Rubrika “Trotuar” në “E Diell”, në Top Channel, trajtoi tema që lidhen me përditshmërinë tonë.
“Karrierë falë favoreve”, kjo ishte tema që u argumentua puntatën e kësaj të diele. Moderatorja Fjoralba Ponari, tha se fëmijët, duhen të edukohen të mos e shikojnë femrën si të nënvlerësuar, por si të barabartë, e nëse kjo gjë arrihet, sipas saj, gjërat do të jenë më ndryshe.
Në këtë moment, Dea Mishel, tha me humor se nëse një ditë do të jetë shefe, do u kërkoj djemve që t’i fshijnë këpucët, kjo në formën e një “hakmarrje”.
Fjoralba Ponari: Për sa kohë të rrënjosej deri në fëmijëri, edhe mami mund të marrë lekë sa babi, mund të jetë aq e pavarur.
Dea Mishel: Vajza kur të bëhemi shefe do u kërkojmë çunave të na fshijnë këpucët për t’u hakmarrë.
Noizy gjithmonë ka qenë i rezervuar në lidhje me jetën e tij private. Ai bëri bujë pak kohë më parë, kur tha se do të largohej nga SHqipëria.
Këngëtari zbuloi se ka 15 projekte të reja që do të publikohen gjatë Vitit të Ri dhe synon që ta zhvendosë suksesin jashtë vendit.
Së fundmi, ai ka vendosur të tregojë në detaje se si nis, si vazhdon dhe si mbaron një ditë e zakonshme në shtëpinë e tij.
Reperi ka hapur dyert për “Prive”, duke treguar ambientin luksoz ku jeton.
Në fillim, Noizy tregon pamjen nga dhoma e tij e ndenjes, për të vazhduar më pas tek dhoma e gjumit, për të cilën ai u shpreh se nuk është diçka e ekzagjeruar, por e thjeshtë për syrin.
Në shtëpinë 450 metra katrorë nuk kishte si të mungonte edhe një dhomë, të cilën ai e ka shndërruar në garderobë.
Noizy po ashtu stërvitet në shtëpi, sepse ka krijuar një hapësirë të veçantë me pesha fitnesi.
Nuk mungon edhe një kënd “Playstation-i”.
Teksa tregonte pijet alkoolike që kishte në shtëpi, Noizy tha:
“Nuk pi alkool, nuk është se jam i fiksuar. Këto m’i ka sjellë shoqëria dhe nuk e di pse (qesh). Kam qenë sportist para se të bëhesha artist, prandaj nuk e konsumoj. As cigare nuk pi“.
I pyetur nëse po largohet nga muzika, reperi u përgjigj:
“Më duket se ka të bëjë pak edhe me moshën. Nuk është se më ka ikur dashuria për muzikën. Ajo do të jetë gjithmonë pjesë e imja dhe do jem gjithmonë një falënderues ndaj talentit tim. Por unë kam zgjedhur që të eksploroj dhe deri tani kjo ka funksionuar”, u shpreh Noizy.
Këngëtari Ardian Trebicka ka filluar të këndojë në klasë të parë.
Ai ka marrë pjesë që atëherë në festivalet e fëmijëve, ndërsa sot ka rrëfyer jetën e tij të vështirë në Greqi. Ardian Trebicka tha se ka jetuar 6 vjet në Greqi dhe më pas u rikthye.
Ai ishte u ftuar në emisionin “Historia ime” e Mirela Milorit.
Çuditërisht e ka nisur me këngë popullore dhe pse sot nuk këndon dot më asnjë këngë popullore.
Babanë e tij e transferuan në Laç, pas nevojës për staf teknik në uzinat e asaj kohe, pasi i ati kishte lënë në mes studimet për inxhinieri, por ishte projektues shumë i mirë dhe i talentuar.
Trebicka shkollën 8- vjeçare e ka ndjekur në Laç, ku dhe ka marrë pjesë në festivalet që zhvilloheshin në Krujë.
Më pas, konkurroi dhe fitoi të drejtën të studionte në Liceun Artistik për kanto dhe më pas në Akademinë e Arteve.
Studimet në fakultet i ndërpreu në mes, sepse u nis për emigrim në Greqi.
Në Shkurt të vitit 1992, ditën kur në Shqipëri po rrëzohej busti i diktatorit, ai ka kaluar kufirin dhe u nis për jashtë.
Muajt e parë në emigrim punoi duke bërë bukë.
Pasi u kthye në Shqipëri, realizoi në vitin 1999, albumin e parë “Tango”, album i cili u publikua në vitin 2000. Në vitin 2001, albumin “Dhe deti na ka zili”, më 2003 albumin “Do bëhem cigan”, më 2005 albumin “Shkova ka dera jote” dhe në vitin 2011, albumin “Kthim”.
Rrëfimi i Ardian Trebickës:
Mirela Milori: Ka një ndikim Greqia tek ty, ka hyre tek studimet e tua të larta mesa di, i ke lënë përgjysmë.
Ardian Trebicka: Emigrova me familjen, shkova në Greqi dhe nuk e kisha të lehtë. Vitin e parë kam punuar sepse nuk dija as gjuhë asnjë gjë. Kam bërë punë të ndryshme, në një moment më dëgjon dikush duke kënduar në shtëpi. Babai im punonte me të, quhej Jorgo dhe më thotë këndo diçka dhe unë si fëmijë i lumtur i këndova.
Unë punoja, bëja bukë atë kohë dhe më thotë po pse bën bukë gjithë ditën dhe i thashë që nuk njoh njeri. Më merr dhe më çon diku ku bëhej muzikë darkave dhe pastaj fillova të merresha vetëm me këngën. Fitova dhe një konkurs në Operën e Athinës, por dhe atë e lashë sepse isha një djalë i lëvizur, motivi ishte të ndryshoja emër dhe mbiemër dhe kështu siç e fitova e lashë konkursin.
Mirela Milori: Sepse nuk doje të ndryshoje emrin dhe mbiemrin?
Ardian Trebicka: Jo nuk ishte çështje patriotizmi, më shumë sesa ishte çështje dinjiteti personal, familjar dhe fisnor. Më dukej sikur do jetoja jetën e një personi të dytë, jo jetën time.
Mirela Milori: Nuk pate një peng të ktheje kokën.
Ardian Trebicka: Jo nuk kam pengje në jetë për gjërat që kam bërë, asnjëherë.
Mirela Milori: Të çoi zoti Jorgo të këndojë diku, sa zgjati kjo periudhë?
Ardian Trebicka: Kjo zgjati deri në fillim të ’97-ës. Edhe pse isha në Greqi, më shumë këndoja portugalisht dhe spanjisht. E kisha në mënyrë shumë natyrale. Kam kënduar në një hotel në Greqi dhe aty takova një zonjë Safete Vrioni vinte nga fisi Vrionase, një grua me super kulturë, me një shqipe të kulluar, ishte në borgjezinë e Athinës dhe kur më dëgjoi duke kënduar më tha Ardian ti ngjan me një këngëtar spanjoll që në atë kohë unë nuk e kisha dëgjuar. Më dha disa CD të tij dhe prap nuk gjeta gjë të përbashkët, bëheshe fjalë për Julio Iglesias.
Mirela Milori: Sa qëndruat në Greqi?
Ardian Trebicka: Kam ndejtur 6 vite. Kur u ktheva në Shqipëri i kisha gjërat e qarta se çfarë do bëja.
Aktori Agron Llakaj ka folur për herë të parë, pas shërimit nga virusi ‘Covid-19’ .
Ai tregoi sesi e mori lajmin e infektimit e deri tek etapat që ndoqi pas këtij momenti.
Llakaj pohoi se së bashku me bashkëshorten kishin temperaturë prej 3 ditësh e pas këtij momenti këmbëngulja e të bijës për të bërë tamponin.
“Edhe ne si shumë të tjerë u bëmë pjesë e këtij realiteti, 2-3 ditë kishim temperaturë. Unë isha më i pakujdesshmi, sepse isha i rrëmbyer nga puna në kuptimin e vlerësimit të kësaj situate. Vajza ime këmbëngulte që të shkonim të bënim tamponin”, – tha Agron Llakaj në një intervistë me Anila Çelën në ‘Neës 24’ si.
“Në ditën e tretë të simptomave ne bëmë tamponin dhe dolëm pozitiv. Sa po ktheheshim nga stërvitjam 11 km ecje, pra, ishim energjikë. Prej atij momenti u vetëkarantinuam për të respektuar të tjerët”- është shprehur Llakaj.
“Nuk e bëra publike lajmin, qëndrova i heshtur, por mungesa ime në televizion u kuptua dhe njerëzit pyesnin ku është”.
“Nuk duhet kuptuar sikur të jesh me Covid-19 është si të jesh me kolerë. Qëndruam 14 ditë të izoluar, le të themi që ishte nja kalim i moderuar, nuk mund ta themi i lehtë por as i rënduar jo, e morëm me sportivitet. Unë, gruaja dhe mbesa ime qëndruam të mbyllur në shtëpi”.
“Erdhi një moment që u rënduam dhe vajza ime na tha se vinte të na shërbente edhe pse ajo nuk ishte e prekur me koronavirus. Na tha le ta marr, unë do t’ju përgjigjem dhe për 5 ditë, na ka qëndruar pranë vajza”.
“Nuk ka diçka specifike Covid-19 secili e kalon në mënyrën e tij. Në ditën e 12-të bëmë një skaner se kishim dhe kollë. Doli që kishim një prekje të lehtë të mushkërive. Bëmë një antibiotik 3 ditorë rritëm elementët e hollimit të gjakut dhe ditën e 16-të unë dola në punë”- shtoi më tej aktori i humorit.
Aktori falenderoi dhe stafin mjekësor për kujdesin e madh që treguan ndaj tij dhe bashkëshortes.
“Natyrisht unë shpreha mirënjohjen për gjithë ekipin dua t’i themi gjërat siç janë. Nuk mendoj se një qytetar i thjeshtë mund të kishte mundësitë që m’u ofruan mua. Tani dhe këtë duhet ta bëjmë diferencën, ndaj dhe thashë shyqyr që kemi shok dhe miq”, është shprehur aktori i humorit si dhe moderatori i njohur Agron Llakaj.
Zgjedhjet presidenciale në Shtetet e Bashkuara të Amerikës është çështja e ditës në mbarë botë. Kush do të jetë presidenti i radhës në SHBA, Donald Trump apo Joe Biden?
Madje edhe emisioni “Shqipëria Live” në Top Channel u nis pikërisht me votimet në SHBA. Në një lidhje të drejtpërdrejtë nga Amerika ishte këngëtari i njohur shqiptar, Frederik Ndoci, i cili zbuloi publikisht se për kë ka votuar.
Në fakt u kuptua menjëherë, pasi u shfaq me një maskë ku shkruhej emri i Donald Trump, i cili për të tha se është “një nga presidentët më të mirë në Shtetet e Bashkuara të Amerikës”.
“Është një ndër meshkujt më të plotësuar në botë”, tha ai. Ndërkohë për Biden tha se është njeri i korruptuar si dhe nuk la pa përmendur djalin e tij, i cili prej disa kohësh është në qendër të vëmendjes së mediave të huaja për shkak jetën e tij.
“Djali i Joe Biden ka bërë afera, është i zhytyr në korrupsion. Është duke bërë gjithçka me grupin e tij që të mos jetë Trump president sërish, pasi mund t’i nxjerrë para ligjit ata që janë të korruptuar”, tha ai.
Kryetari i Partisë Demokratike Lulzim Basha ka qenë i ftuar mbrëmjen e sotme në emisionin “Tempora” me moderatoren Sonila Meço, e cila e ka pyetur kryedemokratin se çfarë note e ka patur matematikën.
Kjo ka shkaktuar pak të qeshura te Basha, i cili pasi ka thënë për Ramën se një mësues vizatimi nuk mund të krahasohet me të,ka treguar që matematikën e ka patur nota 10.
Kujtojmë se Basha është bërë objekt “tallje” nga kryeministri Rama për shkak të disa lapsuseve që ai ka bërë në media.
Pjesë nga biseda:
Gazetarja: Çfarë note e keni patur matematikën?
Basha: Të krahasosh një person që ka mbaruar për mësues vizatimi, apo jo?
Gazetarja: Është kthyer në kauzën e tij ndaj jush
Basha: Sepse nuk ka me çfarë të merret, është bërë si ata pleqtë që përgjojnë.
30 shtator 2017 ishte dita kur u ngjit për herë të parë në foltoren e Kuvendit, në një fjalim shumë të sinqertë siç rrallëherë shihet në Parlament, nuk e kishte menduar kurrë që do të ngjitej më në atë foltore, prandaj zgjodhi që të thoshte të vërtetën ashtu siç është, e ky sinqeritet u shpërblye nga publiku.
Sot kur kanë kaluar më shumë se 3 vite, Rigerta Loku kërkon një rikthim në atë sallë, pikërisht për të bërë atë që mendon se do e bëjë më së miri, të përfaqësojë njerëzit, që historitë e tyre të bëhen të prekshme nga të gjithë. Me premtimin se nuk do të ndryshojë kurrë, që do të jetë ajo Gerta e thjeshtë dhe e qeshur, siç ka qenë gjithmonë, ajo sot kërkon mbështetjen e qytetarëve për të marrë një mandat në zgjedhjet e 25 prillit. E ftuar në hapësirën live të pasdites në Report Tv, ajo ka rrëfyer se përse mori këtë vendim dhe pse pikërisht t’i bashkohet “Nismës”.
“Do më mbetej peng, dua ta ndihmoj vendin tim me aq sa kam në dorë. Nëse ata duan unë do kem dëshirë për t’i përfaqësuar. Kam zgjedhur nismës, sepse janë të rinj që marrin pjesë, janë njerëz që nuk kanë teser partie, ka profesorë, biznesmenë, njerëz të shkolluar, Rudina Hajdari është një zë i rëndësishëm dhe një i ri dhe unë shpresoj që të kemi mbështetjen e qytetarëve”, tha Gerta
Ftesa nga partitë e mëdha nuk ka pasur, por siç ajo tregon, as nuk e ka dashur që t’i vinte.
“Kam pasur ftesa nga partitë e vogla, dy partitë e mëdha nuk më kanë dashur dhe as nuk i kam dashur, dua të jem faktor në qarkun e Lezhës, e di që familja politike është e rëndësishme, unë kam besim te ata dhe dua që të besojnë te unë”, tregon ajo.
Komentet negative që kanë ardhur në adresë të saj që pas zyrtarizimit të kandidaturës, i ka marrë me sportivitet, edhe pse thekson se kanë qenë të pakta.
“Nuk është e lehtë, normal që nuk i shoh i lumtur, shoh që pas komenteve që ka një militantizëm, unë i garantoj ato që më shajnë se do më duam në shumë, unë kam shkuar aty ku më ka çuar zemra dhe me zemër dua ta çoj përpara mandatin tim dhe këtë detyrë të madhe që kam marrë përsipër. Janë sharë të gjithë, kjo nuk është një gjë e keqe, pastaj unë bëra një status për miqtë e mi në Facebook, nuk e marr parasysh bumin e madh mediatik, edhe pse është një shans shumë i mirë për të promovuar”, tha ajo.
Duke u ndalur tek ai fjalim që e bëri të “famshme”, Gerta thotë se as nuk e kishte menduar kurrë dhe kurrsesi nuk ka qenë ky qëllimi i saj.
“Vij nga popull dhe nëse populli do më dojë do më votojë. Nuk e kam kërkuar atë popullaritet, ka ardhur shumë rastësisht, ka qenë e paplanifikuar, pas atij fjalimi nuk qëndron askush, përveç Gertës dhe dorës së saj, ishte ideja ime, unë kam folur ndoshta me idenë që nuk do të shkojë më në atë foltore, kam thënë një herë do flas dhe ajo që do them është e vërtetë. Tani unë dua t’i përfaqësoj, nuk do të bëjë mrekullira, por do të mundohem që në atë foltore të çoj historitë e thjeshta të njerëzve të mirë që banojnë në këtë qark”, tregon Gerta.
Premtimet e saj nuk janë që do të bëjë mrekullira, por t’u gjendet pranë njerëzve dhe për këtë nuk është e nevojshme për një fushatë të kushtueshme.
“Nuk do të bëjë asnjë premtim madhor, do u premtoj njerëzve që do jem e thjeshtë dhe me këmbë në tokë. Do të jem po kjo Gerta që jam në jetën e përditshme, e thjeshtë, e qeshur, pastaj le ta cojë populli një grua në parlament, jo vetëm partia. Kemi parë ndryshime si dita me natën, po unë ju premtoj se do jem kjo, ndoshta pak më e thinjur dhe e plakur. Rrugë ujë dhe qendra shëndetësore, tani kërkoj që të kthehen njerëzit. Kanë ikur. Unë do bëj një fushatë të thjeshtë dhe nuk do të harxhojë aq sa do të harxhojnë sa partitë e mëdha”, premton Gerta.
*Kush është Rigerta Loku, ish-studentja e “La Sapienza” që u bë fermere në Mirditë? Studioi për shkenca politike në universitetin prestigjioz të “La Sapienza” në Romë dhe u specializua për marrëdhënie ndërkombëtare, por prapë u përball me papunësinë. Rigerta Loku u kthye në vendlindjen e saj në Rubik të Mirditës me dy diploma në duar, por asnjëra prej saj nuk i siguroi vajzës një punë. Duke iu shfaqur përpara e papërfytyrueshmja, Rigerta gjeti “ngushëllim” te bujqësia dhe blegtoria, duke ndërtuar dhe një fermë në fshatin e saj dhe sot kërkon të ndryshojën vendin aq mundësi që ajo ka.
Gazetarja Juela Mecani, e cila do të jetë pjesë e ekranit të Fax News me emisionin “Pushteti” çdo të martë në orën 20:30. Në intervistën për emisionin “Me Xhaxhiun”, Meçani, e cila ka qenë edhe zëdhënëse e kryeministrit Sali Berisha thotë se është ideologjikisht e djathtë dhe zbulon marrëdhëniet që ka pasur me kahet e tjera të politikës shqiptare.
“Unë jam ideologjikisht e djathtë por jo vetëm kam qenë anëtare e PD dhe jam edhe sot por jam një e djathtë qytetare që përpiqet të dëgjojë dhe të shikojë çdo gjë. Në jetën time, të bardhës i kam thënë të bardhë, të zezës, të zezë. Mes tyre dhe politikës dhe këtë e kam paguar shtrenjtë shpesh herë kështu që nuk do më mungojë përkatësia ime e dikurshme në gazetari. Kur e sheh politikën në mënyrë qytetare, është shumë e lirë të thuash atë që mendon.
Edhe kur kam qenë me kryeministrin Berisha, unë kam pasur marrëdhënie shumë të ekuilibruar dhe shumë të mira me të gjitha kahet e politikës shqiptare”, tha Meçani.
E pyetur se cilës prej figurave të ekranit (Eni Vasili, Ilva Tare dhe Rudina Xhunga) do të donte ti ngjante, Meçani nuk heziton të shprehë mendimin pa filtra dhe të ironizojë këdo që e mësoi gazetarinë nga kafenetë apo darkat me politikanët.
“Nuk i ngjaj asnjërës, nuk është se nuk do të doja. Nuk i ngjaj dhe as ato mua megjithëse se me disa prej tyre kemi qenë dhe kolege me Enin dhe Ilvën, kemi ecur pak a shumë në të njëjtat hapa me një dallim të madh që ato vazhduan rrugën lineare të gazetarisë, unë u shkëputa dhe kam fat tjetër që e njoh politikën nga brenda. Të jesh gazetar dhe ta njohësh gazetarinë nga kafetë apo darkat që ha me politikanët është gjë tjetër, unë as pi kafe, as ha darka me politikanët, unë kam bredhur terrenin dhe mendoj që ky është një plus”, tha Meçani.
Ndërsa për emisionin “Pushteti” që do të startojë mbrëmjen e nesërme, zbulon se tema do të jetë për zgjedhjet në ShBA, ndërsa për politikanët që do të ketë të ftuar, i njeh mirë dhe di si ti zbërthejë.
“Nuk e shmang dot aktrimin e politikanëve. Me një pjesë të tyre nuk kam pirë kafe apo kam ngrënë dreka darka, por i kam pasur bashkëpunëtorë. Ata di pak a shumë si ti zbërthej. Do të ketë teknicienë të fushës, absolutisht do ketë gazetarë, analistë”, u shpreh gazetarja dhe moderatorja e emisionit “Pushteti”.
