sa i përket numrit të testimeve, ndërsa shton se spitalet janë në kolaps.
“Rama ka humbur çdo kontroll mbi pandeminë. Kemi testimet më të ulëta në Europë, numrin më të ulët të mjekëve dhe spitalet në kolaps vetëm sepse ai nuk heq dorë nga vjedhja me inceneratorë e koncesione. Pasi shkatërroi ekonominë tani ai po shkatërron jetën dhe shëndetin e njerëzve”- shkruan Basha në Twitter.
Por më herët Rama postoi një video duke hedhur poshtë akuzat rivalit të tij politik që një ditë më parë e cilësonte Komitetin fasadë, pasi vendimet i merrte qeveria.
Rama në reagimin e tij jepte edhe përbërjen e Komitetit duke i shoqëruar me një CV të shkurtër të anëtarëve, si dhe akuzoi Bashën si shpifës e për këtë nuk ka sëmundje që e shoqëron.
“Kush janë ekspertët e Komitetit Teknik që përcaktojnë strategjinë e gjurmimit të Covid19 dhe udhëzojnë qeverinë në çdo hap për masat e nevojshme kundër Armikut të Padukshëm”-shkruan Rama në facebook, duke publikuar videon më poshtë:
Kryetarja e Lëvizjes Socialiste për Integrim, Monika Kryemadhi ka deklaruar se më 25 prill do të marrë fund tranzicioni shqiptar.
Nga Durrësi, ku shpërndau karta anëtarësie për të rinjtë, Kryemadhi u shpreh se vendi nuk mund të mbahet peng nga një njeri, duke iu referuar kryeministrit Rama.
“Durrësi di të durojë, por di edhe të ndëshkojë në momentin e duhur. Ne ftojmë të gjithë të rinjtë që të vijnë në Shqipëri dhe të ndryshojnë realitetin. Në Durrës, ka beton, Durrësi përmbytet. Durrësi nuk ka nevojë për beton, s’ka nevojë për grupe interesi që janë të lidhura me krimin, por të jetë rrugë lidhëse që lidh shqiptarët me zhvillimin dhe Europën”.
Kryemadhi theksoi se vendi nuk mund tëbllokohet nga një kryeministër si Rama, duke penguar sipas saj integrimin dhe të ardhmen e rinisë shqiptare.
“Ne kemi strategji të re për Durrësin. Durrësi nuk ka nevojë jo vetëm për durrsakët e vjetër, por edhe për dibranët, për skraparllinjtë, pukjanët, shijakasit e kushdo që jeton në në këtë qytet. Ne do jemi tr itol njerëzor që do shkatërrojmë llumin e Ramës. LSI do që të bëjë Shqipërinë një vend evropian, siç e meriton rinia shqiptare. Edhe pse në këto 30 vjet tranzicion ne kemi bërë gabime”.
Kryemadhi premtoi para anëtarëve se tranzicioni në LSI ka marrë fund, por sipas saj, “ky tranzicion do marrë fund më 25 prill. Do shpopullojmë krimin nga Shqipëria e do popullojmë vendin me të rinjtë e të reja”, deklaroi Kryemadhi. /NOA/
Kryeministri Edi Rama është zhvendosur këtë fundjavë në Valbonë, Tropojë, së bashku me bashkëshorten e tij, Lindën dhe djalin e vogël, Zaho.
Foton e ka publikuar vetë kryeministri, ku e shoqëron me një mbishkrim:
“Valbonë, Tropojë – Në bujtinën tradicionale të Kolë Gjonit, një shembëlltyrë e pasionit për punën në mes të një spektakli magjepsës të natyrës, ku Kola bashkë me gruan e djemtë presin e përcjellin vizitorë shqiptarë e turistë të huaj, duke e ndërtuar suksesin prej vitesh pa lëvizur nga vendi, teksa të tjerë po kthejnë sytë çdo vit e më shumë kah Valbona, me projekte interesante e me dëshirën për ta zbuluar këtë thesar mahnitës të Shqipërisë, ndërkohë që ne vazhdojmë të investojmë për ta mbështetur këtë zbulim me infrastrukturë, modele zhvillimi si Qendra e Re Turistike, financime direkte për bujqësinë, blegtorinë, bujtinat, si edhe zgjidhjen e problemit të vjetër të pronësisë.”
Presidenti Ilir Meta ka paralajmëruar se do ta ngrejë edhe një herë popullin shqiptar, por kjo do të ndodhë, sipas tij, në kohën e duhur.
Presidenti në “Zonë e Lirë” ka pohuar se ka një strategji për këtë, për të cilën ka vite që nuk fle gjumë.
“Mos e provokoni popullin shqiptar. I ngre unë dhe vetëm një herë, do ti ngre atëherë kur duhet. Atë ditë që do të jetë dita e fundit. E kam me shpirt unë, me strategji. Kam vite që nuk fle gjumë. Tani po vjen momenti final dhe askush nuk mund t thotë nesër se presidenti nuk na tha”, – u shpreh Meta.
“Këtu institucionet kanë rënë, shteti është kapur dhe është koha të ngrihet populli. Çdo gjë në kohën e duhur! Është beteja e parë që fillon rivendosja e rendit kushtetues në Shqipëri” – theksoi kreu i shtetit.
Më tej Presidenti nuk kurseu akuzat e ashpra ndaj kryeminsitrit. Ai e konsideroi atë të marrë peng, prej 20 vitesh nga një grup kundër interesave të Shqipërisë, gjë që e dëshmoi edhe me vendimin e djeshëm në Kuvend të Kodit Zgjedhor, ndonëse aleatët perëndimorë i bënë thirrje për konsensus dhe për respektimin e marrëveshjes së 5 qershorit.
“Ç’kërkon Ilir Meta, të bëhet mbret apo të bjerë dëshmor”.
Këtë deklaratë të kryeministrit Edi Rama dje në parlament, Ilir Meta e shikon si mesazh kërcënues nga kreu i qeverisë, ndërsa gjen edhe kush fshihet pas.
“Është një kërcënim që ai ë bën për llogari të armiqve të Shqipërisë që janë të shqetësuar se po ua prish, çmontoj të gjitha planet, nga kapja totale e reformë në drejtësi nga lojërat me kufijtë e Kosovës, këtu ka një pengesë që do ta ketë deri në fund. E kam për kënaqësi të bie dëshmor” tha Meta te Zonë e Lirë.
I irrituar, Presidenti e cilësoi kryeministrin “qen bir qeni”.
“Një luan nuk trembet nga një lepur. Lepuri është zënë në çark dhe është marrë peng. Del e thotë jam krenar për babanë tim. Për çfarë është krenar ai, që Kristaqi ka varur Havzi Nelën”.
“Pse çfarë e kishte të atin ai qen bir qeni? Ai është një këlysh blloku që ka të bëjë me një President nga Skrapari, e para. E dyta, ta dëgjojë ai dhe shqiptarët, po i them sot mos guxo të provokosh trazira në Shqipëri siç ke bërë për këto vite për llogari të Sorosit dhe për llogari të miqve të t’u serbë”.
“Nuk ke të bësh me Ilir Metën, por me 10 mln shqiptarë, prandaj nuk del në studio ai. Çuni Kristaqit që u thotë shqiptarëve në parlament që jam krenar për babain tim. Pse partizan e kishte babain ai. Babai i tij ishte 10 vjeç kur mbaroi lufta” – ishte përgjigja e Metës për deklaratat e Edi Ramës.
I pyetur nëse duhet të jetë lideri i opozitës, kreu i Shtetit thotë se sot është lideri i Shqipërisë për të rikthyer vendin në shinat kushtetuese.
“Nuk me interesojnë partitë. Është 10 fishuar populli i 2 marsit. S’dal dot në rrugë se njerëzit më thonë shpërndaje Parlamentin. Unë jam lideri i Shqipërisë sot. Mua më qëlloi kjo detyrë”, tha Meta.
Kreu i shtetit Ilir Meta i është drejtuar sot me një letër Avokaturës së Shtetit dhe ministrisë së Financave, ku kërkon informacion lidhur me çështje që Shqipëria ka në arbitrazh me palë të treta.
Kjo është thirrja e tretë për Avokaturën e Shtetit për dhënien e informacionit ndaj Presidentit të Republikës për çështjet në proces dhe vendimet e gjykatave të arbitrazhit ku shteti shqiptar është palë.
Kreu i shtetit kërkon numrin e dosjeve në Arbitrazh, pagesat për shërbimet e konsulencës, numrin e çështjeve të fituara nga shteti shqiptar, numrin e atyre të humbura, kostot financiare, dhe shpenzimet për këto gjyqe.
Meta paralajmëron zyrtarët e Avokaturës së Shtetit, se në rast moskthimi përgjigjie, atëherë Presidenca do të vijojë me hapat ligjorë, dhe do të kallëzojë institucionet për shpërdorim detyre.
LETRA
Zonja Avokate e Përgjithshme e Shtetit,
Me shkresën me nr. prot. 2391, datë 13.07.2020, të Institucionit të Presidentit të Republikës, ju është kërkuar informacion mbi çështjet në proces dhe vendimet e gjykatave të arbitrazhit ku shteti shqiptar është palë.
Asnjë përgjigje nuk ka ardhur nga ana e Avokaturës së Shtetit mbi këtë kërkesë. Janë bërë plot 3-muaj e 15 ditë pa asnjë përgjigje!
Me shkresën me nr. prot. 2391/1, datë 14.09.2020, Ju është kërkuar për herë të dytë përcjellja e informacionit të kërkuar 3 muaj më parë, mbi çështjet në proces dhe vendimet e gjykatave të arbitrazhit ku shteti shqiptar është palë.
Në këtë shkresë të dytë ju është lënë një afat 4-ditë pune për ta përcjellë informacionin e kërkuar. Sot bëhet plot 1 muaj e 15-ditë, pa asnjë përgjigje edhe për këtë shkresë të dytë!
Presidenti i Republikës nuk ka marrë ende një përgjigje zyrtare me të dhënat për çështje që kanë të bëjnë me detyrat e Avoakturës së Shtetit e që lidhen direkt me interesin publik dhe sigurinë e financave të vendit.
Presidenti i Republikës, në mbështetje të nenit 92/h të Kushtetutës së Republikës së Shqipërisë, kërkon dhe mbetet ende në pritje të të dhënave të kërkuara për 3 muaj rresht, informacion ky mbi:
– Numrin e çështjeve në proces pranë Gjykatave të Arbitrazhit, ku Republika e Shqipërisë është palë dhe të dhënat rreth tyre, përfshirë strukturën që ndjek këto çështje;
– Nëse për çështjet në proces në Gjykatat e Arbitrazhit janë kontraktuar shërbime të përfaqësimit dhe të konsulencës, përfshirë të dhënat mbi mënyrën e përzgjedhjes, kontraktimit, shpenzimet dhe pagesat e kryera për to, apo në pritje për t`u kryer;
– Numrin e çështjeve të fituara nga shtetit Shqiptar në Gjykatat e Arbitrazhit;
– Numrin e çështjeve të humbura në Gjykatat e Arbitrazhit, me të dhëna mbi:
Efektin financiar (detyrimin) për shtetin shqiptar sipas vendimit; Shpenzimet administrative për mbulimin e kostove të procesit, përfshirë shpenzimet për kontraktimin e shërbimeve të përfaqësimit dhe të konsulencës, si dhe mënyrën e përzgjedhjes dhe kontraktimit të tyre.
– Bazuar mbi çështjet e humbura në gjykatat e arbitrazhit ndërkombëtar, a ka referuar Avokatura e Shtetit deri më tani çështjet në organet përkatëse për nxjerrjen e përgjegjësive individuale administrative, civile dhe/ose penale për dëmin e shkaktuar ndaj interesave financiare të shtetit shqiptar, apo jo.
– Informacion të veçantë mbi lindjen dhe ecurinë e çështjes së Arbitrazhit ICSID nr. ARB/15/28 “Hydro dhe të tjerë kundër Shqipërisë”, duke përfshirë edhe kopje të vendimit të Gjykatës së Arbitrazhit, në gjuhën që është dhënë dhe përkthimin e tij zyrtar në gjuhën shqipe.
Nëse informacioni i kërkuar, shoqëruar me kopje të dokumentacionit të plotë, nuk depozitohet në Institucionin e Presidentit të Republikës brenda ditës së hënë, datë 02.11.2020, ju bëjmë me dije se,
– Institucioni i Presidentit të Republikës do të ndërmarrë të gjitha hapat ligjorë për referimin e rastit të shpëdorimit të detyrës në organet ligjzbatuese, për secilin prej personave që me veprime apo mosveprime, është bërë pengesë për dhënien e këtij informacioni, dhe që po krijon edhe më shumë bindjen e arsyeshme të bazuar në prova dhe ligj se po bëhen përpjekje për të mbuluar veprime të tjera të dënueshme që kanë shkaktuar dëme të konsiderueshme financiare për shtetin shqiptar.
Përmes kësaj shkrese, ju bëjmë thirrje të reflektoni e të mos rëndoni edhe më shumë pozitën tuaj si Avokat i Përgjithshëm i Shtetit, duke bashkëpunuar në kryerjen e veprimeve që mund të klasifikohen si vepra penale me pasoja të rënda për vendin, dhe të mos pengoni Kreun e Shtetit të ushtrojë kompetencat e tij kushtetuese.
Nëse ju po pengoheni, apo jeni urdhëruar, për mos ta dhënë këtë informacion për Kreun e Shtetit, atëherë ju kujtojmë se sipas ligjit ju sërish mbartni detyrimin për të informuar Kreun e Shtetit, si dhe organet e ndjekjes penale, për konsumimin e një tjetër vepre penale.
E nderuar zonja ministre e Financave dhe Ekonomisë,
Referuar kësaj situate aspak të logjikshme, Presidenti i Republikës në mbështetje të nenit 92/h të Kushtetutës së Republikës së Shqipërisë, kërkon nga ana juaj një informacion të plotë mbi të gjitha detyrimet financiare të shtetit shqiptar përkundrejt palëve të treta që ju i keni identifikuar tashmë si detyrim për shlyerje dhe që kanë ardhur si pasojë e humbjes prej shtetit Shqiptar të çështjeve në Gjykatat/Dhomat e Arbitrazhit, si dhe praktikat respektive dokumentare (përfshirë vendimet e gjykatës së arbitrazhit) mbi bazën e të cilave ju jeni informuar për vlerën e detyrimit për t’u shlyer.
Shprehim besimin se nga ana juaj nuk do të ketë vonesa në përcjelljen e këtyre të dhënave.
Sizmologu Llambro Duni ka komentuar situatën që po kalojnë Greqia dhe Turqia, të cilat u tr onditën mesditën e së premtes nga lëkundjet e forta të një tërmeti me magnitudë mes 6.6 dhe 7 të shkallës rihter.
Duni tha se tërmeti ishte tejet i fortë dhe u regjistrua edhe nga Qendra Shqiptare e Monitorimit të Aktivitetit Sizmik.
“Tërmeti ka rënë në zonën e Egjeut, që njihet si strukturë tektonike, e cila është e rrethuar nga epiqendra tërmetesh të f orta. Edhe Instituti ynë e ka regjistruar dhe ka bërë vlerësimet e veta. Ishte tërmet shumë i f ortë dhe për shkak të thellësisë relativisht të vogël [të epiqendrës] efekti në sipërfaqe i kësaj ngjarjeje është shumë i madh dhe raportimet e para flasin për diçka të tillë për energji shumë të madhe të çliruar,” – u shpreh Duni.
Sizmologu shqiptar tha se do të ketë pasgo ditje më të vogla krahasuar me lëkundjen më të madhe të fiksuar në magnitudën 7.
“Për sa i përket cunamit, në Mesdhe ka pasur raste dhe ka mundësi për c unami, por personalisht mendoj se nuk do të ketë në këtë rast sepse lëkundjet kanë ndodhur pranë kontinentit, ndaj mendoj se thjesht do të ketë dallgë jo të konsiderueshme,” – shtoi më tej sizmologu në intervistën për euronews.
I pyetur nëse lëkundjet në Egje mund të nxisin lëkundje edhe në zona të tjera, si për shembull në Shqipëri, Duni tha se zona në fjalë është e veçuar nga njësia sizmike e Adriatikut ku është pozicionuar vendi ynë
“Jo! Kjo është një njësi tektonike e veçuar, pllaka e Egjeut vepron më vete dhe nuk ka lidhje me pjesën tjetër të Adriatikut ku është pozicionuar dhe vendi ynë, dhe padyshim nuk ka të bëjë me të,” – tha Duni.
Autoritetet turke e raportuan tër metin në magnitudë 6.6 me vendndodhje zonën e detit Aegan me thellësi 16.5 kilometra.
Ndërkohë që Qendra Evropiane e Sizmologjisë e fiksoi atë me magnitudë 6.9 dhe epiqendër 13 kilometra në verilindje të ishullit grek Samos në Egje.
Krejt ndryshe Qendra Amerikane e Vëzhgimit Sizmik e fiksoi në magnitudën 7 të shkallës Richter.
