Sipas Shërbimit Meteorologjik Ushtarak moti për ditën e sotme parashikohet i kthjellët me vranësira kalimtare në mëngjes.
Parashikohen ngrica në zonat malore dhe ato kodrinore në mëngjes e mbrëmje.
Era do të fryjë me drejtim Veri – Veriperëndim 1-8m/sek, përgjatë vijës bregdetare
jugore me shpejtësi deri në 13m/sek.
Valëzimi i forcës 3-4 me lartësi vale 0.8-1.2metër.
Temperaturat parashikohen:
QYTETET
Temperaturat në °C
Shkodër 0/11 Re diell
Kukës -0/9 Re diell
Lezhë 7/12 Re diell
Dibër -3/7 Re diell
Durrës 4/12 Diell
Tiranë 2/12 diell
Elbasan 1/13 diell
Berat -1/15 diell
Vlorë 4/14 diell
Korcë -4/4 Re diell
Gjirokastër -3/11 Re diell
Sarandë 7/16 Re diell/atsh
“Bëj atë që zemra të thotë është e drejtë – në çdo rast do të të kritikojnë. Do të të shajnë po e bëre, po s’e bëre prapëseprapë do të të shajnë”.
Kryeministri Edi Rama zgjodhi sot fjalët e Eleanor Roosevelt, ish-Zonjës së Parë të Shteteve të Bashkuara të Amerikës (mars 1933 – prill 1945), gjatë kohës së mandatit të bashkëshortit të saj, Franklin D. Roosevelt për 4 herë rresht.
Duke cituar fjalë të shenjta nga librat e shenjtë, por edhe nga personalitete botërore, Kryeministri Rama ka përcjellë këto javë apelin e solidaritetit dhe ndihmës njerëzore ndaj të prekurve nga tërmeti i 26 nëntorit.
Ana Eleanor Roosevelt (11 tetor 1884 – 7 nëntor 1962) ishte politikane, diplomate dhe aktiviste për të drejtat e njeriut.
Presidenti Harry S. Truman do ta quante më vonë “Zonja e Parë e botës” në nder të arritjeve të saj në fushën e të drejtave të njeriut.
Ajo ka shërbyer si e dërguar e Shteteve të Bashkuara të Amerikës në Asamblenë e Përgjithshme të Organizatës së Kombeve të Bashkuara./atsh
Kryeministri Edi Rama, në videomesazhin e publikuar prej tij me rastin e ndërrimit të viteve, duke uruar shqiptarët për një vit sa më të mbarë dhe të bekuar nga Zoti, tha se është detyrë e gjithësecilit për ta bërë këtë vend më të mirë, më të sigurt e më të begatë për fëmijët tanë.
“Teksa lëmë pas vitin 2019 dhe me të drejtë duam shumë më tepër, jo vetëm sesa çfarë na dha ky vit i vështirë, po në përgjithësi për vendin, familjen e fëmijët tanë, mendoni sidoqoftë ku ishim dhjetë vjet më parë”, – tha Rama.
“E di, e di, e di që shumëkush nga ju do të më hidhej në fyt tani e do të më thoshte, kushedi sesa shumë gjëra për botën që fluturon e për Shqipërinë që mezi ecën, po në fakt nuk është kështu, nuk është aspak kështu, dhe jam gati të debatoj, me ditë e me netë me ju për këtë”, – shtoi Kryeministri.
“Por ky s’është rasti për t’ju bezdisur me shifra e me fakte, po është rasti për t’ju thënë, se ndërkohë që një vit i ri po vjen me një dekadë të re përpara nesh, mendojeni edhe ju bashkë me mua, se sa dhe si mund të bëjmë ne shqiptarët për Shqipërinë, katër a pesë herë më shumë sesa në dekadën që po lemë pas. Është jo vetëm e mundur, po është ajo që duhet të bëjmë”, – u shpreh Rama.
“Zoti çon dritë e çon tërmete, po nuk çon dhurata mbi këtë tokë. E kemi ne për detyrë ta bëjmë më të mirë, më të sigurt e më të begatë për fëmijët tanë. Është detyra jonë të mos i trembemi të përpjetave sfiduese të së ardhmes dhe të mos biem në tatëpjetat e përbaltura të së shkuarës. Është sfida jonë të mos dorëzohemi përpara vështirësive në arritjen e rezultateve dhe të mos gënjejmë veten me rezultatet sa hap e mbyll sytë në kafene”, – nënvizoi Rama.
“Është e jona dhe vetëm e jona, e njerëzve përtej kufirit të adoleshencës, që të mos e humbasim durimin në përballjen me realitetin dhe të mos e lëshojmë gojën e veten në mexhelisin e komunikimit të ulët, sharjeve e shpifjeve, që rrezikojnë të infektojnë si një sëmundje kronike edhe fëmijët tanë. Ky vend i ka të gjitha që ne t’ia dalim në krye të përpjetës ku po ngjitemi me vështirësi, për ta bërë Shqipërinë një shtet normal, funksional, social. Po ne duhet të kemi vullnetin, vendosmërinë, përkushtimin dhe mbi të gjitha vetëdijen, se kjo kërkon kohë, durim, punë e bashkim”, – bëri thirrje Kryeministri.
“Bashkim në qëllime, jo në bindje politike. Bashkim fuqish pozitive, jo forcash politike. Bashkim për të jetuar në një vend ku askush nuk duhet të jetë kurrë vetëm. Unë ju falenderoj nga zemra të gjithëve, juve që më keni besuar, mbështetur, inkurajuar, po edhe juve që nuk më keni besuar a më keni gjykuar keq, po sidoqoftë më keni ndjekur në punën time.
Në fund të ditës koha ikën, vitet ikin, kryeministrat vijnë e shkojnë, të gjithë jemi kalimtarë në këtë tokë. Çka mbetet është Shqipëria dhe kombi ynë. Le të vazhdojmë të bëjmë së bashku më të mirën për Shqipërinë e për kombin shqiptar dhe më e mira u bëftë për ju e gjithkënd ju do zemra!
Gëzuar Vitin e Ri 2020 dhe ardhtë i lehtë, me shëndet e mbarësi në familjet tuaja. Zoti e bekoftë Shqipërinë!” – përfundoi Rama videomesazhin e tij. /atsh
Viti 2020 duhet të shënohet si viti i vënies përpara lupës së ligjit të çdo pasurie që buron nga krimi. Për këtë, ne jemi gati për ofensivën më shembullore ndaj botës së krimit dhe kapedanëve të asaj bote, të cilët do t’i përballim me Forcën e Ligjit”, – u shpreh Kryeministri Rama në mesazhin drejtuar shqiptarëve me rastin e Vitit të Ri 2020.
“Me të nisur viti i ri, tërmeti i shtetit do të bjerë në themelet e botës së krimit që i bëjnë karshillëk komunitetit, shoqërisë dhe këtij vendi, i cili nuk e meriton njollën e pisllëkut të tyre në sytë e botës. Kush ka kryer krime duhet të provojë pastërtinë e burimeve të pasurisë ose duhet ta humbasë pasurinë”, – theksoi Kryeministri.
“Viti 2020 duhet të shënohet si viti i fillimit të një historie të re shqiptare, në administrimin e në zhvillimin e bregdetit të mrekullueshëm të Shqipërisë”, – shtoi ai, duke theksuar se zaptimi i plazheve dhe pamundësia e njerëzve të këtij vendi për të zgjedhur, sipas dëshirës e mundësisë së tyre, nëse duan të shkojnë në një plazh publik apo në një plazh me pagesë, duhet të marrin fund.
“Po kjo është vetëm A-ja, sepse me radhë, duhet të ndalohet çdo lloj ndërtimi i mëtejshëm pa plan, pa kuptim, pa cilësi e pa asnjë përputhje me ambicien e Shqipërisë turistike. Shqipëria ka nevojë për projekte dhe investime që e kthejnë potencialin e vijës sonë bregdetare, në një burim fuqie ekonomike transformuese dhe krenarie kombëtare”, – theksoi Rama.
“Viti 2020 duhet të shënohet si viti i nisjes së investimeve të huaja serioze në vijën bregdetare dhe i investimeve vendase të cilësisë së parë, duke krijuar kapacitete pritëse për turizmin e shtrenjtë, që sjell më shumë të ardhura dhe krijon më shumë vende të reja pune të paguara më mirë”, – theksoi ai.
“Viti 2020 duhet të shënohet si viti i zgjidhjes përfundimtare të problemit të pronës për dhjetëra-mijëra familje në fshat që janë kthyer në kufijtë e vjetër pa asnjë konflikt me fqinjët rreth tyre. Kanë 30 vjet që presin në tokën e stërgjyshërve dhe as e shesin dot, as aplikojnë dot për financime nga shteti ose nga institucionet financiare, sepse nuk e gëzojnë dot ligjërisht, pasi e kanë të pamundur ta regjistrojnë”, – theksoi Kryeministri Rama.
Dhe jo vetëm kaq, sipas Ramës, “falë ndryshimeve të mëdha ligjore që duhet të kalojmë në fillim të vitit të ri, të adresojmë dhjetëra-mijëra dosje të mbetura pezull në procesin e legalizimit të tokës a të banesës, si rezultat i bllokimeve ligjore”. /atsh
Ministrja e Mbrojtjes Olta Xhaçka ka uruar shqiptarët dhe të dëmtuarit nga tërmeti për vitin e Ri, 2020, si dhe ka vlerësuar punën e Forcave të Armatosura pas tërmetit të 26 nëntorit.
Ministrja Xhaçka në urimin e saj thekson se ky fundvit është shumë ndryshe, tragjedia e 26 nëntorit është e freskët,
“E di që ky fundvit është shumë ndryshe. Tragjedia që goditi vendin në 26 nëntor është ende e freskët. Është ende e freskët dhimbja për jetët e humbura. Është ende e freskët trauma dhe frika. Janë ende mes nesh pasojat e asaj ngjarje, sepse sot mijëra qytetarë, burra, gra, fëmijë e të moshuar janë të detyruar ta kalojnë festën e Vitit të Ri larg shtëpive të tyre. Urimet e mia shkojnë mbi të gjitha për ta. Nuk jeni vetëm. Nuk do t’ju lëmë kurrë vetëm dhe do të bëjmë gjithçka që së shpejti jetët tuaja t’i rikthehen normalitetit”, shprehet ajo. Është e lehtë të humbasësh kurajën e optimizmin kur përballesh me një fatkeqësi të tillë. Por është kjo arsyeja përse ne sot, më shumë se kurrë, kemi nevojë të besojmë tek e ardhmja, të kemi shpresë”, shprehet ajo.
Ministrja Xhaça theksoi se Forcat e Armatosura u ngritën në lartësinë e detyrës në mëngjesin e 26 nëntorit
“Unë besoj që pavarësisht tragjedisë që kaluam, ne kemi sot shumë arsye për t’u ndjerë mirë e për të qenë optimistë. I gjej këto arsye tek shfaqja solidariteti mbresëlënës që treguan shqiptarët pas tragjedisë. I gjej këto arsye tek fakti, që ne s’jemi vetëm, por kemi miq e partnerë në mbarë botën që na u gjendën e do të na gjenden për ta kaluar këtë fatkeqësi së bashku! Por një arsye e gjej edhe mes mijëra burrave grave që punojnë në Forcat e Armatosura e që mëngjesin e 26 Nëntorit u ngritën në lartësinë e detyrës.Vetëm 1 orë pas goditjes së tërmetit, ata lanë familjet e tyre dhe ishin në terren, duke ndihmuar qytetarët e duke shpëtuar jetë!Kurrë nuk jam ndjerë më krenare për Forcat e Armatosura sesa atë mëngjes”, theksoi ajo.
Po ashtu Xhaça shprehet se shpreh besimin për kapërcimin e situatës post tërmet.
“Dhe sot, në këtë pragfillim viti kam bindjen, që të gjithë së bashku do t’ia dalim ta kapërcejmë këtë situatë të vështirë dhe t’i hapim rrugë një të ardhmeje më të mirë, më të bukur për të gjithë. Me shumë punë, shumë besim, shumë solidaritet dhe duke punuar së bashku!Gëzuar vitin e ri! Gëzuar 2020!”, shprehet ajo. /atsh
Nga sot qytetarët çlirohen nga taksa e dhurimit të pronës brenda familjes, nga prindërit tek fëmijët, mes bashkëshortëve si dhe mes vëllezërve dhe motrave.
Drejtori i Politikave Fiskale në ministrinë e Financave dhe Ekonomisë, Niko Lera në një intervistë për ATSH-në deklaroi se ligji e parashikonte pagimin e taksës prej 15 % jo vetëm në rastet kur shitej banesa, por edhe në rastet kur dhurohej.
“Kemi patur kërkesë të shtuar të individëve që kanë privatizuar banesën në 1992 dhe tashmë babai kërkon t’ja lerë fëmijës atë pjesë që i takon, ashtu sikundër në rastet kur motra është martuar dhe kërkon ti lenë pjesën e saj vëllait”, shprehet Lera./atsh
Kryeministri Edi Rama, ka zgjedhur sot në rubrikën ‘Fjalë të Çmuara’ një mesazh nga Ati i Shenjtë, Papa Françesku.
“Hiqni telefonët dhe komunikoni me njëri-tjetrin. Hiqni nga duart edhe kur drekoni e flisni. Ju dini vetëm të çatoni dhe keni harruar komunikimin”, shprehet Rama duke cituar apelin e Papa Françeskut./atsh
Marrja e kryesisë së radhës së OSBE-së është vërtet një moment historik për Shqipërinë duke qenë një vend nën regjimin mizor komunist që kundërshtoi Aktin Final të Helsinkit dhe ne ndihemi të nderuar të udhëheqim këtë organizatë. Kryesia e OSBE-së shënon pikën kryesore të transformimit tonë të rëndësishëm, deklaroi kryeministri njëkohësisht dhe ministri për Europën dhe Punët e Jashtme, Edi Rama në marrjen e postit të Kryetarit në Detyrë të organizatës rajonale të sigurisë, shkruhej në faqen zyrtare të Organizatës për Siguri dhe Bashkëpunim në Europë, OSBE.
“Vizioni ynë për kryesinë shqiptare të OSBE-së për vitin 2020 udhëhiqet nga tre objektiva të rëndësishme, përqendrimi në baza duke zbatuar së bashku dhe me mirëbesim, tërësinë e angazhimeve tona politike, ndryshime në terren, qoftë këto në parandalimin e përshkallëzimit të një konflikti, monitorimit të zgjedhjeve ose mbështetjen e reformave, apo përmirësimit të sigurisë dhe prosperitetit të qytetarëve tanë dhe duke vazhduar forcimin e dialogut të frymëzuar nga 30 vjetori i Marrëveshjes së Parisit”, deklaroi Rama.
Prioritetet e kryetarit të Shqipërisë përqendrohen në të treja dimensionet e konceptit gjithëpërfshirës të sigurisë së OSBE-së.
Rama theksoi disa nga çështjet kryesore që do të paraqiten në axhendë.
“Kriza në Ukrainë dhe rreth saj mbetet sfida më e urgjente e sigurisë në Europë. Përpjekjet për zgjidhjen e konflikteve do të jenë në krye të axhendës së kryesisë shqiptare, pasi është e papranueshme që konfliktet e zgjatura në rajonin tonë vazhdojnë të marrin jetë njerëzish. OSBE-ja ka dëshmuar se është një organizatë që jo vetëm mund të gjendet shpejt në zonat e konfliktit, por ndonjëherë, mund ta bëjë këtë kur askush tjetër nuk mundet”, deklaroi Rama.
“Gratë vazhdojnë të vuajnë më shumë nga joqëndrueshmëria dhe konfliktet. Ato gjithashtu janë përjashtuar nga bisedimet e paqes. Kjo është arsyeja pse do të përqendrohemi në ndalimin e dhunës ndaj grave dhe në promovimin e rolit të gruas në paqe dhe siguri. Për sa i përket kësaj temë, ne kemi një histori pozitive. Gjysma e ministrave të mi të kabinetit qeveritar janë gra, një e treta e deputetëve të parlamentit shqiptar janë gra dhe Shqipëria renditet ndër pesë vendet e para në botë për pjesëmarrjen e grave në qeveri dhe ndër vendet e larta në botë për e numrin e grave në çështjet publike”, theksoi Rama.
Ai vuri në dukje se korrupsioni, gërryen themelet e demokracive dhe ka një ndikim negativ në mbarëvajtjen dhe sigurinë e rajonit, si dhe në kërcënimet trans-kombëtare. Duke u bazuar në vrullin e krijuar nga kryesitë e mëparshme, Rama theksoi se do të përmirësojnë punën e OSBE-së në luftën kundër korrupsionit dhe promovimit të qeverisjes së mirë.
Kryetari aktual i OSBE-së deklaroi se “trafikimi i qenieve njerëzore nuk është thjesht rrezik sigurie, por edhe një shkelje e rëndë e të drejtave të njeriut. Duke qenë se OSBE njihet gjerësisht si lider global në luftën kundër trafikimit të qenieve njerëzore, në vitin 2020 ne do të vazhdojmë të ruajmë aktivitetin e OSBE-së në këtë fushë”.
“Së fundmi, në Europë po përhapen jotoleranca dhe gjuha e urrejtjes. Duhet të intensifikojmë përpjekjet tona për të mundur diskriminimin dhe për të promovuar të drejtat e njeriut dhe liritë themelore”, shtoi Rama.
Kryetari i ri në detyrë theksoi se receta e Helsinkit për paqen në Europë është e thjeshtë, por efektive. Zbatimi i të gjitha parimeve të Helsinkit, përfshirë këtu respektimin e sovranitetit dhe integritetit territorial, dhe respektimin e të drejtave të njeriut dhe lirive themelore.
“Nëse duam siguri dhe paqe në Europë, duhet të marrim të gjithë përgjegjësinë për zbatimin e plotë të angazhimeve tona. Kjo është thelbësore për besueshmërinë e OSBE-së si organizata më e madhe rajonale e sigurisë dhe për të gjitha shtetet e saj pjesëmarrëse dhe si mënyra e vetme për të rindërtuar besimin mes nesh. Promovimi i masave për ndërtimin e besimit dhe përdorimi i plotë i dialogut të strukturuar janë gjithashtu thelbësore për këtë përpjekje”, theksoi Rama.
“Besoj se kemi hartuar një program realist dhe të ekuilibruar, në konsultime të gjera me kryeqytetet dhe në Vjenë. Gjatë gjithë vitit të ardhshëm, Shqipëria do të jetë një kryesi e hapur dhe gjithëpërfshirëse. Ju garantoj se do të dëgjohen zërat e secilit shtet pjesëmarrës dhe vendimet do të merren në mënyrë transparente, duke mbështetur vlerat dhe parimet tona të përbashkëta. Suksesi ynë do të jetë suksesi i të gjitha 57 shteteve pjesëmarrëse”, përfundoi Rama.
Kryeministri njëkohësisht dhe ministri për Europën dhe Punët e Jashtme, si dhe Kryetari i OSBE-së Edi Rama, do t’i paraqesë Këshillit të Përhershëm të OSBE-së përparësitë e Shqipërisë më 9 janar në Vjenë./ atsh
