Gazetarja Klodiana Lala, e ftuar në studion e emisionit “Open” në News24 ka folur në lidhje me kërkesën e SPAK për arrestimin e ish-ministrit Arben Ahmetaj.
Lala ka zbuluar se Ahmetaj ka udhëtuar një javë më parë drejt Mbretërisë së Bashkuar, ndërsa është kthyer dhe është larguar sërish.
Ajo tregoi se ish-ministri është larguar nga vendi ditën e premte drejt një vendi të Bashkimit Evropian, por pa konfirmuar se ku ndodhet konkretisht ish- zv. kryeministri i vendit.
“Ahmetaj ka udhëtuar drejt një vendi të Bashkimit Evropian të premten. Ka qenë një javë më herët po ashtu në drejtim të Mbretërisë së Bashkuar. Është kthyer dhe ka udhëtuar sërish jashtë vendit”, u shpreh ajo.
Gazetari Adriatik Doçi ka nxjerr në pah fijet që tregojnë lidhjet e ish-ministrit Arben Ahmetaj me kryetarin e PL, Ilir Metën, Monika Kryemadhin, Shkëlzen Berishën si dhe me shumë biznesmenë të tjerët të cilët janë të përfshirë në afera të mëdha korruptive.
Doçi thotë se janë duke u fshehur provat edhe për një tjetër ‘peshk të madh’ i cili ka përfituar pasuri dhe para në mënyrë të paligjshme.
REAGIMI
Si po tentohet të mbulohen lidhjet korruptive të Arben Ahmetajt me dhjetëra biznesmenë dhe disa gazetarë duke përdorur si çadër Zoton e Mërtirin, fshihen provat për një tjetër ‘peshk të madh’
Ashtu siç edhe perceptohet nga publiku dhe u kallëzua në SPAK nga unë në shkurt të këtij viti, dosja me mbi 300 faqe e SPAK e vizaton Arben Ahmetajn si një fakultet korrupsioni.
Edhe pse dosja e SPAK konsiston vetëm në rolin e Arben Ahmetajt në çështjen e inceneratorëve, duke mos prekur privatizimet, rindërtimin dhe fondet e pandemisë, në pah dalin lidhje të Ahmetajt me dhjetëra biznesmenë, disa nga të cilët i ka përdorur për kamuflimin e pasurive të paligjshme.
Në dosjen e SPAK dalin në pah fijet e interesave të Ahmetajt me biznesmenët Vladimir Kosta, Mond Begon, Besmir Prifti, Andi Boni, Gerian Kuke, Artan Gjokaj, Ervin Manushi, Gazmir Bregu si dhe me oligarkët kryesor në vend.
Me secilin prej tyre, Arben Ahmetaj ka pothuajse një histori korrupsioni, me pasojë vjedhjen e pasurive dhe parave publike.
Për të sulmuar ish shokët dhe mosekspozuar aferat e tij, Arben Ahmetaj ka rekrutuar edhe disa gazetarë, të cilëve u ka hapur televizion, i mban me para cash, puro, udhëtime, karkeleca, dhurata dhe verëra të shtrenjta.
Për këtë raport korruptiv ka foto, video duke numëruar paratë cash, qindra SMS, rezervime etj. Episode më vete janë lidhjet e Ahmetajt me Ilir Metën, Monika Kryemadhin, Shkëlzen Berishën si dhe me disa botues të korruptuar që nuk paguaj taksa, pastrojnë para dhe kanë marrë pasuri publike.
Pavarësisht kësaj panorame që na jep dosja e SPAK, raportimet mediatike janë fokusuar tek raporti i Arben Ahmetajt me Klodian Zoton dhe Mirel Mërtirin, lidhjen me të cilët Ahmetaj e ka mohuar, por prova tregojnë të kundërtën, një e vërtetë që dihet prej 3 vitesh.
Roli i Arben Ahmetajt si pronari real i inceneratorëve, u fsheh nga prokurori Klodian Braho, nga prilli 2022 deri në shkurt 2023. Braho ishte instruktuar për të goditur vetëm ish shokët e Arben Ahmetajt dhe Ilir Metës.
U desh kallëzimi penal i shkurtit 2023 që skenari Ahmetaj-Meta të dekonspirohej dhe hetimet të merrnin një rrjedhë tjetër.
Por, edhe gjatë fazës së dytë të hetimeve, pasi Altin Dumani i hoqi dosjen nga duart Klodian Brahos, janë fshehur provat për një tjetër ‘peshk të madh’, i cili ka përfituar pasuri dhe para në mënyrë të paligjshme.
Nuk ka dyshim se emri i tij ka dalë dosa herë gjatë hetimeve, por çuditërisht nuk figuron në dosjen e Ahmetajt, ashtu siç nuk figuronte Ahmetaj në dosjen për Lefter Kokën, Alqi Bllakon, Zoton etj.
Teksa pritet që më 29 korrik të mbahen zgjedhjet për kreun e ri të PD-së, Sekretari i Përgjithshëm Gazment Bardhi ka lënë të kuptohet se nuk do ta njohë Lulzim Bashën si kryetar nëse ky fiton.
Në një intervistë për News24 ai tha se kushdo është i lirë të shpallet mbret apo kryetar partie, por nuk mund të jetë i tillë pa një vendim të Këshillit Kombëtar për mbajtjen e zgjedhjeve.
Kujtojmëv se kundërshtari i Bashës është Gjergj Haniv dhe të dy do të “luftojnë” më 29 korrik për postin e kreut të Partisë Demokratike.
Si do dilet nga konflikti në PD?
Përveç dy palëve, ka edhe një të tretë që është e fokusuar te misioni që ka çdo opozitar në vend për të denoncuar qeverinë. Brenda një jave kemi tre çështje shumë shqetësuese, ngjarjen e Krujës, shkërmoqjen e shtetit për Ahmetajn dhe në komisione po diskutohet legalizimi i kanabisit. Opozita do të duhet të jetë e fokusuar në këto çështje.
Për Krujën ikën Rraja dhe Çuçi, për Ahmetajn po shkohet drejt arrestimit, për kanabisin është ende në shqyrtim në komisione…
Nuk kishte reagim të institucioneve në Krujë. Banorët po protestojnë prej një muaji dhe kishte mungesë veprimi nga institucionet. Ngjarja e Krujës ndodhi në 6 korrik. U paraqitën personat e dhunuar në komisariat dhe nuk pati asnjë reagim. Ishte publikimi i atyre pamjeve shokuese për qytetarët që solli reagimin e institucioneve. Shkarkimin e Çuçit, Rama nuk e ka vendosur si standard por e kishte plan prej kohësh.
Në 29 korrik do mbahen zgjedhjet. Kryesia ka vendosur që procesi të ecë përpara. Në 30 korrik do ta njihni kryetarin e ri?
Pa një vendim të vlefshëm të Këshillit Kombëtar të PD-së në 29 korrik nuk ka zgjedhje për kryetarin e PD. Unë i qëndroj këtij standardi.
Do konsiderohen nul?
Nuk ka zgjedhje. Zgjedhje ka bërë edhe Berisha që e quan veten kryetar të PD-së. Pa një vendim të vlefshëm të Këshillit Kombëtar nuk ka zgjedhje për kryetar të PD-së. Çdokush është i lirë që të shpallë veten mbret, apo kryetar. Është në zgjedhjen e tij të lirë. Po flas për statut, rregulla dhe procese legjitime brenda një force si PD-ja.
6 deputetë morën një nismë për të kontaktuar anëtarët e PD-së. Në çfarë faze është? Kur do ta thërrisni Këshillin Kombëtar legjitim?
Nuk kam informacion deri në çfarë faze janë kolegët.
Ka disa deputetë që nuk po qëndrojnë as me Berishën as me Bashën. Cili do të jetë fati i këtij grupi?
PD ka vuajtur se është identifikuar me kultin e individit. Ne nuk jemi në PD për asnjë emër të përveçëm. Ne nuk kemi pasur një qëndrim për Berishën kur shkel statutin dhe qëndrim të ndryshëm për Bashën kur shkel statutin. Ne do të vazhdojmë t’i shërbejmë interesit të anëtarëve të PD-së dhe ata kërkojnë që opozita të jetë në misionin e saj të të bërit opozitë. Kush do të luftojë për karrige është i lirë ta bëjë.
Policia Kufitare në Durrës i ka ardhur në ndihmë mbrëmjen e djeshme 13 pushuesve në Kepin e Rodonit, pasi skafi më të cilin ata po lundronin për qëllime argëtimi gjatë orëve të natës pësoi defekt.
Pushues nga Shqipëria ishin të afërm me njëri-tjetrin, ndërsa 6 prej tyre ishin të mitur.
Operacioni i shpëtimit zgjati deri në mesnatë dhe përfshiu evakuimin e 13 shtetasve dhe rimorkimin e mjetit lundrues skaf.
Njoftimi i policisë:
Kepi i Rodonit, Durrës
Mbetën në det, gjatë orëve të natës, pasi skafi me të cilin lundronin për qëllime argëtimi, pësoi defekt, shërbimet e Policisë Kufitare iu shkojnë në ndihmë 13 shtetasve (pushues nga Shqipëria, të afërm të njëri-tjetrit), 6 prej të cilëve shtetas të mitur.
Operacioni i shpëtimit zgjati deri në mesnatë dhe përfshiu evakuimin e 13 shtetasve dhe rimorkimin e mjetit lundrues skaf.
Rreth orës 22:30 të mbrëmjes së djeshme, shërbimet e Policisë Kufitare të SPK Shëngjin janë njoftuar se 13 shtetas, mes tyre dhe të mitur, kishin mbetur në det, në afërsi të kepit të Rodonit, pasi mjeti skaf me të cilin lundronin për qëllime argëtimi, kishte pësuar defekt.
Menjëherë pas marrjes së këtij njoftimi, shërbimet e Policisë Kufitare të SPK Shëngjin dhe roja bregdetare janë nisur me mjet lundrues, drejt vendit të sinjalizuar.
Si rezultat i operacionit të shpëtimit dhe evakuimit që zgjati deri në mesnatë, drejtuesi i mjetit lundrues skaf dhe 12 shtetasit në bord, 6 prej të cilëve shtetas të mitur (pushues nga Shqipëria, të afërm të njëri-tjetrit), u nxorrën në breg, në gjendje të mirë shëndetësore. Gjithashtu, mjeti lundrues skaf që kishte pësuar defektin, u rimorkua dhe u dërgua drejt portit të Durrësit.
Policia e Durrësit fton qytetarët, turistët dhe pushuesit që të telefonojnë në numrin pa pagesë 112, për çdo rast nevoje.
Prokuroria e Vlorës ka përfunduar hetimet në lidhje me ngjarjen e rëndë që ndodhi më 2 Gusht të vitit 2022, ku në Potam të Himarës gjeti vdekjen në breg të detit, Jonada Avdiu, 7 vjeçe.
Ajo u përplas nga një mjet lundrues, në drejtimin e së cilës ishte Arjan Tase. Ky i fundit në momentin e ngjarjes ishte me detyrë shef i policimit në Komunitet në Drejtorinë e Policisë së Elbasanit, por kishte mbajtur edhe detyrën e shefit të Komisariatit të Himarës më parë.
Prokuroria ka dalë në konkluzionin se ngjarja ka ndodhur si pasojë e mosrespektimit nga ana e Tases të zonës së përcaktuar për notarë si dhe manovrës së gabuar të tij në drejtimin e mjetit. Ai është marrë i pandehur nga Prokuroria për veprën penale “Vrasje me dashje”.
Vrasja e 7-vjeçares në Himarë, Prokuroria përfundon hetimet: Merren të pandehur 9 persona
Hetimit të prokurorisë nuk i kanë shpëtuar edhe institucionet përgjegjëse të ngarkuara për zbatimin e sigurisë në plazhe gjatë sezonit turistik. Konkretisht për Bashkinë Himarë, Komisariatin Himarë dhe Drejtorinë Vendore për Kufirin dhe Migracionin në Vlorë.
Janë 8 persona që janë marrë të pandehur për shpërdorim detyre.
“F.M., me detyrë shef i sektorit të kufirit në Drejtorinë Vendore të Kufirit dhe Migracionit Vlorë, i akuzuar për veprën penale të “Shpërdorimit të detyrës “parashikuar nga neni 248 i Kodit Penal;
N. B., me detyrë shef stacioni në Stacionin e Policisë Kufitare, Dhërmi, në sektorin e kufirit të Drejtorisë Vendore për Kufirin dhe Migracionin Vlorë, i akuzuar për veprën penale të “Shpërdorimit të detyrës” parashikuar nga neni 248 i Kodit Penal;
L. A., B.M. dhe K.H., me detyrë trupa shërbimi në mjetin lundrues BP06, të ngarkuar me kotrollin e vijës bregdetare në Stacionin e Policisë Kufitare Dhërmi, Vlorë, akuzuar për veprën penale të “Shpërdorimit të detyrës“ parashikuar nga neni 248 i Kodit Penal;
A. D. me detyrë specialist rendi në Komisariatin e Policisë Himarë, akuzuar për veprën penale të “Shperdorim detyre” parashikuar nga neni 248 i Kodit Penal; dhe
B. A. dhe A.B., me detyrë përgjegjës dhe punonjës të Policisë Bashkiake në Bashkinë Himarë, akuzuar për veprën penale të “Shpërdorim detyre” parashikuar nga neni 248 i Kodit Penal si punonjës që kanë kryer kontrolle periodike në vendin e ngjarjes”, njoftoi prokuroria.
Aksidenti i rëndë që i mori jetën Jonadës ndodhi rreth mesditës së 2 Gushtit. E mitura ishte duke luajtur në bregun e detit. Por skafi që drejtohej nga Tase përfundoi mbi të duke i marrë jetën.
Pas ngjarjes, Tase u përjashtua menjëherë nga radhët e uniformave blu. Kjo ngjarje tronditi opinionin publik dhe për pasojë u zhvilluan disa protesta në Tiranë.
Një ngjarje e rëndë është regjistruar mesditën e sotme në qytetin e Fierit. Një shtetas 38-vjeç është vetëhedhur nga pallati dhe për pasojë ka ndërruar jetë.
Dyshohet se shtetasi ka qenë në gjendje depresioni, ndërsa na vendin e ngjarjes ka shkuar grupi hetimor i cili po punon për zbardhjen e rrethanave të ngjarjes.
Njoftimi i policisë:
Fier/Informacion paraprak
Rreth orës 13:30, në lagjen “8 Shkurti” Fier, shtetasi, 38 vjeç, dyshohet se në gjendje depresioni është vetëhedhur nga pallati dhe për pasojë ka ndërruar jetë.
Në vendngjarje ka shkuar grupi hetimor i cili po punon për zbardhjen e rrethanave të ngjarjes.
Babai dhe dy djemtë e tij të mitur kanë humbur tragjikisht jetën në plazhin e Vilë Bashtovës.
Tragjedia e familjes Halilaj nga Tirana u shënua mesditën e kësaj të diele ku Elvis Halilaj, 50 vjeç, dhe dy djemtë, 13 dhe 15 vjeç nuk kanë arritur të dalin më nga deti si pasojë e rrymave të forta detare. Burimet bëjnë me dije se të tre viktimat kanë shkuar thellë me not dhe deti ka qenë i trazuar. Në atë zonë mësohet se nuk ka vrojtues, ndërsa edhe pamjet që kanë ardhur nga vendi i ngjarjes tregojnë se në kullën e vrojtimit nuk ka asnjë rojë ndonëse bëhet fjalë për plazh publik.
Babai dhe dy djemtë e mitur mësohet se kanë shkuar pak larg me not, por në fakt aty nuk ka qenë askush për t’i ndihmuar, pasi burri ka hyrë të nxjerrë dy fëmijët, por ka mbetur edhe vetë brenda. Policia në disa njoftime të nisura për ngjarjen bëri me dije se të tre personat kishin ndërruar jetë, por kanë qenë pushuesit, të cilët kanë treguar se në fakt nëse do kishte ardhur ndihma e parë më shpejt, edhe mund të shpëtoheshin.
Çka do të thotë se babai dhe dy fëmijët janë nxjerrë me shenja jete në breg. Megjithatë, do të jetë mjekësia ligjore që do të thotë fjalën e fundit në lidhje me momentin kur kanë ndërruar jetë tre pjesëtarët e familjes Halilaj. Po ashtu, gjithnjë sipas të dhënave që vijnë nga dëshmitarët, është bërë me dije se në fakt ambulanca është lajmëruar shumë shpejt, por ka shkuar në vendin e ngjarjes rreth një orë e gjysmë me vonesë, çka edhe ka irrituar pushuesit, të cilët kanë qenë të pafuqishëm të mbanin në jetë asnjërin nga të mbyturit.
NGJARJA
Dëshmitarët thonë se ngjarja ka ndodhur në mesditë, rreth orë 12:45. Sipas pushuesve, babai së bashku me dy djemtë ishin shumë thellë dhe rrymat i tërhiqnin akoma më shumë, duke pamundësuar daljen e tyre në breg. Sipas të njëjtave dëshmi, njëri prej djemve kishte shfaqur probleme me daljen nga deti për shkak të rrymave dhe i ati dhe vëllai janë futur për ta ndihmuar.
Ambulanca ka mbërritur ne vendngjarje rreth gjysmë ore pas ngjarjes. Trupi i parë i pajetë që është nxjerrë nga deti, ka qenë Elvis Halilaj, më pas kanë nisur kërkimet për gjetjen e trupave të dy fëmijëve të tij të mitur. Plazhi Vilë-Bashtovë ndodhet rreth 45 km larg qytetit të Durrësit. Këtë të diel plazhet e zonës së Durrësit dhe Spillesë janë shënjuar me flamur të kuq në mesditë për shkak të shtimit dhe fortësisë së rrymave detare duke mos lejuar pushuesit të futen në det, por plazhi ku ndodhi tragjedia është një zone e veçuar publike, ku nuk ka roje apo struktura për të pushuesit.
Në vendngjarje ndodhet grupi hetimor dhe po punon për sqarimin e plotë të rrethanave të ngjarjes. Ndonëse jemi në mesin e sezonit turistik, një problematikë që haset është mungesa e vrojtuesve të plazhit që bën edhe të pasigurt qëndrimin e pushuesve që zgjedhin bregdetin shqiptar.
Zbulohen mesazhet e shkëmbyera mes anëtarëve të fisit Maja dhe administratorit të gurores Alfred Karaj, një ditë para sulmit barbar nga Rrajat për qytetarët e Borizanës në Krujë.
Gazetari Igli Çelmeta ka siguruar bisedën e fundit mes Andi Majës, djali i xhaxhait të dy personave të dhunuar Bilbil dhe Jashar Majës dhe Alfred Karajt, teksa ishin bërë disa denoncime në polici dhe protesta për guroren që po iu shkaktonte dëme në banesë për shkak të shpërthimeve me eksploziv.Nga mesazhi shihet qartë kërcënimi dhe paralajmërimi që Karaj i bënte fisit Maja.
“Nuk më vini dot gjobë, do takohemi e do më njihni”, thuhet ndër të tjera.
