Intervista

Këngëtarja Juljana Pasha flet për mosardhjen në jetë të një fëmije dhe përlotet: ‘Sfida më e vështirë ka qenë mosardhja në jetë e fëmije’

Intervista, ShowBiz / /

Gjatë një interviste me moderatorin e njohur Ardit Gjebrea tek “Tani mund të këndosh” Juliana Pasha ka ndarë me publikun edhe një sfidë mjaft të madhe që po kalon në jetë.

Bëhet fjalë për pamundësinë për të sjellë në jetë një fëmijë. Këngëtarja vazhdon ende të ketë shpresa se një ditë ajo dhe bashkëshorti Altini do bëhen prindër, por edhe nëse Zoti nuk i gëzon me këtë fëmijë, ajo shprehet se është Odesa, vajza e bashkëshortit nga martesa e parë që e do shumë.

Ardit Gjebrea: Sfida më e vështirë që ke kaluar?

Juliana Pasha: Sfida më e vështirë që vazhdon të jetë ende dhe në dashtë Zoti të kalojë, por edhe nëse nuk kalon nuk ka problem për ne, ka qenë mosardhja në jetë e fëmije. Gjithsesi jeta është e gjatë, kemi akoma kohë përpara, do presime dhe disa vite. Nëse Zoti na bekon me një fëmijë do të jemi çifti më i lumtur, nëse jo opsionet janë të hapura.

Ardit Gjebrea: Në marrëdhënien tuaj ka patur momente të forta apo jo?

Juliana Pasha: Unë mendoj që kur çifti është shumë i lidhur me njëri-tjetrin, ka dashuri, nëse dashuria thyet si është fëmija si nuk është fëmija, nëse besimi thyhet dhe shumë gjëra në marrëdhënien e një çifti thyhen, ndodh dhe ndarja. Unë dhe Altini jemi një trup i vetëm. Në momentin që kemi bërë betimin tonë në kishë, kemi bërë një gjest shumë të bukur për ne të dy. Ishin dy qirinj që ne ndiznim një qiri të tretë. Ai qiri i tretë personifikonte perëndinë, këta dy qirinjtë ishim unë dhe Altini dhe ne e kemi ndërtuar marrëdhënien tonë si një trekëndësh, jemi ne të dy dhe kemi Zotin në mes që na mban fort, jetën, familjen, marrëdhënien e përditshme, punën, gjithçka. Unë besoj që marrëdhënia jonë do të shkojë derisa të mbyllim sytë të dy së bashku dhe nuk ndodhë asnjë gjë. Nëse Zoti do na bekojë me një fëmijë, faleminderit, nëse jo do jemi bashkë me njëri-tjetrin dhe dashtë Zoti do kemi Odesën pranë nëse do dojë të na bashkohet kurdo që të ketë dëshirë (përlotet). /tvklan.al

Këngëtarja Juljana Pasha flet për mosardhjen në jetë të një fëmije dhe përlotet: ‘Sfida më e vështirë ka qenë mosardhja në jetë e fëmije’ Read More »

Intervista e rrallë e mjekut kardiolog të Enver Hoxhës

Intervista / /

Mjeku kardiolog, Ahmet Kamberi vjen në një intervistë të veçantë sot në emisionin ‘Kjo javë’, në ‘News24’, ku tregon detaje të pathëna në lidhje me sëmundjet e diktatorit Enver Hoxha si dhe momentet e tij të fundit.

Kamberi ka qenë pjesë e një ekipi mjekësh të Enver Hoxhës, ish-ministër Shëndetësie.

Si ishte situata kur ju u gjendët në ekipin e Enver Hoxhës? Ishte në vitin 76. Kam shkuar në muajin mars. Isha mjek i Klinikës Speciale, kardiolog. Kisha bërë një specializim për sëmundjet e brendshme dhe një specializim në Suedi. Enver Hoxha bëri një infarkt në 1973 dhe ndiqej nga mjeku personal dhe dy tre kolegë të tjerë.

Imagjinoni se çfarë mendësie ishte në atë kohë. Që të kaloje një infarkt miokardi, ishe invalid. Në atë kohë qëndronin në shtrat 2 muaj. Që të dilje në punë pas një viti ishte një gjë e paimagjinueshme. Mesa duket udhëheqësve më të lartë i lindi ideja që ai të kishte një ekip.

Pse u besuat ju? Si e gjykoni këtë?

Këtë nuk e di. Unë kisha atë besim, isha mjek i klinikës Speciale.

Lidhje farefisnore kishit me zonjën Hoxha?

Nuk kisha me asnjë. Jam habitur se si kam shkuar atje. Me asnjë. Jam shquar si mjek kur isha në Peshkopi. Në klinikë punoja me të gjithë udhëheqësit, isha i njohur. Kolegu im që ishte para meje në klinikë, ishte përfshirë në ekip. Dhe i dyti që mund të ishte atje, isha unë. Besimi politik është tjetër gjë, nuk varej nga unë.

Mes rreshtash ju thoni se Enver Hoxha ka pasur një mjekim të gabuar për diabet. Në ç’kushte e gjetët Enver Hoxhën atëherë?!

Është e komplikuar. Sot e gjykojmë me nivelin e mjekësisë së sotme. Në atë kohë barnat për diabetin kanë dalë që në vitet 50. Për mua ai në atë kohë kishte një peshë relativisht rreth 87 kg. Mendoja se nuk ishte nevoja që të merrte insulinë. Kjo nuk është aq e thjeshtë, pasi ai ishte mësuar me insulinë dhe nuk ishte e kollajshme që të merrte mjekim për gojën. Unë parashtrova problemin që nëse dobësohej më shumë, që mjekimi për diabetin të bëhej i panevojshëm.

Kush e kundërshtonte këtë gjë?

Ka qenë doktor Hoxha, ai e ka pasur drejtimin e mjekimit. Në atë kohë Isufi, që ishte mjeku personal, ishte pezulluar dhe ishte vetëm Hoxha si diabetolog. Ne të tjerët ishim kardiolog. Kisha njohurit e mia se në Suedi isha marrë me diabetin.

Si ishte kjo përplasje me mjekun Fejzi Hoxha?

Efektin e pati pak më vonë. Ai aty tha; “po ti nga i mësove këto gjëra që të propozosh?!”. Unë bëra shpjegimin tim. Në atë kohë me diabetin ka qenë më e rreptë këmbëngulja për ta ulur në peshë pacientin. Në atë kohë synohej pesha ideale. Shumica e tyre që e arrijnë këtë peshë, mund të mos kenë nevojë që të marrin insulinë. Populli ishte mësuar që ta shihte Enverin me atë staturë.

Me mjekët e tjerë kishit kundërshti?

Grupi i kardiologëve ishte kompakt. Edhe kur kishim gjera të ndryshme, merreshim vesh.

Si ishte situata me kardiogramën, që e keni përshkruar dhe në libër?!

Isha në klinikë atëherë. Kjo klinikë kishte një degë në Durrës. Doktor Kalo, diku pas mesnate vjen me një elektrogaramë dhe pa më thënë se kush ishte. E pash elektrogramën dhe e kuptova. E diskutuam dhe e shpjegova se çfarë ishte. Ai kishte bërë një episod inskenie që i themi ne, në vitin 1973. Ka qenë gusht. Pa mu thënë se ishte elektrograma e Enver Hoxhës. Unë i shpjegova se çfarë ishte. Pjesa tjetër i takonte mjekëve që e ndiqnin. Më pas u mblodh konsulta, ku ishin profesor Hoxha, Kalo, Shyti.

Sa e rëndë ishte gjendja?

Për mua ishte një gjë e zakonshme për një kardiolog. Ishte një inskeni që duhej ndjekur. Ajo tregon se kishte probleme me arteriet.

Intervista e rrallë e mjekut kardiolog të Enver Hoxhës Read More »

Xhemi Shehu:’Unë jam xha ndari i shtëpisë, nuk e dua këtë rolin, por mua ma kanë lënë’

Intervista, ShowBiz / /

Xhemi Shehu është një nga personazhet që ka zgjedhur që jetën e saj private ta mbajë sa më shumë të rezervuar, dhe kur vjen te bashkëshorti i saj fotot me të në rrjetet sociale nuk ekzistojnë.

Megjithatë në një intervistë të dhënë së fundi për ‘Who’, Xhemi ka zbuluar më shumë për marrëdhënien me të shoqin, Visin, për të cilin thotë se është shumë më i butë se ajo me fëmijët.

“Oooo unë jam xha ndari i shtëpisë, nuk e dua këtë rolin, por mua ma kanë lënë. Visi është shumë i urtë me fëmijët, nuk para u bë rtet dhe mirë bën, se në përgjithësi në çift njëri duhet të jetë më i rr eptë se tjetri, njëri duhet të hapë rrugë. Unë nuk hap rrugë, nuk e di pse jam kështu. Bëhem pishman pasi bë rtas dhe mundohem që ta korigjoj duke i marrë me të mira”.

“Nuk jam një mama që llastoj fëmijët, dua që të rriten me këmbë në tokë, dua që të rriten me JO-në, dua që fëmijët e mi t’i fitojnë gjërat vetë, nuk dua që t’ua jap gati, sepse në jetë asgjë nuk të vjen gati. Duhet të impenjohesh për çdo gjë dhe me këtë frymë dua t’i rris, që nesër pasnesër mos të zhgënjehen, sepse unë dhe Visi s’do jemi gjithmonë pranë tyre”.

”Nuk di të them a jam nënë e mirë apo jo, por po mësoj dhe unë bashkë me ta. Prindërimi është i vështirë dhe nuk është se ka ndonjë formulë ekzakte se si duhet bërë, por eksperienca bën të vetën”, ka treguar Xhemi.”

“Ndërkohë sa i takon komenteve se fëmijët janë kopja e saj, ajo shprehet se ata kanë vetëm hijen, ndërkohë që në tipare i ngjajnë edhe bashkëshortit.”

“Visi, jo, nuk mërzitet që fëmijët kanë hijen time, të paktën i vogli është ‘copy paste’ si unë, kurse Martini i madhi, jo, ka tiparet e Visit. Vetëm ka hijen time, ka ngjyrat e mia, është bardhosh dhe prandaj njerëzit ngatërrohen dhe mendojnë se më ngjan mua. Por as unë nuk mërzitem që ai i ngjan Visit, se fundja me të e bëra (qesh)”, shprehet Xhemi, e cila në intervistën e dhënë ka lënë të kuptohet se nuk do të kthehet më kurrë në ekran, të paktën që të drejtojë një nga emisionet që janë për momentin në qarkullim.

/NOA.al

Xhemi Shehu:’Unë jam xha ndari i shtëpisë, nuk e dua këtë rolin, por mua ma kanë lënë’ Read More »

Si e vlerëson Rama di ktatorin: ‘Pa dyshim që ka qenë…’

Intervista, Politike / /

Kryeministri Edi Rama e konsideron di ktatorin Enver Hoxha si “ka fshën” më të madhe politike që ka pasur Shqipëria në histori.

“E kam parë si personazh. Mendoj se ka qenë ka fshë politike, një tërmet që përkufizon ata të cilët instinktin e tr iumfit dhe të unimit politik e kanë më të fortë se sa të tjerët apo instinktin e mbijetesës përmes politikës e kanë më të fortë se të tjerët, Enver Hoxha është ka fsha më e madhe politike që kemi pasur. Pa dyshim!”- tha Rama në “Opinion”.

Kreu i qeverisë u ndal edhe tek babai i tij, Kristaq Rama për të cilin thotë se besonte tek ko munizmi.

“Im atë ishte ko munist, artist dhe si i tillë, im atë ishte njeriu që krijonte dhe punonte në funksion të atij sistemi që punonte dhe besonte. Besonte tek ai sistem deri vonë dhe jo deri në fund. Ai ishte njeri i përmbajtur, i heshtur dhe si pjesë e pushtetit, ai nuk kishte asnjë lidhje me pushtetin”- shtoi ai.

Si e vlerëson Rama di ktatorin: ‘Pa dyshim që ka qenë…’ Read More »

Rama: ‘Unë nuk kam asnjë qindarkë në xhepin tim që është fituar nga puna e të tjerëve’

Intervista / /

I pyetur për pasurinë që ka ndërtuar, kryeministri Edi Rama tha se në xhepat e tij nuk ka asnjë qindarkë që të jetë e fituar nga puna e të tjerëve.

Kryeministri Edi Rama ka treguar burimet financiare me të cilat ndërtoi vilën e tij në Surrel.

Në një intervistë në “Opinion”, Rama tha se çdo gjë që ka ai sot, përfshirë edhe shtëpinë, është meritë e Lindës, sepse ajo ka qenë personi që ka pasur idenë e të ndërtuarit një shtëpi e një familje.

I pyetur për pasurinë që ka ndërtuar, Rama tha se në xhepat e tij nuk ka asnjë qindarkë që të jetë e fituar nga puna e të tjerëve.

“Shtëpia ime është një nga thuajse gjysmë milionë shtëpitë që janë ndërtuar në Shqipëri. Në shtëpinë ku jetojmë ne, ngado të kthesh kokën janë vila 3-4 katëshe dhe nuk ka asnjë politikan aty. E treta, unë vetë deri ditën kur jam bërë burri i Linda Ramës dhe kam shumë fat që jam burri i Linda Ramës, unë kam pas idenë që pse duhet të kem unë shtëpi? Unë jetoj me qira. Shtëpitë e mia me qera janë gjithmonë minimaliste. Linda kishte një tjetër ide, që shtëpia është një hapësirë ku zhvillohet historia e përditshme e një familjeje dhe ku mblidhen kujtimet dhe janë pasuri edhe e fëmijëve. Në atë kohë ajo kishte një tokë që në fillim të viteve 2000 kur nuk ishim fare me njëri-tjetrin dhe erdhëm tek ideja për ta bërë atë shtëpi. Është kontributi i saj për ta bërë atë shtëpi. Është një hapësirë e shtrirë në një kat. Ka një veçanti që muret e jashtme dhe të brendshme i ka një, por do vijë dita që me siguri do jetë pikë referimi nga pikëpamja e arkitekturës. Unë nuk kam asnjë qindarkë në xhepin tim që është fituar nga puna e të tjerëve. Për një arsye shumë të thjeshtë, se unë e kam patur shumë të qartë që në këtë botë jemi për të kaluar, jo për të ndjenjur,”- tha Rama ndër të tjera.

Rama: ‘Unë nuk kam asnjë qindarkë në xhepin tim që është fituar nga puna e të tjerëve’ Read More »

Emocionon Pipero, tregon se çfarë do të bënte nëse do të kishte vetëm dy ditë kohë

Intervista / /

Po kalojmë ditë të vështira në këtë situatë pandemie që ka mbërthyer gjithë botën.

Duke u folur për Krishtlindjen e pazakontë këtë vit, gjatë fjalës së saj poetja Rita Petro foli për rëndisinë e kësaj provokoi me pyetjen se çfarë do bënin nëse do kishin vetëm 2 ditë kohë?
Panelistët në studion e “Open” u emocionuan nga përgjigja e doktor Pëllumb Piperos.

“Jua them me sinqeritetin më të madh. Po të kisha vetëm 2 ditë kohë do të qëndroja në spital dhe do të vazhdoja punë si mjek për të shpëtuar jetë njerëzish”- tha Pipero.

“Shumë e bukur kjo. Si violinistët te filmi i Titanikut”, – ndërhyri Rita Petro.

Emocionon Pipero, tregon se çfarë do të bënte nëse do të kishte vetëm dy ditë kohë Read More »

Presidenti Meta tregon arsyet/ Përse nuk ka shkuar ende për ngushëllim në familjen e Klodian Rashës?

Intervista, Politike / /

Presidenti i Republikës së Shqipërisë, Ilir Meta ka shpjeguar arsyet që e kanë stepur që të vizitojë për ngushëllim familjen e z.Qazim Rasha, babait të të ndjerit Klodian Rasha.

Duke iu përgjigjur gazetarit Çim Peka, Meta tha nuk ka shkuar në familjen Rasha pasi po pret një moment më të qetë.
Kreu i Shtetit tha se ka mbajtur qendrim publik dhe po pret që ngjarja të sqarohet në tërësinë e saj, pasi ka shumë paqartësi.

Meta nuk nguroi të kritikojë qeverinë dhe zyrtarë të tjerë në Ministrinë e Brendshme, që u përpoqën të japin para kohe vlerësimin e dinamikës së ngjarjes, kopetencë që i takon Prokurorisë dhe Gjykatës.

Peka: Në shtëpinë e Klodian Rashës ka qenë Rama, ministri Lleshaj, Basha, por a ka qenë Meta për ngushëllim te familja Rasha?
Meta: Natyrisht që nuk kam qenë dhe kjo ka qenë e qëllimshme, sepse kam mbajtur një qendrim publik dhe ngushëllimet ia kamë shprehur publikisht. Edhe për shkak të situatës së paqartë, dyshuese për rrethanat, tensionet e krijuara, versionet e ndryshme dhe ende të pazyrtarizuara lidhur me ngjarjen. Kam gjykuar për të bërë një vizitë në këtë familje në një moment të mëvonshëm, në një moment më të qetë. Ngjarja mbetet shumë e rëndë dhe e parikuperueshme. Duhet të ketë drejtësi për këtë çështje dhe reflektim. Shq etësuese është se ka pasur qëllim dhe synim nga kryeministri dhe drejtues të ministrisë së Brendshme që ta justifikojnë këtë dhunë të rëndë ndaj minorenëve dhe të reflektojnë. Një gjë e tillë mund të ndodhë. Efektivi humb kontrollin, por s’mund të ndodhë që të jepen versione të ndryshme nga zyrtarë të ndryshëm. Aq më tepër kur qeveria merr kompetencat e gjykatës për të përcaktuar nëse ishte vrasje aksidentale apo me dashje.

Peka: Kryeministri ju ka ak uzuar se keni lidhje me pr otestat.

Meta: Ju keni dëgjuar se ai tha se presidenti ka takuar elementë kr iminalë dhe unë i dërgova një letër asamblesë së PS dhe i thashë tregoni personin kr iminal dhe vendin dhe unë jap dorëheqjen. E vetmja reformë që Rama do të bëjë është instalimi i fr ikës në popull.

Presidenti Meta tregon arsyet/ Përse nuk ka shkuar ende për ngushëllim në familjen e Klodian Rashës? Read More »

Rama zbulon propozimin e Fatos Nanos për t’u futur në politikë

Aktualitet, Intervista, Politike / /

Kryeministri Edi Rama ka rrëfyer momentin e takimit me Fatos Nanon dhe propozimin e këtij të fundit për ta bërë ministër.

Rama tha se ai ndodhej në va rrimin e të atit kur kishte takuar kryeministrin e asokohe, Fatos Nano dhe se nuk kishte plane që të kthehej në Shqipëri.
Edi Rama: Erdha për fu neralin e tim eti me një biletë vajtje-ardhje. Fatos Nanon e kam admiruar nga larg kur ishte në b urg, e kam pas takuar tek ambasada franceze.

Aty ishte para bu rgosjes dhe asnjë nuk i afrohej, unë shkova thjesht e përshëndete, se kisha takuar ndonjëherë dhe nuk e takova më deri pasi doli nga bu rgu.

Kur u bë kryeministër, mos gabohem kam ardhur unë, i thashë dua ta takoj. Në darkën e fitores, kam qenë me Bashkim Shehun në Barcelonë, kemi marrë në telefon Spartak Ngjelën dhe e pyetëm cfarë po bëhet e tha, na se po të kaloj mjekrën e më kaloi Fatos Nanon.

Dhe më bëri përshtypje mënyra si foli. “Të gjithë bashkë, të jemi të bashkë të gjithë, të lutem kthehu”. Më pas jam kthyer, jemi takuar, kemi ngrënë një darkë bashkë, më tha që duhet të kthehesh.

I thashë që kam jetën time, nuk dua të merrem me zyra e qeverira. Hajde tha bëj c’të duash, merr c’të duash. I thashë kur të duash të të mbështes, të mbështes.

Kam ardhur për të varrosur tim atë, jo të bëhem ministër. As nuk e kam menduar kurrë. Ka qenë pas fu neralit që më ka bërë një telefon dhe pastaj jemi takuar dhe i kam thënë do rri.

Rama zbulon propozimin e Fatos Nanos për t’u futur në politikë Read More »

WP2Social Auto Publish Powered By : XYZScripts.com