Art-Kulture

Presidenti Ilir Meta dekoroi tre grupe të njohur atë isopolifonisë për kontributin e tyre në trashëgiminë kombëtare.

Dekorimet u bënë me rastin e 15-vjetorit të përfshirjes së isopolifonisë shqiptare në listën e “Kryeveprave të njerëzimit”, të mbrojtura nga UNESCO.

Mesazhi i kreut të shtetit në Facebook:

Me rastin e 15-vjetorit të përfshirjes së isopolifonisë shqiptare në listën e “Kryeveprave të njerëzimit”, të mbrojtura nga UNESCO, pata dje nderin të vlerësoja me Titullin “Mjeshtër i Madh”, grupet Polifonike “Vranishti”, Vlorë; “Kaonët” e Delvinës dhe “Dukati” i Vlorës, për kontributet e veçanta si mbartëse të shquara të vlerave të kësaj trashëgimie të vyer kulturore të kombit shqiptar.

Po me Titullin “Mjeshtër i Madh” nderova këngëtarët dhe valltarët e talentuar Arap Çeloleskaj dhe Taip Madani (pas vdekjes); Sejmen Gjokoli, Katina Mërkuri, Hysen Ruka, Rrahman Nuredini, Syrja Hodo, Fatbardha Brahimaj, Abdyl Lizaj dhe Berdo Berdaj, për kontributet e paçmueshme në interpretimin, ruajtjen, transmetimin dhe popullarizimin e vlerave të polifonisë me iso, në festivalet folklorike nëpër skenat kombëtare dhe ndërkombëtare. Ndërsa Dhimitër Varfit i akordova Titullin “Kalorës i Urdhrit të Flamurit” për talentin artistik, interpretimin e spikatur dhe zërin e veçantë prej tenori, si dhe rolin unik në mbajtjen gjallë, kultivimin dhe përsosmërinë e këngës himarjote.

Me Titullin “Naim Frashëri”, çmova Sinan Gjoleka dhe Dule Beqir Gjoka për kontributet e tyre vyera si këngëtarë, valltarë dhe instrumentistë popullorë të shquar të Labërisë.

I merituar vlerësimi për këta korifenj të polifonisë, për gjithçka kanë bërë për Atdheun, për Flamurin, për shpirtin kulturor të kombit dhe lartësimin deri në UNESCO të polifonisë shqiptare!

Regjisori i njohur Mevlan Shanaj ka shprehur dhembshurinë e tij për ndarjen nga jeta të kolegutj, Muharrem Fejzo.

Përmes një postimi në Facebook, Shanaj shprehet se ekranit i është shuar një burrë i pashëm, mendje hapur. Ai shton se regjisori Fejzo i kishte premtuar aktorit se do i bënte një pikturë.

Regjisori u nda nga jeta në moshën 87-vjeçare, ndërsa ishte i shtruar në një spital në Itali, ndërkohë që ishte i infektuar me ko ronavirus.

Mesazhi i Mevlan Shanajt:

Muharrem Fejzo iku! Sot i ka ikur ekranit shqiptar një burrë i pashëm mendje hapur! Sa mirë ishte këte verë. Punonte ende në pikturë. Gjatë gushtit më tha, dua të kesh dhuratë kompozim portretin tënd. Ditë covidi o Leme, e shtyjmë për më vonë! Emër i pasur me vepra! Regjjsor i filmave: Mësonjtorja, Operacioni Zjarri, Një emër mes njerzeve, Muri i gjallë, Guna përmbi tela, Fije që priten, Kapedani ( bashkëautor)etj. Skulptor, piktor! Njeri i ditur, mik i pastër, sqimtar! Iku një njeri që mbillte fisnikëri , buzeqeshja ishte pronë e tij! Lamtumirë Leme, kur të kam njohur luaje në kitarë!