Aktualitet

“Kjo natë e shenjtë të zbusë dhimbjet, të lehtësojë vetminë”, ishte urimi i veçantë i zgjedhur nga Ministrja e Shtetit për Marrëdhëniet me Parlamentin, njëherazi kryetare e Partisë Socialiste të Tiranës, Elisa Spiropali, për t’i uruar besimtarëve katolik dhe ortodoks Krishtlindjet.

Më vajzën Nalta në krahë, e tek mbajnë një qiri në dorë, Spiropali iu drejtua me një mesazh të gjithë shqiptarëve e veçanërisht familjarëve që humbën të afërmit nga tërmeti i 26 nëntorit, duke i uruar që “kjo natë e shenjtë të zbusë dhimbjet, të lehtësojë vetminë”.

“Uroj që kjo natë e shenjtë të zbusë dhimbjet, të lehtësojë vetminë, të largojë fatkeqësinë që goditi jetët e njerëzve tanë! Zoti qoftë me ju dhe familjet tuaja, sonte dhe gjithmonë”-, shkruan ministrja Spiropali. /atsh

“Nëse ka besim, asgjë nuk është e pamundur”-, thekson Ministrja e Mbrojtjes, Olta Xhaçka, duke uruar besimtarët Katolik dhe Ortodoks për ditën e shënuar të Krishlindjeve.

Sipas saj, dita e Krishtlindjeve është ditë shprese, është dita për të shëruar brengat e për të rigjetur fuqitë e besimin për një të ardhme më të mirë! Gëzuar Krishtlindjen.

“Sot është një ditë shprese! Një ditë për të kujtuar se nëse ka besim, asgjë nuk është e pamundur! Është dita për të shëruar brengat e për të rigjetur fuqitë e besimin për një të ardhme më të mirë! Gëzuar Krishtlindjen!”-, thekson Xhaçka në urimin e saj. /atsh

Si gjithnjë, por veçanërisht në festat e fundvitit, qyteti i serenatave të mikpret me një pamje mahnitëse.

Dekori i veçantë në rrugët dhe sheshet, veçanërisht në Pazarin e Vjetër të Korçës, i ka dhënë qytetit një bukuri magjepsëse për Krishtlindje, duke e shndërruar sërish në destinacionin kryesor në Shqipëri që qytetarët zgjedhin për të kaluar festat e fundvitit.

Të shumtë ishin qytetarët që zgjodhën sërish Korçën për të festuar edhe këtë Krishtlindje.

Pazari i Vjetër dhe pista e patinazhit duket se mbeten më të frekuentuarat për ata që vijnë nga qytete të ndryshme të vendit si edhe turistë të huaj.atsh

Kryeministri Edi Rama uroi sot të gjithë besimtarët katolikë dhe të krishterë për festën e Krishtlindjes.

Rama ka zgjedhur një mënyrë mjaft të veçantë për të uruar Krishtlindjen, duke postuar një fotografi, ku është i rrethuar nga fëmijët.

“Gëzuar Krishlindjen”, – shprehet Kryeministri Rama.

Në mbarë botën besimtarë katolikë dhe ortodoksë festojnë sot Krishtlindjen, lindjen e Jezu Krishtit. /atsh

Kryeministri Edi Rama përcolli mëngjesin e sotëm fjalët e Papa Franceskut në rubrikën “Fjalët e Shenjta” që nisën si apel solidariteti pas tërmetit të 26 nëntorit.

“Zoti nuk u jep kurrë një dhuratë atyre që nuk janë në gjendje ta marrin. Ai na ka dhënë Krishtlindjet, sepse të gjithë ne kemi aftësinë t’i kuptojmë e t’i mirëpresim”, citoi Rama fjalët e Papa Franceskut, në ditën e Krishtlindjeve.

Kryeministri Rama ka përcjellë këto javë apelin e solidaritetit dhe ndihmës njerëzore ndaj të prekurve nga tërmeti i 26 nëntorit, duke cituar fjalë të shenjta nga librat e shenjtë, por edhe nga personalitetet botërore. /atsh