Aktualitet

Kryesia e Partisë Demokratike i ka propozuar Këshillit Kombëtar thirrjen për të votuar me votim të fshehtë shkarkimin e kryetarit të Këshillit Kombëtar, Edi Paloka dhe anëtarëve të kryesisë. Katër sekretarët janë Ervin Minarolli, Ivi Kaso, Belind Këlliçi dhe Ledina Mandia.

Sipas kryedemokratit kreu i Këshillit, sekretarët dhe anëtarët e tij kanë shkelur vendimin e kryesisë për thirrjen e Kuvendit Kombëtar, si dhe kryetareve të degëve të PD. Kërkohet gjithashtu shkarkimi i Albana Vokshit, Aldo Bumcit, Gent Strazimirit, Gert Bogdanit, Oerd Bylykbashit dhe Flamur Nokes.

Më poshtë vendimet e Kryesisë së PD-së:

Propozim per thirrjen e jashtezakonshme te Keshillit Kombetar per te votuar nje rezolute te posacme per situaten e krijuar ne PD.

Me votim te fshehte shkarkimin e kryetarit te keshilit kombetar, (edi paloka) anetareve te kryesise qe kane shkelur vendimin e kryesise per thirrjen e Kuvendit Kombetar, si dhe kryetareve te degeve te PD .

Propozim per shkarkimin e 4 sekretareve per te bere funskional sekretariatin./Top Channel

Deputeti i PD, Edi Paloka u shpreh në një pronocnim të shkurtër për mediat, se Kuvendi i mori sot vendimet e tij, dhe se të gjithë kanë detyrimin për t’i zbatuar ato.
Pyetjes nëse do të shkojnë për të marrë selinë, Paloka tha se ata nuk marrin asgjë me dhu në.

“Nëse selinë e PD kanë fr ikë nga demokratët, ky është fundi. Ne nuk marrim asgjë me dhu në.” – tha Paloka ndërsa shtoi se Kuvendi i mori vendimet e tij të gjithë kanë detyrimin të zbatojnë vendimet.

Kuvendi Kombëtar i Partisë Demokratike, i thirrur nga Sali Berisha, ka shkarkuar me 4446 vota pro kryedemokratin Lulzim Basha.

Pjesëmarrës në votim kanë qenë 4934 delegatë, nga të cilët 36 kanë votuar kundër shkarkimit të Bashës, ndërsa 9 të tjerë e kanë nxjerrë fletën të pavlefshme.

Rezultatet e votimit:

Delegatë prezentë në momentin e çeljes së votimit 4934

Pjesëmarrës në votim 4491

Pro shkarkimit 4446

Kundër 36

Fletë të pavlefshme 9

Ka përfunduar numërimi i votave në Kuvendin e ish-kryeministrit Sali Berisha për shkarkimin e Lulzim Bashës. Në një prononcim për mediat ish-kryeministri Sali Berisha e ka cilësuar si kufomë politike, Lulzim Bashën.

I pyetur nga gazetarët nëse do të shkojnë në selinë blu, Berisha tha se do të ndodhë sa më parë në momentin kur ta vendosim.

“Selia është aty e demokratëve. Do tv shkojmë sa më parë që ta vendosim”,- deklaroi Berisha.

Kujtojmë se nga 4491 delegatë që ishin prezente, 4446 prej tyre votuan pro shkarkimit të Lulzim Bashës dhe 36 kundër.

Kryesia e Partisë Demokratike ka marrë vendimin dr astik duke shkarkuar 11 krerët e degëve të PD-së që nuk pranuan të firmosin për Kuvendin e 11 Dhjetorit.

Burime për mediat bëjnë me dije se janë shkarkuar krerët e degëve Tropojë, Shijak, Fushë-Krujë, Tirana 1, Tirana 3, Tirana 9, Paskuqan, Devoll, Kolonjë, Vlorë dhe Gjirokastër.

Kujtojmë se vetëm pak më parë delegatët e Kuvendit Kombëtar të PD-së “shkarkuan” me 4446 vota pro kryedemokratin Lulzim Basha.

Në Kuvendin Kombëtar të PD morën pjesë mbi 4934 delagatë, mes tyre edhe pasardhësja e Çerçiz Topullit.
Në fjalën e saj delegatja Enkelejda Muçi falënderoi ish-kryeministrin Sali Berisha për këtë takim. Gjatë fjalimit të saj nuk munguan batuta, të cilat shkaktuan të qeshura tek të pranishmit në Kuvend.

“Unë jam ëndërrimtare dhe kam besim. Dita dhe momenti erdhi dhe ne nuk duhet ta lëshojmë këtë gjë të bukur që po ndodh. Ndjehem vërtet e vlerësuar sot që mu dha fjala. Ndjehem e lumtur dhe dua të ndjehem kështu për të gjitha vitet. Mbetem PD-iste dhe nuk iu hiqem qafe kurrë. Shumë miq i kam humbur ndër vite, por shpresoj që t’i rigjej prapë. Unë jam mbesa e Bajo dhe Çerçiz Topullit. Përshëndes zonjën Kokolari edhe pse nuk njihemi sepse tregoi se Gjirokastritët janë demokratë. Kam vendosur se nëse PD nuk e pranon kandidaturën time do të kandidoj si e pavarur. I kam thënë kryetarit të Bashkisë se do ta marr karrigen.

“Unë gjithashtu jam mbështetëse e thekur e Trump. Më vjen keq që në PD askush nuk e mbështeti presidentin Trump dhe për këtë kam bërë debat. Shpresoj që në zgjedhjet e 2024 PD të jetë mbështetëse e Trump sepse ishte i vetmi që donte të shkatërronte lidhjet e Soros për shkatërrimin e demokracive , jo vetëm në Shqipëri. Komunistët të vrasin me plumb, por tani të vrasin non-grata. E djathta botërore po su lmohet . Ta mbajnë PD si gjënë më të çmuar që na ka mbetur në jetë dhe ta shëndoshim me parimet konservatore sepse kjo është e vetmja mënyrë për të ardhmen e Shqipërisë dhe të rinjve që nuk duan të ikin”, është shprehur Muçi.