Lajmi i fundit

Studentët e universiteteve publike në kryeqytet vazhdojnë protestën e tyre në ditën e 11. Sot ata janë mbledhur sërish përpara Kryeministrisë, duke kërkuar përmbushjen e 8 kërkesave dhe refuzojnë dialogun me Kryeministrin Edi Rama.

Studentët vijojnë të qëndrojnë në bulevardin përpara godinës së Kryeministrisë, ndërsa një ditë më parë bënë thirrje për protestë mbarëkombëtare duke kërkuar sensibilizimin edhe të qytetarëve të tjerë.

Kreu i qeverisë vazhdimisht përsërit thirrjen e tij në rrjetet sociale kundrejt studentëve, duke u thënë se është i gatshëm për plotësimin e 8 pikave, por fillimisht kërkon dialog me ta. Nga ana tjetër, studentët vazhdojnë të refuzojnë duke thënë se nuk ka arsye për të dialoguar, por të plotësohet pa kushte lista me kërkesat e tyre.

Në ditën e 11 të protestës së tyre, studentët janë shfaqur në protestën e radhës përpara Kryeministrisë, njësoj të vendosur si ditën e parë. Ata vazhdojnë që t’i qëndrojnë fort kauzës së tyre dhe kërkojnë me këmbëngulje, që 8 kërkesat e tyre bazike të plotësohen nga qeveria, pa asnjë kusht.

Një nga studentët ka deklaruar pasi ka marrë fjalën me megafon, se 8 kërkesat janë të panegociueshme dhe se ata kanë të njëjtin standard si BE me qeverinë shqiptare; Plotëso kërkesat dhe pastaj hapen negociatat.

“Zoti kryeministër, ata 8 kërkesa janë si oksigjeni për ne. Në qoftë se nuk plotësohen atëherë nuk ka jetë. Po si nuk të vjen turp që thua eja dialogojmë, mos na di për idiotë, kujton se mund të na mashtrosh. Nuk ka dialog pa u plotësuar ato 8 kërkesa. Bashkimi Europian ju ka vendosur disa kushte, dhe ju ka thënë se plotësoni kushtet që të hapen negociatat. Edhe ne ju themi të njëjtën gjë, plotësoni 8 kërkesat dhe pastaj dialogojmë”, ka deklaruar studenti.

Studentë të Universitetit Ismail Qemali Vlorë kanë vijuar protestën e tyre,të ndalur tashmë para rektoratit.

Thirrje për t’ju bashkuar protestës së tyre edhe studentët e tjerë,ndërsa është përpiluar edhe një kërkesë me pesë pika drejtuar rektorit të universitetit të Vlorës Roland Zisi.
Studentët kanë qëndruar para rektorarit,ndërsa kërkojnë plotësimin e kërkesave të tyre,duke shprehur njëherësh edhe mbështetjen e tyre për studentet në Tiranë.

Të mos penalizohen studentët me mungesa,krijimi i senatit studentor me përfaqësues nga çdo klasë
Të ndalohet diskrimimi i pedagogëve ndaj studentëve që marrin pjesë në protestë
Të bëhet i mundur nga universiteti i Vlorës që pranimi në universitet të jetë për nxënësit mbi mesataren 7 dhe krijimi i ambienteve laboratorike për çdo degë të nevojshme.
Studentët e universitetit Ismail Qemali janë të vendosur të shkojnë deri në fund për protestën e tyre,ndërsa do të vijojnë të protestojnë para universitetit Ismail Qemali të Vlorës.

Drejtësia e re shqiptare po merr formë. 12 dhjetori 2018, për ndërkombëtarët në Tiranë është një ditë historike pasi ka përfunduar procesi i ngritjes së Këshillit të Lartë të Prokurorisë dhe Këshillit të Lartë të Gjyqësorit.

SHBA, BE dhe OSBE kanë reaguar me entuziazëm, duke besuar se tashmë sundimi i ligjit në Shqipëri ka hyrë në shinat e duhura.

Për ta, frika më e madhe ishte tek zgjedhja e KLGJ-së, pasi kishin dyshime se procesi mund të sabotohej.

Në fakt procesi nisi me debate nga anëtarë të Këshillit të Lartë të Drejtësisë, të cilët kërkuan të ishin pjesë e votimit, por më pas u larguan me kërkesë të kryetarit të Gjykatës së Lartë, Zaganjori dhe më pas procesi ka vijuar normalisht.

Por kush janë njerëzit që janë zgjedhur në KLGJ dhe në KLP?

339 gjyqtarë, pjesëmarrës në mbledhjen e përgjithshme të gjyqtarëve kanë votuar për 6 anëtarët e rinj të KLGJ. Ata janë: Dritan Hallunaj, Ilir Toska, Brunilda Kadi, Marcela Shehu, Brikena Ukperaj dhe Medi Bici.

Ndërkohë një ditë më parë, nga 305 prokurorë që kanë mbetur në sistem, 295 prej tyre votuan për “qeverinë” e ardhshme që do t’i përfaqësojë.

Fituesit janë Kostaq Beluri, Arben Dollapaj, Bujar Sheshi, Antoneta Sevdari, Gentian Osmani dhe Besnik Cani.

Nëse i besojmë entuziazmit të ndërkombëtarëve, korrupsioni dhe krimi tashmë duhet të dridhen. Pranvera që po vjen mund të jetë një sinjal se drejtësia do jetë ndryshe.

Studentët kanë nisur protestën edhe në qytetin e Vlorës, janë mbledhur mbi 100 studentë të cilët janë vendosur në hyrje të universitetit “Ismail Qemali”.

Ndërkohë studentët kanë arritur të bojkotojnë të gjithë mësimet e parashikuar në oraret në një pjesë të madhe të fakulteteve.

“Ka bojkot të provimeve, ndërsa ata shprehen se do jenë në protestën e tyre.

Protesta është përqendruar pranë rektoratit. Kjo është dita e tretë në Vlorë, por që do të vijojë si në Tiranë.

Berisha aku.zohet për vr.asjen e Azem Hajdarit, zhdukjen e Remzi Hoxhës, organizimin e grushtit të shtetit të 14 shtatorit 1998, hapjen e dep.ove të arm.ëve, etj

Drejtuesja e Prokurorisë së Kri.meve të Rënda, Donika Prela, ka marrë në dorë një padi të Izet Haxhisë, i cili denoncon Sali Berishën për 23 kr.ime shumë të rënda, të kryera gjatë këtyre 28 viteve.

Shumica e kr.imeve të pretenduara nga ish-truproja i Berishës, Izet Haxhia, dë.nohen me burg.im të përjetshëm. Në fillim, Izet Haxhia e depozitoi padinë te kryeprokurorja Arta Marku, por kjo e fundit e çoi te Donika Prela, pasi akuzat e Haxhisë janë në kompetencë të Prokurorisë së Kr.imeve të Rënda.

Berisha akuzohet për vra.sjen e Azem Hajdarit, zhdukjen e Remzi Hoxhës, organizimin e grushtit të shtetit të 14 shtatorit 1998, hapjen e depove të armëve në ’97 etj. Për të gjitha këto kri.me të rënda e mak.bre, Sali Berisha pritet të marrë dë.nimin maksimal, teksa dosja e tij ‘e zezë’ ndodhet më në fund në duart e njeriut të ‘hekurt’ të drejtësisë së re shqiptare, Donika Prelës.

Kjo e fundit, guxoi pak kohë më parë të marrë në shqyrtim dosjen e një prej ‘kokave’ të ba.ndave më të rre.zikshme në vend, atë të Emiljano Shullazit, e cila ‘flinte’ në sirtarët e drejtësisë së kalbur prej vitesh dhe kishte ten.tativa të forta politike që ajo të mbyllej fare.

Duke marrë në dorë dosjen, Prela ia arriti të gjunjëzonte Emiljano Shullazin dhe ta dëno.nte atë me 14 vite bu.rg, ndërsa tashmë ajo ka në dorë fatin e Sali Berishës, njeriut dhe politikanit më famëkeq në Shqipëri, i cili ka vr.arë e përgjakur vendin shumë herë.

23 ak.uzat e Izet Haxhisë kundër Berishës

1) Ngjarjet tra.gjike të 2 Prillit 1991

2) Vr.asjet në shkollën e Bashkuar

3) Ngritjen, bekimin, manipulimin, e firmave Piramidale e përvetësimin e miliardave nëpërmjet përdorimit të pushtetit politik dhe Shërbimit Informativ Kombëtar.

4) Manipulimit dhe vjedhjes së votave në çdo votim të radhës, nëpërmjet blerjeve favoreve fiksimit. disinformimit dhe nxitjes së anarkisë dhe kaosit.

5) Djegia e gazetës “Koha Jonë” dhe vënie tri.tol në shtëpinë e gazetares Zenpe Luka.

6) Organizator dhe shtytës i funksionimit të linjës së tri.tolit, sa herë që i është dashur të destabilizojë situatat politike, juridike, ekonomike, shoqërore e sociale në vend.

7) Ai është përgjegjës për vjedhjen e floririt në Kërrabë, aktin e dytë e përfundoi Ilir Meta.

8) Vra.sja e zhdukja pa lënë gjurmë nëpërmjet marionetës së tij Ilir Kumbaro, e atdhetarit Remzi Hoxha.

9) Hapja e dep.ove të arma.tim-municio.neve, dhe përgatitja e paramilitarëve në dajt në Tiranë e gjetkë për të sulm.uar përfaqësuesit në jugun e vendit.

Nxjerrja e urdhrave përkatës për operacione ushtarake ndëshkuese në jug të vendit, duke planizuar edhe bom.bardim edhe përdorim të lën.dëve helmue.se-luf.tarake edhe këputje të nyejve të transportit, si ura, mbikalime, përdorimin e njerëzve të infiltruar.

10) Veprimet anti kushtetuese, u finalizuan me këtë rast duke vendosur në krye të operacioneve shfarosëse anti kombëtare, shefin e shërbimit sekret, po aq bashkëpërgjegjës në këto kri.me, Bashkim Gazidede.

11) Ai është përgjegjës gjithashtu për një sërë vra.sjesh trag.jike në rrethin e Tropojës. Gjithçka filloi, veç më parë, me vr.asjen në Qafë Luzh, ku mbeti i vra.rë Shkëlqim Haklaj.

12) Ai është përgjegjës dhe duhet të përgjigjet e të japë shpjegime edhe për vr.asjen e Ilir Koshtunicës, të UÇKS.

13) Ai ideoi dhe më kërkoi të bombardoja Ambasadën Amerikane.

14) Ai është përgjegjës penalisht edhe për planifikimin djallëzor, të v.rasjes të Skënder Gjinushit, të Zabit Brokës, të Arben Imamit, Shaban Memisë.

15) Ai është përgjegjës penalisht për porosinë e përdorimin e çdo lloj mjeti, si telekomandë snajper, çipa me telekomandë, e tjerë për të zhdukur çdo gjë që u takonte dhe kishte lidhje me Haklajt.

16) Ai është përgjegjës penalisht, për veprimet dhe përpjekjet e tij, intrigante për të na asgjësuar ne të tre vëllezërve, mua, Izet Haxhia, Ismet Haxhia dhe Isamedin Haxhia.

17) Ai është përgjegjës penalisht personalisht për kurthin dhe el.iminimin e Azem Hajdarit.

18) Ai është arkitekti i grushtit të shtetit të 14- Shtatorit. Dhe kthimin e selisë së PD-së në një fortesë militare dhe të rrez.ikshme për ndarje kombëtare.

19) Ai është përgjegjës penalisht për atë çfarë ndodhi në supermarketin “VEFA”.

20) Ai duhet të përgjigjet penalisht për zhdukjen e miliona lekëve shqiptare, si dhe krejtësisht edhe të valutës nga banka shtetërore e Shkodrës, për të cilat ekzistojnë shifra reale dhe janë justifikuar me fjalët u “vodhën” shtrohet pyetja nga kush ?!.

21) Ai mban përgjegjësi penalisht, gjithashtu pas nxjerrjes nga mënga, “AS-in” Leka Zogu, të cilin e nisi drejt “pushtetit” dhe që u mbyll me disa vi.ktima të pafajshme.

22) Ai mban përgjegjësi penalisht gjithashtu, edhe për instrumentalizimin e situatës nëpërmjet bashkëpunimit me marionetën e vetë Bujar Bukoshi.

23) E fundit, ai mban përgjegjësi penale për porosinë e vras.jes time në mërgim duke vënë në dispozicion 1,000,000 euro. Sikur të mos i mjaftonte intriga e akuza e montuar prej tij për t’më faturuar një kr.im që kurrë se kam kryer.

Studentët vazhdojnë protestën e tyre nën moton “Dhjetori i Dytë” edhe sot.

Në rrjetet sociale, që janë edhe “zemra” e kësaj proteste, studentët publikuan axhendën dhe në bazë të saj janë mbledhur para Korpusit Universitar në orën 9:30 dhe prej aty kanë nisur marshimin drejt Ministrisë së Arsimit.
Studentët i kanë vendosur si afat të fundit Ministrisë së Arsimit, ditën e martë, kur duhet të jenë plotësuar të gjitha kërkesat e tyre.

“Jemi të gjithë të bashkuar. Do i kërkojmë ministrisë dhe qeverisë të njëjtat kërkesa me 8 pika. Deri të martën është ultimatumi. Nëse nuk plotësohen, të martën do jetë protesta më masive që keni parë ndonjëherë”, u shpreh një prej studentëve për mediat.

E sotmja, do të jetë dita e 5-të e protestave të studentëve për të drejtat e tyre, teksa ata vazhdojnë të bëjnë thirrje për mos politizim të tubimit. Sipas tyre ka pasur tentativa nga disa grupe për t’i përçarë, ndaj kanë hedhur disa ide. Ata kërkojnë që mos ketë një drejtues, por organizimi të bëhet nëpërmjet rrjeteve sociale dhe e dyta që të bëhen të dallueshëm nga grupe politike propozojnë që të mbajnë në dorë një shami të kuqe.

“Studentë, të gjithë të bashkuar për të kërkuar me ngulm plotësimin e kushteve! Kush nuk ka mundësi të shkojë të mblidhet pranë fakulteteve të vet, të vijë direkt në Ministrinë e Arsimit”, thuhet në faqen e Facebook të Universiteti.info.

Edhe “Lëvizja për Universitetin” bën thirrje që politika të qëndrojë larg studentëve.

“Studentët në protestë para Ministrisë së Arsimit po përballen me një fushatë të koordinuar dezinformimi dhe orvatjesh për t’i përçarë. Lëvizja Për Universitetin u bën thirrje të gjitha partive politike që të ndalin veprimet përçarëse ndaj studentëve. Edhe më fort se nga ne, thirrja për mospërfshirjen e partive vjen nga mijëra studentë njëzëri. Janë ata që e kanë kuptuar se partitë kanë vetëm një interes: përçarjen e studentëve dhe instrumentalizimin e protestës për agjendat e tyre”.

Studentët nuk kanë ndërmend të tërhiqen edhe pas refuzimit që i bën dje ministres Lindita Nikolla, e cila hyri mes turmës për të komunikuar me ta, por u refuzua, pasi studentët nuk kërkojnë negociata por vetëm plotësim të kushteve.

GAZETA “SHQIP” RENDIT KËRKESAT E PLOTA TË STUDENTËVE
Drejtuar: Ministrisë së Arsimit dhe Sportit
Ministres së Arsimit dhe Sportit Znj. Lindita Nikolla
Lënda: Kthim përgjigje me shkresë zyrtare

Përgjysmim i tarifës së studimi
Rritja nga 10% në 50% e peshës totale të votës së studentëve për të zgjedhur kandidatët për dekan/rekor dhe rritja e përfaqësisë së studentëve në senatin akademik me 20%.
Mbështetur në nenin 99 mbi Këshillet Studentore, Ligji i Arsimit të Lartë pika 2 kërkojmë që Bordi i Administrimit të IAL-ve të ketë numër të barabartë votash si nga Ministria e Arsimit dhe Sportit dhe IAL-të dhe të shtohet një përfaqësues në këtë bord nga studentët.
Mbështetje e studentëve për kërkime shkencore.
Mbështetje e studentëve të doktoraturës me fonde për kërkimin shkencor.
Përmirësim i kushteve të konvikteve të Universiteteve.
Dyfishim i buxhetit për arsimin e lartë.
Pajisja e të gjithë studentëve me kartën e Studentit brenda vitit akademik 2018-2019. Presim përgjigje zyrtare me shkrim deri në orën 14:00. Kërkesa drejtohet nga Këshilli Studentor.