Lajmi i fundit

Shefi i Komisariatit të Vlorës Edmond Pjetri dhe ai i Himarës Arjan Tase jane pezulluar nga detyra per shkak te parcelave me ka nabis te kultivuara ne zonen e Vlores.

Ata akuzohen se nuk kanë raportuar për parcelat ku kultivohej ka nabisi, të cilat u zbuluan pas kontrolleve nga ajri me helikopter.
Bashke me ta u pezulluan edhe 4 punonjës të tjerë policie në qarkun e Vlorës, si dhe u dha vërejtje për 16 të tjerë.

Ngjarja eshte denoncuar edhe nga PD, Dega Vlore:
Lleshi shkarkon Lleshin!

Në Vlorë po luhen meloditë e zakonshme në stinë zgjedhjesh e ka nisur vallja tradicionale rreth parcelave me ka nabis.

Sipas mediave, janë shkarkuar 22 oficerë të policisë dhe dy kr yepleq për moskallëzim të parcelave me kanabis në Vërmik e Bolenë.
Të paktën deri sot në mëngjes, secili prej tyre, po të marrim seriozisht Sandër Lleshin në ato që thotë, ishte fytyra e tij.
Sot në mbrëmje ajo fytyrë u zhvesh në gjithë hipokrizinë e saj, sadoqë kurbanët e kanabisit i duhen Sandër Lleshit e rilindjes, po aq sa parcelat me kanabis.

Ka të ngjarë, që sa më shumë kurbanë të propagandës të shtohen, aq më shumë parcela të mbillen e të fshihen nëpër skërkat e Zonës së Parë Operative, brigjeve e bokërrimave legjendare të partisë.

Por, është vonë!
Asgjë nuk bën fajde në një shtet që luan me veten “polici i mirë” – “polici i keq”.

Ministri u krekos me batutën e fytyrës, por si çdo rilindas, u pa sherrin mburkave patetike.

Fytyra ikën vetëm një herë e nuk kthehet më!

Komisioni i Jashtëm i Vlerësimit shpalli vendimin për Arben Frashërin me funksion Drejtor i Drejtorisë Rajonale Fier – Berat, SHÇBA.

Nga verifikimet e kryera në kuadër të procesit të vetingut, Frashëri u gjet i papërshtatshëm për vijimin e detyrës, duke u shkarkuar.

Arsyet e shkarkimit pritet të publikohen nga KJV në vijim. /noa.al

Edhe në Gjykatën e Apelit të Posaçëm nuk u ndryshuan masat e sigurisë për 5 të arr estuarit e dosjes së ko rrupsionit ku është e përfshirë gjyqtarja e komanduar e Korçës Mimoza Margjekaj.

Para seancës, por edhe pas, gjyqtarja u revoltua pasi gjykimi nuk u lejua të zhvillohej me praninë e mediave.

Margjekaj këmbëngul se akuzat për marrjen e 6 mijë eurove për të nxjerrë nga bu rgu një person janë politike për shkak të një vendimi që ajo dha për mos pranimin si fitues së krybashkiakes së Durrësit në zgjedhjet e 30 qershorit 2019.

Avokatët mbrojtës thanë se do të çojnë rekurs në Gjykatën e Lartë për vendimin që u dha, por zvarritje do të ketë u shprehën ata edhe për shkak të mosfunksionimit të kësaj gjykate.

Gjyqtarja Margjekaj do të qëndrojë me arr est në shtëpi ndërsa bashkëshorti i saj, Arben Cara i akuzuar si sekseri që ndërmjetësoi marrjen e ryshfetit 6 mijë euro për të liruar një të arr estuar për trafik kl andestinësh, do të qëndrojë me arr est në b urg.

Duke nisur nga dita e sotme, e enjtja e 1 tetorit, hapen baret, restorantet dhe pishinat e mbyllura, të mbyllura prej muajsh për shkak të pandemisë së koronavirusit.

Gjatë marrjes së këtij vendimi Komiteti Teknik i Ekspertëve ka miratuar protokollet e posaçme të sigurisë për rihapjen nga data 1 tetor, të restoranteve dhe bareve në ambiente të mbyllura si dhe të pishinave në ambiente të mbyllura.

Ndër rregullat që duhen respektuar janë distancimi fizik, higjiena dhe mbajtja e maskës nga stafet që shërbejnë është e detyrueshme në çdo subjekt.

Task-Forca e inspektimit të protokolleve anticovid, policia e shtetit dhe policia bashkiake do të inspektojnë zbatimin e protokolleve duke ndërmarrë masat sipas legjislacionit në fuqi, me qëllim mbrojtjen e shëndetit të qytetarëve.

Ndërkohë do të vijojnë të mbeten të mbyllura sipas Aktit Normativ të miratuar në muajin korrik, të gjitha klubet e natës, lounge-bar, pub-e, diskot apo veprimtari të këtij lloji. /noa.al

Ikën nga detyra drejtori i Përgjithshëm i Doganave, Gjon Bardhi, ndërsa në vend të tij është emëruar një ish-ambasador.

Gent Gazheli, ish-ambasadori i Shqipërisë në Turqi, është emëruar në krye të Doganave.

Largimi i Bardhit vjen pasi qëndroi për afro një vit në krye të Doganave, post ku u emërua në tetor 2019.

Gent Gazheli pas largimit nga detyra e ambasadorit, në muajin maj u emërua drejtor i kompanisë Albpetrol. /noa.al