Lajmi i fundit

Firmat austriake gjithnjë e më shumë të interesuara për të investuar në Shqipëri.

Ministri i Shtetit për Mbrojtjen e Sipërmarrjes, Eduard Shalsi priti përfaqësues të disa firmave austriake, të cilët po zhvillojnë një vizitë informuese mbi potencialet e Shqipërisë.

Ministri Shalsi u shpreh se, ata ishin shumë të interesuar për turizmit në vendin tonë, një sektor që ka marrë vëmendje të lartë edhe falë medieve ndërkombëtare.

“Interesim gjithnjë në rritje i austriakëve për Shqipërinë. Advantage Austria organizoi një vizitë informuese mbi potencialet e Shqipërisë duke sjellë disa firma austriake, përfaqësuesit e të cilave i takova me kënaqësi në mjediset e Ministrisë. Ishte vizita e tyre e parë në Shqipëri dhe ishin shumë të interesuar për turizmit në vendin tonë, një sektor që ka marrë vëmendje të lartë edhe falë medieve ndërkombëtare”, thekson ministri Shalsi.

Ministri Shalsi shprehet se, “mundësitë që ofron Shqipëria për investim, si dhe atraksionet e saj bregdetare, malore, liqenore, lumore, si dhe sitet arkeologjike ishin në fokus të diskutimit”./atsh

Drejtoresha e Autoritetit Rrugor Shqiptar, Sonila Qato i ka paraqitur sot dorëheqjen kryeministrit të vendit.

Përmes një reagimi zyrtar, Qato ka renditur arsyet e lënies së detyrës së saj.

“Pas një periudhe të shkurtër pune, por shumë intensive, për të reformuar Autoritetin Rrugor Shqiptar dhe për të krijuar një model transparence dhe profesionalizmi në këtë institucion, vetëm pak ditë më parë jam akuzuar nga një kompani lidhur me një procedurë, të cilën unë e gjykoj plotësisht të drejtë dhe ligjore.

Kjo situatë më ka vendosur në një pozitë të vështirë në raport me detyrën. Nga njëra anë më duhet të përballem me akuzat dhe procesin ligjor që shfaqen në vorbullën e pafundme të çudirave mediatike dhe nga ana tjetër duhet të administroj punën e përditshme dhe projektet infrastrukturore (pjesë e kësaj pune është edhe kompania që akuzon).

Jam e keqardhur për gjithë këtë zhurmë dhe e lënduar nga spekulimet jashtëzakonisht të mëdha në media mbi procedurat e ndjekura në respektim të ligjit dhe dokumentacionin zyrtar që ka të bëjë me rastin në fjalë. Por, jam edhe në pamundësi normaliteti në një punë që s’ka as orar dhe as ditë pushimi, sepse kërkon angazhim ekstrem mendërisht e fizikisht”, – thotë Qato.

Më tej, drejtoresha e ARRSH sqaron se “me mirënjohjen e sinqertë për kryeministrin e vendit, i cili jo vetëm më besoi këtë detyrë të rëndësishme, por edhe më krijoi kushte të pavarësisë së plotë në drejtimin e institucionit, ndjeva sot detyrimin moral t’u bëj me dije dorëheqjen nga detyra që më është ngarkuar. Jam e gatshme që të gjithë eksperiencën, dijen dhe integritetin tim ta vë në dispozicion të çdo detyre tjetër që mund të më kërkohet, por siç u mundova ta shpjegoj, e kam të pamundur të vazhdoj detyrën aktuale”./atsh

Në 8-mujorin 2019 eksportet bujqësore në vlerë u rritën me 13.4% krahasuar me 8-mujorin 2018.

Kryeministri Edi Rama ndau sot të dhënat pozitive e tejet inkurajuese të rritjes dyshifrore të eksporteve bujqësore.

“Mirëmëngjes dhe me të dhënën pozitive e tejet inkurajuese të rritjes dyshifrore të eksporteve bujqësore, ju uroj një ditë të mbarë”, tha Rama.

Rritja e prodhimit bujqësor shqiptar dhe nivelit të eksporteve nuk është e rastësishme. Politikat që janë ndjekur në ndihmë të bujqësisë dhe zhvillimit rural po i japin frytet e tyre. Stimulimi dhe forcimi i pikave të grumbullimit si hallka kyçe mes fermerit dhe tregut po jep rezultate.

Po kështu edhe mbështetja përmes Skemës Kombëtare, Programit IPARD, heqja e TVSH-së për inputet bujqësore, heqja e TVSH-së për makineritë dhe investime të tjera në infrastrukturën ujitëse e kulluese./atsh

Një tentativë grabitjeje është regjistruar mbrëmjen e sotme në lagjen ‘5 Maji’ në Elbasan.

Burime për Faxweb.al bëjnë të ditur se grabitësi është Olti Janaq Caroshi, 45 vjeç dhe dyshohet se ka goditur me çekiç, 20 vjeçaren Anxhela Panxhi.

Autori ka shkuar për të blerë në dyqan dhe kur vajza e ka pyetur se çfarë dëshiron të blejë 45-vjeçari ai e ka qëlluar më çekiç në kokë.

Aty pranë ka qenë babai i vajzës i cili është konfrontuar me autorin. Kanë ndërhyrë fqinjët të cilët e kanë dërguar në spital.

Dëshmitarët thane se pasi kanë parë autorin që po largohej, një grup djemsh nga lokali përballë e kanë neutralizuar dhe kanë mbajtur deri sa ka ardhur policia.

Dyshohet se 54 vjeçari është i sëmurë mendor, por pavarësisht problemeve me shëndetin mendor punonte si mësues në Njësinë Administrative Paper.

Një person ka ten tuar të vje dhë një pikë shitjeje, por ka hasur rezistencë nga shitësja.

Personi që ka ten tuar gra bitjen e ka qël luar me sende të forta shitësen (çekiç) dhe më pas është larguar. Gazetari Fatmir Popja raporton për “Balkanweb” se policia është vënë në kërkim të tij.

Shitësja, sipas burimeve jo zyrtare ka mbetur e pla gosur dhe është dërguar për trajtim mjekësor në spital.

Ngjarja ka ndodhur në lagjen 5 Maji në qytetin e Elbasanit. Dyshohet se autori i ngjarjes të ketë qenë nën efektin e alkoolit ose të lëndëve nar kotike.
Bëhet me dije se 30 minuta pasi u raportua një ten tativë vje dhje me dhu në në një pikë shitje ne Elbasan, policia ka identifikuar dhe pra ngosur shtetasin Alert Carroshi rreth 40 vjeç.

Ndërsa, shitësja e pla gosur Anxhelina Panxhi 30-vjeçe është dërguar në spital për ndihmë mjekësore dhe ndodhet pa rrezik për jetën.

“Kjo është thirrja e dytë që po zhvillojmë për vitin 2019 pasi të parën e kishim në fillim të këtij viti. Thirrja e dytë është hapur në 3 shtator dhe gjatë gjithë muajit kushdo që është i interesuar mund të aplikojë në platformën “punëtëmbarë.al”. Risia e thirrjes së dytë është se tashmë në platformë, mund të aplikojnë edhe studentë që kanë përfunduar studimet që nga viti 2015 dhe që plotësojnë kriterin kryesor, mesatare të studimeve nga 9 deri në 10″, u shpreh gjatë një interviste në studion e ERTV, Drejtorja e Departamentit të Administratës Publike, Albana Koçiu.

“Deri tani janë rreth 420 aplikime dhe thirrja do të jetë e hapur deri në 20 shtator. Vendet vakante janë 219. Thirrja do të hapet sërish edhe gjatë 2020. Administrata ka nevojë për juristë dhe ekonomistë, por edhe shkenca si inxhinieria, janë me interes. Kryesisht vendet e punës të lira janë në sistemet qendrore të ministrive të linjës, apo institucione si administrata doganore dhe tatimore, agjencia e menaxhimit të burimeve ujore ka hapur 18 vende pune”, tha Koçiu.

Drejtorja e DAP shtoi se në këtë thirrje të dytë, me pikë shtesë do të vlerësohen kandidatët që veç diplomës dhe listës së notave do të paraqesin edhe dokumentet që vërtetojnë përfshirjen e tyre në aktivitete ekstrakurrikulare apo skema vullnetarizmi gjatë kohës së studimeve.

“Në platformë duhet ngarkuar diploma, lista e notave me mesatare dhe tashmë përfshihen edhe aktivitetet ekstrakurrikulare, aktiviteti që studentët kryejnë në kohën kur janë në kërkim pune, pjesëmarrja në seminare, etj. Këto skema favorizojnë për të marrë më shumë pikë. Një element që shton pikë në renditje është edhe vullnetarizmi, kush është përfshirë në skema vullnetarizmi gjatë periudhës së studimeve ka më shumë shanse për t’u përzgjedhur. Masteri shkencor gjithashtu ka më shumë pikë dhe avantazh”, përfundoi Koçiu. /atsh

Ndalohet pedagogu Denis Himci ne Elbasan pas publikimit te kamerave te fshehta nga emisioni Stop.

Ai shfaqet duke i kerkuar favore sek suale nje studente ne kembim te marrjes se provimeve.

Drejtori i “Portit Detar” Vlorë Admir Malaj, ka marrë pjesë në takimin e partnerëve të Projektit PASSAGE- Interreg Europe, të organizuar në Livorno, Itali.

Drejtori i Portit të Vlorës, gjatë aktivitetit prezantoi disa nga projektet e “Portit Detar” Vlorë sh.a duke u fokusuar në risitë që janë implementuar në “Terminalin e Ri të Pasagjerëve” për reduktimin e emisioneve të CO2.

Përdorimi i energjisë diellore në terminalin e ri të pasagjerëve është hapi i parë në implementimin e planit të veprimit në kuadër të projektit Passage.

Terminali i portit të Vlorës ka standardet më të larta dhe ofron shërbim cilësor për qytetarët duke reduktuar kohën e pritjes. I mundësuar me kapacitetet financiare të vetë shoqërisë portuale, e bën një shembull të mirëmenaxhimit të fondeve shtetërore.

Sot ky terminal bën të mundur përpunimin e mbi 2500 pasagjerëve në ditë, duke e kthyer këtë port padyshim në pikën më të rëndësishme të turizmit në jug të vendit./atsh