Aktualitet

Falë një organizimi të mirë detajuar nga bashkia, “Festa e Birrës” ka shndërruar Korçën në hapësirën masive të shesheve të tejmbushura, hoteleve, hosteleve e guest house-ve të gjitha të prenotuara nga të gjitha qytetet shqiptare e me shqiptarë nga gjithë bota, turistë e pushues të huaj dhe vizitorë nga vende të tjera.

Kështu u shpreh ministri i Turizmit dhe Mjedisit, Blendi Klosi i cili ka thënë se ajo që po ndodh është shndërrimi i një feste lokale në një traditë që sjell më shumë turistë në këtë qytet.

“Megjithëse mes – gusht, falë një organizimi të mirë detajuar nga bashkia, “Festa e Birrës” ka shndërruar Korçën në hapësirën masive shesheve tejmbushura, hoteleve, hosteleve e guest house-ve të gjitha të prenotuara nga të gjitha qytetet shqiptare e me shqiptarë nga gjithë bota, turistë e pushues të huaj, vizitorë e konsumatorë të festave nga vende të tjera. Për gati një javë shijohet birra dhe po aq festa, e vërtetë po aq sa Hashtagu i këtij këtij viti: Është festa e birrës. Nuk mund të mungosh”, ka thënë Klosi.

Ai ka theksuar se “mrekullia që po ndodh këto ditë në Korçë, nuk është as më shumë e as më pak: pikërisht shndërrimi i traditës në festë dhe i festës në traditë! “Birra Korça” me historikun e prodhimit prej 1928-ës si birra e parë shqiptare, si produkt i konsoliduar në tregun vendas e përtej, është pika e e fortë ku mbështetet kjo feste tashmë e shndërruar ne traditë e që rritet vit pas viti”.

Sipas ministrit, shndërrimi i kësaj feste në traditë është përpjekje që do të shtrihet në çdo qytet.

I cilësuar si eventi më i madh festiv në vend, Festa e Birrës mbledh çdo vit mijëra njerëz për të shijuar aromën e mrekullueshme të birrës së freskët.

Korça mund të konsiderohet një nga shembujt më domethënës të qyteteve shqiptare që shfrytëzojnë turizmin vjetor, kryesisht atë malor dhe kulturor. Me kapacitete të shtuara akomoduese dhe rritje të investimeve të brendshme, ky qytet po tenton që të tërheqë edhe më shumë vëmendjen e vizitorëve të huaj./atsh

Ëndrra dhe lule

Lule të vesitura ngelen ëndrrat.
Dashurin e tyre aq shumë e këndojmë.
Kjo esencë që marrëm me frymë në ajër.
Që e përpunojmë as vetë se kuptojmë.

Ekstazë që ke dehur vena dhe zëmër.
E na shoqëron nga do që të shkojmë.
Pikëloti tashmë tharë e harruar.
Kjo zhurmë e gazuar qetësin peshon.

E dashurinë të gjithë e duam.
Këtë dhe foshnja vetë e disponon.
S’di nëpër hapa pse më vjen zbjaduar*.
E vetë humanin më abandonon.

Moj hija e shpirtit të lashtë të bekuar.
Ngelen mbas hallet e çfarë ke shkuar.
Fëmijët të gjithë që vdekja të muar.
Kanë zënë një vënd në zëmër shtrënguar.

Zëmrën të gjithë, jo s’më toksikon.
Kjo përcjell dashuri deri sa jeton.
Jo s’ kthehesh më e kaluar me naze.
Kam Gjuhëmëmën lëndina e oaze.

Udhëtimi me avion është një nga ato hapat që e mendoni 100 herë përpara se të vendosni kur bëhet fjalë edhe për foshnje.

Por, një udhëtim i tillë mund të bëhet gjithsesi, mjafton që të keni parasysh disa rregulla që duhet të ndiqni për ta bërë udhëtimin sa më të qetë.

Moshën e foshnjës suaj: Mjeku i fëmijës suaj mund t’iu ndalojë të kryeni disa udhëtime të panevojshme menjëherë pas lindjes. Foshnjet e kanë akoma në zhvillim sistemin imun dhe udhëtimi nga ajri mund të rrisë rreziqet të preken nga një sëmundje infektive. Nëse zgjidhni të udhëtoni me një foshnje lani duart sa më shpesh ose përdorni antibakterial dhe shmangni kontaktet me udhëtarë që duken të sëmurë.

Dëgjimi i foshnjës suaj. Ndryshimi i presionit në kabinë gjatë fluturimit mund të shkaktojë ndryshim në veshin e mesëm përkohësisht, duke sjellë kështu dhimbje. Për të ndihmuar në balancimin e presionit në veshët e foshnjës, jepini të pijë nga gjiri, biberoni ose jepini pajtuesin para ngritjes dhe uljes së avionit. Kjo mund të ndihmojë që të provoni kohën e ushqyerjes së fëmijës tuaj në mënyrë që ai ose ajo të jetë i uritur gjatë kësaj kohe. Nëse fëmija juaj ka pasur kirurgji të veshit ose një infeksion të veshit gjatë dy javëve të fundit, pyetni mjekun e tij ose të saj nëse është në rregull të fluturojë.

Niveli i zhurmave në kabinën e avionit janë shumë të larta, sidomos gjatë ngritjes. Konsideroni të përdorni pambuk, kufje që zhdukin zhurmën ose tapa për veshët për të limituar sa më shumë ekspozimin nga zhurma kështu foshnja e ka më të lehtë të flejë.

Frymëmarrja e foshnjës suaj. Gjatë fluturimit presioni i ajrit në kabinë është më e ulët se në tokë. Ky ndryshim i përkohshëm nuk përbën problem për fëmijët e shëndetshëm. Por nëse foshnja juaj ka lindur para kohe, ka probleme kronike me zemrën apo mushkërinë është mirë që në këto raste të konsultoheni me mjekun e fëmijës suaj.

Ulësja e sigurt e bebes suaj. Shumë nga ulëset e fëmijëve për makina janë të certifikuara edhe për udhëtimet ajrore. Megjithatë, linjat lejojnë që fëmijët të udhëtojnë në prehrin e kujdestarit gjatë fluturimit, Administrata Federale e Aviacionit rekomandon që bebet duhet të udhëtojnë të sigurt. Nëse zgjidhni të mos blini biletë për foshnjën tuaj, kërkoni një vend të lirë në avion nëse mund ta përdorni për të.

Mos u tundoni t’i jepni foshnjës mjekime pa recetë, që t’i zërë gjumi gjatë fluturimit. Kjo nuk është e rekomandueshme dhe ndonjëherë ka efekte të kundërt. /atsh