Aktualitet

Presidenti i Republikës, Ilir Meta ka theksuar sot se duhet të reflektojmë për tkurrjen dramatike të popullsisë.

Ai është shprehur se është koha të mendojmë seriozisht për të ardhmen tonë, për t’i dhënë fund antagonizmit të paprinciptë politik që ka sjellë një erozion të tmerrshëm social

“Nisja e vitit të ri shkollor është një ngjarje e gëzueshme për shoqërinë tonë. Shumë urime pati dje. Por nga sot duhet të reflektojmë për tkurrjen dramatike të popullsisë, që po ndikon drejtpërsëdrejti edhe në sektorin e arsimit”, ka theksuar presidenti Meta.

“Çdo vit që kalon shkollat po përballen me sfidën e uljes së numrit të nxënësve. Është koha të mendojmë seriozisht për të ardhmen tonë, për t’i dhënë fund antagonizmit të paprinciptë politik që ka sjellë një erozion të tmerrshëm social, jo vetëm vlerash dhe besimi”, ka shtuar presidenti. /atsh

Ministrja e Infrastrukturës dhe Energjisë, Belinda Balluku deklaroi sot gjatë prezantimit të projektit për ndërtimin e Aeroportit të Vlorës, se “ky aeroport do të jetë një nga çelësat për të zhvilluar dhe motivuar edhe më shumë turizmin”.

“3.2 kilometra është hapësira në të cilën do ndërtohet. Ndërkohë ka një gjerësi 60 metra, duke plotësuar kështu kushtet e një aeroportit modern, duke e kthyer Vlorën në portën drejt jugut të Shqipërisë. Dhe jugu është zona ku ne po ndërtojmë strategjinë tonë të turizmit”, – tha Balluku.

Ministrja theksoi se qeveria ka një strategji të qartë të zhvillimi të aviacionit, jo vetëm sa i takon linjës ajrore, por edhe çështjes së aeroporteve, duke i shtrirë investimet nga veriu në jug.

Balluku theksoi se risi e këtij projekti është ngritja e një qendre mirëmbajtje të avionëve dhe zonës kargo, për të zhvilluar tregtinë.

“Aeroporti i Tiranës nuk mban një emër të mirë, duke parë dhe ngjarjet e fundit. Edhe pse ka emrin e “Nënë Terezës”, ky aeroport i ka prekur xhepat e shqiptarëve siç nuk do donim. Ka cenuar dhe sigurinë dhe për këtë kemi marrë masa. Ka pasur ndryshime në linjën menaxheriale në dy muajt e fundit dhe tashmë presim planin e investimeve në dy vitet e ardhshme nga grupi ri menaxherial, pasi ka kohë që nuk ka investime, pavarësisht se numri udhëtarëve ka qenë në rritje dhe vetëm në vitin e fundit ky numër ka kapur shifrën rreth 18 milionë pasagjerë”, – shtoi Balluku.

“Tani jemi këtu për të ndërtuar aeroportin ndërkombëtar i Vlorës. Një aeroport modern ku 3.2 kilometra është pista në të cilën do ndërtohet. Ndërkohë ka një gjerësi 60 metra, duke plotësuar kështu kushtet e një aeroportit modern, duke e kthyer Vlorën në portën drejt jugut të Shqipërisë. Dhe jugu është zona ku ne po ndërtojmë strategjinë tonë të turizmit”, – vijoi tha Balluku.

“Turizmi insiston, kërkon mbështetje infrastrukturore në aeroport. Prandaj dhe ky aeroport është një nga çelësat e suksesit për të zhvilluar dhe motivuar edhe më shumë turizmin. Aeroporti do ndërtohet në zonën e Akernisë, zona ku jo vetëm do të ndërtohet aeroporti, por dhe do shndërrohet në një zonë multifunksionale ekonomike me njësi tregtare, fusha sporti, vreshta për përpunimin e verës… etj”, theksoi Balluku.

Duke folur për projektin, ministrja tha se aeroporti është i ndarë në tri pjesë. “Së pari, do të jetë aviacioni civil, pra ulja e ngritja e avionëve që do aksesojnë Shqipërinë përmes këtij aeroporti. Zona e dytë është zona e kargos, pra e tregtisë. Kjo pjesë mungon në Rinas dhe jo vetëm, pasi dhe në rajon kemi vënë re se mungon. Pra, përmes këtij aeroporti, Vlora do të kthehet dhe në një nga vendet më atraktive për tregti, jo vetëm në Shqipëri, por dhe në rajon. Pjesa e tretë bën fjalë dhe për mirëmbajtjen e avionëve. Në këtë drejtim kemi pasur dhe kërkesa nga disa kompani italiane. Për të hyrë në detaje, kjo do sillte dhe rritje të kërkesës së tregut për inxhinierë avioni”, – tha Balluku. /atsh

ryeministri Edi Rama ka publikuar fotot nga projekti për ndërtimin e aeroportit ndërkombëtar të Vlorës.

Në fjalën e tij, Kreu i Ekzekutivit theksoi se ky nuk do të jetë thjeshtë një aeroport turistik. Ai theksoi se aeroporti i Vlorës duhet të jetë një aeroport më i madh se i Tiranës, me më shumë funksione se ai i Tiranës, dhe me një standard më të lartë se ai i Tiranës në tërësi.

Ai ka nënvizuar se aeroporti i Vlorës do të jetë aeroport me një pistë 3,2 kilometra, ndërkohë që Tirana e ka 2,7 kilometra dhe do të mundësojë uljen e avionëve me kapacitet të madh, jo vetëm për pasagjerët, por edhe për mallrat.

“Nuk kemi në rajon një aeroport mallrash dhe është një ekonomi më vete, me shumë interes, që me potencialin që ka zona këtu dhe me potencialin që ka vetë sot Shqipëria dhe Vlora është plotësisht i mundur”, – ka theksuar Rama gjatë prezantimit të projektit.

Një tjetër funksion i aeroportit të Vlorës, do të jetë edhe ai për riparimin dhe mirëmbajtjen e avionëve.

Të tre këto komponentë, pasagjerët, mallrat dhe mirëmbajtja e riparimi e bëjnë aeroportin e Vlorës, një aeroport ndërkombëtar të kompletuar dhe mbi të gjitha e bëjnë një qendër ekonomike, sepse kontributi në ekonomi i këtij aeroporti do të jetë shumë i ndjeshëm. /atsh

Partia Demokratike ka reaguar pas prezantimit të projektit për ndërtimin e aeroportit ndërkombëtar të Vlorës.

Në një deklaratë për mediet, sekretarit për burime njerëzore në PD, Ervin Minarolli tha se “askush nuk e di sesi u përzgjodh firma projektuese. Për të nuk është hapur asnjë garë. Nuk ekziston në letrat e shtetit shqiptar asnjë procedurë e rregullt ligjore. Askush nuk e di sa ka kushtuar projekti dhe si do të paguhet ai”.

Minarolli tha se “me aeroportin e Vlorës dhe arkitektin e dënuar Casamonti, Rama duket se po ndjek një skemë të ngjashme më atë të projektit të Teatrit Kombëtar, për të cilin bëri një ligj special, i kundërshtuar nga Komisioni Europian si një ligj në shkelje të konkurrencës së lirë”.

“Me ardhjen e Partisë Demokratike në pushtet kjo aferë do t’i nënshtrohet ligjit të ri Antimafia”, tha ai.atsh

Aeroporti që do të ndërtohet në Vlorë, do të ketë një pistë ndërkombëtare, 3,2 kilometra, ku do mund të ulen edhe avionët transoqeanikë. Nuk do jetë vetëm aeroport, por një zonë ekonomike me fusha sporti, qendra tregtare. Do jetë aeroport për uljen dhe ngritjen e avionëve, por edhe aeroport për kargo.

Arkitekti Matia Borione u shpreh se “konteksti ku do të zhvillohet situacioni është fantastik, ku kuadri ambiental është shumë delikat dhe duhet të sillemi me shumë kujdes, sidomos kur bëjmë ndërhyrje të kësaj natyre. Qasja jonë ka qenë të shkriheshim me kontekstin, me natyrën, një kontekst i cili shfaqet si fushor dhe është ideal për ndërtimin e një aeroporti”.

“Ne ndjekim zhvillimin që është parashikuar për qytetin dhe duam të bëjmë disa funksione. Ajo që është e rëndësishme te ky projekt është se do të ketë si synim fuqizimin dhe të jetë një nyje infrastrukturore për Shqipërinë dhe për të bërë këtë, duhet të funksionojë 365 ditë të vitit. Nuk mund të jetë një element i pjesshëm që të funksionojë me funksione të caktuara, duhet që kjo ndërhyrje të shoqërohet me shumë funksione të tjera p.sh., një pjesë për kantina të mëdha për një verë shumë cilësore, që mund të jetë një element shoqërues për biznesin për turizmin dhe zhvillimit urban të qytetit”, tha ai.

Borione foli edhe për krijimin e portit turistik Marina, që do t’i shërbejë aeroportit dhe zhvillimit urban të qytetit. /atsh