Aktualitet

Sekretariati i OSBE-së publikoi sot një faqe të re interneti që përmban burimet për ndihmë dhe informacione, si përkrahje e përpjekjeve për të parandaluar dhe luftuar dhunën ndaj grave.
E disponueshme në gjashtë gjuhë, www.stopvawnow.org/ është krijuar si një mjet praktik për zyrtarët, organet e zbatimit të ligjit, organizatat e shoqërisë civile dhe publikun e gjerë në Shqipëri, Bosnjë-Hercegovinë, Mal të Zi, Maqedoninë e Veriut dhe Serbi, si dhe në Moldavi dhe Ukrainë.
Faqja e internetit është krijuar enkas që përdoruesit të gjejnë informacionin që u nevojitet në mënyrë të thjeshtë e sa më shpejt, me të dhëna, udhëzime dhe kontaktet kryesore që janë të rëndësishme për secilin vend.

Nën seksionin “Kam nevojë për ndihmë”, gratë që përjetojnë dhunë mund të gjejnë informacione me kë mund të kontaktojnë nëse kërkojnë mbështetje, siç janë numrat e telefonit të OJF-ve lokale, si dhe linjat telefonike për ndihmë.

Nën seksionin “Dua të ndihmoj”, OSBE ka përpiluar hapat që qytetarët e interesuar mund të ndërmarrin për të qetësuar situata kritike, për të mbështetur gratë dhe për të rritur ndërgjegjësimin.

Seksioni “Dua informacion” jep detaje të mëtejshme mbi rezultatet dhe rekomandimet e Anketës së OSBE-së për Mirëqenien dhe Sigurinë e Grave, të botuar në fillim të këtij viti. Anketa zbuloi se 70% e grave në Evropën Jug-Lindore dhe Lindore kanë përjetuar një formë të dhunës: seksuale, fizike, psikologjike, ngacmim seksual ose përndjekje, por raportimi i incidenteve mbetet i ulët. Vetëm 15% e grave raportuan në polici incidentin më të rëndë të dhunës nga partneri aktual.

“Ky burim online bazohet në rezultatet e Anketës së OSBE-së për Mirëqenien dhe Sigurinë e Grave, e cila tregoi se gratë që kanë përjetuar një incident të dhunshëm duan më së shumti mbështetje morale dhe dikë për të biseduar”, tha Serani Siegel, menaxhere e projektit të anketës. “Sondazhi gjithashtu theksoi rëndësinë e të folurit dhe ofrimit të burimeve për gratë për raportimin e incidenteve të dhunës. Faqja e internetit do të ndihmojë në këtë drejtim dhe do t’iu mundësojë grave që të gjejnë një sërë opsionesh për raportimin e dhunës dhe marrjen e mbështetjes së nevojshme”.

Faqja e internetit është dizajnuar që të shërbejë si burim për zyrtarët qeveritarë, organet e zbatimit të ligjit, OJQ-të, akademikët dhe mediat për të kuptuar më mirë rëndësinë e këtij problemi, si dhe jep udhëzime për implementimin e politikave dhe praktikave. Duke ofruar të dhëna për këto çështje, kjo faqe ka për qëllim të luftojë qëndrimet e fajësimit të viktimave, të cilat kontribuojnë në heshtjen e viktimave.

Lançimi i faqes në internet përkon me fundin e fushatës “Thyej heshtjen” të OSBE-së më 10 dhjetor, e cila u mbajt gjatë fushatës ndërkombëtare të 16 ditëve të aktivizmit kundër dhunës me bazë gjinore. Fushata “Thyej heshtjen” u përqendrua në ndryshimin e mentalitetit dhe qëndrimeve në publik që kontribuojnë në pabarazinë gjinore dhe si pasojë, edhe në dhunën ndaj grave.

Gjatë kësaj fushate, u printuan postera, të cilat u shpërndanë nëpër stacionet policore të vendeve ku u zhvillua anketa, në të cilat u nënvizua roli i rëndësishëm i punonjësve të policisë dhe personelit në Stacionet e Policisë për mbështetjen e të mbijetuarve të dhunës.

Përdoruesit e medieve sociale dhe personat me ndikim (influencuesit) në mbarë rajonin mbështetën fushatën dhe shkëmbyen informacione mbi dhunën ndaj grave dhe mbi Anketën e kryer nga OSBE. Fushata angazhoi një numër të madh të njerëzve në rajon nëpërmjet kanaleve të medieve sociale të OSBE-së me më tepër se 39,000 njerëz të arritur në Facebook si dhe mbi 57,000 postime në Twitter dhe 16,000 të tjera në Instagram.

Filtri në Instagram, i zhvilluar posaçërisht për këtë fushatë, rezultoi në mbi 83,000 përshtypje gjatë 16 ditëve. Fushata u mbështet gjithashtu gjerësisht nga media dhe influencuesit, me një shtrirje të kombinuar prej mbi 20 milion njerëzve./atsh

“Cagli vallëzon për Shqipërinë” titullohej shfaqja e organizuar mbrëmjen e djeshme në teatrin komunal të Cagli, Itali, me pjesëmarrjen e balerinëve italianë dhe atyre të njohur shqiptarë që jetojnë në shtetin fqinj, në mbështetje të zonave të prekura nga tërmeti i 26 nëntorit në Shqipëri.

Në këtë shfaqje të organizuar nga Bernard Shehu merrnin pjesë balerinët Kledi Kadiu, Anbeta Toromani, si edhe balerinët e tjerë italianë si Alessandro Macario, Giorgia D’Emidio Irene Calagreti, Alessandro, Sara Porfini, Giuliano Santi, Marco Zingaretti, si dhe grupet e baletit Movimento e Fantasia, Nuovo Balleto Classico.

“Ndërsa jetojmë në këtë anë të Adriatikut, ne kemi shpirt dhe mendje të ndarë midis dy brigjeve. Siç ndodh për shumë prej nesh, zemra ime rreh edhe për Shqipërinë, vendin ku kam lindur, ku jam rritur, ku u edukova dhe u bëra njeriu dhe balerini i respektuar që jam sot. Ndiej dhimbje të madhe për dramën që po përjeton populli ynë për shkak të tërmetit katastrofik. Nuk është e thjeshtë të përshkruash këtë ndjenjë ngacmuese me fjalë “, është shprehur për mediet balerini Bernard Shehu.

Shehu tha se “më shumë sesa një shfaqje artistike, kjo e jona është një manifest i dashurisë dhe solidaritetit me vendin dhe popullin tonë”./atsh

Kryeministri në detyrë, Ramush Haradinaj, ka uruar besimtarët e krishterë me rastin e festës së Krishtlindjeve.

Ai uroi që Krishtlindjet të sjellin paqe nën kulmin e secilit.

“Në prag të Festës së Krishtlindjes, ua përcjell urimet më të përzemërta të gjithë shqiptarëve katolikë, besimtarëve të krishterë si dhe miqve ndërkombëtarë që shërbejnë në vendin tonë”, tha Haradinaj.

“Të nderuar qytetarë të vendit, në prag të Festës së Krishtlindjes, ua përcjellë urimet më të përzemërta të gjithë shqiptarëve katolikë, besimtarëve të krishterë si dhe miqve ndërkombëtarë që shërbejnë në vendin tonë. Si popull i një trungu, ne, për mijëra vjet kemi festuar së bashku, duke i dhënë kuptim thelbit të festës, lajmin e mirë, shpresën, faljen, dashurinë dhe harmoninë ndërmjet njerëzve. Uroj dhe punoj që kjo traditë unike të rrënjoset si parim i përhershëm dhe model për shoqërinë dhe shtetin tonë. Uroj që Krishtlindjet të sjellin paqe nën kulmin e secilit prej nesh. Buzmi le të ndriçojë e të ngrohë çdo familje!Për Shumë Mot e Jetë! tha Haradinaj/KosovaPress/

Investimet në sektorin e bujqësisë në vitin 2020 llogariten 7 miliardë lekë.

Ministrja e Financave dhe Ekonomisë Anila Denaj deklaroi sot se buxheti për ministrin e Bujqësisë dhe Zhvillimit Rural llogaritet 11.1 miliardë lekë ku fokus janë rritja e sigurisë së digave dhe parandalimi nga fatkeqësitë natyrore.

Denaj tha se kemi alokuar rreth 3.7 miliardë lekë për menaxhimin e infrastrukturës së kullimit dhe ujitjes dhe 2 miliardë lekë për sigurinë ushqimore dhe mbrojtjen e konsumatorit./atsh

Nga 1 janari i vitit të ardhshëm, qeveria adreson nga fonde buxhetore një shumë prej 3.9 miliardë lekë në mbështetje të zhvillimit rural duke nxitur rritjen e prodhimit bujqësor e blegtoral, të bletarisë, agroindustrisë dhe tregjeve të shitjes.

Ministria e Bujqësisë dhe Zhvillimit Rural për vitin 2020 i ka dhënë prioritet mbështetjes së shtuar financiare për fermerët, përmes dy programeve të rëndësishme: Skema e Mbështetjes Kombëtare dhe IPARD II-it.

Sipas të dhënave statistikore, nga fondi 3.9 miliardë lekë , 149 milionë lekë janë financim i brendshëm, 1.9 miliardë lekë janë financim i huaj dhe rreth 2,6 miliardë lekë janë shpenzime kapitale në mbështetje të investime për vepra publike.

Gjatë vitit aktual, prodhimi bujqësor vendas është rritur në 13-15% dhe sot ky sektor ka mbështetjen më të madhe financiare si ndonjëherë nga buxheti i shtetit dhe donatorët.

Rritja e investimeve në bujqësi dhe mbështetja e drejtpërdrejtë e fermerëve në këto vitet e fundit ka bërë që në harkun kohor 2017-2019, bujqësia të rrisë kontributin e saj në Prodhimin e Brendshëm Bruto me mbi 2%, ndërsa vetëm vitin e kaluar punësoi 400 mijë individë.

Politikat për zhvillim eficient të bujqësisë kanë rikthyer vëmendjen e fermerit, por dhe të sipërmarrjes për investimeve të reja në bujqësi duke bërë që prodhimi të mos jetë më çështje, por të kërkohen tregje të reja shitje, për të marrë vlerë të shtuar nga bujqësia, blegtoria e agroturizmi.

Në fondet buxhetore për Ministrinë e Bujqësisë komponenti i zhvillimit rural adreson rritje të mbështetjes për prodhimin bujqësor vendas, por edhe për qendrat e grumbullimit dhe eksportet. Ndërkohë programi IPARD II në fazën e dytë të zbatimit të tij aktualisht garanton mbi 56 milionë euro mbështetje.atsh

Kur bëhet fjalë festa, traditat e ushqimit janë një pjesë e rëndësishme e festave të Krishtlindjeve në vende të ndryshme të botës. Pothuajse çdo vend ka një ushqim të veçantë që i përfaqëson.

Pula e Krishtlindjeve në Japoni

Në Japoni, sezoni i Krishtlindjeve është koha më e mrekullueshme e vitit. Menuja krysore për festat e Krishtlindjeve në Japoni, është pula e skuqur, por jo vetëm. Japonezët gjithashtu kanë në menu një tortë speciale të Krishtlindjeve.

Kūčios, në Lituani

Kūčios, ky një ushqim tradicional i Lituanisë për Krishtlindje, që gatuhet në 24 dhjetor të çdo viti. Por ky ushqim nuk është i lehtë për tu gatuar, sepse kërkon deri në një javë kohë për t’u gatuar.

Festat për lituanezët janë një rast i mirë për të kaluar më shumë kohë me familjen, prandaj një përgatitje kaq e madhe për ushqimet që do konsumojnë është mundësia më e mirë për familjet që të mblidhen së bashku, dhe kjo tregon një arsye më shumë se pse kjo traditë ka vazhduar.

Disa nga produktet që përmban ky ushqim janë, domatet, kërpudha ose qepë, patate, karrota, kërpudha, bukë dhe boronica.

Latkes në Izrael

Që nga Mesjeta, latkes është një pjesë e rëndësishme e traditës së Hanukasit. Latkes janë patate të skuqura në vaj. Gjithashtu ka edhe ushqime apo ëmbëlsira të tjera si monedha të vogla me çokollata, që marrin fëmijët nga të afërmit.

Patë e skuqur për Krishtlindje në Gjermani

Festivali gjerman i Krishtlindjeve është historikisht i përqendruar rreth patës së Krishtlindjeve. Një traditë që daton nga Mesjeta konsumimi i patës fillimisht ishte i lidhur me Ditën e Shën Martinit, por më pas u bë pjesë e menusë së Krishtlindjeve. Shpesh e mbushur me mollë, gështenja, qepë dhe kumbulla të thata, pastaj i pjekur me borzilok. Shërbehet me lakër të kuqe, lëng mishi dhe lakër turshi. Receta më e vjetër e njohur për këtë pjatë vjen nga një libër gatimi i botuar në 1350, Das Buch von guter Speise.

Panettone në Itali

Italia ka shumë tradita kur bëhet fjalë për darkën e Krishtlindjeve. Në disa vende të Italisë, italianët gjatë Krishtlindjeve konsumojnë shtatë peshq të ndryshëm të përgatitur në shtatë mënyra të ndryshme. Ëmbëlsirat gjithashtu luajnë një rol të rëndësishëm gjatë sezonit të festave dhe në veri të Italisë, një nga ëmbëlsirat më të famshme të festave është panettone, një tortë me fruta të thata, çokollatë, rrush të thatë dhe arra.

Pudingu i Krishtlindjeve në Angli

Kjo pjatë mund të marrë shumë emra. Por anglezët e quajnë këtë pjatë, pudingun e Krishtlindjeve. Kjo ëmbëlsirë nuk është traditë vetëm për Anglinë por edhe për Irlandën dhe disa vende të SHBA.

Ky Puding është i gatuar kryesisht nga kastravec, vezë, erëza dhe fruta të thata, pudingu i Krishtlindjeve është lagur me raki para se të shërbehet.

Bûche de Noël, ëmbëlsira e Krishtlindjeve në Francë

La Büche de Noël është një ëmbëlsirë që përfaqëson simbolikisht trungun e trëndafilit. Ngjan pak a shumë si një tiramisu, edhe pse në formë role, përmban mascarpone, krem karamel ​​dhe limon.

Bullgaria

Kolivo, gruri i zier me sheqer dhe arra, është shpesh ushqimi i parë që shfaqet në tavolinat e bullgarëve gjatë Krishtlindjeve. Ngjan me një puding, njësoj si Rusi. Ndonjëherë shërbehet me mjaltë, dhe përmban fruta të thata. Mund të përgatitet në shumë mënyra të ndryshme. Shpesh lidhet me traditat ortodokse. Përveç Bullgarisë, kjo ëmbëlsirë është parë si traditë edhe në Serbi, Rumani, Gjeorgji dhe Ukrainë.

Melomakarona , Greqia

Biskotat e ëmbël me shije portokalli ngjyhet në mjaltë dhe e mbulon me arra. Të njohura si njohur si melomakarona, këto biskota shpesh thuhet se të shijojnë më shumë se bakllavaja.

Bacalao në Meksikë

Bacalao, është një ushqim i veçantë për shumicën e vendeve, por është një pjatë e zakonshme në Meksikë. Në Meksikë, Bacalao a la Mexicana gatuhet me domate, qepë, patate dhe ullinj.

Saffron Buns në Suedi

Këto janë disa ëmbëlsira karakteristike që gatuhen për Krishtlindje në Suedi. Pjatë të parë është zakonisht kanë peshk, pjatë të dytë kanë kryesisht ushqime të ftohta si proshutë, ndërsa ëmbëlsira e fundit është kjo pjatë karakteristike suedeze.

Derri i skuqur në Filipine

Ushqimi kryesor që konsumohet në Filipine për Krishtlindje është një super pjatë gjigante me derrin e skuqur. Sigurisht që konsumojnë dhe ushqime të tjera, si peshk, kërpudha, perime dhe turshi.

Amerikanët vazhdojnë të dhurojnë kek me fruta

Ky kek është traditë nga çdo familje amerikane të dhurohet te të afërmit e tyre kur shkojnë për vizitë./atsh