Bota

Yesim Demir vdiq më 6 korrik, pasi mori plagë të rënda nga rrëzimi nga shkëmbi, gati 100 metra.

Bashkëjetuesi i saj, Gursu u tha mediave në Turqi në atë kohë:

“Ne zgjodhëm shkëmbinjtë për të pasur një kujtim romantik pas propozimit që i bëra për martesë. Ne pimë pak alkool. Gjithçka ndodhi papritur. Ajo humbi ekuilibrin dhe u rrëzua.

Mirëpo bashkëjetuesi tani është arrestuar pasi familja e saj ka bërë një kallëzim penal, raportojnë mediat turke, duke pretenduar se çifti u përleshën, pasi ajo refuzoi propozimin e tij dhe se unaza e saj iu gjet në xhep, jo në gishtin e saj.

Madje dhe policia thotë se ka shenja dhune në trup.

Mbi 15 persona janë vrarë dhe 24 janë plagosur rëndë, si pasojë e sulmit me armë zjarri në Fakultetin e Arteve të Universitetit të Karlit, në Pragë të Republikës Çeke, kanë thënë shërbimet e emergjencës.

Policia ka thënë se sulmuesi, 24-vjeçar, ka qenë student i universitetit.

Trupi i pajetë i tij është gjetur në ambientet e universitetit.

Shefi i policisë Martin Vondrashek, ka thënë në një konferencë për media se shifrat mund të mos jenë përfundimtare.

Ai ka thënë se sulmuesi është inspiruar prej sulmeve të ngjashme që kanë ndodhur jashtë shtetit.

Duke folur në konferencë për media, ministri i Brendshëm Vit Rakushan, ka thënë se “nuk ka sinjale që krimi ka pasur lidhje me terrorizëm ndërkombëtar”.

Disa studentë kanë treguar në platformën X – të njohur më parë si Twitter, se kanë mbyllur dyert me mjete të ndryshme për të parandaluar sulmuesin.

Një tërmet me magnitudë 3.6, është regjistruar pak para orës 08:00 në provincën e Reggio Calabria-s.

Sipas të dhënave sizmiologjike, tërmeti e kishte epiqendrën midis Samo, Ferruzzano dhe Motticella në një thellësi prej 14 kilometrash.

Tronditja u ndje dukshëm si në Reggino ashtu edhe në Messina. Për momentin nuk raportohet për dëme apo viktima.

“Tërmeti u ndje mjaft fuqishëm. Njerëzit dolën në rrugë dhe janë ende jashtë shtëpive të tyre sepse kanë frikë,” deklaroi Paolo Pulitanò, kryebashkiaku i Samo.

19-vjeçarja e njohur braziliane dhe avokate aspirante, Maria Sofia Valim ka vdekur për shkak të komplikimeve pas një transplanti të mëlçisë.

Lajmi për vdekjen e saj u konfirmua nga babai i saj, Vitor Valim, kryebashkiak i Caucia, Ceará.

“Me dhimbjen dhe pikëllimin më të madh ju njoftoj për vdekjen e vajzës sime të dashur Sofia”, ka shkruar babai i dëshpëruar në llogarinë e tij në Instagram. “Fatkeqësisht trupi i saj nuk mundi ta duronte dhe ju falënderoj të gjithëve për lutjet dhe dashurinë tuaj gjatë kësaj kohe shumë të vështirë”, shtoi ai. Megjithatë, deri më tani, nuk ka asnjë shkak zyrtar të vdekjes nga ekzaminuesit mjekësorë në Brazil.

Vitor Valim kishte treguar më 5 dhjetor se gjendja shëndetësore e vajzës së tij ishte përkeqësuar papritur dhe ajo do të kishte nevojë për transplantim të menjëhershëm të mëlçisë. Dy ditë më vonë ai theksoi se ishte gjetur një donator dhe vajza e tij hyri në sallën e operacionit. “Pasi u ndoqën të gjitha procedurat ligjore dhe Sofia u vendos në listën e pritjes, u gjet një donator dhe peracioni ishte i suksesshëm”, tha ai në një mesazh.

Por përtej pranisë së saj në rrjetet sociale, Maria Sofia Valim ishte duke studiuar për Drejtësi, për të cilën tha se ishte “dashuria e jetës së saj” dhe qëllimi i saj ishte të bëhej një avokate e suksesshme.

Para vdekjes së saj, Maria Sofia Valim kishte krijuar një numër ndjekësish të lartë në Instagram, ku shpesh postonte foto të saj duke punuar ose me këshilla grimi dhe kujdesi për lëkurën.

Sofia nuk e fshehu dashurinë për markat luksoze dhe makinat e shtrenjta si ato të Ferrarit, fanse e të cilave ishte edhe në kampionatin botëror të Formula 1. Në një nga fotot e saj të fundit ajo shfaqet në një nga koncertet e mbajtur nga Taylor Swift në Brazil.

Por përtej pranisë së saj në rrjetet sociale, Maria Sofia Valim po studionte për Drejtësi, për të cilën tha se ishte “dashuria e jetës së saj” dhe qëllimi i saj ishte të bëhej një avokate e suksesshme./abcnews.al

Në një vilë në Bodrum të Turqisë janë gjetur të ekzekutuara me armë zjarri dhe të mbështjella me çarçaf nënë e bijë, modelja ruse Irina Dvizova 42 vjeçe dhe vajza e saj 15-vjeçare, Dayana.

Të afërmit kishin njoftuar policinë pasi kishin humbur kontaktet prej ditësh. Policia vijoi kontrollet dhe gjeti trupat e pajetë të modeles dhe vajzës së saj të mbështjellë me çarçaf.

Policia turke ka shpallur në kërkim ndërkombëtar Andrey Kuslevich, ish-i dashuri i modeles, që në të kaluarën kishte punuar edhe si shoqërues i një biznesmeni të rëndësishëm ukrainas.

Sipas mediave në Turqi, vrasja mund të ketë ardhur si pasojë e konflikteve që ish-çifti kishte në lidhje me marrëdhënien e tyre me djalin 20-vjeçar.

Në muajin qershor, Irina i ishte drejtuar gjykatës në Moskë dhe kishte bërë kërkesë që Andrey Kuslevich, shtetas lituan, të mos i afrohej djalit.

Irina Dvizova ishte një modele e njohur në Rusi, ndërsa vajza e saj, e cila kishte ardhur në Bodrum me nënën për të festuar 15-vjetorin e lindjes, sipas Daily Mail.